A Mosca, ópera en París
O Teatro parisino do Châtelet pecha a sua tempada lírica cunha verdadeira traca final: a estrea mundial, este mércores, de The Fly (A Mosca), primeira ópera de Howard Shore, dirixida por Plácido Domingo ao fronte da Orquestra Filharmónica de Radio France e polo cineasta canadiano David Cronenberg, tres artistas de poderío internacional que decidiron trasladar á lírica unha das películas de ciéncia-ficción de culto do século XX, cunha montaxe encabezada polo seu mesmo realizador, Cronenberg, e polo seu compatriota Shore, compositor da música de case todas as suas películas, incluida A Mosca (1986).
Ainda que The Fly é un dos éxitos máis comerciais na carreira de Cronenberg, a sua tradución lírica non é precisamente tarefa doada, por se tratar dunha creación contemporánea. Xusto o reto que quería afrontar o compositor de O silenzo dos años (1991), de After Hours (1985) ou Infiltrados (2006), dúas veces oscarizado pola triloxía O Señor dos Aneis (2001-2003).
O libreto retoma o argumento da fita de ciéncia-ficción e terror que levou o Prémio do xurado no Festival de Avoriaz en 1987 e resucita os temores e experiéncias do científico metamorfoseado por erro en mosca asasina.
Entre o 2 e o 13 de xullo ofrecerán-se en París cinco representaciónes desta ópera, cuxo ensaio xeral terá lugar este mesmo luns á noite, poucas horas despois de que o compositor, o cineasta e o tenor á apresenten á prensa.
Os gregos van ao cinema
Está-se a preparar unha auténtica vaga de filmes baseados na mitoloxía grega clásica: Relativity Media está a desenvolver War of Gods, mentres que a Warner Brothers está a facer un remake de Clash of the Titans.
Charley e Vlas Parlapanides escribiron o guión de War of Gods (A Guerra dos deuses), que será dirixida por Tarsem Singh (The Fall).
O director de O Incríbel Hulk, Louis Leterrier, pola súa banda, será quen poña en imaxes o guión de Lawrence Kasdan de Clash of the Titans (Loita de Titáns).
A Warner deu a luz verde a Loita de Titáns xusto despóis de que Leterrier aterrara no proxecto. A Relativity, que finanza War of Gods, puxo en marcha o proxecto e quere acelera-lo para finais de ano.
Ambas as duas películas agardan contar con técnicas de pantalla verde, as mesmas que lle deron ese toque especial ao filme 300 cun custe relativamente baixo.
War of Gods está ambientada nunha Grécia dividida polas guerras, cando o xove príncipe Teseo lidera aos seus homes nunha batalla contra o mal que contará cos deuses loitando man a man cos soldados contra os demos e os titáns.
Lér mais
Papeliño para a moza de Rodriguez
O director de Grindhouse, Robert Rodriguez, producirá un novo filme que adaptará as aventuras de Red Sonja, interpretada pola súa moza na vida real, Rose McGowan.
McGowan interpretará asemade á guerreira de pelo vermello nacida nas páxinas dos cómics e disposta a chegar ás pantallas do cinema en 2010.
O filme será unha história orixinal, dirixida polo parceiro de sempre de Rodriguez, Douglas Aarniokoski, e conterá partes da súa vida tomadas dos cómics, así coma das novelas do seu creador orixinal, o novelista Robert E. Howard, pai asemade do persoaxe de Conan o Bárbaro.
Cloverfield 2?
Matt Reeves, o director que se encargou do thriller de monstros Cloverfield, revelou á prensa que hai plans para facer unha segunda parte, ainda que eses plan están en repouso até que os produtores atopen unha idea que sexa tan interesante coma a orixinal. Algúns informes de prensa din que entre as ideias que se barallan está a de facer unha precuela que narre as orixes da creatura.
¡Maldito Bastardo! en Faermament
A recente produción galega ¡Maldito Bastardo!, dirixida polo realizador compostelán Javi Camino, estréase internacionalmente nos próximos días dentro da sección oficial do festival italiano Fearmament (Turín, Itália).
O festival celébra-se entre o 27 de xuño e o 3 de xullo, e ademáis de películas haberá outras actividades coma concertos musicais ou torneos de videoxogos. Todo iso relacionado coa temática de terror.
¡Maldito Bastardo! é a única película española seleccionada polo certame.
Margaret Atwood, Príncipe de Astúrias das letras
A escritora canadiana Margaret Atwood obtivo o día 25 o prémio Príncipe de Astúrias das Letras por unha obra que explora diferentes xéneros “con agudeza e ironía” e asume “intelixentemente” a tradición clásica dende a defensa da dignidade das mulleres e a denúncia das inxustizas sociais.
A candidatura de Atwood, presentada polo director xeral do Libro, Arquivos e Bibliotecas do Ministério de Cultura español, Rogelio Blanco, chegou á derradeira votación xunto á do autor español Juan Goytisolo, e converteu-se na primeira muller galardonada na actual edición dos prémios Príncipe de Astúrias.
Margaret Atwood, que obtivo en 2000 o Booker Prize, publicou vários poemários e é autora de máis de vinte obras de fición, entre elas a distopía O conto da criada, unha crítica feroz á sociedade totalitaria; O asasino cego, Ollo de gato e Rexurdir, incluida polo crítico Harold Blomm no seu libro sobre as millores obras que forman o canon occidental.
