Batman segue en racha
O Cabaleiro Escuro continuou esta pasada fin de semana varrendo aos seus rivais nas billeteiras do mundo, cruzando xa a marca de 300 millóns de dólares de recadación (192 millóns de euros) en tan só dez días. Isto fai por certo que bata outro récord, o de filme con máis recadación na súa segunda semana nos carteis, sobrepasando a Piratas do Caribe 3. A Warner espera chegar aos 400 millóns de dólares en 18 días, e asemade bater un récord máis, que mantén Shrek 2 dende 2004 (chegou aos 400 millóns en 43 días).
Candidatos aos Ignotus 2008
Rematada a primeira fase dos prémios Ignotus que, orgaizados pola Asociación Española de Fantasía, Ciéncia-Ficción e Terror (AEFCFT) e votados polos seus membros, así coma por membros doutras organizacións afíns e membros do vindeiro congreso español de ciéncia-ficción, a HispaCon, veñen de se dar a coñecer os finalistas nas diversas categorías, que son os seguintes:
NOVELA:
• Alejandro Magno y las Águilas de Roma, de Javier Negrete (Minotauro)
• Corazón de Tango, de Elia Barceló (351 editores)
• Cristales de Fuego, de José Antonio Suárez (Ediciones Parnaso)
• Los Navegantes, de José Miguel Vilar (Grupo AJEC)
• Madrid, de Daniel Mares (Ediciones Parnaso)
NOVELA CURTA:
• Fluyan mis lágrimas, de Gabriel Benítez (Grupo AJEC)
• Mundo al revés, de Ángel Padilla (Ediciones Parnaso)
• No habrá vergüenza en la derrota, de José Luis López Aranguren (UPV)
• Sobre los inmortales, de Ezequiel Dellutri (UPV)
• Superficie, de Héctor Álvarez Sánchez (Ediciones Parnaso)
Lér mais
Haberá película de Venom
O éxito do persoaxe do Joker de Heath Ledger en O Cabaleiro Escuro animou á Sony a rodar Venom, a história dun dos falcatruáns de Spiderman.
Os estudos xa están traballando no proxecto, baseado no persoaxe aparecido en Spiderman 3, e co que confía en expandir e sacar ainda máis benefício ás producións do trepamuros.
Seica vários guionistas foron xa consultados para desenvolver o argumento, que ainda non está pechado. Sony e mais a Marvel preferiron non facer ningunha declaración respecto ao asunto.
Venom é o nome dado á primeira forma de vida simbiótica que apareceu nos cómics Marvel. A creatura é un álien cunha forma pegañenta, case líquida. Require un hóspede, normalmente un ser humán, para sobrevivir. En troques, Venom outorga ao seu hóspede uns poderes ampliados. O álien é un dos piores inimigos de Spiderman, que foi o seu primeiro hóspede. Após de que Spiderman o rexeitara, Venom tivo que parasitar a outros seres humáns e asemade escomezar a súa carreira como supermalvado.
O persoaxe, após de aparecer nalgunhas das aventuras nos cómics, acadou tanta popularidade que agora se lle dará un filme de seu.
A Sony tamén está a desenvolver a cuarta parte de Spiderman, que se estrearía en 2011. Descoñéce-se ainda se volverá dirixir Sam Raimi e se o protagonista será Tobey Maguire.
Lovecraft inspirou BD portuguesa
O universo fantástico do escritor H.P Lovecraft serviu de inspiração para a banda desenhada Murmúrios das profundezas, a editar esta semana, que reúne seis contos escritos e desenhados por oito autores portugueses.
Murmúrios das profundezas, que foi lançado hoje sábado na Casa da Animação, no Porto, é um projecto de Rui Ramos, um geólogo de formação, autodidacta em banda desenhada, que convidou sete outros autores para escrever e desenhar contos inspirados na obra de Lovecraft.
“Cada frase que eu leio de Lovecraft desperta-me ideias para outras histórias“, disse Rui Ramos, 30 anos, à agência Lusa, referindo que descobriu a obra daquele escritor por causa de um curso de escrita criativa.
O livro, uma edição de autor com uma tiragem de 200 exemplares, reúne seis contos escritos e desenhados por Rui Ramos, Diogo Campos, Flávio Gonçalves, Luís Belerique, Ricardo Reis, Diogo Carvalho, Phermad e Vanessa Bettencourt, todos eles tendo em comum o gosto pela BD e por Lovecraft.
Rui Ramos conheceu-os através do fórum de BD na Internet Central Comics e em festivais de banda desenhada. Todos eles têm formação diversa, que vai da astronomia ao design, e são de diferentes cidades, de Braga a Faro.
O ponto de contacto para fazer Murmúrios das profundezas ao longo do último ano foi mesmo a Internet, com a troca de textos e esboços de histórias a ser feita por correio electrónico.
