Poxa polo primeiro de Harry Potter

A River Road Entertainment ven de se facer cos dereitos para levar ao cinema a primeira novela de Karen Thompson Walker, The Age of Miracles. O filme é a história da chegada á maioría de idade dunha rapaza e un drama familiar ambientado no decurso dunha catástrofe mundial causada pola ralentización da rotación da Terra. O guionista será Seth Lochhead (Hanna) e Bill Pohlad (The Tree of Life) producirá.

A Alliance Films está a preparar unha secuela do seu éxito do ano pasado Insidious, o filme de pantasmas e terror escrito e dirixido por James Wan e Leigh Whannell e que cun orzamento de 1,5 millóns de dólares recadou 150 millóns en todo o mundo. Ainda non se sabe se os protagonistas Patrick Wilson e Rose Byrne repetirán os seus papéis, pero a rodaxe deberá escomenzar a finais deste ano.

O guionista de Gran Torino, Nick Schenk, será o encargado de escribir o argumento de RoboCop, o relanzamento do persoaxe que prepara a MGM baixo a dirección de José Padilha. O duo xa traballara xunto no thriller de acción Tri-Border. A rodaxe escomezará este verán, pero antes deberá dar-se a coñecer o reparto.