O Gondoleiro

A negra proa da miña góndola corta suavemente as calmadas augas dos canais. A lustrosa embarcación serviume ben durante moitos anos, levando aos pasaxeiros a través dos canais da cidade baixo as mans dirixentes das xeracións dos meus antepasados.

O sol ocultábase sobre a antiga cidade, tornando as augas nunha cinta negra estendida entre os edificios de pedra arenisca. Respirei fondo a fresca airexa do serán.

Haberá algún sitio máis fermoso que esta marabillosa cidade de canais? Mentres a barca entraba coidadosamente na súa amarradoira, parei a contemplar con satisfación cómo se escurecían os ceos de Marte.

Fin

---

(Tradución de Ana Xaubet)

Hoult vai a Mad Max

O actor inglés Nicholas Hoult (A Single Man, Skins) ven de se unir ao reparto do vindeiro filme de George Miller, Mad Max: Fury Road, para a Warner Bros. Pictures.

A história, da que ainda non se coñece demasiado, estará ambientada un pouco despois dos acontecementos narrados no filme de 1985 Mad Max: Mais aló da Cúpula do Trono, cando o persoaxe de Max ainda era novo. Charlize Theron e Tom Hardy serán os protagonistas principais.

A actriz e cantante Zoe Kravitz (The Brave One), a actriz australiana Adelaide Clemens (Love My Way, Wolverine) e mais a xa anteriormente mencionada Teresa Palmer están tamén en conversas para se unir ao reparto desta longametraxe.

Hoult interpretará a Nux, Kravitz fará de Cinco Viúvas e Palmer e Clemens participarán a bordo dun convoi perseguido polos malos. A rodaxe arrincará en Austrália a finais deste ano.

Zac Efron está en Fire

Zac Efron podería ser o protagonista da vindeira adaptación ao cinema da novela gráfica de Brian Michael Bendis Fire para a Universal Pictures.

Efron interpretará a un estudante universitário que é recrutado pola CIA e descubre que foi adestrado para un programa que crea axentes prescindíbeis.

Bendis escribirá o guión para o filme. Neil Moritz e David Engel producirán mentres que Efron e Jason Barrett serán os produtores executivos.

Efron ten ademáis outro proxecto en marcha, este xa asinado, e do que o único que se sabe polo de agora é que será semellante a Regreso ao Futuro, na Warner Bros. Pictures, que conta cun guión de Tim Calpin e Kevin Jakubowski, e que será dirixido por Nick Stoller co título de Algorithm.

Muccino embarca en Passengers

O director Gabriele Muccino (The Pursuit of Happyness, Seven Pounds) está en negociación moi avanzadas para se encargar da realización do filme de ciéncia-ficción e romance Passengers para a Morgan Creek.

O guión de Jon Spaihts está ambientado no futuro nunha nave espacial que está a facer unha viaxe de centos de anos de duración cara a outro planeta. E por mor dun fallo na programación do computador, un só pasaxeiro (Keanu Reeves) esperta do seu soño crioxénico só 90 anos antes que ninguén mais.

Enfrontado á perspectiva de medrar e morrer só, decide espertar tamén a unha fermosa muller. Stephen Hamel e James G. Robinson serán os produtores desta filme que comezará a se rodar en verán.

Holmes na pista rápida

O produtor Joel Silver ven de desvelar nunha recente entrevista que debido a que a segunda parte de Sherlock Holmes vai entrar en produción moi axiña, o director Guy Ritchie ficará fóra da adaptación á pantalla grande do popular persoaxe de cómic Lobo.

Silver, que é o produtor de ambos os dous filmes, dixo que “non coido que o vaia facer agora. Os estudos queren que Guy e mais eu nos centremos en facer outra Sherlock Holmes… así que estamos a tentar ver se podemos facer rápidamente outro filme de Sherlock Holmes. Temos algunhas ideias e algúns bós puntos para o argumento“. E no canto de se decidir por un adiamento, Silver engadiu que moi probábelmente elixirán a outro director para Lobo.

E respeito aos rumores que apuntan cara a Brad Pitt aparecendo no papel do Profesor Moriarty na seguinte entrega de Holmes, Silver dixo que “Ben, quero dicir, xa falamos sobre iso nalgún intre, pero xa sabes que agora mesmo non estamos seguros do que imos facer. Xa veremos o que pasa“.

George Lucas e as fadas

O director e creador da saga da Guerra das Galáxias, George Lucas, ten previsto producir un filme musical en debuxos animados xerados por computador, un proxecto que se mantén baixo o maior dos segredos e que está actualmente en preprodución no Rancho Skywalker, o lugar de residéncia de Lucas.

