Finou Joseph Pevney

En breve

O planeado remake ou relanzamento da franquía de Robocop ven de fracasar mesmo antes de nacer, segundo revelou o xornal económico inglés The Financial Times. O director Darren Aronofsky (The Wrestler) ven de abandoar o proxecto, que considerando a actual situación económica de crise estrema da Metro, póde-se considerar xa oficialmente morto. O ano pasado Aronofsky e David Self estiveron a traballar no guión do filme.

Laurence Fishburne terá un papel de médico no vindeiro thriller de terror de Steven Soderbergh Contagion. A rodaxe do filme arrinca este outono e no seu reparto xa figuran Matt Damon, Kate Winslet, Jude Law, Gwyneth Paltrow e Marion Cotillard, é dicir, todo un grupo de actores de primeira liña que fai prever que esta será unha das grandes apostas dos estudos para o ano que ven.

A lista de nominados para os Emmy xa se fixo pública e entre os candidatos atopamos unha boa dose de xénero fantástico: Perdidos (12 nominacións), The Big Bang Theory (5), True Blood (5), Flash Forward (3), The Prisoner (2), Stargate Universe (2) e Caprica, Chuck, Fringe, Heroes, V, Virtuality, e Warehouse 13, todos con cadansua nominación.