A Imagine Entertainment ven de se facer cos dereitos sobre The Tale of the Body Thief, o cuarto tomo da série supervendas As Crónicas do Vampiro de Rice.

Nesta novela Lestat, solitário e deprimido, decide transferir a súa alma por un día ao corpo dun vidente, quen após da transferéncia, demostra que non ten intencións de volver atrás. Lestat, que de súpeto atópa-se atrapado nun corpo humano, deberá pedir axuda a algúns amigos para xuntos atoparen ao home que lle roubou o corpo e conseguir que o devolva.

De saír adiante, o proxecto sería a terceira película na que podemos ver ao persoaxe, despois de que aparecera no filme de 1994 dirixido por Neil Jordan Entrevista co Vampiro, que adaptou a novela homónima e que estaba protagonizada por Tom Cruise e Brad Pitt.

A súa segunda aparición no cinema foi a moito menos rendíbel Queen of the Damned en 2002, protagonizada por Stuart Townsend e mais a cantante Aaliyah, quen por certo morreu pouco despois. Aquel filme combinou partes da segunda e mais a terceira novelas da série.

Lee Patterson está a escribir o guión, que contará cunha parella de produtores de luxo: Alex Kurtzman e Roberto Orci.

O filme longamente agardado contará coa dirección de James Mangold e amosará as aventuras de Lobeto, o mutante canadiano con poderes de autocuración e poutas retráctiles en Xapón.

Agora que a data está fixada, os estudos queren facer deste filme unha prioridade. A película deberá estrear-se nun mes que xa amosou estes últimos anos que é moi beneficioso para o despacho de billetes para os filmes de superheroes, e dan boa proba delo The Dark Knight e Captain America: The First Avenger.

Bell e Matthew Peterman co-escribiron o guión desta segunda parte pero os detalles do argumento mantéñen-se en secreto. Nombergantes, os rumores apuntan a que hai un lobishome nalgures, o cal Bell nin confirma nin desminte.

A preprodución xa está en marcha e a rodaxe escomezará o 9 de abril, co tempo xusto para chegar a outro proxecto no que tamén se atopa Bell: The Vatican, unha história de política-ficción que contará cun guión de Dave Cohen.

Bell confirmou que ambos os dous filmes utilizarán o estilo de documental sobre crimes que xa se puido ver en The Devil Inside e que é xa case unha marca da casa para Bell.

A história vai sobre o capitán de navío John Paul Jones, heroe da guerra de independéncia americana, pero incorporando monstros con tentáculos das profundidades do mar, o que sinifica que o seu tón será semellante ao do vindeiro Abraham Lincoln: Vampire Hunter.

Brian Helgeland escribiu o guión, no que Jones é desposuído inxustamente da súa misión da mariña inglesa e é contratado por un magnate dos mares para que investigue a desaparición de barcos mercantes no océano Atlántico norde. Jones e mais a súa tripulación sospeitan que após dos feitos atópa-se un monstro mariño e terán que loitar para sobreviviren.

Thomas Tull, Jon Jashni, Todd Lieberman e David Hoberman son os produtores.

A história está ambientada nun futuro onde unha nova Idade de Xeo matou a toda a vida na Terra agás aos habitantes do Rompeneves, un tren que viaxa polo mundo grazas á enerxía fornecida por un motor sagrado de movemento perpétuo.

No tren desenvólve-se un sistema de clases pero xurde unha revolución a bordo. Spencer interpreta a unha pasaxeira que se une á revolución para salvar ao seu fillo. Chris Evans, John Hurt, Tilda Swinton e Kang Ho Song son os outros membros do reparto xa confirmados.

Kelly Masterson escribiu o guión mais recente do filme, que contará coa produción de Chan Wook-Park e Dooho Choi. A rodaxe escomezará en abril.

Gavin Hood escribiu e dirixe a adaptación ao cinema do clásico da ciéncia-ficción de Orson Scott Card O xogo de Ender sobre un neno xénio da estratéxia que é recrutado polo governo para se adestrar nunha académia e axudar a destruír aos insectores, os mortais inimigos do noso planeta.

