A Disney compra á Marvel

A Walt Disney Company ven de anunciar un acordo para comprar á Marvel por preto de 4.000 millóns de dólares (uns 2.800 millóns de euros) en accións e cartos en metálico, co que se convirten nos propietários dos dereitos dos persoaxes do cómic mais populares da actualidade: Iron Man, Spiderman, a Patrulla X, o Capitán América e até 5.000 persoaxes mais.

Os accionistas da Marvel recibirán 30 dólares por acción e preto de 0,745 títulos da Walt Disney por cada acción que tiveran da compañía de cómics, asegurou a Disney nun comunicado distribuido o luns. A Disney realiza esta compra despois de que os filmes baseados nos persoaxes da Marvel se converteran en grandes éxitos no despacho de billetes.

Ambas as duas empresas anunciaron que os seus respectivos consellos de administración xa aprobaron a operación, que valora cada título da Marvel en 50 dólares (menos de 35 euros), o que supón unha prima do 29% respecto dos 38,65 dólares aos que pechou o vernes na Bolsa a compañía de cómics. As bolsas por certo recebiron o acordo con reaccións ben diferentes coma erade agardar: as accións da Disney cairon un 1,9% en Wall Street mentres que as da Marvel subían un 26%.

“Coidamos que a suma da Marvel á carteira única de marcas da Disney aportará sinificativas oportunidades de crecemento a longo prazo e de creación de valor“, asegurou hoxe o máximo responsábel executivo da Disney, Robert Iger, ao anunciar a operación.

Pola sua banda, o director executivo da Marvel, Ike Perlmutter, dixo que “a Disney é o fogar perfecto para o arquivo de persoaxes da Marvel, dada a sua probada habilidade para ampliar a creación de contidos e emprendementos“, e engadiu que “esta é unha oportunidade sen precedentes para a Marvel“.

O terror chega a Lisboa

O MOTELx, 3º Festival Internacional de Cinema de Terror de Lisboa, decorrerá de 2 a 6 de Setembro, no Cinema São Jorge, em Lisboa (Portugal). Este ano con novidades muito interesantes: uma secção competitiva com curtas-metragens de terror portuguesas, a evolução natural para um festival que quer fomentar o cinema de terror nacional, escavando bem fundo na psique deste velho país. A Inquisição travou a literatura, o Estado Novo o cinema, mas neste momento não há desculpas para não quebrar as barreiras da representação fílmica nacional e começar a aventura dos géneros.

O grande destaque desta edição é, contudo, o número esmagador de longas-metragens recentes e inéditas em Portugal, 26 de 35 longas em exibição, a prova cabal do crescimento deste MOTELx de estadia curta. EUA, Canadá, Austrália, Espanha, França, Bélgica, Noruega, Finlândia são alguns dos países hospedados mas haverá também mais hóspedes asiáticos, mais concretamente, Japão, Tailândia e Indonésia. Cada sessão será complementada por uma curta-metragem e esperam-se mais convidados para apresentarem os seus filmes.

Este ano haberá vários hóspedes de luxo (mais a anunciar): Stuart Gordon, o autor de um dos maiores clássicos de terror dos anos 80, Re-Animator, o polêmico John Landis, coa versão remastered de An American Werewolf in London (EUA/1981), e mais o francês Yves Montmayeur, realizador, jornalista e crítico de cinema.

O programa e mais a os horários estão já disponíveis no Web oficial de MOTELx.

Peche dun fanzine en Portugal

O fanzine português Nova anúncia a dissolução do projecto, passado quase um ano desde o lançamento do terceiro número. A iniciativa de Ricardo Loureiro publicou alguns dos contos mais interessantes dos últimos anos, entre autores novos e veteranos. Os editores apresentaram dois principais motivos para o encerramento, nomeadamente a questão do custo e a falta de participação com qualidade por parte dos autores portugueses. Os números da revista estão disponíveis online.

