Agora o dúo vai traballar xunto unha vez máis nunha adaptación da clásica obra A pantasma de Canterville de Oscar Wilde e na que emprestarán as súas voces aos personaxes protagonistas. O mesmo Fry deu a coñecer a nova a través do seu Twitter dicindo que «M’coll Hugh e mais eu traballaremos xuntos para poñer as voces dunha nova serie de debuxos animados baseada en A Pantasma de Canterville de Oscar Wilde«.

A Melmoth Films está á procura de financiamento para este proxecto que conta coa adaptación dos guionistas Keiron Self e Giles New (That Mitchell And Webb Look).

Así, nunha recente entrevista revelou que a serie do Incríbel Hulk producida por Guillermo del Toro aínda segue adiante: “Hulk está en desenvolvemento. Non ía estar lista para esta tempada, pero agardamos que o estea para a vindeira“.

Un proxecto que non correrá a mesma sorte é o do Punisher (coñecido coma o Castigador nos cómics en España). A idea de leva-lo á televisión fora do produtor de Criminal Minds Ed Bernero e semellaba que a Fox estaba interesada, pero o episodio piloto no que aparece un policía de New York converténdo-se no vixilante enmascarado ao final da súa xornada de traballo foi rexeitado pola canle e asemade o proxecto está esencialmente morto.

A série de televisión ía sobre unha parella de investigadores da Policía composta por Rebecca Madsen (Sarah Jones) e mais o doutor Diego Soto (Jorge Garcia) que traballan para aclarar como 340 reclusos e gardas da prisión de Alcatraz desapareceron en 1963 e por que están a reaparecer hoxe coma se o tempo nunca pasara pro eles. A série estaba tamén protagonizada por Jonny Coyne, Parminder Nagra, Jason Butler Harner e Sam Neill.

Os comezos de Alcatraz foron moi prometedores: lanzada en xaneiro con boas críticas e bós datos de audiéncia, apoiados por unha forte campaña publicitária, semellaba que este ía ser o seguinte éxito de Abrams na tele após de Lost, un programa co que compartía moitas cousas en común.

Nombergantes, xa na súa segunda semana os índices de audiéncia conmezaron a baixar, non demasiado pero si abondo coma para desacougar á canle. En total, cando se emitiu o episódio final (que non estaba pensado para ser final realmente) os índices situaban a Alcatraz no cuarto posto dos programas mais vistos na súa franxa horária e cun ratio do 1,6% de espectadores.

A Fox polo tanto decediu non conceder mais oportunidades ao programa, especialmente despois de que fixeran unha excepción á súa regra de cancelar todo o que non sexa líder de audiéncia con outra série de Abrams, neste caso Fringe.

Deste xeito, puidenmos ver como se fixeron algúns intentos por recoller o testemuño de Terra Nova hai unhas semanas, que non fructificaron por mor dos altos custes de produción, e agora seica están en marcha conversas para continuar con Jericho, unha série de ciéncia-ficción que pode presumir de ter uns fans moi activos (xa unha vez acadaron que a série non fose cancelada) pero se cadra non abondo numerosos como para facer rendíbel a súa emisión en aberto pola CBS.

A série orixinal ía sobre a vila fictícia de Jericho, en Kansas, após de que un ataque nuclear destruíse 23 cidades dos Estados Unidos. O programa comezou a se emitir en setembro de 2006 até marzo de 2008, cando foi cancelado pola baixa audiéncia. Nombergantes, unha campaña masiva de cartas convenceu aos executivos de facer unha segunda tempada, esta vez só con sete episódios, e despois foi cancelada outra vez xa definitivamente en novembro dese mesmo ano.

En 2007, Jericho foi calificada no posto 11 entre as séries de culto mais importantes de todos os tempos. En 2009 anunciáron-se plans para facer unha película, pero o único proxecto que saiu adiante foi a súa continuación en cómics. O grande desafío é facer que este novo intento sexa viábel económicamente tanto para a Netflix coma para a CBS, dona dos dereitos.