Davis fará o papel dunha psicóloga militar que supervisa o benestar emocional dos xóvenes cadetes. Ademais axuda a deseñar os xogos cos que proban as súas habilidades e mais a súa resisténcia. Asa Butterfield, Hailee Steinfeld, Abigail Breslin e Harrison Ford son os protagonistas deste filme.

Pola súa banda, Beautiful Creatures está baseado no primeiro tomo dunha saga de novelas de Margaret Stohl e Kami Garcia, que seguen as aventuras de dous adolescentes que deben enfrontar-se a un esconxuro que leva enmeigando á família da rapaza durantexeracións.

Davis interpreta neste segundo filme a unha bibliotecária amiga da nai do neno que o quere coma ao seu própio fillo e fará todo o posíbel para o proexer após da morte da súa nai.

Richard LaGravenese escribiu o guión e será o director. A rodaxe escomeza en abril en New Orleans.

A história vai sobre un entusiasta das artes marciais, Tommy Zhou, que descubriu un xeito de crear obxectos sólidos coa luz e inventou a un superheroe, The Weapon! para promociona-lo. As invencións de Zhou, quen non acredita nas lendas que o seu avó lle contara de neno, converterá-no no obxectivo dos Demos do Bosque, un milenário culto de asasinos convencidos de que co seu invento, Zhou revelou as técnicas místicas dunha orde secreta.

Scott Rosenberg (Cowboys & Aliens) será o produtor.

A história vai sobre unha sombra chamada Stan (Hader) que desexa unha vida mais emocionante no canto de estar ligado a un tímido ser humano chamado Stanley Grubb (Gad). Pero cando un crime na comunidade das sombras poña as súas vidas en perigo, Stan verá-se obrigado a tomar o control de Stanley, enviando aos dous a unha aventura na que deberán loitar contra o vilán, un tipo que desexa liderar unha rebelión e apoderar-se do mundo dos humanos. Hudson porá-lle a voz á namorada de Grubb.

O filme misturará vários estilos de animación co mundo das sombras debuxado a man e o mundo dos humáns con gráficos xerados por computador. Tom J. Astle e Matt Ember escribirán o guión.

Alessandro Carloni, o xefe de guionistas de How to Train Your Dragon, fará o seu debut coma director neste proxecto, que producirá Melissa Cobb e que está previsto para se estrear o 13 de novembro de 2013.

A história vai sobre Ben Tennyson, un rapaz que pode transformar-se en dez creatuiras alieníxenas diferentes coa axuda dun dispositivo semellanet a unha luva chamado o Omnitrix.

Joel Silver, Andrew Rona e Steve Richards serán os produtores e a Warner Bros. Pictures quen probábelmente distribúa o filme.

Pola súa banda, Rocky Russo e Jeremy Sosenko foron contratados para adaptar ao cinema a novela gráfica Too Cool to Be Forgotten na Red Crown Productions e mais a Likely Story.

O argumento deste cómic xira ao redor dun home cuxa sesión de hipnoterápia semella envia-lo atrás no tempo, até 1985, cando só tiña 15 anos. Daniela Taplin Lundberg, Daniel Crown e Anthony Bregman serán os produtores.

Hai tres anos a Universal Pictures comezou a desenvolver un proxecto de película en 3D baseada no xoguete para nenos Stretch Armstrong, contando para elo cun guión de Steve Oedekerk (Bruce Almighty) e mais a produción de Brian Grazer.

O xoguete lanzou-se nos anos 70 e consiste nunha figura de 30 centímetros, con pelo loiro, enormes músculos e vestido cun bañador de piscina, e cuxos brazos e pernas podían estirar-se até case os 120 centímetros. Un actor que non se asemellaba nadiña ao boneco, o integrante do reparto de Twilight Taylor Lautner, confirmou-se hai un par de anos coma protagonista deste proxecto.

O filme foi un entre média dúcia de proxectos que a Universal e mais a Hasbro estiveron a desenvolver conxuntamente, dos cales Battleship estreará-se este mes de maio cun orzamento de luxo. O pasado verán semellaba que a Universal estaba a se desfacer dos seus proxectos de adaptacións de xoguetes ao cinema, incluindo Monopoly, Ouija, Cluedo, Magic: The Gathering e Candy Land. Pero agora a Hasbro e mais a Relativity Media veñen de alcanzar un acordo de colaboración para traballaren xuntos no filme de Stretch, e mesmo estableceron xa a data do 11 de abril de 2014 para a estrea.