Prémios Sidewise 2008

No decurso da pasada WorldCon celebrada en Montréal (Quebéc) fíxo-se entrega dos prémios Sidewise de Ucronía ás millores obras do devandito xénero no pasado ano 2008. Os gañadores foron The Dragon´s Nine Sons de Chris Roberson en obras de longa extension e Sacrifice de Mary Rosenblum en obras curtas.

Rob Zombie en The Blob

Rob Zombie, fundador e vocalista principal da banda de rock White Zombie, escribirá, dirixirá e producirá un remake cun orzamento de 30 millóns de dólares do filme de terror clásico de 1958 The Blob para a produtora Genre Co.

No filme orixinal, que protagonizara Steve McQueen e que foi estreado en España co titulo de A Masa Devoradora, un obxecto amorfo de cor vermella que procedía dunha nave espacial estrelada nunha eira comeza a absorber aos seres humanos cos que se pon en contacto, medrando exponencialmente a medida que os vai consumindo. Na nova versión de Zombie as cousas seica serán distintas, xa que ainda que o director rexeitou entrar en detalles, confirmou que a súa intención é non facer unha cousa vermella grande e amorfa: “esa é a primeira cousa que quero mudar“, dixo.

Zombie, Jack H. Harris, Richard Saperstein, Judith Parker Harris, Andy Gould e Brian Witten serán os produtores.

O filme orixinal xerou un remake de fasquía moito mais gore en 1988, que dirixiu Chuck Russell e que contou cun guión de Frank Darabont. Hai tres anos a Paramount Pictures anunciara un novo remake, que logo foi abortado, e no que figuraban os guionistas do filme A Casa de Cera Chad e Carey Hayes.

Ainda que non hai pechado ningún trato coas distribuidoras, o filme probábelmente contará cunha calificación “R”, que nos Estados Unidos impide entrar a ninguén menor de 18 anos ao cinema. A producióndará comezo en promavera, coa vista posta nunha estrea para 2011.

Entre os anteriores filmes de Rob Zombie están Halloween e The Devil’s Rejects.

A casa dos soños

O protagonista mais recente da saga de James Bond, Daniel Craig, ven de se unir ao reparto para o thriller psicolóxico Dream House para a Morgan Creek e mais a Universal Pictures.

Craig interpretará a un editor executivo de New York que se muda coa súa família a unha pequena vila de Nova Inglaterra, onde descubrirá que o seu novo fogar foi a casa onde se cometeu un terríbel asasinato.

Jim Sheridan (No nome do pai, O meu pé esquerdo) fará o seu debut no cinema de xénero dirixindo este filme, que conta cun guión de David Loucka. Craig entrará na rodaxe tan só despois de rematar a súa participación na obra de teatro de Broadway de John Crowley A Steady Rain, que coprotagoniza Hugh Jackman.

A rodaxe escomezará o vindeiro 25 de xaneiro.

Christensen e Newton desaparecen

Hayden Christensen, o actor que encarnou ao xoven Anakin Skywalker na triloxía precuela da Guerra das Galáxias, está en negociacións xunto a Thandie Newton e John Leguizamo para protagonizar o thriller independente Vanishing on Seventh Street (Desaparición na Rúa Sete).

O director Brad Anderson (The Machinist, Transsiberian) será o encargado da realización e ademais o guionista desta fita, ambientada nunha cidade onde misteriosas sombras fan desaparecer aos seus residentes de xeito inexplicábel. Cando só fican cinco supervivintes, axúntan-se para loitar polas súas vidas mentres se cuestionan o sentido da existéncia.

Christensen interpretará a un xornalista. Newton faría o papel dunha enfermeira desesperada e Leguizamo o do condutor do tren do metro.

Anthony Jaswinski co-escribiu o guión, metres que Celine Rattray, Tove Christensen e Lawrence Mattis serán os produtores.

A rodaxe está prevista para escomezar a mediados de outubro na cidade de Detroit.

Guionistas do Número 4

A parella de guionistas responsábel de filmes e séries de televisión coma Smallville ou A Múmia 3: A Tumba do Emperador Dragón, Al Gough e Miles Millar son os encargados de escribir o libreto para I Am Number Four, a nova película da Dreamworks Pictures.

