Whedon dixo que o principal problema cando escomezou a escribir o guión para este filme de superheroes é que «non hai ningún motivo para que todos estes persoaxes estean xuntos no mesmo filme. Así que iso é do que vai o meu filme«.

Coma resultado, «grande parte da película acontece dende a perspectiva de Steve Rogers, dado que el é o tipo que ven de espertar e mira este mundo coma algo moi raro. Todos os demais xa viviron nel«.

Estes comentários encaixan cos de Chris Evans a unha revista recentemente, nos que chamou ao seu persoaxe «un tipo que vai ao gran. É probábelmente un pouco aburrido coma persoaxe, pero coido que ten os pes na terra. Cando tes todas esas persoalidades e egos, precísa-se alguén que os poña no seu sítio e que lles recorde que isto é un equipo, non un espectáculo individual«.

Ademais, confirmou que xa asinou un contrato para facer tres películas do Capitán América e outras tres participando no grupo dos Vingadores, así que é pouco probábel que o seu persoaxe apareza, mesmo en cameos, noutros filmes da Marve: «Á parte deses seis filmes, se aparecera noutro, sería parte do contrato. Así que se me precisan noutro filme do Capitán América eu diría ‘fódete, e da-me outros 30 millóns de dólares’. Supoño que queren evitar que aconteza iso«.

A Marvel xa revelou coma datas de estrea o 16 de maio de 2014 e mais o 27 de xuño de 2016, pero ainda non dixo que películas serán as que se estreen nesas datas.

Dado que o filme transcurre durante a Segunda Guerra Mundial e principalmente en Europa, os realizadores querían evitar no posíbel as controvérsias políticas contemporáneas que poideran xurdir de facer un filme adicado a un dos heroes mais clásicos dos Estados Unidos, o que comprometería a recadación internacional.

Así pois, e dado que non é infrecuente que moitos países muden o título orixinal das películas (algo ao que estamos tristemente acostumados en Galiza) os estudos decidiron dar liberdade a cada país para utilizar calquera dos dous títulos posíbeis.

Agora ven de se saber que só tres países optaron polo nome curto: Rúsia, Ukraína e Corea do Sul.

Pero este non será o único cambio que se faga: en Austrália fíxo-se pública unha versión do tráiler oficial no que o lema do filme pasou de ser «Heroes are made in America» (os heroes están feitos en América) a outro menos interesante: «When evil rises, a hero will stand» (Cando o mal aparece, un heroe lle fai frente).

O filme terá a súa proba de fogo o vindeiro 28 de xullo, cando se produza a estrea internacional en Inglaterra, Austrália e algúns países de Ásia e Sudamérica, todo elo unha semana despois da estrea nos Estados Unidos. A Europa chegará en agosto.

Mentres tanto, en China é moi dubidoso que se chegue estrear, e os produtores xa non contan con elo, por mor da estrita censura que impediría calquera tipo de mención a un heroe que leve a bandeira americana no peito.

E todo porque seica o nome de América, que para os españois é só o nome de dous continentes, non é precisamente popular en diversos países do mundo, onde o Capi deberá disimular que é o representante da superpoténcia que venceu a guerra fría. Así, en Rúsia, Ucraina e mais Corea do Sul o título do filme sufrirá este recurte. A decisión, de todos os xeitos, foi xustificada pola produtora coma o resultado da investigación de estudos de mercado, que aconsellaron a modificación, que segundo din, non se debe a problemas por sentimentos políticos.

Os estudos, nombergantes, preferiron salientar a parte positiva, e é que son só tres países onde haberá que modificar o título. Así, mália os sentimentos negativos que a política americana no mundo esperta en case todos os países do planeta (agás eles mesmos, básicamente) o Capitán América é un heroe recoñecido por si mesmo e non se verá demasiado afectado polo mal nome do seu país.

O filme ten prevista a súa estrea mundial durante as derradeiras dúas semanas do mes de xullo e a primeira de agosto.

