Nominados aos Globos
A Asociación de Prensa Estranxeira en Hollywood ven de anunciar aos seus nominados para a 66ª Gala dos Prémios Globo de Ouro. Estes galardóns serán entregados o vindeiro 11 de xaneiro de 2009 no The Beverly Hilton (Los Angeles) e entre os candidatos hai este ano unha boa dose de xénero fantástico.
Así, o filme fantástico The Curious Case of Benjamin Button levou-se as mais importantes nominacións, e entre elas á Millor Longametraxe dramático, ao Millor Actor (Brad Pitt), Millor Director (David Fincher), Millor Guión (Eric Roth) e á Millor Banda Sonora (Alexandre Desplat).
Os candidatos á millor longametraxe de debuxos animados foron os tres de xénero: Bolt, Kung-Fu Panda e Wall-E. E dous deles, Wall-E e Bolt, levaron ademáis senllas nominacións á millor canzón orixinal.
E tal e coma se agardaba, Heath Ledger levou unha nominación a título póstumo ao millor actor secundário polo seu papel do Joker en O Cabaleiro Escuro.
No apartado de televisión, a série True Blood da HBO, que en España emite Canal+ obtivo a nominación á millor série dramática e ademais á millor actriz (Anna Paquin).
0 Comentários
Ti podes ser o primeiro en comentar este artigo!.