Goyer no guión de Superman

O guionista de Batman Begins e Blade, David Goyer, ven de ser contratado para escribir The Man of Steel, o novo filme de Superman que realizarán a Warner Bros. Pictures e mais a Legendary Pictures.

Segundo indican as nosas fontes, Goyer ten a ideia de facer que o filme sexa unha encarnación á pantalla grande da encarnación que fixera John Byrne nos cómics. Moderno, críbel e divertido. Esta encarnación non tería ningún vencello con Superman Returns, así que Brandon Routh non será o protagonista nin Bryan Singer o director.

Os rumores van mais aló e apuntan mesmo a quen serán os inimigos do Home de Aceiro neste filme: a história de Goyer vai sobre Luthor e Brainiac. Non é unha orixe destes persoaxes nin de ningún outro, así que asume que xa todoo mundo os coñece, así coma a Lois, Clark, Jimmy e Perry. O Daily Planet está en problemas por mor da Internet e haberá de trasfondo toda unha mitoloxía kriptonián.

A nosa fonte indicou asemade que os anteriores rumores sobre que o guionista de cómics Mark Millar (Wanted, Kick Ass) podería ter algún papel ou ocuper-se do libreto do novo filme son totalmente falsos. O mesmo Millar hai uns días dixo que nunca estivo no proxecto e que debía rexeitar por completo eses rumores. Millar ademais dixo que Goyer é o home ideial para se ocupar de Superman nestes intres.

A contratación de Goyer non debería ser unha grande sorpresa após das novas que hai uns poucos días vencellaban ao director de Batman Begins e O Cabaleiro Escuro, Chris Nolan, co novo Superman para se converter no produtor e supervisor da franquía. Goyer e Nolan co-escribiron o guión de Batman Begins e Goyer tivo participación nos créditos de O Cabaleiro Escuro que Chris e mais o seu irmán Jonah Nolan co-escribiron.

Cando Goyer anunciou hai unhas semanas que ía deixar o seu traballo como guionista da série de televisión FlashForward para se adicar a outras cousas, moitos tiveron o ideia de que había en marcha un novo proxecto de Batman dirixido por Nolan. Pero seica a verdade estaba uns pasos ao lado, e non será o orelludo da capa senón o Grande S o persoaxe do que se vaia ocupar a parella que mais fixo polo cinema de superheroes ao lado da DC Comics nos últimos anos.

A encarnación do Superman de John Byrne mencionada mais enriba refíre-se ao relanzamento do persoaxe que fixo John Byrne en 1986 nos cómics nunha minisérie de 6 episódios titulada precisamente O Home de Aceiro. Byrne devolveu ao persoaxe ás súas orixes, reducindo sinificativamente os superpoderes de Superman. Na nova reencarnación, os seus pais ainda están vivos, Clark Kent é moito menos tímido, a Fortaleza da Soidade non existe e a xente non sabe que Superman ten unha identidade secreta (polo que Kent non é sospeitoso de ser Superman).

Volve o Ghost Rider

David Goyer está en conversas para crear unha história e supervisar o guión para unha secuela do filme baseado no superheroe da Marvel Comics Ghost Rider (O Motorista Pantasma, na versión galega) para a Sony Pictures.

Os plans seica son basear a secuela nun guión escrito hai xa uns anos por quen tamén foi o guionista de Blade e Batman Begins, ou sexa, o mesmo Goyer. O que non se sabe é se el mesmo dirixiría esta segunda parte.

Agárda-se que Nicolas Cage protagonice novamente o filme, contando coa produción de Avi Arad, Michael De Luca e Steven Paul.

Vance e Davenport en Flash Forward

Courtney B. Vance e Jack Davenport son os primeiros actores que se incorporan ao reparto do vindeiro episódio piloto para unha nova série da canle ABC e qeu levará por título Flash Forward, que seica queren presentar como a competéncia para Perdidos.