Co título de Captain America: A Little Help (Capitán América: Un pouco de axuda), a Marvel lanzou gratuitamente na súa tenda online unha nova entrega do Capitán América coa que queren axudar a que descendan os suicídios nos Estados Unidos, especialmente entre adolescentes.

«Os superheroes loitan moitas batallas, pero hai poucas que sexan tan importantes coma combater os suicídios«, explicou Tom Brevoort, vicepresidente da Marvel, nun comunicado no que engade que o cómic inclúe o número telefónico gratuito de atención da Asociación Nacional de Prevención de Suicídios. «Se alomenos unha persoa chama a ese número no canto de cometer unha traxédia, teremos éxito«, dixo Brevoort sobre as intencións coas que editan este cómic de once páxinas que conta con debuxos de Nick Dragotta e guión do psicólogo Tim Ursiny.

O cómic relata a história dun rapaz que está por tirar-se dende o alto dun edifício, cando chega o Capitán América e o rapaz convérte-se na derradeira esperanza do heroe, que estaba nunha loita contra os seus inimigos.

Ademais do formato online, o cómic estará dispoñíbel en papel no número 5 da série I am an Avenger, á venda dende hoxe.

O Capitán América súma-se asemade a unha loita para evitar os suicídios, unha vaga que leva azoutando aos Estados Unidos dende hai meses, especialmente entre os veteráns de Iraq e os xoves homosexuais que non poden aturar o acoso ao que lles somete nos Estados mais conservadores. Moitos famosos, dende o presidente Barack Obama á secretária de Estado, Hillary Clinton, ou artistas coma Ricky Martin ou Elton John, lanzaron mensaxes de apoio nos últimos tempos.

Tal e coma se dixera anteriormente, Thor está-se a rodar en 2D e será convertido a 3D con posterioridade. No artigo, a Marvel confirmou que o director de Capitán América, Joe Johnston, fixo algunhasprobas con cámaras en 3D para rodar directamente o filme con este formato, pero tras declarar que o proceso foi «un pesadelo«, a Marvel decidiu que este filme tamén se rodaría íntegramente en 2D e sería convertido a 3D mais tarde.

Tanto Johnston, coma o director de Thor Kenneth Branagh e mais o voceiro da Marvel Kevin Feige recoñeceron que hai un estigma negativo contra o cinema «reconvertido» a 3D: «Diría que non hai un grande sentimento a prol da conversión, baseada en filmes que tiveron éxito financeiro pero que foron atacados artísticamente», comentou Feige, quen engadiu que «adicará-se unha cantidade de tempo sen precedentes ao proceso de conversión«, e que os efectos especiais para ambos os dous filmes foron concebidos dende o princípio en 3D. As «cidadelas de Asgard» especialmente préstan-se á dimensión extra.

Renner fora vencellado co mesmo papel para aparecer en Thor o ano pasado, pero os rumores decaeron cando se soubo que Renner estaba a negociar a súa incorporación a outros proxectos, un dos cales nunca chegou a asinar e outro dos cales non puido sair adiante por falla de financiamento.

Agora todo semella indicar que será o escollido para interpretar ao superheroe Hawkeye no filme que axuntará a moitos dos mais famosos heroes da Marvel e que comezará a se rodar o ano que ven.

Pola súa banda, Neal McDonough está a manter conversas para se facer co papel de Dum Dum Dugan no filme de Joe Johnston Captain America: The First Avenger.

O persoaxe é un oficial da S.H.I.E.L.D. e un dos mais experimentados membros da equipa de Nick Fúria. É coñecido polo seu chapeu redondo, que e é o seu sinal de identidade, e mais por ser un excelente francotirador.

A rodaxe do Capitán América escomezará o mes que ven en Inglaterra.

Dominic Cooper

A nova coñeceu-se nun sítio Web hai uns días grazas a unha entrevista co musculoso actor inglés realizada no decurso do recente festival de Cannes, onde se mencionou que el formaría parte do cásting, pero sen que se chegase saber ren mais sobre que papel faría no filme. Pero após de que saltase a nova, unha investigación realizada de contado descobriu que este será o seu seguinte papel.

