A pre-produción tamén foi posta en espera e non recomezará até agosto ou novembro do ano que ven. Ainda non se sabe se isto afectará ao reparto dos dous filmes que se ían rodar conxuntamente. O primeiro deles xa contaba cun argumento, no que un convoi de mulleres coñecidas coma as Cinco Viúvas precisaban a protección durante unha viaxe, que lles outorgaría Max Rockatansky (Tom Hardy). Charlize Theron, Nicholas Hoult, Riley Keough, Zoe Kravitz e Adelaide Clemens ían ser as protagonistas.

Este atraso debe unir-se ao quexa houbo en xullo, cando as choivas deixaron o deserto convertido nunha rexión demasiado fértil para o que se agardaba na rodaxe. Este novo parón é considerado abraiante para case todos, dado que xa se rodaran algunhas pequenas escenas e se construiran váriso vehículos para o deserto.

Ainda que non hai explicación oficial para o atraso, considéra-se que a caída do dólar americano, fortemente devaluado con respecto ao dólar australián, é a razón principal da decisión. Cando se escomezou o proxecto, ambas moedas estaban case á par, pero nuns poucos meses o dólar americano caíu nun pozo que podería facer que se disparen os orzamentos iniciais.

As novas non podían chegar en peor momento para a indústria australián do cinema, que medrou grazas aos prezos baratos que atraíron ás produtoras estranxeiras. E a recente disputa sindical que mantén na folga aos actores de O Hobbit non está a axudar precisamente.

Tom Hardy (Inception) será o protagonista neste proxecto, que estará ambientado nos acontecementos que tiveron lugar após do filme de 1985 Mad Max Alén da Cúpula do Trono.

Keough interpretará a unha das «Cinco Viúvas», un grupo de mulleres que Hardy deberá protexer dos tipos malos. Zoe Kravitz, Teresa Palmer e Adelaide Clemens son tres das outras viúvas.

Charlize Theron e Nicholas Hoult tamén terán papeis salientábeis neste filme, que Miller e mais Doug Mitchell producirán. A rodaxe escomezará a primeiros do ano que ven.

A compañía produtora Kennedy Miller Mitchell non confirmou nin desmentiu o adiamento, cuxas razóns fican polo de agora polo tanto descoñecidas, se ben todo semella indicar que o problema estaría en que a ideia de facer non unha senón dúas entregas de Mad Max e de roda-las ao mesmo tempo produciu non poucos desacougos entre a equipa de rodaxe e tamén cos guionistas.

Todos estes informes chegan xusto cando a empresa de efectos especiais novacelandesa Weta ven de anunciar oficialmente a súa entrada no proxecto.

E pola súa banda, o director George Miller confirmou nunha recente entrevista que o filme rodará-se con tecnoloxía 3D e que o mesmo Miller está a facer experimentos coa tecnoloxía para esta produción.

Pero agora sabemos por que: o director George Miller planea facer dous filmes de Mad Max xuntos e roda-los ao mesmo tempo.

Ainda que iso soa coma unha explicación razoábel, resulta ainda dubidoso o título do segundo filme: Mad Max: Furiosa. Os dous filmes serían estreados con moi pouco tempo de diferéncia entre un e o outro.

Ainda non hai ren oficialmente anunciado ao respeito desta rodaxe, polo que haberá que agardar mais novas.

A história, da que ainda non se coñece demasiado, estará ambientada un pouco despois dos acontecementos narrados no filme de 1985 Mad Max: Mais aló da Cúpula do Trono, cando o persoaxe de Max ainda era novo. Charlize Theron e Tom Hardy serán os protagonistas principais.

A actriz e cantante Zoe Kravitz (The Brave One), a actriz australiana Adelaide Clemens (Love My Way, Wolverine) e mais a xa anteriormente mencionada Teresa Palmer están tamén en conversas para se unir ao reparto desta longametraxe.

Hoult interpretará a Nux, Kravitz fará de Cinco Viúvas e Palmer e Clemens participarán a bordo dun convoi perseguido polos malos. A rodaxe arrincará en Austrália a finais deste ano.

Brad Pitt

Brad Pitt será o protagonista e George Miller o director da nova revisión en formato de ciéncia-ficción do clásico de Homero A Odiseia para a Warner Brothers.