As negociacións entre a cadea e mais a productora (a Bad Robot Productions, propiedade de J.J. Abrams) levaban meses abertas pero intensificáran-se nos últimos días. Agardába-se un anúncio oficial dende había un par de semanas nun sentido ou noutro, pero o luns Joel Wyman, produtor executivo, anunciou na súa conta oficial de Twitter que a renovación estaba por se producir esta mesma semana, coma así aconteceu finalmente, e tan só uns días despois de que Fringe emitise ún dos capítulos mais espectaculares da tempada, que deu un xiro moi intrigante ao guión.

Á Fox non lle treme precisamente a man á hora de cancelar séries que son queridas polo público se non chegan a un nivel abondo alto de audiéncia e Fringe levaba uns días moi por baixo dese límite, mesmo baixando do 1% de seguimento, pero as boas críticas, a lexión de fans e, sobre todo a rebaixa da taxa de licenciamento resultaron definitivas para traer de regreso a série a vindeira tempada, para a que os guionistas poderán preparar un final con tranquilidade.

As novas chegaron despois de que se deran a coñecer os dados de audiéncia para o primeiro episódio da segunda tempada, actualmente en emisión, e que axuntaron ao redor das pantallas a 8,3 millóns de espectadores tan só nos Estados Unidos. O segundo episódio supuxo tan só unha perda do 3 % desa audiéncia orixinal.

Tal e coma se falara anteriormente, o plan é dividir o terceiro tomo da saga de George R.R. Martin, A Storm of Swords, en dúas tempadas de dez episódios cadansúa. A novidade con respeito ás novas que se coñecían dende o ano pasado é que dado que a renovación é por unha soa tempada e non por dúas, a terceira e mais a cuarta tempadas non se rodarán conxuntamente e haberá que agardar á luz verde para o regreso en 2014.

A Sonar Entertainment (antiga RHI Entertainment) ven de anunciar que ten en desenvolvemento a realización dunha série semanal para a televisión baseada nos filmes orixinais de Hellraiser de Clive Barker e mais das aventuras do heroe do pulp Allan Quatermain de H. Rider Haggard.

A Panacea Entertainment será a coprodutora da nova versión de Hellraiser, que verá o regreso do Pinhead e mais dos cenobitas, pero ainda non se sabe ren sobre que formato terá esta série.

Ao respeito de Quatermain, a Sonar e mais a Ecosse Films están a desenvolver dez episódios dunha hora de duración cun orzamento conxunto de 30 millóns de dólares (22 millóns de euros).

Richard Kurti e Bev Doyle (Terry Pratchett’s Going Postal) escribirán os guións da série, cuxa primeira tempada servirá para adaptar as histórias mais coñecidas do persoaxe, coma As minas do rei Salomón. Agárda-se que os guións estean completados para mediados de ano. A rodaxe terá lugar en África.

Após de que a canle Fox optara por non renovar unha temporada mais a esta série de ciéncia-ficción, a produtora do programa, a 20th Century Fox Television, tentou ofrecer os dereitos a outros posíbeis candidatos. Uns días despois coñeceu-se a nova de que estaban a manter xuntanzas coa Netflix, unha empresa fornecedora de DVDs e vídeo baixo demanda, coa posibilidade de que estes se encargasen de continuar a série.

Nombergantes, a primeiros desta semana a vicepresidenta da 20th Fox Television Dana Walden revelou que «estamos a manter outras alternativas, pero a de Netflix é a que ten conversas mais activas nestes intres«.

E tan só hai un par de días, a prensa informou que as dúas compañías foron incapaces de chegar a un acordo após de semanas de negociacións.

Así pois, e ainda que a 20th TV non informou aos actores de que fican libres para ir a outras producións, nestes intres xa non hai ningunha outra alternativa sobre a mesa e ademais tres actores principáis xa asinaron para se comprometeren para outros proxectos.

Pero por mor dunha longuísima fase de post-produción, o episódio piloto non foi completado até o pasado novembro. E no mes de xaneiro comezaron a xurdir os rumores de que a canle estaba á procura de novas fontes de financiación para a série.

Agora, a Syfy ven de decidir que o proxecto podería continuar coma série, pero non para a televisión, senón emitida soamente a través do seu sítio Web na Internet, e iso no caso de que atopen un xeito de financia-la.

O episódio piloto xa producido, de 90 minutos de duración, si que podería ter unha oportunidade de ser emitido pola tele, pero a canle non deu a coñecer en que data.