O protagonista de Mad Men, John Slattery, interpretou a un vello Howard Stark a princípios dos anos 70 en escenas de flashback na recentemente estreada Iron Man 2. Cooper fora anteriormente vencellado co filme Thor onde se dicía que podería interpretar a un dos Tres Guerreiros, pero finalmente os rumores non resultaron ser certos.

A rodaxe de Captain America escomezará nunhas poucas semanas en Londres.

Samuel L. Jackson

E preguntado sobre por que non estará en Thor, Jackson respondeu con franqueza que «non teño nin ideia. Non son o responsábel de tomar tales decisións«. E cando lle cuestionaron verbo dunha posíbel película adicada só a Nick Fúria, Jackson dixo que o filme de superheroes conxunto Os Vingadores será de feito «o meu próprio vehículo coma protagonista para ese persoaxe, realmente si«.

Finalmente o actor dixo que está a se poñer en forma para a rodaxe d’Os Vingadores, que escomezará a se facer no vindeiro mes de febreiro do ano que ven. Jackson está chamado para se incorporar á rodaxe do Capitán América en Londres este verán.

Nos primeiros cómics da série, Peggy Carter era a namorada do Capitán América (Chris Evans) mentres ambos loitaban xuntos na Segunda Guerra Mundial. O persoaxe deberá pasar por unha adaptación xa que ten moito que poñer ao día.

En anteriores informacións, Emily Blunt era a principal candidata, pero rexeitou o papel, polo que este ficou pendente dunha decisión entre Atwell e mais a Alice Eve. A actriz británica finalmente foi a desbotada.

A Atwell puidemos ve-la en filmes coma The Duchess, Brideshead Revisited, Cassandra’s Dream e mais na recente minisérie remake de O Prisioneiro.

Tanto Eve coma a súa compatriota Hayley Atwell (The Prisoner, Brideshead Revisited) pasaron hai pouco por unha segunda proba de cásting esta semana en Londres baixo a supervisión dos produtores do filme. O papel tivera non hai moito como candidata a interpreta-lo a Keira Knightley, pero seica esa xa non é unha opción que segan a manexar nos estudos.

Nos cómics, Margaret «Peggy» Carter é unha rapaza que loitou na resisténcia francesa contra os nazis na Segunda Guerra Mundial e que axudou ao Capitán América en várias operacións.

Quen queira que ao final se faga co papel unirá-se a Chris Evans, que será o protagonista no papel de Steve Rogers e a Sebastian Stan, que será James «Bucky» Barnes. O filme comezará a súa fase de produción este mesmo verán e a estrea está prevista para xullo de 2011.

Múltiples fontes confirman que Stan ven de asinar un contrato para várias películas para interpretar a Bucky Barnes, o acompañante dos primeiros días do Capitán nos cómics, cando estaba de moda que todo super-heroe que se prezase tivera un axudante noviño. Nos cómics, Barnes chega a se converter no asasino soviético Winter Soldier, e mais tarde chega a sustituir ao Capitán após da morte de Steve Rogers.

Inicialmente Barnes era un orfo que descubre a verdadeira identidade do Capitán América, quen decide utiliza-lo coma o seu parceiro para loitar contra os nazis durante a Segunda Guerra Mundial. Aparentemente morre na mesma explosión do avión que levaba ao Capitán e que o deixou conxelado no Atlántico até que é descuberto moitas décadas despois.

En 2005 Barnes reaparece e sábe-se que o persoaxe fora rescatado do mar polos soviéticos. Vítima de amnésia, transplántan-lle un brazo biónico e convérte-se en asasino profesional ao servizo da Unión Soviética.

O acordo con Stan incluiría non só o filme do Capitán América senón o dos Vingadores e outros filmes da Marvel. A rodaxe do primeiro deles escomezará en Europa este verán.

Evans foi ún dos últimos actores que entraron nas apostas, e non fo iaté a semana pasada cando lle offreceron o papel, que aceptou após de pasar a fin de semana pensando. Ainda que fican un par de flecos por pechar, xa só é unha cuestión de sinaturas. A Marvel ainda non comentou ren, pero se agarda a que faga pública a súa decisión en canto todos os contratos estean asinados.