Nombergantes, Lautner xa non participará neste proxecto por problemas de calendário. Ryan Kavanaugh, Brian Goldner e Bennett Schneir serán os produtores.

Pola súa banda, a Sony Pictures retomou outro dos proxectos abandoados pola Universal e queren facer a película baseada no xoguete Candy Land para converti-lo nunha longametraxe de acción protagonizada polo cómico Adam Sandler.

O director de Enchanted, Kevin Lima, estivo anteriormente vencellado a este proxecto cando estaba nas mans da Universal e seica continúa no mesmo. Robert Smigel, quen xa traballou con Sandler na comédia You Don’t Mess With the Zohan, será o autor do guión.

O filme do ano pasado X-Men: First Class foi unha das longametraxes de alto orzamento que millor acollida tiveron entre a crítica e mais o público, e chegou a recadar mais de 350 millóns de dólares en todo o mundo. Michael Fassbender, James McAvoy e Jennifer Lawrence regresarán coma protagonistas e Bryan Singer e mais Simon Kinberg coma produtores.

Kinberg ademais está a escribir o guión, o que para algún fans podería considerar-se desacougante, xa que é o autor tanto de boas obras (Sherlock Holmes, Mr. and Mrs. Smith) coma doutras non tan boas no millor dos casos (X-Men: The Last Stand, Jumper). De todos os xeitos, non sería raro que Vaughn fixese algunhas correccións el mesmo.

O cómic de superheroes vai sobre un cirurxán de New York que após dun grave accidente de tráfico fica incapacitado para o seu traballo, polo que decide adestrar-se nas artes ocultas e converter-se nun heroe con poderes psíquicos.

Polo que contan, a Marvel está moi interesada en sacar este proxecto adiante e xa está a procurar un director e aos actores para poder estrear o filme ao longo do ano que ven.

A película contará cun orzamento modesto en comparación coas outras recentes longametraxes da Marvel, e sen dúbida estará por baixo dos 150 millóns que custaron Thor ou Captain America.

Rawson Marshall Thurber estivo vencellado previamente coma director deste filme, que ía sobre unha tribo de elfos que tentan atopar a outros membros da súa espécie mentres evitan o contacto cos humáns e cos trolls. A co-creadora do cómic Wendy Pini realizou a seguinte declaración na súa páxina oficial de Facebook:

«Após de case catro anos de suspense – e moitos mais de catro anos de interese e apoio, que aprezamos moito – por fin chegou a decisión da Warner Bros. E a decisión é «non». A súa simple explicación é que non queren competir con The Hobbit: An Unexpected Journey. Esta era unha posibilidade, entre outras, para a que estabamos preparados. Alomenos é un acougo o coñecer a decisión«.

Mentres tanto, outro proxecto do que escomezou a se falar aló polo 2008, unha adaptación con debuxos animados do cómic orixinal de Eric Powell The Goon e para o que David Fincher se fixera cos dereitos hai uns meses, semella tamén morto antes de nacer.

Paul Giamatti e Clancy Brown puxéran-lle a voz aos persoaxes protagonistas de Franky e mais Goon nunha proba de són en 2010, pero esta semana no decurso do Festival de Sundance Giamatti dixo que «non teño nin ideia de que diaños aconteceu. Preguntei e ninguén o sabe. Supoño que ficaron sen cartos«.

Estes comentários encaixan cos de Fincher o ano pasado cando confesou que financiar un proxecto coma este era estremadamente difícil.

Michael Green e Stuart Hazeldine escribiron un guión que narra a história completa do lendário semideus dos hebreos e cristiáns, dende o seu nacemento miragroso até a sú morte, e cobre toda a súa vida, incluindo a mítica liberación dos escravos xudeus, as sete pragas de Exipto, os dez mandamentos e as catro décadas de vagar polo deserto na procura da terra prometida.

O tón será menos tipo Cecile B. De Mille e mais Braveheart, e retratará a Moisés coma ún dos grandes guerreiros da história. Tamén rodará-se cun estilo o mais realista posíbel, coma xa fixera o mesmo Spielberg en Saving Private Ryan.

