Xa se sabía anteriormente que tratamento en 3D chegaría para The Little Mermaid (A princesiña) e mais para Beauty and the Beast (A bela e a besta), pero agora tamén prometen a conversión para os filme da Pixar Finding Nemo e Monsters, Inc.

Beauty and the Beast en 3D chegará ás salas de cinema o vindeiro 13 de xaneiro de 2012, seguido de Atopar a Nemo o 14 de setembro do mesmo ano. A lista de estreas completará-se o 18 de xaneiro de 2013 con Monsters, Inc. e rematará con The Little Mermaid o 13 de setembro de 2013.

Polo de agora, nin Atopar a Nemo nin A princesiña apareceron en formato Blu-ray, polo que non sería moi raro que este lanzamento se producise unhas poucas semanas despois da estrea en 3D, tal e coma parece xa case seguro que acontecerá con O rei león este mesmo ano.

En xaneiro enviáron-lle unha oferta ao realizador da actual cuarta parte, Rob Marshall, pero este ainda non asinou ren. Se Marshall non regresa para a quinta parte, na Disney teñen moitas esperanzas de que Burton acepte dirixir a película, un posto que xa lle fora ofrecido para Pirates of the Caribbean: On Stranger Tides.

A falla de interese de Marshall non é unha sorpresa de todos os xeitos, xa que os últimos tempos está a tentar recrutar a Johnny Depp para facer un remake de The Thin Man. O guión para a quinta parte dos Piratas xa se rematou hai un par de semanas.

Elijah Wood, Emmanuelle Chriqui, Mandy Moore, Paul Reubens, Nate Corddry, Lance Henriksen e Bruce Boxleitner serán os acores que porán as súas voces aos persoaxes desta série, que ten previsto amosar o seu tráiler de presentación xunto ao lanzamento oficial en DVD/Blu-ray de Tron: Legacy.

Segundo a nota de prensa dada a coñecer antonte, a história presentará un novo e divertido reparto, totalmente orixinal, formado por temerários avións de todas as partes do mundo. A história centrará-se en Dusty, un avión dunha pequena vila que gosta de soñar con que pode participar na carreira de avións épica mais importante do mundo… e todo ainda que lle teme ás alturas.

Coa axuda e o apoio dun grupo de persoaxes novos, Dusty conseguirá abrir-se paso cara ao maior desafío da súa vida.

A diferéncia fundamental esta vez é que a atracción do Museu nn tan sequera chegou a ser unha realidade algunha vez. O mesmo Walt Disney en persoa namorou-se do concepto aló nos anos 60, «un lugar onde se amosarían organistas pantasmas, cartas máxicas, cadeiras que falan e outras cousas surrealistas e raras«. O museu ía estar xunto á atracción da Mansión Enmeigada, e tería un restaurante de seu.

Esta atracción nunca chegou a se realizar, pero o concepto ficou por aí dando voltas nos caixóns dos executivos, até que agora Ahmet Zappa ven de ser contratado para que escriba un guión coa fasquía de Night at the Museum usando ideias pensadas orixinalmente para a exhibición.

De se aprobar o proxecto, a atracción tería a súa oportunidade na vida real por fin e abriría as súas portas en Disneylándia, cando a película estivera nas carteleiras en 2014 ou 2015.

Pero iso non fai desmaiar aos directivos da empresa de entretimento, e así entre os futuros plans da Walt Disney está o de combinar várias atraccións nunha soa película. Concretamente en «Magic Kingdom», unha aventura familiar semellante á dos filmes de Noite no Museo pero ambientada nos confíns do seu parque temático en Florida.

O creador da série orixinal de Battlestar Galactica Ronald Moore escribira hai xa algún tempo un guión para este proxecto, que daquela estaba ambientado en Disneylándia. Os estudos agora están á procura dun novo guionista que desenvolva a propriedade, que podería axuntar a un bó feixe de persoaxes Disney nunha soa película, ao xeito no que a Marvel quere facer cos seus superheroes en Os Vingadores.

Polo de agora o proxecto non é considerado coma unha prioridade de alto nivel, pero vários directivos están sobre o mesmo e queren que se faga de todos os xeitos. Marc Abraham e Eric Newman están xa na produción.

A resposta do público foi confusa e tíbia, xa que todos recordan a desastrosa anterior adaptación dos estudos en 2003, convertida nunha comédia familiar protagonziada por Eddie Murphy. De seguido emitiu-se un teaser animado de promoción gráfica coa voz de fondo de Ian McShane presentando ao director da nova versión: Guillermo del Toro.