Intimista, irónica, reivindicadora da loita da muller e dos dereitos humanos en xeral, Atwood colabora intensamente con Amnistía Internacional, dende onde defendeu os dereitos territoriais dos índios Mohawks, e o seu nome soou nos últimos anos para recebir o prémio Nobel de Literatura.
Lér mais
George R.R. Martin em Portugal
Com organização a cargo da editora Saída de Emergência, Épica – Associação Portuguesa do Fantástico nas Artes, e com o apoio da Embaixada dos Estados Unidos da América, o autor americano George R. R. Martin visitará Portugal na próxima semana.
Os leitores portugueses de fantástico terão agora a oportunidade raríssima e provavelmente irrepetível de conhecer pessoalmente um dos mais reputados autores mundiais da literatura fantástica, autor da aclamada série The Song of Ice and Fire, que tem vindo a ser publicada em Portugal pela editora Saída de Emergência sob o título As Crónicas do Gelo e do Fogo.
George R.R. Martin, natural de New Jersey, iniciou a sua carreira na década de 1970 escrevendo ficção curta, o que lhe valeu vários prémios Hugo e Nébula. Alguns anos depois, começa a escrita de romances. Nos anos oitenta dedica-se ao trabalho de argumentista para televisão, nomeadamente nas séries premiadas A Bela e o Monstro e A Quinta Dimensão. Como editor, organizou a série de livros Wild Cards. Também nesta altura, viu um dos seus contos ser adaptado para o cinema: Nightflyers (1987).
Em 1996, George R. R. Martin voltou à escrita de romances, iniciando a série As Crónicas do Gelo e do Fogo, conjunto de livros que tem sido elogiado pela crítica como a fantasia épica mais bem sucedida desde O Senhor dos Anéis, tendo ocupado já o primeiro lugar nas tabelas de best-sellers do New York Times e do Wall Street Journal. A série está presentemente a ser adaptada e filmada para televisão.
Para além dos seus livros de fantasia, desenvolveu uma obra notável também no campo da ficção científica com títulos como A Song for Lya, Dying of the Light, Sandkings, Songs of Stars and Shadows, entre outros. É membro da Science Fiction Writers of America (tendo sido Vice-Presidente de 1996-98 ) e da Writer’s Guild of America.
Lér mais
Gañadores dos prémios Locus
Veñen de se anunciar os gañadores deste ano dos prestixiosos prémios Locus, que se conceden aos máis votados de entre as enquisas que fan os leitores da revista Locus cada ano. Esta é a listaxe completa cos gañadores:
- Novela de ciéncia-ficción: The Yiddish Policemen’s Union de Michael Chabon
- Novela fantástica: Making Money de Terry Pratchett
- Libro infanto-xuvenil: Un Lun Dun de China Mieville
- Primeira novela: Heart-Shaped Box de Joe Hill
- Novela curta: After the Siege de Cory Doctorow
- Conto longo: The Witch’s Headstone de Neil Gaiman
- Conto curto: A Small Room in Koboldtown de Michael Swanwick
- Escolma: The Winds of Marble Arch and Other Stories de Connie Willis
- Antoloxía: The New Space Opera, recopilada por Gardner Dozois e Jonathan Strahan.
- Non-Ficción: Breakfast in the Ruins de Barry N. Malzberg
- Libro de arte: The Arrival de Shaun Tan
- Editora: Ellen Datlow
- Revista: The Magazine of Fantasy & Science Fiction
- Editorial: Tor
- Artista: Charles Vess
The Keep, adaptada ao cinema
A Rogue Pictures ven de se facer cos dereitos do guión de Ehren Kruger The Keep, unha adaptación da novela sobrenatural homónima de Jennifer Egan; Kruger será tamén o produtor.
O thriller vai sobre un misterioso prisioneiro que seduce a unha muller local que posúe un segredo sobrenatural que pode transformar a súa vida.
O produtor residente en Praga Matthew Stillman fíxo-se cos dereitos do libro de Egan, unha continuación de Look at Me, en 2006 para que Kruger a adaptase antes de vende-la aos estudos.
Entre os créditos de Stillman están Casino Royale, O Ilusionista e Van Helsing, todas elas rodadas na República Checa.
Carter de Marte… debuxos animados?
O director e guionista Andrew Stanton, que seica está a traballar coa Disney/Pixar para desenvolver un filme baseado na obra clásica de Edgar Rice Burroughs John Carter de Marte, negou á prensa que xa se tomara algunha decisión sobre se o devandito filme será rodado con actores reais, se será de debuxos animados ou se será unha mistura de ambos os dous.
“Todo o mundo está a se preguntar iso, pero non tomaremos a decisión até dentro dun ano“, dixo Stanton (Atopando a Nemo) nunha entrevista mentres promocionaba o seu vindeiro filme de debuxos de ciéncia-ficción, WALL*E, o pasado día 20.
Stanton é realmente o responsábel da primeira mistura de acción real e de animación da Pixar en WALL*E na forma de videoclips curtos co actor Fred Willard.
Stanton confirmou asemade os informes amplamente espallados de queel está ao fronte do desenvolvemento do filme: “Ben, estou definitivamente a escribi-lo con Mark Andrews“, dixo.
O novo filme estará baseado na série de novelas de Burroughs, que comezou a escribir en 1911 e rematou en 1964, ambientados nun mundo fictício chamado “Barsoom” e centradas nun veterán da guerra civil americana que sen saber como é transportado ao planeta vermello, onde vivirá aventuras con princesas e guerreiros.