Dan Lin e Matti Leshem serán os produtores deste filme, que ten previsto escomezar a se rodar aló por marzo ou abril de 2013, cando Spielberg remate a produción de Robopocalypse na que se atopa xa traballando.

«A Fox estivo a falar sobre o tema e seica van face-lo. Imos manter unha xuntanza a semana que ven e Carlos Saldanha, o director, vai vir á cidade a falar sobre a história e seica van-lle dicir que si«, dixo nunha entrevista hai un par de días.

Saldanha quere que a secuela coincida cos Mundiais de Fútbol que se disputarán en Brasil en 2014. Polo de agora non hai nin guión nin acordos cos actores que poñan as voces aos persoaxes.

Libatique dixo que a rodaxe escomezará en xuño en New York e Islándia e que o proxecto conta cun guión «realmente bó«: «van facer de verdade a história de Noé, un tema que poderías dicir que é moi pouco típico dun tipo tan avanzado coma Darren Aronofsky, pero iso é o que van facer. Vai ser para estrear probábelmente en outono de 2013«.

Polo que comentou Libatique, o problema que seica teñen polo de agora é o reparto, tanto para o protagonista, que debería ser un actor de ao redor duns 40 anos, coma do principal vilán da história. Arestora, o nome que soa para facer de Noé é o de Michael Fassbender, se ben non hai ren confirmado.

Así pois, o actor Bradley Cooper (quen vai interpretar a Lucifer neste filme) suxeriu hai uns días unha nova data para recomezar: «con sorte, imos escomezar en xuño. Todo vai ben. Quero dicir que non hai ren decidido até que esteamos preparados e rodando«, confesou nunha recente entrevista.

Segundo os últimos informes, o atraso foi debido aos intentos da produtora por recurtar o orzamento inicial entre o 10 e o 15 por cento sobre o total inicial de 120 millóns de dólares, eliminando o mais posíbel as escenas de acción. Se a rodaxe d’O Paradiso Perdido, que debe durar oito semanas, escomeza en xuño, a Cooper daría-lle tempo para facer The Hangover Part III, que ten previsto rodar-se en setembro.

Chad e Carey Hayes escribiron o guión, baseado na vida real da família Perron, quen afirmaban vivir entre os mortos nos anos 70 nunha granxa de Rhode Island onde dicían que había espíritos amigábeis e tamén sinistros. Un grupo de demonólogos e investigadores paranormais entrarán na granxa para ver se a lenda é certa.

Outros actores que tamén están a negociar a súa participación son Ron Livingston e Lili Taylor, quen darían vida á parella de granxeiros.

Wan será o director deste filme, mentres que Peter Safran e Tony DeRosa-Grund producirán. A rodaxe escomezará en marzo en North Carolina.

Pero entón outros estudos, The Weinstein Company, que distribuíron o filme orixinal a través da Miramax aló polo 1994, interpuxeron unha demanda afirmando que segundo o contrato eles tiñan os dereitos exclusivos de distribución do filme para todo o mundo. A Relativity tivo que recuar e aparcar o proxecto.

Pois ben, agora, case un ano despois, seica hai paz nos xulgados. Nun comunicado conxunto, ambas produtoras dixeron que «a demanda entre a Relativity Media e mais The Weinstein Company ao respeito de The Crow foi resolta amigábelemente fóra dos xulgados, e ambas partes continuarán traballando no filme xuntas tal e coma estaba planeado. Ademáis, a Relativity Media descartou todas as súas reclamación contra The Weinstein Company por calquera tipo de dano polo lanzamento e distribución do filme Nine, e The Weinstein Company descartou todas as súas reclamacións contra a Relativity Media«.

E ainda que nun principio Juan Carlos Fresnadillo ía ser o elixido para esta película, seica será outro español, F. Javier Gutiérrez (3 Días) o encargado de realiza-la.

Coma é habitual, as grandes producións e o cinema fantástico ficaron fóra de todo tipo de nominacións, mália que son estas longametraxes as que cos seus grandes éxitos no despacho de billetes axudan a facer de Hollywood o lugar que é e dan-lle aos Oscars a releváncia que teñen.

Na lista aparecen Midnight in Paris e The Tree of Life coma nominadas á millor película e os seus directores, Woody Allen e Terrence Malick, coma nominados ao Oscar a millor director. Midnight in Paris foi nominada asemade ao millor guión orixinal.