Mentres tanto, o tráiler que amosa unha demo do que podería ter sido a série, e que foi dado a coñecer esta pasada fin de semana na WonderCon, en tan só 24 horas acadou mais de 100.000 visitas, xusto antes de que a NBCUniversal bloqueara a súa visualización. Polo de agora, e até que sexa tamén eliminada do YouTube por mor dos gardiáns dos dereitos de autor, pode ver-se aquí.

O alto custe da série, os problemas da produción, os numerosos adiamentos, as críticas non moi positivas, os malos resultados de audiéncia e os rumores de falla de apóio por parte da canle finalmente foron demasiado para esta série que chegou da man de Steven Spielberg e cunha moi boa ideia orixinal, pero que pouco a pouco foi diluíndo as súas expectativas até chegar á mediocridade.

Coa cancelación de House e os malos resultados que está a colleitar Alcatraz, semellaba que Terra Nova podería ter unha oportunidade na grella da Fox, pero finalmente non houbo renovación. Agora os produtores teñen ainda unha derradeira esperanza, a de que outra canle queira facer-se cargo da série, pero as posibilidades son moi remotas.

Os libros están ambientados nun sistema solar onde Darkover é o único planeta habitábel polos seres humáns de entre os sete astros que xiran ao redor dunha estrela vermella xigante chamada Cottman. A saga, que mistura a fantasía coa ciéncia-ficción, detalla a colonización dun novo planeta onde os seus habitantes comezan a se asentar e crean espécies novas. Para obter máis información sobre a saga, podes consultar o arquivo histórico e baixar-te o número 8 da nosa revista (primavera de 1999).

A parella de produtoras convenceu aos herdeiros de Bradley e posuidores dos seus dereitos de autor que sería millor pasar á televisión a súa série, no canto de converte-la nunha película. Nestes intres están a negociar a súa venda a várias canles por cable.

A história narra a batalla da raza humana por sobrevivir após de que Deus envíe unha lexión de anxos á terra para destruí-la iniciando o apocalipse. Os seres humáns atoparán un aliado no arcanxo Miguel (Bettany), que decide desobecer aos seu amo e axudar á xente.

Stewart será o director e mais o produtor executivo. A série contará co guión de Vaun Wilmott (Sons Of Anarchy).

A série orixinal narraba as aventuras dos habitantes da Base Luar Alpha após de que un catastrófico accidente nun vertedoiro nuclear causase que a Lúa saíse despedida fóra da órbita da Terra, enviando ao noso satélite ao espazo. No decurso da súa viaxe interestelar atoparán civilizacións alieníxenas, sociedades distópicas e fenómenos moi estraños.

Martin Landau, Barbara Bain e Nick Tate protagonizaron aquela série, que só durou dúas tempadas. A primeira contiña guións con temas mais filosóficos que facían supoñer que había unha história de fondo, mentres que a segunda tempada, xa mais dirixida ao público americano, converteu-se nunha série de acción.

A HDFILMS é a produtora responsábel do recente relanzamento doutro clásico da pequena pantalla, nesta ocasión da série V, que a canle ABC emitiu orixinalmente nos anos 80. Jace Hall será o produtor executivo para este novo proxecto, que ainda está en fase de desenvolvemento e precisa que algunha canle de televisión se anime a adquirir os dereitos.

O cómic vai sobre unha parella de detectives nunha división especial que investiga crimes relacionados con superheroes. Foi creado por Bendis e mais o debuxante Michael Avon Oeming e os seus primeiros números apareceron na Image Comics de 2000 a 2004, até que a Marvel Comics mercou os dereitos.

Os executivos da canle FX viron o episódio piloto a finais do ano pasado e decidiron non seguir adiante. O guionista Chuck Eglee recebiu o encargo de reescribir partes sinificativas da série para tentar roda-la unha vez mais e agora mesmo están a pensar se paga a pena ou non seguir adiante coa rodaxe.

O presidente da FX, John Landgraf, dixo que están a comprobar que «é realmente complicado» facer a clase de série que eles queren, unha série de superheroes cun tón semellante ao de Os Soprano ou Breaking Bad.

Greg Berlanti e Marc Guggenheim (Green Lantern) son os guionistas e produtores executivos xunto ao seu antigo compañeiro en Eli Stone Andrew Kreisberg.

