O orfanato e REC trunfan en Franza
O orfanato, de Juan Antonio Bayona, foi galardonada este domingo co Grande Prémio do Festival de cinema fantástico de Gérardmer, no centro de Franza, no que Rec, de Jaume Balagueró e Paco Plaza, colleitou os galardóns do xurado e mais do público.
O rei da montaña, de Gonzalo López-Gallego, a terceira produción española a concurso neste festival que cumpre quince edicións, non levou ningún prémio.
Rec gañou os prémios do xurado normal e mais do xove, ademáis do galardón do público. O da crítica recaíu na americana Diary of the dead, de George Romero.
A francesa Dans la peau, de Arnaud Malherbe, gañou o prémio na sección de curtametraxes.
Cleese no día que parou a Terra
O veterán dos Monty Python John Cleese está en negociacións para se unir a Keanu Reeves, Jennifer Connelly e Jaden Smith no reparto do vindeiro remake do clásico da ciéncia-ficción de 1951 The Day the Earth Stood Still (O día que parou a Terra, traducida en España coma “Ultimato á Terra“).
Cleese interpretaría ao físico Dr. Barnhardt, un prémio Nobel que ten un papel chave á hora de averiguar cal é a misión e mais o sinificado da chegada do extra-terrestre Klaatu (interpretado por Reeves). No reparto tamén figuran Kathy Bates e Jon Hamm.
Scott Derrickson (O Exorcismo de Emily Rose) será o director do filme, que está a se rodar arestora en Vancouver e ten prevista a súa estrea para o vindeiro 12 de decembro.
Del Toro considera facer o Hobbit
Guillermo del Toro está en conversas para dirixir as novas entregas da obra literária de J.R.R. Tolkien, O Hobbit, segundo revelan as nosas fontes en Hollywood. O nome de Del Toro estivo sempre nunha listaxe de directores que poderían poñer en marcha o tan agardado proxecto.
O director do Señor dos Aneis, Peter Jackson, era o grande favorito dende un primeiro intre para dirixir estas precuelas, pero abandonou o proxecto por mor dunha rifa legal que mantivo coa New Line Cinema. Unha vez foron resoltos os problemas xudiciais en decembro, O Hobbit está de novo en marcha, e con Jackson no papen de produtor executivo.
Por mor da folga de guionistas, non hai ainda ningún nome vencellado ao proxecto para reescribir a adaptación deste grande clásico do xénero fantástico de Tolkien, ainda que non se agarda que unha vez remate a folga se tarde moito en atopar un guionista. Del Toro e Jackson supervisarán o desenvolvemento do guión.
A fotografía principal dos dous filmes nos que se dividirá a precuela e que se rodarán simultáneamente, escomezará en 2009. O custe do orzamento está estimado nuns 100 millóns de euros por cadansúa entrega. O lanzamento da primeira parte tería lugar en 2010 e a segunda en 2011.
Concurso no ambiente do Second Life
Para 2008, a Simetria, Associação Portuguesa do Fantástico, vai lançar a sua presença virtual no Second Life, a mais divulgada realidade virtual que junta mais utilizadores do que Portugal tem habitantes.
Há alguns anos que a Simetria luta por um espaço físico para retomar as suas actividades como as tertúlias e a projecção de filmes e não sabe quando esse espaço irá-lhes ser disponibilizado. Até lá, não queren parar a sua actividade de divulgação e promoção da FC&F de uma forma que seja ao mesmo tempo educativa, mas também agradável, informal, e porque não? irreverente.
Em 1996 a Simetria foi pioneiros a fazer a sua divulgação via Internet com o lançamento do primeiro site português sobre a temática e com a sua mailing list de divulgação de novidades. Doze anos mais tarde, chegou a altura da Simetria inovar uma vez mais, e da divulgação em duas dimensões – a página Web, o email – passar para as três dimensões: a realidade virtual.
Lér mais
Marvel e Lionsgate: fin á folga
A Lionsgate e mais os Estudos Marvel veñen de chegar a un acordo temporal co Sindicato de Guionistas dos Estados Unidos para rematar coa folga de guionistas de Hollywood e que lles permitirá traballar nos proxectos destas empresas.
A Marvel Studios, unha filial da Marvel Entertainment Inc., está a producir versións de Iron Man e do Incríbel Hulk.
Os guionistas e os produtores retomaron as súas conversas esta mesma semana e poideron asemade rematar cunha folga que xa duraba tres meses e que xa detivo moitas producións na televisión americana. Ainda que a Marvel non é unha empresa das grandes dentro dos estudos cinematográficos, este acordo pon-lle presión aos estudos importantes para que cheguen a acordos semellantes cos guionistas.
Entre os vindeiros filmes da Lionsgate están The Eye, e entre as súas séries da televisión están Mad Men e unha nova série, Fear Itself.
Lee fará un anime en vivo
O realizador Jieho Lee confesou nunha rolda de prensa á que tivo acceso NOVA FANTASIA que o seu vindeiro proxecto será unha versión con acción real dun popular anime xaponés.