O trato consiste en interpretar ao Capitán alomenos en tres filmes co Capitán como protagonista único e noutro como parte do equipo de superheroes dos Vingadores. Hugo Weaving xa se comprometeu a interpretar ao malvado Cránio Vermello, o inimigo nazi do Capitán América.

O filme contará coa dirección de Joe Johnston e a rodaxe debe escomezar este verán, coa vista posta nunha estrea que se producirá en xullo de 2011.

Hugo Weaving

Nos cómics, Cráneo Vermello é a man dereita de Hitler e un as da espionaxe e da sabotaxe a princípios dos anos 40. Após dunha loita contra o Capitán, fica conxeado en animación suspendida e xunto a el, é revivido nos tempos actuais.

Joe Johnston, o director deste proxecto, traballou xa con Weaving até o mes pasado en The Wolfman. O actor, nacido en Nixéria no ano 1960, xa ten costume de traballar baixo unha máscara todo o tempo en V de Vendetta, o que o converte no home ideial para un papel que deberá poñe-lo baixo unha tonelada de maquillaxe e mesmo disimular todo o seu rostro coa axuda de efectos especiais.

John Krasinski

As probas de pantalla están a ter lugar estes días e durante as seguintes duas semanas para ver quen se fai co papel de Steve Rogers (o Capitán Amárica) na nova versión para o cinema do superheroe dos cómics que dirixirá Joe Johnston (The Wolfman, Jurassic Park III).

Na lista están ademais outros xóvenes actores que resultarán mais ou menos familiares aos afeccionados á televisión pero que son ainda relativamente descoñecidos para o grande público. Así, temos a Scott Porter (da série de TV Friday Night Lights, The Good Guy), Mike Vogel (Cloverfield, Poseidon), Michael Cassidy (Smallville, OC) e a Patrick Fluger (Os 4400, Brothers).

Chace Crawford (da série Gossip Girl, The Covenant) está en conversas para facer as probas pero ainda non foi confirmado. Garret Hedlund (Troy, Four Brothers, Tron: Legacy) estivo na listaxe pero seica o seu nome caiu, o mesmo có de Jensen Ackles (Supernatural, My Bloody Valentine 3D) por mor de conflitos coa axenda.

O proceso de todos os xeitos podería rematar sen que ninguén sexa elixido, ou volver sobre os pasos após dunha primeira elección. No filme Thor, tamén da Marvel, o australiano Chris Hemsworth non foi o primeiro elixido e mesmo chegou estar fóra das apostas, pero após de várias semanas o seu nome foi o que saiu e levou-se o papel.

Parte do problema que teñen os produtores nestes intres para elixir a un protagonista é o orzamento. Quen sexa elixido agora podería participar até en nove filmes para a mesma produtora, mentres que o salári oque se rumorea non sería precismente para tirar foguetes.

O Capitán América non chegará ás salas de cinema até xullo de 2011.

Johnston revelou que xa está a traballar na preprodución en Manhattan Beach (Califórnia) con Rick Heinrichs, un experto no deseño de produción: «É a parte do proceso que mais me gusta. Temos oito ou dez artistas de talento, e sentamos todo o día e debuxamos propostas… esta é a fase da produción onde non importan os cartos«, dixo moi emocionado.

Actualmente o plan é comezar a acción do filme en 1942 e 1943 durante a Segunda Guerra Mundial, e logo «ir cara adiante ao que están a facer co Capitán América hoxe en día… imos tentar evitar todo ese rollo dos cómics dos anos 60 e 70«.

O filme comezará a súa produción a finais deste ano, coa vista posta nunha estrea que será o 22 de xullo de 2011.

Respeito ao Capitán América, confirmou que será unha história orixinal de como Steve Rogers se converte no superheroe e que probabelmente a súa orixe dos anso 40 sexa reconvertida nunha nova orixe nos tempos actuais.

