Segundo fontes internas dos estudos, a Warner Brothers e mais a MGM veñen de rematar o seu acordo para financiar a parella de filmes baseados na clásica obra de J.R.R. Tolkien baixo a dirección de Peter Jackson, o que deixaría como único obstáculo a devandita folga, que se producirá se tal e coma advertiron os sindicatos, non se respectan os convénios colectivos dos actores.

Os estudos xa ameazaron que caso de non se chegar a un acordo cos sindicatos, moverán a rodaxe fóra de Nova Celándia a outro país, co que habería que redeseñar completamente os orzamentos, que xa levan consumidos vários cento de millóns de dólares, e o filme sofriría outro parón inevitábel.

Os voceiros da New Line Cinema e da Metro declinaron facer comentários, o mesmo cós do Sindicato de Actores dos Estados Unidos (Screen Actors Guild), que está a prestar o seu apoio aos compañeiros novacelandeses.

O mesmo Peter Jackson tivo que emitir outro comunicado oficial rapidamente, no que dixo que a petición dos sindicatos para os seus afiliados é un «intento de se facer co poder» da MEAA e ameazou con levar-se a produción ao leste de Europa se os sindicatos non se pregan aos seus intereses. Ademais engaiu que os salários para os seus traballadores xa son «abondo xenerosos«.

Os principais estudos vencellados a esta macroprodución, a New Line, a Warner Bros. Pictures e mais a MGM, apoiaron de seguido a Jackson, noutro comunicado no que afirman que «non pode haber ningún acordo colectivo coa MEAA nesta produción novacelandesa, xa que face-lo expoñería á produtora a unha sanción das autoridades de Nova Celándia«.

Os estudos engadiron que debido á falla de seguridade respeito a se a produción pdoerá continuar sen problemas, a súa política xeral é «evitar facer rodaxes en lugares onde hai unha potencial inseguridade laboral ou outras formas de inestabilidade«. E que agora están a «explorar outras alternativas a fin de protexer os seus intereses empresariais«.

A Sony reiterou esta semana que Anxos e Demos, a precuela de O Código Da Vinci, está adiada tan só por mor da folga e depende do seu remate para continuar, pero outras fontes consultadas por NOVA FANTASIA suxiren que até verán non continuaría a produción deste proxecto, e iso supoñendo que todo vaia ben. O mesmo acontece co filme da DreamWorks e a Paramount Transformers 2. Ambos teñen prevista a súa estrea para 2009: Anxos e Demos para o 15 de maio e Transformers 2 para o 26 de xuño.

A meirande parte dos filmes da Warner que tiñan prevista a súa estrea este ano están xa completos ou en post-produción; a Warner só ten unha película até agora datada para 2009, o Watchmen de Zack Snyder, previsto para se estrear o 6 de marzo.

A Marvel Studios, unha filial da Marvel Entertainment Inc., está a producir versións de Iron Man e do Incríbel Hulk.

Os guionistas e os produtores retomaron as súas conversas esta mesma semana e poideron asemade rematar cunha folga que xa duraba tres meses e que xa detivo moitas producións na televisión americana. Ainda que a Marvel non é unha empresa das grandes dentro dos estudos cinematográficos, este acordo pon-lle presión aos estudos importantes para que cheguen a acordos semellantes cos guionistas.

Entre os vindeiros filmes da Lionsgate están The Eye, e entre as súas séries da televisión están Mad Men e unha nova série, Fear Itself.

Os piquetes levaban postas camisetas co lema «Guionistas de terror en folga: comemos esquirois«. Outros guionistas levaban postos traxes de curas e monxas e botaron auga bendita. O obxectivo era «librar-nos do mal que infesta os estudos«, segundo dixeron.

A ideia para o exorcismo xurdiu de Scott Kosar, quen escribiu os remakes dos clásicos de terror dos anos 70 A Masacre de Texas e o Terror de Amityville.

Entre os guionistas que participaron na charada estaban Steve Niles (30 Days of Night), Mick Garris (Masters of Horror), Stephen Susco (The Grudge) e Drew McWeeny (Masters of Horror).