“Esquecín que se supón que non debería falar disto, e nen sequera permitir que vos o saibades“, dixo Lee mentres facía a presentación da súa fábula urbá The Air I Breathe. Lee non quixo confirmar máis detalles sobre este proxecto.
Lee está ademáis traballando nun filme en China, baseado nun guión de seu. “Ambos os dous proxectos son obras de acción dirixidas polo persoaxe, que é algo que quero continuar facendo“, dixo Lee.
The Air I Breathe (“O aire que respiro”) marca o debut na dirección de filmes grandes de Lee e está baseado nun provérbio chinés. Está protagonizado por Forest Whitaker, Sarah Michelle Gellar, Kevin Bacon, Andy Garcia e Brendan Fraser e estreou-se nos Estados Unidos o pasado día 25.
Gilliam sustitúe a Ledger con Depp?
Segundo un rumor que está a correr pola Rede e pola prensa internacional, o director Terry Gilliam está a procurar a Johnny Depp para que se faga co papel que interpretaba o defunto actor Heath Ledger no filme que está a se rodar arestora The Imaginarium of Doctor Parnassus. A Ledger quedában-lle seis semanas para rematar o seu traballo no filme cando foi atopado morto nun apartamento de New York o pasado día 22.
“Hai un intre no filme no que Heath cae ao interior dun espello máxico“, dixo unha fonte dos estudos. “Nese intre podería mudar nouro persoaxe, e aí é onde Johnny podería entrar. É un filme estrano, fantástico, de viaxes polo tempo, así que o persoaxe de Heath podería doadamente mudar de apariéncia. Sería un intre decisivo. Johnny non está a traballar agora mesmo, así que todos están a lle rogar que se una ao proxecto“.
Gilliam previamente xa traballara con Depp en Medo e Noxo en Las Vegas e no filme incompleto (logo reconvertido en documental) O Home que matou a Don Quixote, unha fita que despóis mudou o seu título a Lost in La Mancha.
O cómic chega a Angoulême
En 35 anos, a cidade de Angoulême, ao suroeste de Franza, impregnou-se da cultura do cómic, feita de creatividade e liberdade. A rúa Goscinny desemboca na rúa Hergé, murais xigantes con personaxes de cómic penden das fachadas e os debuxantes asinan as súas obras por todas as partes: no recinto do festival, nos cafés, as tendas e mesmo nunha peixería do centro.
A 35ª edición do festival internacional do cómic que aquí se celebra, a máis importante por audiéncia de Europa, abriu as súas portas o día 24 cunha nova organización e no contexto da vitalidade excepcional que vive o sector.
Dende o mediodía os fans agardaban á porta das casetas instaladas en pleo centro desta cidade do suroeste de Franza; casetas que albergan exposicións, encontros con autores, tendas, talleres…
Uns mil autores pasaron por aquí até o domingo 27. Cada ano o festival atrae a unhas 200.000 persoas, das que até un 7% veñen de fóra de Franza. Estas cifras amosan a boa saúde económica do sector: uns números que fan palidecer os doutras pólas da edición.
Lér mais
Os Irmandiños no Guinness
A recreación da batalla dos Irmandiños, promovida pola Dirección Xeral de Xuventude da Xunta e celebrada o pasado mes de outubro no castelo de Monterrei, ven de entrar no popular libro Guinness dos récords coma o xogo de rol en vivo celebrado que concentrou a un meirande número de participantes de todo o mundo.
O xogo desenvolveu-se o pasado mes de outubre e contou con preto de mil participantes procedentes de toda Galiza, vários puntos de España e mesmo de Franza, entre xogadores, actores e persoal da organización. A primeira edición celebrou-se en 2006 e, por mor do seu éxito, repetiu-e o pasado outubro. Os seus organizadores afirman que se converteu nun referente a nivel estatal. Ademáis, salientan a capacidade deste xogo para implicar á xoventude nunha actividade que además de divertir enmarca-se dentro dun episódio da história de Galiza e revaloriza o seu património artístico.
Os Irmandiños: A Revolta, a edición do xogo de rol celebrada en outubre e que entrou no Guinness enmarcou-se na Segunda Revolta Irmandiña. Os participantes pertencían a dous bandos e recrearon a batalla que libraron señores e labregos en 1467.
Agora, a Dirección Xeral xa pensa na vindeira edición; Monterrei volverá ser o escenário da cita. O director xeral de Xuventude, Rubén Cela, salientou que o recoñecemento do Guinness servirá para dar máis cobertura ao feito e que poida participar xente doutros países.
Bruening recupéra-se
Justin Bruening, o protagonista da vindeira série da canle de televisión NBC Knight Rider (O coche fantástico), confirmou que está a se recuperar da leixón no xoenllo que sofriu nunha escena de loita hai uns días. O episódio piloto poderá aparecer o vindeiro 17 de febreiro nas pantallas, pero os seguintes episódios deberán agardar ao remate da folga de guionistas.