Johnston semella moi contento de salientar que o Capitán América é un home poderoso, pero que non ten superpoderes: «É un home ordinário ao que se lle concedeu este abraiante regalo da transformación no espécime perfecto, o culme da perfección humana. Como lle afecta iso? Que sinifica para el emocionalmente e psicolóxicamente? Podes pensar que ten todo o que quería. Pois non, non-o ten. As regras mudan nese punto e a súa vida convérte-se en mais arriscada e perigosa«.

Respeito ao argumento, Johnston non quixo dar detalles: «Terá algunhas esceas de acción moi boas e cousas que nunca víramos até agora. Pero no fondo, hai unha história sobre este rapaz que todo o que quere é encaixar. Estas cousas acontecen e ainda non as aceptou. E ten que se probar a si mesmo que é un heroe, esencialmente debe desertar para salvar a un amigo«.

E sobre unha cuarta entrega de Parque Xurásico, Johnston só dixo que vai acontecer: «Vai ser algo moi distinto do que xa víchedes. Racha totalmente coas outras tres, é esencialemente o escomezo da segunda triloxía do Parque Xurásico. Vai-se facer dun xieto totalmente distinto. E iso é todo o que vos podo dicir polo de agora«.

E mentres tanto, a adaptación que realizará Martin Campbell de outro superheroe, nesta ocasión Lanterna Verde, tamén deu algunhas novidades: seica o filme contará no seu reparto con algúns gañadores dun Oscar, ainda que sexan dos que están atrás das cámaras. Así, en primeiro lugar, o cinematógrafo Dion Beebe (gañador por Memórias dunha Geisha). E logo, ao deseñador de produción Grant Major e mais á deseñadora de vestiário Ngila Dickson (Oscars por O Señor dos Anéis: O Retorno do Rei). E finalmente, ainda que non gañou un Oscar, o filme contará co director artístico François Audouy, quen conta coa experiéncia dos tres filmes anteriores de Spiderman, Transformers e Watchmen.

Polo tanto, e mentres agardamos por mais actoresque se unan ao xa confirmado Ryan Reynolds no papel de Lanterna Verde, non hai dúbida de que Campbell quere rodear-se dunha equipa gañadora dende o comezo, todo coa intención de sacar do esquecemento a outro superheroe da DC Comics.

Lanterna Verde ten a data de estrea prefixada para o 17 de xuño de 2011.

«O Capitán América orixinal vai regresar finalmente«, dixo o editor xefe da Marvel Comics, Joe Quesada, á prensa. «Levamos planeando pacientemente este momento dous anos e médio«.

O Capitán América regresará o mes que ven nunha minisérie de cinco números, titulada Captain America Reborn.

O Capitán América fora tiroteado nos chanzos dun tribunal onde se negou a declarar 68 anos despois de que os seus creadores Joe Simon e Jack Kirby nos presentasen a Steve Rogers, un rapaz fraco que fora rexeitado polo Exército americano pero que se somete a unha proba par se converter nun «súper soldado» e asemade pode ir á guerra a loitar contra dos nazis.

Ainda non se sabe ren de como pretenden facer revivir ao Capitán América, pero esta non sería a primeira vez que o popular super heroe rexurde, xa que anteriormente pasara decenas de anos encerrado nun bloco de xelo após da Segunda Guerra Mundial.

A Marvel ten ademais previsto adaptar ao persoaxe ao cinema en The First Avenger: Captain America, con data de estrea para o 22 de xullo de 2011.

Capitan América

A Marvel Studios ven de contratar a Christopher Markus e mais a Stephen McFeely para que escriban o guión de Capitán América, o filme sobre o clásico heroe do cómic que dirixirá Joe Johnston.

O heroe do uniforme vermello, branco e azul co escudo indestructíbel se fixo famoso xusto despois da invasión de Pearl Harbor pola que os americanos lle declararon a guerra ao Xapón. O heroe é o persoaxe da Marvel máis de preto asociado cos Estados Unidos.

O produtor do filme será Kevin Feige.

Markus e McFeely xa foron os coguionistas das dúas entregas da saga das Crónicas de Nárnia.