O director das Tartarugas Ninja e de Dead of Night, Kevin Munroe, dirixirá este novo filme que se espera que conteña música procedente dunha variedade de fontes. Do seu argumento, á parte de que é obra do guionista David Berenbaum (Elf, As Crónicas de Spiderwick) o único que se sabe é que contén fadas.

Un voiceiro da Lucasfilm dixo que ainda era moi axiña para comentar detalles sobre este proxecto. Lucas está nestes intres rematando o seu traballo como produtor no filme de Red Tails.

Morreu a médium de Poltergeist

Tal e coma se agardaba dende finais do ano pasado, a actriz Zelda Rubinstein, popular polo seu papel de médium no clásico de terror Poltergeist (1982), finou onte aos 76 anos de idade nun hospital de Los Angeles por mor de complicacións após dun ataque ao corazón.

De baixa estatura, 1,30 metros, e voz “infantil”, Rubinstein deu vida en tres ocasións ao persoaxe de Tangina Barrons na triloxía de Poltergeist, unha historia escrita e producida por Steven Spielberg, na que a actriz se meteu na pel dunha vidente que se enfrontaba a forzas demoniacas.

Ao marxe desas producións, a sua carreira cinematográfica tivo pouca repercusión, se ben participou en títulos coma Under the Rainbow (1981), Sixteen Candles (1984), Teen Witch (1989) ou más recentemente Southland Tales (2006).

Na pequena pantalla foi parte da série dos 90 Picket Fences, gañadora dos prémios Emmy ao millor drama de televisión en 1993 e 1994, e foi a narradora dos documentais The Scariest Places on Earth.

Novos plans para Greutert

A Twisted Pictures e mais a Lionsgate veñen de exercer os seus dereitos sobre o director de Saw VI Kevin Greutert e van-lle obrigar a que regrese á franquía e que dirixa a sétima entrega desta saga de terror, que el mesmo encargou-se de criticar dende o seu blog nestes últimos meses.

David Hackl (Saw V) era o realizar vencellado anteriormente ao proxecto, que tiña previsto converter-se en Saw VII 3D, pero foi desbotado pola produtora, que lle vai encargar outro proxecto.

O movemento dos estudos é abraiante, primeiro porque nunca se viu que se obrigase a un director a dirixir un filme contra a súa vontade, e segundo porque a semana pasada anunciaran que Greutert ía encargar-se do remake do filme sobrenatural de Oren Peli Paranormal Activity. O primeiro Paranormal gañou 123 millóns de dólares no despacho de billetes e acadou unhas críticas non demasiado malas, o que en calquera caso é mais do dobre que fixo a anterior entrega de Saw, que tivo quese contentar con 57 millóns.

A Paramount xa ten posta na axenda a estrea da secuela de Actividade Paranormal, no 22 de outubro, competindo directamente contra Saw VII 3D. Os analistas apostan porque todo é unha xogada da Lionsgate para se vingar da Paramount, coa intención de desbancar a Paranormal das carteleiras.

Agora a Paramount deberá atopar a toda presa un novo director, e a pregunta que se fai todo o mundo é de se poderá chegar a tempo para evitar que o Halloween deste ano estea dominado por Jigsaw, o protagonista da saga de Saw.

A Vida Escura

The Gotham Group, os estudos responsábeis do filme As Crónicas de Spiderwick, veñen de se facer cos dereitos para o cinema sobre a novela de aventuras submariñas de Kat Falls Dark Life.

A história está ambientada nun futuro cercano onde os niveles dos mares suben e as catástrofes naturais levan á xente a construir as suas casas no leito dos océanos. A acción céntra-se nun adolescente que vive nunha destas cidades e mais nunha rapaza que vive na superfície, e xuntos deberán loitar contra unha conspiración do governo.

Gregory Little, Ellen Goldsmith-Vein e Lee Stollman serán os produtores. Os estudos aínda están á procura dun director.

Sam Worthington en Drácula

O actor australián de moda, Sam Worthington (Avatar, Clash of the Titans) será posíbelmente o protagonista da vindeira película épica de Alex Proyas, Dracula Year Zero, para a Universal Pictures.

Matt Sazama e Burk Sharpless escribiron esta estraña fusión de feitos históricos e ficción literária que vai sobre a vida do xoven príncipe transilván Vlad, mais coñecido coma Vlad o Empalador, e que foi a inspiración para que Bram Stoker escribira a súa novela de vampiros.

Este xiro no argumento levará ao príncipe a defender a Europa contra o Império Otomán, que pretende conquistar Roménia como primeiro paso para se facer co resto do continente.

Nun intre de desesperación, Vlad ascende a unha montaña onde reside un poder máxico maligno, coa esperanza de manter aos turcos afastados da súa terra. Ese poder axudará-o a vencer, pero ao prezo de lle converter nunha criatura da noite.

Michael De Luca será o produtor.

Páxina seguinte »