E cando del Toro entrou no escenário, o que fora unha resposta silenciosa do público até daquela, converteu-se nun estrondoso aplauso dos mais de 6.500 espectadores que asistiron á xuntanza. Posteriormente houbo unha sesión de preguntas na que Del Toro dixo que a súa intención non era facer unha comédia, senón un filme de medo, pero divertido.

Del Toro é infexíbel na súa determinación de que o filme debe manter a imaxinaría escura da atracción do parque e que debe asustar aos mais pequenos. Tamén confirmou que o persoaxe de Hatbox Ghost da atracción será un persoaxe principal no filme.

O director Joseph Kosinski amosou unha primeira versión do seu filme á Pixar en marzo, após do cal a Disney contratou á parella para que adaptaran o argumento xunto aos guionistas orixinais, Edward Kitsis e Adam Horowitz, e que se fixeran ou rodaran outra vez algunhas escenas, cousa que se fixo ao longo de seis días o mes pasado, para axudar a elevar elementos emocionais e de persoaxes na história.

Sean Bailey, antigo produtor do proxecto que o deixou hai uns meses para se converter no presidente de produción da Disney, dixo que «Tron: Legacy é sobre todo a visión de Joseph Kosinski… eu daría a Joe e á equipa de rodaxe un crédito inmenso, todo isto naceu porque queremos dar-lle aos fans o millor filme que poidamos. Fomos moi afortunados de que a Pixar quixera tomar parte niso«.

O ano pasado había dous proxectos distintos baseados no clásico de Jules Verne 20.000 légoas de viaxe submariña. O primeiro era unha precuela do libro que narraría as orixes do capitán Nemo na Disney e que tiña a McG como director e a Justin Haythe (Revolutionary Road) no guión.

Por outra banda estaba o segundo filme, unha adaptación que contaba co guión de Craig Titley e con Sam Raimi vencellado na produción. Este segundo filme levaba moitos anos en desenvolvemento, sempre coa ideia de ser moi fiel á novela orixinal de Verne, e con David Fincher (O Clube da Loita) coma posíbel director.

Daquela, o primeiro filme foi oficialmente cancelado en febreiro, vítima do troco de directores na Walt Disney e deixando ao segundo filme coma único proxecto. Pero esta fin de semana anuncian-nos que a Disney está en negociacións con Fincher para que dirixa unha nova película.

Hai uns poucos meses os estudos cancelaron un proxecto moi semellante que incluía 150 millóns de dólares de orzamento e mais ao director McG, que se converteu nunha das primeiras vítimas dos trocos que sofriu a empresa após de despedir a Dick Cook. Pero agora semella que lle van dar un novo púlo ao proxecto, se ben cun xiro que a fará algo distinta, xa que están asemade en conversas con Scott Z. Burns (O Ultimato Bourne, The Informant) para que escriba un guión.

A resurrección do proxecto chegou grazas ao mesmo Fincher, que contactou cos estudos coa ideia de facer un filme de grande orzamento, algo que fose moi diferente dos seus mais recentes traballos, que inclúen dramas escuros para adultos e thrillers. O proxecto comezou a se desenvolver paseniño até que nos últimos días as conversas entre Burns e Fincher se fixeron invevitábelmente públicas e mesmo se está a falar dunha saga épica de filmes ao nivel da Guerra das Galáxias.

Co tempo saberemos se esta ideia sae adiante ou non ainda que o mais lóxico é que de se levar a cabo a produción non escomece até o ano que ven, deixando tempo a Fincher a rematar o seu actual proxecto, o remake de The Girl with the Dragon Tattoo.

Todo isto déixa-nos pensando en que é o que acontece co segundo filme, o que ía dirixir Fincher e que ainda segue en desenvolvemento activamente.

Para confundir mais a cousa, chega outra versión mais. A 20th Century Fox anúncia que ten a intención de facer unha longametraxe co mesmo argumento e con Ridley e Tony Scott vencellados á produxión, cun guión de Travis Beacham (Clash of the Titans) e que podería contar coma director a nada menos có ruso Timur Bekmambetov (Wanted).

A nova versión, que xa non sabemos se é a terceira ou a cuarta, levaría en desenvolvemento vários anos e seica está mais avanzada cá segunda (ou terceira). Unha cousa que a fai diferente é que segundo din, estaría ambientada no futuro, se ben co mesmo argument cá novela orixinal.

Coma o traballo de Verne é de domínio público, non hai dereitos que lle pagar a ninguén pola súa novela e calquera pode adapta-la, tomándo-se o tempo que queira. Que versión chegará antes aos cinemas, se é que chega algunha? Esa é unha competición da que ainda somos espectadores.