Capitan América

Joe Johnston (Hidalgo, The Rocketeer, Jurassic Park III) será o director de First Avenger: Captain America para a Marvel Studios.

O cómic orixinal, nado nos anos 40, ía sobre Steve Rogers, un rapaz que é rexeitado polo Exército para o alistamento e que decide someter-se a un experimento que lle converte nun súper-soldado, chegando a se converter no ser humano perfecto.

O persoaxe foi resucitado recentemente e reintroducido como parte do equipo de superheroes coñecido coma Os Vingadores, grazas a que o seu corpo permaneceu en suspensión no xelo dende o remate da Segunda Guerra Mundial.

O novo filme estará ambientado durante a Segunda Guerra Mundial, ainda que o filme dos Vingadores que se está a preparar e no que o Capitán América terá un papel salientábel terá como escenário o presente. Ese filme tamén está previsto para se estrear no verán de 2011.

Ainda non hai guionistas vencellados a este proxecto, que nombergantes si que ten xa unha data de estrea: o 6 de maio de 2011. Kevin Feige será o produtor.

O seguinte filme que ten Johnston na axenda é o remake de O Lobishome, que xa está case rematado e que ten prevista a súa estrea para primeiros do ano que ven.

Feige tamén referiu-se ao filme de Thor, confirmando que terá lugar sobre todo en Asgard, o mítico reino nórdico dos deuses, e non no mundo real contemporáneo. Ademáis, dixo que a finais de verán saberá-se quen vai ser o director, que deberá contar cun guión que está a escribir Mark Protosevich (The Cell) e que estará rematado nun par de semanas.

As datas de lanzamento para os filmes de super-heroes da Marvel serán: Iron Man 2 (para o que pretenden contar de novo co director Jon Favreau) o 30 de abril de 2010, Thor o 4 de xuño de 2010, e The First Avenger: Captain America o 6 de maio de 2011. O filme dos Vingadores fica para o 1 de xullo de 2011.

As cifras de Iron Man deixan a Marvel nunha excelente situación para, despois da sua estreo coa Paramount, negociar nunha posición de moita forza con calquera outro distribuidor.

Seica Marvel só quere facer dous filmes ao ano con distintos superheroes, para asi dispór de personaxes abondo para os próximos anos. Ningún novo chegará en 2009, que o estudo adicará á preprodución dalgún novo bombazo, ainda que si regresarán, por exemplo, alguns membros da Patrulla X nas aventuras de Lobeto.

Iron Man 2 estreará-se o 30 de abril de 2010, seguido por Thor o 4 de xuño de 2010. Os dous proxectos dos Vingadores (The First Avenger: Captain America e The Avengers) teñen tamén xa un óco na axenda: o 6 de maio de 2011 e o mes de xullo de 2011.

Ainda e todo, a Marvel quéixa-se de que está a perder moitos cartos e informou que as vendas nos primeiros 4 meses do ano foron de 112,6 millións de dólares e o benefício neto de 45,2 millóns, en comparanza cos 151,4 millóns de ingresos brutos e 46,8 millóns de neto no mesmo periodo do ano pasado.

O que si é seguro é que a fita será novamente distribuída pola Paramount, coa que Marvel ten un acordo para un filme mais. As próximas aventuras de O Incribel Hulk serán vendidas, en troco, pola Universal.

As cifras de Iron Man deixan a Marvel nunha excelente situación para, despois da sua estreo coa Paramount, negociar nunha posición de moita forza con calquera outro distribuidor.

Os primeiros rumores indicaban que o proxecto elixido seria Capitán América e Nick Fúria, ainda que tamén se baralla a posibilidade dunha rodaxe en torno aos Vingadores, Thor ou o Home Formiga.

Seica Marvel só quere facer dous filmes ao ano con distintos superheroes, para asi dispór de personaxes abondo para os próximos anos. Ningún novo chegará en 2009, que o estudo adicará á preprodución dalgún novo bombazo, ainda que si regresarán, por exemplo, alguns membros da Patrulla X nas aventuras de Lobeto.