Fóra deses prémios temos que nos ir até as candidaturas mais técnicas para ver títulos de xénero: Harry Potter and the Deathly Hallows: Part Two e Midnight in Paris á millor dirección artística e The Tree of Life á millor Montaxe.

Harry Potter and the Deathly Hallows: Part Two tamén é candidata ao Oscar á millor maquillaxe, e John Williams foi nominado pola súa banda sonora de The Adventures of Tintin. No apartado musical hai que incluir ademais ás canzóns Man or Muppet de The Muppets e Real in Rio do filme de debuxos animados Rio.

Finalmente, nos apartados mais estritamente técnicos, hai coma sempre abondosos exemplos de cinema fantástico: no Oscar ao millor Son e á millor edición de són figura Transformers: Dark of the Moon e no de millores efectos especiais temos a Harry Potter and the Deathly Hallows: Part Two, Real Steel, Rise of the Planet of the Apes e Transformers: Dark of the Moon.

Ashley Bell foi o protagonista do filme orixinal, que ainda que contou cun orzamento de tan só 1,5 millóns de dólares e estaba destiñada a maiores de 13 anos, resultou un grande éxito no despacho de billetes, recadando mais de 70 millóns. A história estaba protagonizada por un cura charlatán exorcista que debía enfrontar-se a unha crise de conciéncia cando convida a unha equipa de rodaxe para facer un documental sobre o seu derradeiro exorcismo, co que pretendía retirar-se do mundo dos negócios.

A secuela escomezará tres meses despois dos feitos narrados na primeira parte, ainda que polo de agora eses son todos os dados dos que dispoñemos en relación ao guión, escrito por Damien Chazelle.

O produtor Eli Roth dixo que «queremos ir mais ao fondo e sermos mais sinistros esta vez. O primeiro filme funcionou xenial coma unha película de terror psicolóxico para maiores de 13 anos, pero agora queremos unha calificación para maiores de 18 e amosar o auténtico terror que este tipo de asuntos ofrece«. A rodaxe escomezará o mes que ven en New Orleans.

A novela de Meyer é unha história de amor para adolescentes situada nun futuro próximo nunha Terra que foi asimilada por unha espécie alieníxena de parásitos benévolos que se fan chamar «as almas». Unha de tales almas, Wanderer, fusióna-se cunha xoven soldado rebelde chamada Melanie Stryder (Saoirse Ronan), nun intento de localizar ao derradeiro reduto de humáns supervivintes da Terra.

Wanderer chegará a se obsesionar coas lembranzas do mozo de Melanie e do seu irmán e comeza a busca-los. Kruger faría o papel da Buscadora, encargada de supervisar a conversión de Melanie e mais tarde a persegue.

Andrew Niccol (Gattaca, In Time) é o autor do guión e coma director será a única esperanza de que este filme aporte algo de calidade. Nick Wechsler, Steve e mais Paula Mae Schwartz serán os produtores.

O cómic é un techno-thriller de ciéncia-ficción e contido político, que arrinca cunhas alteracións sísmicas que obrigan aos militares a investigar as zonas mais profundas dos océanos. Así, unha civilización de dez mil anos de antigüidade emerxe á superfície disposta a iniciar unha guerra co planeta.

A Platinum tentou facer o filme por primeira vez en 2004, cando mantivo xuntanzas con Gale Ann Hurd e posteriormente a DreamWorks fixo un esforzo en 2008 para producir o proxecto, pero en ambas ocasións non saiu adiante. Agora esta adaptación tentaría ser unha franquía, que é o que está de moda.

Tom Cruise protagonizará a película no papel dun soldado reparador de drones e ún dos derradeiros humáns abandoados na superfície tóxica da Terra, mentres que o resto da humanidade vive en cidades sobre as nubes. O soldado atopa unha rapaza que se estrelou na Terra coa súa nave e xuntos escomezan unha aventura que lles fará descubrir a verdade sobre o que aconteceu no planeta.

Jessica Chastain foi a última actriz que fixera probas de cásting para un dos dous papéis, pero agora está fóra do proxecto. Michael Arndt está, segundo din, a reescribir o guión orixinal de William Monahan e Karl Gajdusek para lle rebaixar o orzamento.