Anunciada por primeira vez en abril de 2008, Gary Rydstrom estaba vencellado ao proxecto coma director e coguionista xunto con Leslie Caveny, para unha estrea que se prevía no verán de 2011. A história ía sobre a derradeira parella de píntegas de pes azuis do planeta.

A finais dese ano, o filme foi adiado para escomezar unha secuela da menos interesante pero mais rendíbel Cars. E todo ficou parado até que a princípios deste ano un comentário do gurú da indústria da animación Floyd Norman deixou entrever que o filme estaba morto. E cando foi anunciada a tanda de filmes que contaban para unha estrea en 2012, Newt xa non aparecía.

Zemeckis creou a ImageMovers en 1997 e con ela produciu filmes coma What Lies Beneath, Cast Away, Matchstick Men, The Polar Express ou Beowulf. En 2007 a ImageMovers pechou e foi renomeada coma ImageMovers Digital ao ser adquirida pola Walt Disney Company.

O primeiro filme da nova IMD, a adaptación de 200 millóns de dólares do ano pasado de A Christmas Carol, non xerou os benefícios que a Disney agardaba. Combinado co actual momento de crise mundial e que filmes coma Avatar veñen de deixar en cueiros a tecnoloxía da IMD, ademais de que xerou moitísimos mais benefícios, a empresa «xa non encaixa mais no noso modelo de negócio«, segundo o presidente da Disney Studios, Alan Bergman.

A Imagemovers ainda ten que pechar a actual tempada porque ten en produción o filme Mars Needs Moms. A compañía tiña previsto asemade desenvolver un remake do clásico dos anos 60 dos Beatles Yellow Submarine, para o que contaban con asinar-lle un contrato de longa duración a Zemeckis e aos seus parceiros da IMD.

A história, ambientada na actualidade, céntra-se nunha rapaza solitária que debe decidir entregar o seu amor a un de dous rapaces carismáticos, sen saber que ambos os dous son anxos caídos que levan séculos loitando por ela.

Agora que as histórias de vampiros e de lobishomes están a saturar o mercado da fantasía adolescente grazas a Twilight e os seus moitos clons, a ideia de incluir a anxos emos inmortais semella ser o mais novidoso que podemos agardar.

Mark Ciardi e Gordon Gray serán os produtores.

Lanzado orixinalmente en 1984 como proxecto persoal polo creador Carl Potts, Alien Legion leva desenvolvendo após de si unha chea de seguidores que o converteron nun cómic de culto ao longo destes anos.

A série redefiniu o xénero de ciéncia-ficción militar, narrando históriasd de guerra e exploración espacial a través dos ollos dunha lexión estranxeira composta por alieníxenas que loitan a prol da Terra. A súa popularidade está probada polo feito de que é a série mais antiga do selo Epic Comics, creado nos anos 80 pola Marvel para acoller proxectos menores.

Mália os rumores da participación de Will Smith, nunca se fixera pública unha lista de actores para o reparto, que sufre este atraso, se cadra definitivo, por mor da nova xeréncia que está ao fronte dos estudos: o troco de Dick Cook a Rich Ross quitou-lle prioridade a este proxecto e posíbelmente a algúns outros dos que saberemos nun futuro próximo.

Polo de agora, a nova máxima prioridade da Disney no tocantes a proxectos acuáticos é a cuarta entrega de Piratas do Caribe, que escomezará a se rodar en maio. O director de Chicago e Memórias dunha Geisha, Rob Marshall, ven de confirmar que el será o encarregado da realización deste filme.

Coma no caso de Jerry Siegel, cuxos herdeiros veñen de gañar un preito polo que se lles recoñece a propriedade sobre o persoaxe de Superman, os herdeiros de Kirby desexan que os dereitos de autor sobre os persoaxes e polo tanto os benefícios xerados con eles regresen ás súas mans. Para elo, os herdeiros servirán-se dos mesmos avogados que xa obtiveron esta vitória no caso de Siegel. O despacho de Toberoff & Associates está especializado nestes casos e a súa sona nestes intres é inmensa após de gañar o caso contra a DC e mais a Warner.

As alegacións, se son xustificadas, permitirían que os dereitos regresasen aos herdeiros a partir de 2014. Mentres tanto, a Marvel e mais a Disney continuarían explotando eses dereitos nos cómics e nos filmes. A posibilidade que se abre é que os herdeiros de entren en negociacións coa Marvel e cheguen a un acordo que lles permita seguir publicando os cómics baseados no seu traballo.

