Inicio »
A Estraña Emily
A icona gótica de milleiros de adolescentes Emily the Strange será adaptada ao cinema grazas á Dark Horse Entertainment. O filme narrará a orixe do persoaxe e mais dos seus catro misteriosos gatos.
O patinador Rob Reger creou a este persoaxe nos anos 90 coa intención de utiliza-la en autocolantes, camisetas e monopatíns que vendería a súa empresa, Cosmic Debris. Dende aquela, Emily ven adornando unha ampla variedade de merchandising, incluindo xoguetes, accesórios escolares, e moitos aparellos. En 2005 apareceu por primeira vez nunha série de cómic editado pola Dark Horse Comics, Emily the Strange nº1: Chairman of the Bored. O persoaxe, que adoita apoarecer xunto aos seus catro gatos, converteu-se axiña nunha icona para as rapazas seguidoras do estilo gótico e nunha figura do anticonformismo feminino. Reger continúa a ser o director creativo do persoaxe e ún dos vários artistas responsábeis de Emily.
O presidente da Dark Horse Entertainment, Mike Richardson, supervisará o proxecto. Xa ten algunha experiencia no cinema de xénero porque foi o produtor dos dous filmes de Hellboy, así coma de 30 Days of Night. El e mais Reger están á procura dun director. A elección do realizador podería indicar de que tipo pode ser o filme: acción real, animación ou unha combinación de ambas as dúas. O proxecto ainda non ten o apoio de ningún estudo, ainda que a Universal ten moitas papeletas ao ser pareceiro noutros negócios coa Dark Horse.
O argumento ainda está gardado en segredo, pero Reger dixo que ofrecerá algo da história de Emily e que aparecerán os seus catro gatos: Sabbath, Nee-Chee, Miles e Mystery. Tamén sairán 13 novos persoaxe con nomes coma Earwig, Umlaut, McFreeley e mais o oficial Summers. A história será adaptada asemade nunha novela xuvenil que publicará a HarperCollins o ano que ven.
Reger, influenzado polo Dr. Suess e por M.C. Escher entre outros nos seus deseños, dixo que a popularidade de Emily débe-se ao senso de moda punk do persoaxe, a limpeza e a calidade gráfica do seu deseño, aos seus acompañantes felinos e ao mensaxe de poder que ela representa.
“Na vida todo o mundo, especialmente na adolescéncia, tentpou procurar-se a si mesmo e sentiu que non encaixaba“, dixo Reger. “Emily representa a esa persoa, pero baixo unha luz positiva. Ela prefire ser diferente e mirar ás cousas dun xeito de seu. É un grande modelo de comportamento para a xente para que pensen por si mesmos“.
E engadiu: “Foi ún dos meus moitos deseños que simplemente ficou. Lembro que tres anos despois de crea-la ainda pensaba: ‘A xente ainda fai pedidos da mesma camiseta!’ Ten que haber algo aí“.
Outras novas:
Ainda non hai comentários
Chegaches tarde! os comentários desta nova xa están pechados.
En breve
O vindeiro 7 de abril às 4 do serão terá lugar no Auditório da Biblioteca Almeida Garrett na Rua de Entrequintas nº 268, em Porto, a apresentação do nº 2 da Fénix fanzine. O Auditório está situado nos jardins do Palácio de Cristal e a entrada faz-se pela Rua de Entrequintas, onde teremos os autores e outros convidados a falar sobre a ficção científica e fantasia em Portugal e o papel dos fanzines, para além da habitual sessão de autógrafos. A entrada é grátis.
O lendário actor inglés de 65 anos Richard Griffiths morreu por mor de complicacións após dunha arriscada operación de corazón. Ainda que era mundialmente famoso polo seu papel do pomposo tío de Harry Potter, a carreira de Griffith contou con moitos filmes e prémios de todo tipo, entre os qeu se atopan Withnail and I, Gorky Park, Sleepy Hollow, The Naked Gun 2 1/2, Stage Beauty, Venus e Hugo.
O director Olatunde Osunsanmi (The Fourth Kind) será o encargado de realizar o filme de ciéncia-ficción Eden para a Gold Circle Productions. Ambientado nun mundo onde os áliens escravizaron á humanidade, os supervivintes seguen un sendeiro chamado "O Raíl" nun esforzo por chegaren a unha "cidade libre". Osunsanmi dirixirá a partir dun guión de seu e Paul Brooks será o produtor.
