Raimi e o Substituto
A produtora do afamado director de Spiderman, Sam Raimi, a Ghost House Pictures, ven de lanzar un novo selo, o Spooky Pictures, que funcionará de xeito independente para producir thrillers dirixidos a unha audiéncia familiar.
Deste xeito, o primeiro proxecto na ringleira será The Substitute, que suporá o remake dun thriller danés que vai sobre unha clase de alumnos de sexto curso que están aterrorizados tentando convencer aos seus pais de que o seu novo profesor sustituto é un malvado ente alieníxena.
Scott Derrickson (The Day the Earth Stood Still, The Exorcism of Emily Rose) será o director e coguionista xunto a Paul Harris Boardman. A Sony Pictures, que ten un acordo coa Spooky, será a que cofináncie e distribúa este primeiro proxecto.
0 Comentários
Ti podes ser o primeiro en comentar este artigo!.