Por suposto esas no son o tipo de novas que queren oir os estudos, especialmente neste caso, onde a franquía está en todo o alto e ainda ten moito que dicir. Así que o executivo da Warner Bros. Jeff Robinov dixo que os estudos queren continuar co persoaxe, e que o mesmo Nolan estará vencellado aos plans de futuro, ainda que a outro nivel.

«Temos o terceiro Batman, pero despois teremos que reinventar a Batman… Chris Nolan e Emma Thomas serán os produtores, así que haberá unha conversa con eles sobre a seguinte fase«, dixo Robinov, quen engadiu que o relanzamento da franquía (ao xeito de «The Amazing Spider-Man») é unha posibilidade, unha vez que The Dark Knight Rises sexa estreada.

O papel que xogará Nolan en todo isto non está claro. Ou será semellante ao que fai no relanzamento do Superman dirixido por Zack Snyder e se limitará a axudar no comezo, permitindo a Snyder rodar ao seu gusto, ou simplemente será coma poñer o seu nome xunto ao do director, ao xeito de Tim Burton e Joel Schumacher en Batman Forever.

De calquera xeito, é unha boa nova saber que a Warner quere ver mais Batman, e que o que moitos afeccionados reclaman, un filme autoconclusivo que narre a clásica aventura do cómic de Frank Miller The Dark Knight Returns, dirixida por David Fincher ou por Darren Aronofsky, podería ser unha realidade no futuro.

Robinov engadiu que tamén ten o compromiso de avanzar nas adaptacións ao cinema doutras propiedades da DC Comics, coma o filme da Liga da Xustiza, que é unha prioridade para 2013. Robinov confirmou que estána traballar nun guión, que no nten relación co proxecto fracasado de 2008, e que os filmes de Flash e Wonder Woman están a se desenvolver, pero que queren acopla-los dalgún xeito ao filme da Liga da Xustiza.

Pola súa banda, os rumores indican que Anne Hathaway, Keira Knightley, Jessica Biel, Kate Mara e Charlotte Riley participarán en probas para diferentes papéis durante as vindeiras dúas semanas. Gemma Arterton tamén estaba na lista pero a súa mais ca asegurada participación en Hansel and Gretel: Witch Hunters descalifíca-a polo de agora.

Asemade, fontes internas da produción din que haberá un novo modelo de Batmóbil, que será unha versión lixeiramente mais elegante do Tumbler que resultou destruido no anterior filme, metres que a Batcova disporá dunha nova fasquía, cun novo computador e áreas de almacenamento.

Por suposto, absolutamente nada de todo o anterior foi confirmado pola produtora, que polo de agora limitou-se a relembrar que a rodaxe non escomezará até dentro de catro meses e que durará até o vindeiro 28 de novembro.

A novidade agora é que ainda que o seu entusiasmo non semella ser tan grande coma noutras ocasións, de feito está animado por ter que facer outra secuela: «Estou moi contento de facer outro filme de Batman. Coido que sería desalentador ter que sentar e escribir outro guión orixinal após Inception. Encánta-me traballar cos ambientes e as regras do mundo de Batman. É, por dici-lo así, agradábel ter algures onde ir que estou moi emocionado«.

Ademais, confirmou que após do éxito de O Cabaleiro Escuro e de Inception, que se converteron en grandes éxitos non só de público e crítica, senón especialmente no despacho de billetes, agora non se sinte obrigado a traballar conforme ás regras dos estudos Warner e fará o que lle pete con The Dark Knight Rises: «Debo dicir queestou encantado, moi encantado, de me embarcar no derradeiro episódio da nosa saga de Batman sen ningún senso de obrigación ou débeda cos estudos. Eles xa o fixeron moi ben con Inception. Así que podo ir e rematar a nosa história dun xeito entusiasta«.

Nolan confirmou que está en desenvolvemento un videoxogo baseado no seu filme Inception e que ese é o único plan que ten para a súa película nun futuro. Preguntado se haberá unha secuela respondeu que «non é algo que queira dicir que non, pero non é algo sobre o que pensara moito«.

Por outra banda, a Warner desmentiu rotundamente o rumor segundo o cal o persoaxe do Joker interpretado polo defunto Heath Ledger aparecería na vindeira secuela grazas á animación dixital e a algunhas escenas non utilizadas do anterior filme, do mesmo xeito que fixeron con Arnold Schwarzenegger en Terminator Salvation.

E mentres que se vai concentrando en The Dark Knight Rises, o seu papel creativo no vindeiro relanzamento de Superman vai disminuindo. A muller de Nolan e parcéira na produción Emma Thomas confirmou que agora que Zac Snyder está a cargo do Home de Aceiro, «imos-llo poñer nas súas mans«.

Thomas indicou que Nolan e David Goyer tiveron unha ideia queé tan boa que non poden acreditar que ninguén se lle ocurri-se antes na Warner, así que a puxeron nun guión «e agora é a película de Snyder«.

Ao respeito dunha terceira entrega de Batman, o irmán de Chris, Jonathan Nolan, está xa a traballar no guión: «o meu irmán está a escribir un guión para min e xa veremos o que sae… está a loitar por uni-lo á história épica que vós queredes que sexa«.

Ainda que non confirmou que el vaia ser o director, o seu principal interese é dar-lle á súa creazón un remate, facendo que a triloxía remate dunha maneira axeitada: Batman Begins reintroduciu aos persoaxes, O Cabaleiro Escuro levou ao protagonista e mais a Gothan City ao límite, e o terceiro deberá resolve-lo todo.

«Sen ser moi específico, o tema clave que fai do terceiro filme unha grande posibilidade para nós é que queremos rematar a nosa história e ao ve-la coma o remate dun relato mais ca coma extendéndo-se ilimitadamente«, dixo Nolan, que non quixo nin sequera revelar quen será o vilán, agás que non será Mr. Freeze.

Pero o mais interesante arestora é sen dúbida o que tiña que contar sobre Superman: «é moi emocionante, temos unha história fantástica e sentimos que podemos face-lo ben. Coñecemos o contorno, se queres, coñecemos o xénero e como facer que saia ben«, dixo Nolan.

Ao contrário do Superman Returns de Bryan Singer que lle debe moito á visión do persoaxe de Richard Donner de filmes anteriores, os plans de Nolan pasan por facer unha aproximación mais do seu própio gusto.

E esa aproximación pasa pola visión do guionista David Goyer, encargado do libreto. Goyer contou a súa opinión a Nolan e este dixo que «aceptei-na de contado, encantou-me e pensei: ei, esa é uha aproximación á história que nunca vira antes e que a fai incríbelmente emocionante«.

Ademais, Nolan aproveitou para botar abaixo os rumores sobre a súa participación nun filme da Liga da Xustiza, xa que el coida que o seu Superman vive nun mundo diferente ao do seu Batman: «cadaún serve á lóxica interna da história. Non teñen ren que ver o un co outro«.

Ademais tamén desbotou os rumores que apuntaban ao seu irmán para dirixir o filme, e dixo que non tiña nin ideia de quen dirixiría o proxecto, pero que a súa participación sería coma a de Peter Jackson en Distrito 9, un filme que dirixiu Neill Blomkamp, ou O Hobbit, que dirixe Guillermo del Toro.