A súa intención é transferir o relato a un entorno futurístico e ambientado no espazo exterior.

A Warner ven proxectando silandeiramente A Odiseia dende hai moito tempo, e sempre quixeron contar con Pitt como estrela protagonista e con Miller na dirección, todo elo baixo a produción da empresa de Pitt, a Plan B.

Pitt interpretou a Aquiles na recente Tróia de Wolfgang Petersen, un éxito nos despachos de billetes que contou cunha adaptación de David Benioff sobre o clásico de Homero A Ilíada.

A Odiseia centrará-se nas aventuras de Ulises Odiseo e a súa longa viaxe a casa despóis de rematar a guerra de Tróia.

A Warners tentara que A Liga da Xustiza, o filme baseado na popular franquía da DC Comics, entrase en produción xa hai meses, pero tiveron que adia-lo indefinidamente en xaneiro, co que os contratos que tiñan cos membros do reparto expiraron. Naquel intre xa dixeran que os estudos non querían seguir adiante até que os guionistas lle deran outro repaso ao libreto do filme.

Os guionistas Kieran e Michele Mulroney están ocupados pulindo o guión, que se agarda que estea de volta nos estudos dentro dalgunhas semanas, mentres que aos actores lles aconsellaran que seguiran poñéndo-se en forma para entraren nos seus uniformes de super-heroes. O director George Miller está facendo labouras de preprodución en Austrália, pero non está nada claro se o filme se rodará alí ou en Canadá.

Adam Brody, contratado para facer o papel de Flash, é o actor de máis sona dentro do reparto para o filme. O rapeiro Common fará o persoaxe de Lanterna Verde, mentres que o resto dos papeis serán para actores menos coñecidos, coma Armie Hammer Jr. (Batman) e Megan Gale (Wonder Woman).

A Warner deixou que caducaran as opcións que tiña sobre o xove reparto de protagonistas que elixira o director George Miller para interpretar aos heroes da DC Comics. Os estudos, que tiñan coma prazo máximo o pasado 15 de xaneiro para dar a luz verde de saída ao proxecto, confirmaron que este ficará suspendido sen data de reanudación. Como moi cedo, o proxecto non será retomado até finais de verán ou comezos de outono.

Aos membros do reparto informaron-lles da decisión o pasado martes, decíndo-lles que a opción sobre os seus dereitos non ía ser exercida, pero que os estudos están decididos a rodar o filme contando con eles. Iso si, antes de que iso aconteza, haberá que resolver unha série de problemas.

As razóns dos estudos incluiron non só a folga, senón que non acadaran a exención de impostos que solicitaran para a rodaxe en Austrália. E ademáis, que ainda que aos executivos lles gustara o guión de Kieran e Michele Mulroney, era preciso traballalo un pouco máis, cousa que xa non será posíbel.

No reparto estaban confirmados Adam Brody coma Flash, Armie Hammer Jr. coma Batman e Megan Gale coma Wonder Woman.

O maratón de cástings escomezou o 14 de outubro e continuou o día 15, con 35 ou 40 actores a proba por diversos papeis, incluindo Superman, Wonder Woman, Batman, Flash, Aquaman, Lanterna Verde ou o Detective Marciano. Ademáis, tamén se puxeron a proba algúns papeis de persoaxes non super-heróicos.

Entre os participantes no cásting estiveron Adam Brody (O.C.), Joseph Cross (Running With Scissors), D.J. Cotrona (Windfall), Mary Elizabeth Winstead (Destino Final 3), Michael Angarano (Sky High), Teresa Palmer (Wolf Creek), Max Thieriot (Jumper) e mais o rapeiro Common.

O reparto da série da NBC Friday Night Lights tamén estivo prepresentado con Minka Kelly, Adrianne Palicki e Scott Porter nos cástings, nos que non houbo disfraces nin vestiário especial involucrado, senón soamente actores lendo páxinas redactadas, segundo puideron saber os nosos informantes.

Miller está á procura de actores que vaian medrando nos seus papeis ao longo de várias películas. As nosas fontes confirmaron que Miller, coñecido por ser un director moi meticuloso, non está só a probar os papeis en si mesmos, senón tamén a examinar a interactuación dos actores co resto do grupo. Agárda-se que o director dea a coñecer as súas conclusións aos estudos a meiados da semana que ven.