Flash Forward, unha série creada por David S. Goyer, Brannon Braga e os estudos da ABC está baseada na novela homónima de ciéncia-ficción de Robert J. Sawyer e narra o caos que se produce após de que todo o mundo na Terra se desmáie durante 2 minutos e 17 segundos e teñan unha misteriosa visión do futuro.

Vance interpretará a Stan Wedeck, o xefe da oficina local do FBI en Los Angeles, mentres que Davenport interpretará a Lloyd Simcoe, que está atrapado no norde de Califórnia cando acontecen os feitos e loita por levar ao seu fillo a un hospital.

O piloto de Flash Forward será dirixido por Goyer (The Unborn, Blade). Ademáis, el mesmo será o produtor executivo xunto a Braga (Threshold), Jessika Borsiczky Goyer, Vince Gerardis e Ralph M. Vicinanza.

As grandes ideias de David Goyer

David Goyer comentou na Comic Con que segue interesado en readaptar a novela de H.G. Wells, O Home Invisíbel na que séria unha espécie de secuela tanto do libro como do filme orixinal de 1933.

Goyer di estar actualmente a escribir o guión, e conseguiu que a Universal implique a algúns artistas para que traballen con el. Jamie Rama é o principal e Aaron Sims tamén. Rama é un grande artista conceptual que traballou en Batman Begins e en O Cabaleiro Escuro, e foi un dos principais artistas que traballou nos traxes de Batman.

O filme situaria-nos uns meses despois dos feitos do libro, cunha história pragada de figuras históricas onde estaria William Melville, xefe de Scotland Yard e creador do MI6; foi quen instaurou a toma de pegadas dixitais e foi amigo do meigo Houdini. Na história, Melville será quen capte ao home invisíbel e o converta en axente secreto para o enviar á Rusia imperial.
Lér máis

Compléta-se o reparto de Unborn

Meagan Good, Carla Gugino, Jane Alexander, Idris Elba e Rhys Coiro serán as acompañantes de Gary Oldman e Odette Yustman no thriller sobranatural da Rogue Pictures Unborn. A produtora Platinum Dunes, propiedade de Michael Bay, Andrew Form e Brad Fuller será a que fináncie este filme que conta co guión e mais a dirección de David Goyer. O argumento xira ao redor dunha rapaza (Yustman) atormentada polo alma dun rapaz que morreu no Holocausto.

Good (The Love Guru) interpretará á millor amiga da rapaza, e Gugino (Spy Kids) será a súa nai, para o que supoñemos deberán de lle aplicar unha boa dose de maquillaxe avellentador. Alexander será unha supervivinte do Holocausto cuxo irmán regresa en forma de espíritu. Elba (American Gangster) fará o papel dun cura que axuda a un rabino (Oldman) a executar exorcismos. Coiro será o profesor colega do persoaxe de Yustman, mentres que Cam Gigandet interpretará ao seu mozo.

A rodaxe deste filme deu comezo o pasado 5 de marzo en Chicago.

Reparto para o thriller de Goyer

O thriller sobrenatural ainda sen título que dirixirá David Goyer xa ten reparto: Gary Oldman, Odette Yustman e Cam Gigandet están a negociar a súa incorporación a este proxecto, que a Platinum Dunes producirá para a Rogue Pictures.

O guión, escrito polo mesmo Goyer, vai sobre unha rapaza de 19 anos enmeigada por un dybbuk, o alma dunha persoa morta expulsada do ceo, na forma dun rapaz que morreu no campo de concentración nazi de Auschwitz.

Yustman interpretará á rapaza protagonista, mentres que Gigandet fará o papel do seu noivo. Oldman será o especialista en sucesos paranormais que tenta axudar á rapaza.

A rodaxe ten previsto o seu comezo o vindeiro 3 de marzo en Chicago baixo a produción de Michael Bay, Andrew Form e Brad Fuller.