A canle ven de dar por pechada a súa série de Superman Smallville, que no mes de maio cumprirá 10 anos en pantalla. Nesa série Justin Hartley interpretou a Green Arrow no papel dun playboy millonário que polas noites loita contra o crime enfundado na súa máscara. Nombergantes, Hartley non está vencellado a esta nova versión do persoaxe.

The CW producira préviamente un episódio piloto para unha série de televisión baseada en Aquaman, pero ao cabo non lles gustou aos executivos, que decediron non seguir adiante. Naquela série Hartley era o protagonista no papel do clásico superheroe submariño.

O produtor de Star Wars Rick McCallum, mentres facía a promoción de Red Tails, revelou este título, polo de agora provisional, nunha entrevista.

Cando lle preguntaron por como ía a nova série, afirmou que xa se escribiron os redor de cincuenta guións, que agora esperan a luz verde do financiamento para seren producidos. Segundo dixo, os guións son «intemporais» e tratarán sobre o periodo escuro entre os episódios III e IV da saga do cinema.

A história estará narrada coma se fosen unhas fitas de video atopadas casualmente e nas que aparece un xoven director de documentais que quere atopar probas da existéncia dos fenómenos paranormais. A série incluirá casos semanais e tamén un mistério subxacente que percorrerá a tempada completa.

Adam D’Alba foi o creador deste concepto e escribiu o guión do episódio piloto mentres que Anderson, Jeremy Bolt, John Morayniss, Noreen Halpern e Michael Rosenberg serán os produtores executivos.

Polo de agora non hai ningunha canle de televisión interesada en emitir esta série.

A primeira tempada, composta por dez episódios, narra os eventos que acontecen no primeiro libro da saga Canzón de Xeo e Fogo do escritor George R.R. Martin, Xogo de Tronos. A segunda tempada, actualmente en produción, terá outros dez episódios e cubrirá o segundo libro, Clash of Kings, coa vista posta nunha estrea que se producirá no vindeiro mes de abril.

Tal e coma se indicara con anterioridade, segundo os plans orixinais, os produtores da série David Benioff e mais D.B. Weiss querían que os eventos do terceiro libro, Storm of Swords, fosen narrados ao longo de dúas tempadas, a terceira e a cuarta, un plan que continuaría durante o resto da série até rematar a saga.

Pero seica as cousas poderían ser ainda millor, porque os produtores queren que a terceira e mais a cuarta tempada se roden conxuntamente, asegurando deste xeito e sen lugar a dúbidas que haberá unha continuidade para a série alomenos durante tres anos mais.

O rumor escomezou a correr cando se soubo que vários actores estaban a facer probas para papéis de persoaxes que non aparecen nas novelas até unha previsíbel cuarta tempada. E posteriormente, a maioría da equipa de roaxe en Irlanda do Norde recebiu a recomendación de que non fixesen plans para os vindeiros nove meses o ano que ven (o normal é que as séries se roden de finais de xullo a meiados de decembro soamente).

Ainda que esta decisión é lóxica dende u npunto de vista de efectividade e de reducir os custes de produción, a HBO non ten previsto emitir ningún comunicado até o remate da segunda tempada, por se mudaran de opinión no último intre.

A história vai sobre Booster Gold, un xogador de fútbol americano acabado que viaxa até os nosos días procedente do século XXV, coa intención de se converter no meirande superheroe de todos os tempos. Nombergantes, en lugar de perseguir aos criminais, decide que a súa maior prioridade será acadar fama e diñeiro. Pero Booster Gold descobre que ser un heroe é unha tarefa moi complicada, se cadra mais do que agardaba.

Greg Berlanti (Brothers & Sisters, Eli Stone) será tamén o produtor executivo.

O persoaxe deste cómic apareceu por primeira vez en 1986 e foi membro da Liga da Xustiza Internacional, saiu anteriormente na série de debuxos animados Justice League Unlimited e mesmo tivo unha aparición estelar na tempada final de Smallville.

A história orixinal vai sobre o drama que se desenvolve após de que unha forza invisíbel descenda de súpeto sobre unha pequena vila de vacacións de verán en Maine. Mentres os habitantes tentan sobrevivir, a vila será dividida en faccións en loita lideradas por persoaxes misteriosos.