Mentres viviu, Kirby loitou coa Marvel durante anos para que lle fose recoñecido o dereito á propiedade sobre alomenos o traballo físico que realizou (os debuxos en si mesmos), e se lle pediu que asinase documentos polos que renunciaba específica e irrevocábelmente aos dereitos de autor sobre os persoaxes, algo que sempre se negou a facer. Ademais, contribuiu á loita doutros creadores dentro da Marvel, coma Steve Gerber, co-creando Destroyer Duck xunto a Gerber nun libro adicado ao Pato Howard que ía no benefício destes artistas.

Nacido co nome de Jacob Kurtzberg, Jack Kirby está considerado coma o debuxante de superheroes mais salientábel do mundo, se ben traballou noutros xéneros de cómic, coma o romance, os cómics de guerra e os de ciéncia-ficción. O seu traballo dentro da DC tamén proporcionou moito para poder facer o recente éxito de vendas da série Final Crisis da DC. Actualmente, a editorial Dynamite, de acordo cos herdeiros de Kirby, está a traballar nunha nova liña de persoaxes deste autor, o «Kirbyverso», publicando persoaxes que nunca apareceron nin na Marvel nin na DC.

Jack Kirby finou en 1994, deixando catro fillos, Susan, Neal, Barbara e Lisa, e dous netos, Jeremy e Tracy.

Todos os filmes producirán-se baixo a supervisión de del Toro, que é o autor do concepto orixinal e mais do deseño da DDY. Del Toro ademais podería dirixir algúns proxectos persoalmente. O primeiro deles levará por título Trollhunters, unha história creada polo director mexicano que será o produtor.

Non lle levou moito tempo á prensa relembrar unha novela do escritor fantástico Tim Powers titulada precisamente On Stranger Tides e que casualmente vai sobre un pirata chamado Jack Shandy que se ve inmerso nunha carreira contra o lendário pirata Barba Negra e mais a súa tripulación de vivos e mortos para chegaren os primeiros á Fonte da Xoventude.

A Fonte da Xoventude é precisamente a pista final da derradeira escena de Piratas do Caribe 3: Na Fin do Mundo, o que fai que a conexión entre este libro e mais a cuarta parte da saga cinematográfica sexa bastante óbvia.

A novela de Powers inclúe elementos coma loitas con espadas, batallas mariñas, e mais un amor en prisión e mesmo convertido en monicreque.

A fita está definitivamente aprobada e conta con Johnny Depp novamente como protagonista no papel do capitán Jack Sparrow. Para rebaixar un pouco o orzamento, nin Orlando Bloom nin Kiera Knightley regresarán á história, de non ser que conten con algún cameo. Tamén é de agardar que regrese Geoffrey Rush coma o capitán Barbossa, se ben isto ainda non está confirmado.

Os accionistas da Marvel recibirán 30 dólares por acción e preto de 0,745 títulos da Walt Disney por cada acción que tiveran da compañía de cómics, asegurou a Disney nun comunicado distribuido o luns. A Disney realiza esta compra despois de que os filmes baseados nos persoaxes da Marvel se converteran en grandes éxitos no despacho de billetes.

Ambas as duas empresas anunciaron que os seus respectivos consellos de administración xa aprobaron a operación, que valora cada título da Marvel en 50 dólares (menos de 35 euros), o que supón unha prima do 29% respecto dos 38,65 dólares aos que pechou o vernes na Bolsa a compañía de cómics. As bolsas por certo recebiron o acordo con reaccións ben diferentes coma erade agardar: as accións da Disney cairon un 1,9% en Wall Street mentres que as da Marvel subían un 26%.

«Coidamos que a suma da Marvel á carteira única de marcas da Disney aportará sinificativas oportunidades de crecemento a longo prazo e de creación de valor«, asegurou hoxe o máximo responsábel executivo da Disney, Robert Iger, ao anunciar a operación.

Pola sua banda, o director executivo da Marvel, Ike Perlmutter, dixo que «a Disney é o fogar perfecto para o arquivo de persoaxes da Marvel, dada a sua probada habilidade para ampliar a creación de contidos e emprendementos«, e engadiu que «esta é unha oportunidade sen precedentes para a Marvel«.

O filme orixinal narrabaa história dun rapaz de 12 anos que era abducido por unha nave espacial extra-terrestre en 1978 e que reaparecía oitos anos mais tarde, ainda coa mesma idade pero sen recordos do que lle aconteceu. Os científicos da NASA descubren unha conexión entre o rapaz e unha nave que se estrelara anteriormente e tentan explotar as novas habilidades do rapaz, que fuxe na astronave e tenta reunir-se coa súa família.

O filme recadara tan só 17 millóns de dólares nos despachos de billetes cando se estreou, pero posteriormente obtivo moito éxito grazas ao vídeo, chegando a se converter nun clásico do cinema dos 80.