O filme está baseado na novela homónima de James Frey e Jobie Hughes sobre un grupo de nove áliens que fuxen á Terra disfrazados coma adolescentes, cando o seu planeta é destruido. Os refuxiados deberán asimilar-se nun instituto na Terra cando descubren que o seu inmigo está a tentar dar-lles caza tamén no seu lugar de refúxio.

Michael Bay será o produtor e posíbelmente dirixirá o filme, que contará con Chris Bender e JC Spink como produtores executivos.

Entradas de Avatar, xa á venda

As entradas para a longamente agardada estrea do filme de ciéncia-ficción épico de James Cameron Avatar xa están á venda, catro meses antes da data fixada, que é o 18 de decembro.

Esta posta á disposición do público das entradas dun xeito tan cedo non ten precedentes, ainda que segundo un voceiro da AMC, a axéncia líder de venda de entradas por Internet, fai-se por motivos de “saúde”. Mais de 75 cinemas, a meirande parte deles salas Imax, comezaron a vender entradas o pasado venres, coincidindo coa estrea do tráiler de 16 minutos en 100 salas de cinema de todo o mundo.

Non está claro se outros exhibidores porán tamén á venda dun xeito tan antcipado as súas localidades para este filme. O que se sabe é que polo de agora non se poden mercar para as sesións de medianote, que son aquelas nas que adoita ir maisxente nas estreas.

As seguintes sesións non se determinarán até que o tempo de proxección da longametraxe remate, o que polo de agora se coida que pode ser entre 150 e 180 minutos.

Novo éxito de Néstor García en World of Warcraft

Segundo informan no xornal La Voz de Galicia, unha vez mais, o marinense Néstor García Trabazo alzou-se, xunto á sua equipa, como un dos mellores do mundo no BlizzCon 2009, o campeonato mais prestixioso de World of Warcraft, ao obter o terceiro posto. Non é a primeira vez que o galego é mundialmente recoñecido, xa que en 2007 obtivo o primeiro lugar no campeonato mundial de WoW.

O ano pasado, nombergantes, non destacou no mundial, polo que nesta nova edición Néstor e mais a sua equipa puxeron todo o seu empeño en conseguir o primeiro lugar no campeonato europeo que se realizou en Köln, Alemania, para se coar na final mundial.

Néstor, cuxo nick nas competicións é Souler, viaxou aos Estados Unidos cos seus dous compañeiros de xogo para participar no prestixioso torneio. Tras dúas axustadísimas xornadas, o de Marín e mais a sua equipa lograron o terceiro posto. O primeiro lugar foi para a equipa americana que se enfrentou na última etapa á equipa de Coreia do Sul. O ano pasado, Souler fora fichado pola sua equipa actual de videoxogos, o e-sport club X6tence, un dos millores de España.

Néstor e mais os seus dous parceiros, Javier Dobóm, de Valéncia, e Víctor Sánchez, de Málaga, levan mais de catro anos adicando todo o seu tempo libre ao xogo de rol masivo que se disputa on-line e no que os participantes se aventuran nun mundo de batallas. E o esforzo pagou a pena, porque ademais do recoñecemento mundial no mundiño dos videoxogos, os tres españois receberon un prémio de 10.500 euros.

BlizzCon é a festa dos xogadores de Warcraft, StarCraft, Diablo e das comunidades que os rodean. O torneo celebrou-se o pasado fin de semana en Anaheim, Califórnia. Para o trío, o Blizzcon representou unha oportunidade única de medir as suas forzas cos millores contrincantes do mundo. O de Marín asegura que os torneos oficiais son a millor forma de dar a coñecer os logros das equipas españolas.

Aproveitando a sua estáncia nos Estados Unidos, Souler participará nunha nova competición, esta vez en Dallas. Trata-se do torneo Major League Gaming que se celebrará do 28 ao 30 de agosto e no que Néstor espera repetir a fazaña de estar entre os millores.

Páxina seguinte »