Vaughan foi seleccionado após dunha exhaustiva procura de alguén que poidera adaptar á televisión unha novela de mais de 1.000 páxinas cuxos dereitos foron mercados pola DreamWorks pouco despois de se publicar por primeira vez, en 2009. Esta será a primeira vez que o guionista regrese á televisión após de que rematase a série Lost en 2009.

King, Steven Spielberg, Stacey Snider, Darryl Frank e Justin Falvey serán os produtores executivos.

A história vai sobre un grupo de adolescentes problemáticos que de súpeto adquiren superpoderes após dunha estraña tormenta eléctrica sobre Londres.

A série mistura dalgún xeito os conceptos de Heroes, cun estilo tipo Buffy Cazavampiros e todo elo con moito realismo social e abondosas descricións do comportamento dos adolescentes (por exemplo, contén moitas escenas de sexo e de vocabulário xuvenil).

Schwartz e mais o creador da série Howard Overman unirán as súas forzas para escribir a versión americana, da que polo de agora non se sabe en que canle sería emitida. A terceira tempada da série en Inglaterra estreará-se a finais deste mes.

O filme vai sobre un soldado que é parte dun experimento governamental que lle permite tomar a identidade doutra persoa que está a viaxar nun tren durante os oito minutos finais da súa vida, antes de que unha bomba estoure. A súa misión é determinar quen é o terrorista, desactivar a bomba e evitar que volva a cometer outro atentado. Cada vez que falla, ten unha nova oportunidade de tenta-lo outra vez.

A série de acción terá un argumento semellante, con tres antigos axentes federais que son parte dun progrma ultrasecreto, e cada semana deberán chimpar dentro da mente consciente dalgunha persoa vencellada a un acontecemento tráxico, para poder atrapar ao culpábel e evitar que volvan acontecer mais atentados.

O filme contaba cun subargumento vencellado á amnésia do protagonista, un xiro argumental no médio e un final digno da millor ciéncia-ficción. A série semanal non poderá ter todos eses elementos, pero a cámbio será unha espécie de mistura entre NCIS, O día da marmota e Salto no tempo. Steven Maeda (Lie to Me, Lost) será o autor do guión para o episódio piloto.

Esta versión provén do guionista de The Sorcerer’s Apprentice, Matt Lopez e da produtora Mark Gordon Co. e segundo afirman é unha «nova narración escura, romántica e de suspense do clásico relato cun xiro especial de ciéncia-ficción«. Este xiro podería consistir nalgún tipo de relación coa clonación.

Ambientada na moderna San Francisco, a história céntra-se nunha psicóloga criminal que é arrastrada ao misterioso mundo dun brillante pero inhibido científico e do seu volátil alter ego.

Este série non debe confundir-se con Hyde, a versión de Sheldon Turner que a mesma canle mercou a semana pasada. Nesoutra versión, Jekyll é un médico de emerxéncias cuxa dobre persoalidade se manifesta cando está durmido.

Ambas séries serán versións modernas da história, cuxa adaptación mais recente foi nunha minisérie inglesa de 2007 titulada Jekyll e protagonizada polo protagonista de Doutor Who Steven Moffat.

Darabont foi un dos principais motivos do éxito da adaptación á pequena pantalla do cómic orixinal, xunto aos outros produtores executivos Robert Kirkman (o creador do cómic) e Gale Anne Hurd. Ademais, foi el mesmo quen escribiu o guión e dirixiu o episódio piloto.

Segundo din, Darabont nunca chegou adaptar-se ao traballo de producir unha série de televisión, pero ainda mantén aberta a porta para seguir colaborando dalgún xeito. A nova chega de todos os xeitos coma unha sorpresa porque o pasado venres Darabont estivo presente nunha mesa redonda na Comic-Con participando con outros membros da equipa e non fixo ningunha mención ao seu abandono.

O produtor de The Shield, Glen Mazzara, foi contratado o ano pasado coma o seu axudante na série, pero non se sabe se agora será o seu sustituto ou se marchará con el. En calquera caso, as novas non afectaron á produción, que continúa dentro do seu calendário e disposta a se estrear o vindeiro 16 de outubro.