Inicio »
Desestimada outra demanda contra J.K. Rowling
A xuiza Shira A. Scheindlin, titular do Xulgado de Districto para o Sul de New York, ven de desestimar unha demanda na que se lle acusaba á escritora J.K. Rowling de copiar o traballo doutro autor cando escribiu Harry Potter e o cáliz de fogo.
Os herdeiros do defunto escritor Adrian Jacobs denunciaran que a trama do libro, o cuarto dos sete que integran a exitosa saga do neno meigo, copiaba partes da obra Willy The Wizard, incluido un concurso de máxia, e que Rowling tomou prestada a ideia de meigos viaxando en trens.
A Scholastic Corp, a editorial que publica os libros da saga nos Estados Unidos, recibiu con ledícia a decisión e citou as palabras da senténcia cando din que “o contraste entre o concepto total e o ambiente das obras é tan absoluto que calquera comparación séria entre ambas forza a credulidade“. “A desestimación do xulgado apoia a nosa postura de que o caso estaba completamente infundado e que comparar Willy The Wizard coa série de Harry Potter era absurdo“, salientou a editorial nun comunicado.
En outubro, un xuíz a cargo dun caso semellante por pláxio en Londres dixera que as afirmacións feitas por Paul Allen, administrador da herdanza de Jacob, eran “improbábeis“, ainda que non aceptou a petición dos avogados de Rowling e da sua editorial británica para desestimar inmediatamente o caso.
Segundo o administrador da súa herdanza, Jacobs – que escribiu Willy The Wizard en 1987 – procurou os servizos do axente literário Christopher Little, quen posteriormente converteu-se en axente de Rowling. Ademais engadiu que Jacobs morreu na pobreza nun hospital de Londres en 1997.
A Bloomsbury, editora de Harry Potter no Reino Unido, dixo que Rowling nunca escoitara o nome de Jacobs antes de que en 2004 se presenta-se a primeira demanda por dereitos de autor, case sete anos despois da publicación do primeiro tomo da saga de Harry Potter.
Outras novas:
Ainda non hai comentários
Chegaches tarde! os comentários desta nova xa están pechados.
En breve
O cineasta Neil Jordan (Interview With A Vampire), que está en xira de promoción con Byzantium, ven de revelar algúsn detalles sobre unha futura longametraxe que xa anunciara previamente. Descrita coma unha história de pantasmas contemporánea, o proxecto aínda sen título trodará-se nalgún lugar da Europa do Leste. Polo de agora non hai datas de produción, pero Jordan dixo que "vou a aterrorizar á xente con música fermosa".
O vindeiro 7 de abril às 4 do serão terá lugar no Auditório da Biblioteca Almeida Garrett na Rua de Entrequintas nº 268, em Porto, a apresentação do nº 2 da Fénix fanzine. O Auditório está situado nos jardins do Palácio de Cristal e a entrada faz-se pela Rua de Entrequintas, onde teremos os autores e outros convidados a falar sobre a ficção científica e fantasia em Portugal e o papel dos fanzines, para além da habitual sessão de autógrafos. A entrada é grátis.
O lendário actor inglés de 65 anos Richard Griffiths morreu por mor de complicacións após dunha arriscada operación de corazón. Ainda que era mundialmente famoso polo seu papel do pomposo tío de Harry Potter, a carreira de Griffith contou con moitos filmes e prémios de todo tipo, entre os qeu se atopan Withnail and I, Gorky Park, Sleepy Hollow, The Naked Gun 2 1/2, Stage Beauty, Venus e Hugo.
