Zack Snyder

«Nós [el e mais o seu colaborador no guión de 300, Kurt Johnstad] pechamos o trato co guión de Xerxes. Comezamos a escribir hai unha semana. Así que estamos a face-lo. Está a acontecer«, dixo Snyder nunha recente entrevista a un xornal de Califórnia.

Agárda-se que Snyder sexa o director, pero ainda non hai ren pechado neste senso: «Realmente vai depender do que os estudos queiran facer e o que fagamos nós cando rematemos, non teño un acordo de dirección vixente pero estamosa redacta-lo, así que cháma-o intento«, dixo Snyder.

O cómic Xerxes, orixinal de Frank Miller, está por ser publicado nos vindeiros meses, e vai sobre Temístocles e a batalla de Artemísia. Dado que os acontecementos entrecrúzan-se dalgún xeito cos de 300, Snyder confirmou que o estilo visual do filme será o mesmo que o da película orixinal.

Snyder admintiu que sabe pouco sobre a história: «non lle dixen a Frank o que é o que tiña que escribir para a primeira parte, e non lle vou dicir o que escribir esta vez. Tomarei-no e adaptarei-no nunha película e escribirei un guión, pero quero que faga o que considere millor… supon-se que debe amosarme algo axiña, realmente nos vindeiros meses«.

Snyder tamén revelou que a Warner Bros. Pictures converteu unha parte do filme orixinal 300 ao formato 3D para demostrar as capacidades da tecnoloxía e que «van-se pensar face-lo para a seguinte película«, o que podería sinificar asemade que hai posibilidades dun relanzamento da primeira parte en 3D.

Nunha recente entrevista, Miller revelou que non só está a traballar nunha novela gráfica que será a continuación de 300, senón que ademais xa ten un título para ela: Xerxes, o nome do principal vilán do anterior filme, que interpretou o actor de Perdidos Rodrigo Santoro.

«É a batalla de Maratón a través dos meus ollos«, dixo Miller ao respecto do argumento da novela. «Xa rematei o guión e vou comezar axiña co debuxo«.

Se 300 ía sobre a tráxica derrota de Leónidas e mais dos seus guerreiros espartáns, Xerxes será o relato da batalla de Maratón, onde as forzas dos persas foron brutalmente dezmandas ás mans dos seus inimigos gregos. Dado que o pai de Xerxes era o rei dos persas daquela, se cadra a nova história será unha espécie de aventura de maioría de idade para o que posteriormente converterá-se no inimigo dos 300.

Mália que descoñecemos a narración exacta, todo o anterior semella indicar que Xerxes non será unha secuela de 300, senón unha precuela, ao contrário do que se viña falando até o momento.

A secuela estará baseada nun guión orixinal de Frank Miller, quen ademáis será o director da mesma xunto a Robert Rodriguez.

Miller está asemade vencellado á dirección e ao guión de Hard Boiled, outra longametraxe que coma Sin City está baseada nun cómic da súa autoría, neste caso protagonizado por un detective privado empregado dunha emrpesa de seguros e que se converte nun cyborg asasino.

«Sei que Frank está a escribi-la agora mesmo«, dixo Snyder nunha entrevista co gallo do lanzamento en Blu-Ray de Watchmen e da sua re-estrea nos cinemas dos Estados Unidos con novas escenas. O director asegurou que  Miller está «moi metido» neste proxecto e que mesmo «vai volver a Grécia a facer outro recoñecemento» para fixar na sua mente as localizacións. «Vai ser mais grande en canto á ambientación e o terreo. Imos ver Atenas, o Exeo e outros lugares«, revelou.

En todo caso, Snyder asegurou que a secuela manterá a eséncia e a estética da primeira película e que na rodaxe utilizarán a mesma tecnoloxía. «Coido que usaremos a mesma tecnoloxía… non quero que pareza a Guerra das Galáxias«, apuntou o director que recoñece que a tecnoloxía usada en 300 «non era revolucionária«, senon que é básicamente «a que utilizan os homes do tempo«.

Frank Miller

Odd Lot, a empresa propiedade de Gigi Pritzker e Deborah Del Prete, está en negociacións para se facer cos dereitos sobre Buck Rogers, que na actualidade pertencen á Nu Image/Millennium, que á súa vez os obtivo este ano da Dille Trust. A Millennium quere aparecer nos títulos de crédito do filme pero non estar vencellada na produción diária.

John Flint Dille, un amigo de Miller, opera a empresa, o que proababelmente foi o comezo dos rumores, iniciados no intre da adquisición da Millennium, que indican que o guionista de cómics reconvertido a director pdoería ser o realizador deste filme. Pero o certo é que Miller non estaba vencellado naquel intre, e que só chegou ao proxecto cando a Odd Lot entrou no mesmo.

Miller será o guionista e director desta adaptación do clásico persoaxe do cómic á pantalla grande; e ainda que polo de agora só se saben cousas moi superficiais, que son as primeiras ideias de Miller sobre o proxecto, agárda-se que sexa unha visión moi escura, con moitos dos elementos identificadores do seu cinema, coma a corrupción e a redención.

Este será con case total seguridade o novo proxecto de Miller, ainda que se comentaba que o seu seguinte filme sería a secuela de Sin City.

A história de Buck Rogers, unha das primeiras iconas do cómic que entrou no tema da exploración espacial, comezou nos anos 20 e xenerou ao longo do tempo moitos filmes e séries de televisión.

«Sin City 2 está escrita«, dixo. «É principalmente un asunto de traballar nos detalles da produción. Espero facer isto con Robert Rodriguez outra vez nas mesmas circunstáncias nas que fixemos a primeira, e poderiamos comezar a rodar en abril«.

O que non quixo revelar foi ningún detalle sobre o argumento, pero si deixou entrever que hai moitas posibilidades de que Sin City 2 visite as salas de cinema antes de que remate o ano que ven.

O proxecto é pasar ao cinema este xogo contando para elo coa produción de Richard Leibowitz, Wyck Godfrey da Temple Hill Entertainment e Marty Bowen e mais Ellen Goldsmith-Vein da Gotham Group.

O trato supón a primeira vez que un videoxogo da Union pasa a se converter en película, pero non é a primeira vez que unha película é transformada en videoxogo pola Union, xa que en 2007 apareceu The Darkness e ainda está por chegar ao mercado Sin City, baseadas ambas as dúas en novelas gráficas de Frank Miller.