Non sería xenial poder lér ciéncia-ficción non anglófona de xeito regular e gratis? Pois agora é posíbel grazas a International Speculative Fiction, o novo proxecto de Roberto Mendes. Tráta-se dun e-zine trimestralque publicará soamente autores cuxa língua orixinal non sexa o inglés, con tres ou catro contos por número, artigos e entrevistas.

Jason Friedberg e Aaron Seltzer, a parella responsábel doutros filmes de paródia coma Vampires Suck, Date Movie e Meet the Spartans, están a preparar ún novo titulado The Starving Games (Os xogos esfameados). E xa postos, non se limitarán a parodiar The Hunger Games senón tamén a outras producións recentes coma The Avengers, Sherlock Holmes e Harry Potter.

O II Encontro da Nova Fantasía Galega será o domingo 29 de abril a partir das 19 horas na Alameda de Santiago de Compostela, no marco da Feira do Libro. Para alén de autores deste xénero, o encontro inclúe tamén a presentación de Plof, historia dun globo, da man da editorial Contos Estraños, e mais do clásico da ciéncia-ficción O xogo de Ender, traducido pola Urco Editora.