Quando se preparam para lançar Murmúrios das profundezas, cuja apresentação na Casa da Animação será acompanhada por uma exposição a descorrer do 26 de Julho ao 5 de Setembro com os esboços originais, os autores estão já a trabalhar numa nova BD, intitulada Voyager.
Esta BD, que sairá em 2009, mantém-se no registo do fantástico e ficção científica e tem apenas uma personagem, um viajante que se aventura por mundos paralelos à Terra.
Bale, de novo libre
Unha vez liberado após de catro horas na comisaría e mentres presentaba en Barcelona o seu novo filme, Christian Bale referiu-se ao recente escándalo da súa detención por supostos maltratos á súa nai e á súa irmá coma “un asunto profundamente persoal” polo que pediu respecto á súa intimidade.
Prémios Prometheus
The Gladiator de Harry Turtledove e Ha’penny de Jo Walton foron os gañadores do prémio Prometheus deste ano, que recoñece á millor novela que explore o valor da liberdade persoal, os dereitos humanos e outros ideais libertários. Asemade deu-se a coñecer o gañador do prémio Salón da Fama Prometheus ao millor clásico da ciéncia ficción, que foi para A Laranxa Mecánica de Anthony Burgess.
Remake de Rocky Horror Picture Show
A MTV fará un remake do vello filme de culto de 1975 The Rocky Horror Picture Show.
Lou Adler, produtor executivo do filme orixinal, asociará-se coa BermanBraun e mais os estudos de televisón da Fox nesta nova versión dun filme clásico que misturaba a comédia co musical e a ciéncia-ficción.
O remake de dúas horas utilizará o guión orixinal de Jim Sharman e Richard O’Brien, pero tamén podería incluir música nova non incorporada no filme orixinal.
Ainda están por se anunciar o director e máis os actores do reparto.
Asemade non hai tampouco un lugar nas axendas para o comezo da produción, ainda que os parceiros neste proxecto queren apurar os prazos o máximo posíbel.
O filme orixinal estaba protagonizado por Tim Curry, Susan Sarandon, Barry Bostwick e Meat Loaf, e acadou nada menos ca 140 millóns de dólares nas billeteiras dos Estados Unidos ainda que repartidos ao longo dos anos, xa que o filme ficou nas carteleiras durante as últimas tres décadas.
Tim Burton xa ten á súa Alícia
Tim Burton ven de atopar á súa protagonista para a nova adaptación de Alícia no País das Marabillas na que está a traballar para a Disney. Non é, coma se rumoreou hai un par de semanas, Ryan Nikole Parker, pero tampouco é unha actriz coñecida precisamente. O papel recaiu na actriz australiana Mia Wasikowska, cuxos únicos créditos até de agora consistiron en aparecer como habitual na série da canle HBO In Treatment e no filme de terror de crocodilos maléficos Rogue. Pero esta rapaza de 18 anos ten ainda por estreas filmes de maior calado coma a vindeira Defiance e a biografía da aviadora Amelia Earhart titulado precisamente Amelia, co que probábelmente será unha face recoñecíbel para cando se estree Alícia no País das Marabillas.
O filme será unha combinación de acción real co sistema de animación por captura de imaxes e será lanzado en 3D dixital. Conta cun guión de Linda Woolverton, que xa traballou en O Rei León e a rodaxe escomezará en novembro. A estrea está prevista para 2010.
Roubando o Tempo
A Columbia Pictures ven de contratar a Walt Becker para que dirixa o filme de acción e de viaxes polo tempo Stealing Time, centrado en tres xeracións de homes que embarcan nunha aventura polo mundo para descubrir os segredos dun antigo aparello coñecido coma a Máquina de Antiquitera, que podería ser o compoñente clave dunha máquina do tempo perdida.
Bob Cooper da Landscape Entertainment e Charles Segars da Sparkler Entertainment serán os produtores.
Stealing Time é unha ideia desenvolvida por Cooper e Segars, que traballaron para facer o argumento xunto ao copresidente da Columbia Doug Belgrad.
Colin Trevorrow, que escribiu Tester para a DreamWorks, xa comezou a traballar no guión de Stealing Time.
Singer producirá Capeshooters
Bryan Singer producirá Capeshooters, unha nova adaptación dos cómics, para a Warner Brothers.
Singer, que xa dirixiu filmes de superheroes coma X-Men e Superman Returns, está agora interesado en explorar o lado escuro deste asunto, pero só será un produtor no proxecto.
En Capeshooters, dous lacazáns convírten-se en paparazzis especializados en cubrir vídeos de superheroes e nunha destas atópan-se con probas de que un superheroe reverenciado polo público é en realidade un superfalcatruán.
J.P. Lavin e Chad Damiani escribirán o guión.
O proxecto está baseado nun cómic que ainda non apareceu no mercado, creado por Rob Liefeld, o antigo debuxante da Marvel Comics que abandonou a empresa para crear unha de seu, a Image Comics.