Copeland é o autor do guión de Wild Hogs (Porcos Salvaxes) para a Disney e arestora está a escribir o libreto de Nightcrawlers para a Warners.

A história vai sobre unha parella de adolescentes que, xusto antes de levar a cabo os seus plans de fuxir xuntos a perseguir os seus soños, son transportados máxicamente vinte anos no futuro, onde descubren que as súas vidas non sairon tal e coma planeaban. Con mais de trinta anos pero con mentalidades de adolescente e tentando sacar adiante a tres fillos pequenos, aprenderán que non eran tan maduros coma coidaban ser.

Todo semella indicar que será un filme prescindíbel cheo de moralina e baseado na canzón orixinal do mesmo nome dos Beach Boys.

Andy Fickman

A novela gráfica na que está baseado este filme, publicada en 2007, vai sobre un grupo de soldados que protexen aos cidadáns de Lapuatu, unha illa do Pacífico que sería un paradiso de non ser polos frecuentes ataques de xigantes mariños que xurden do fondo do mar.

Scott Elder e Josh Harmon adaptará a novela gráfica orixinal de Marc Bernardin e Adam Freeman nunha longametraxe de alto orzamento e con moitos efectos especiais e nela a illa do Pacífico será sustituida polas costas dos Estados Unidos e o grupo de soldados por unha axéncia secreta do Governo.

Lasseter, que é o creativo xefe da Pixar e da Disney Animation Studios, viaxará ao Lido acompañado dos seus colegas Brad Bird, Pete Docter, Lee Unkrich e Andrew Stanton, directores, respectivamente — e ás veces colectivamente – de filmes coma Ratatouille, Monstros S.A., Procurando a Nemo e Wall-E.

Esta iniciativa do festival de Venécia por galardoar a Lasseter axudará a fomentar a cota hollywoodense do certame italiano, que foi moi baixa o ano pasado. E ademais tamén está en regra coas anteriores iniciativas do Festival en prol da animación, coma cando en 2005 se lle concedeu o León de Ouro ao autor de anime xaponés Hayao Miyazaki, amigo persoal de Lassiter por certo.

A elección do prémio para Lassiter e a Pixar/Disney tamén coincide no tempo cos éxitos que está a colleitar Wall-E, nominada para seis Oscars e considerada por moitos coma a millor película de debuxos animados de 2008.

O Aprendiz de Meigo comezaráa se rodar en marzo e será unha revisión do clásico curto de debuxos animados protagonizado polo rato Mickey Fantasia a un ambiente situado no moderno New York. Nicolas Cage interpreta ao Meigo, con Jay Baruchel no papel do aprendiz; Jon Turteltaub (National Treasure) será o director.

«A Disney veu a nós, e seica estiveran a desenvolver un guión diso«, dixo Bruckheimer no decurso dunha rolda de prensa en Beverly Hills, Califórnia, onde estaba a promocionar o seu último filme, Confessions of a Shopaholic. «Nós entramos e gustounos o concepto e levamos traballando nelo dende aquela«.

Este será o sexto filme de acción real de Bruckheimer que contará no papel protagonista con Cage, quen mudou a súa fasquía orixinal de bruto co pelo longo a un estudoso de bós modais. Bruckheimer agarda ter neste novo filme a un Cage «normal«.

Pola súa banda, o filme G-Force contará coa voz de Cage. Tráta-se dun filme para todos os públicos sobre unha equipa de hamsters que son axentes especiais e traballan para o governo coa misión de destruir a un superfalcatruán. O produtor dixo respecto á versión final do filme que «é realmente adorábel, moi mona«. O filme estreará-se o 24 de xullo.

Hedlund, que fixo o seu debut no cinema en 2004 no filme Tróia, tamén interpretou a un dos protagonistas do filme Four Brothers e participou en Eragon como actor secundário.

A Disney fixo un cásting moi grande porque había centos de actores interesados neste papel. Entre outros, entrevistou a Ryan Gosling, Chris Pine ou Michael Stahl-David.

Hedlund será o protagonista, un home que é aborbido ao interior do mundo virtual dun computador e debe seguir os pasos do persoaxe do filme orixinal, chamado Kevin Flynn (Jeff Bridges). Bridges repetirá o seu papel de Flynn, que era un programador pero acabou converténdo-se no xefe executivo dunha poderosa compañía de software. Olivia Wilde e Beau Garrett tamén participarán no proxecto, que xa leva tres títulos provisionais: Tron 2.0, TR2N, e agora unha vez mais, simplemente Tron.