Os herdeiros do defunto escritor Adrian Jacobs denunciaran que a trama do libro, o cuarto dos sete que integran a exitosa saga do neno meigo, copiaba partes da obra Willy The Wizard, incluido un concurso de máxia, e que Rowling tomou prestada a ideia de meigos viaxando en trens.

A Scholastic Corp, a editorial que publica os libros da saga nos Estados Unidos, recibiu con ledícia a decisión e citou as palabras da senténcia cando din que «o contraste entre o concepto total e o ambiente das obras é tan absoluto que calquera comparación séria entre ambas forza a credulidade«. «A desestimación do xulgado apoia a nosa postura de que o caso estaba completamente infundado e que comparar Willy The Wizard coa série de Harry Potter era absurdo«, salientou a editorial nun comunicado.

En outubro, un xuíz a cargo dun caso semellante por pláxio en Londres dixera que as afirmacións feitas por Paul Allen, administrador da herdanza de Jacob, eran «improbábeis«, ainda que non aceptou a petición dos avogados de Rowling e da sua editorial británica para desestimar inmediatamente o caso.

Segundo o administrador da súa herdanza, Jacobs – que escribiu Willy The Wizard en 1987 – procurou os servizos do axente literário Christopher Little, quen posteriormente converteu-se en axente de Rowling. Ademais engadiu que Jacobs morreu na pobreza nun hospital de Londres en 1997.

A Bloomsbury, editora de Harry Potter no Reino Unido, dixo que Rowling nunca escoitara o nome de Jacobs antes de que en 2004 se presenta-se a primeira demanda por dereitos de autor, case sete anos despois da publicación do primeiro tomo da saga de Harry Potter.

Prime Focus, a empresa que se adicou á conversión en 3D do filme Clash of the Titans, será a responsábel de pasar ao novo formato estes dous títulos. Ainda que a súa laboura cos titáns foi moi criticada afirman que se debeu ás presas coas que tiveron que afrontar a tarefa, e que agora xa non aceptan traballos para rematar en pouco tempo, polo que a conversión será coidadosa e metódica.

Debido aos compromisos do director David Yates para rematar ambas partes de Deathly Hallows, el non poderá prestar unha atención total ás conversións até o ano que ven. Os estudos non queren discutir sobre datas concretas de entrega, o que lles permitirá manter as suas opcións abertas e gastar tempo extra se é preciso para estas cnversións.

A Warner quere agora vender a ideia de que mais que un paso atrás no formato 3D, a súa decisión de non lanzar en 3D a primeira parte de Deathly Hallows será a que salve ao formato da súa desaparición, xa que preferiron optar por «non 3D» no canto de face-lo por un «mal 3D», o que obrigará a outros estudos a facer unhas películas en 3D cada vez mellores.

Nun comunicado oficial dos estudos, declaran que a razón é que «non poderemos ter unha versión completa en 3D do filme dentro da data de estrea. Mália os millores esforzos de todo o mundo, non puidemos converter o filme ao formato 3D completamente e cos estándares de cualidade requeridos. Non queremos decepcionar aos fans que levan moito tempo agardando a conclusión desta extraordinária viaxe«.

As novas non deberían abraiar a ninguén. Após do éxito de Avatar, todos os estudos chimparon ao carro das 3D, coa Warners encabezando a nova tecnoloxía e coa intención de rodar directamente nela ou de pasar as rodaxes convencionais a 3D posteriormente. Pero cando a moda pasou, grazas entre outras cousas ao fracaso da mesma Warners con Clash of the Titans, todo o mundo decatou-se do pésimas que poden ser as conversións «a posteriori».

Os mesmos resultados obtiveron filmes coma Alice in Wonderland e The Last Airbender, combinados con prezos desorbitados para as entradas, o que fixo que o 3D sexa símbolo sobre todo de prezos caros e non sempre de calidade acorde con ese prezo.

Mália todo, os estudos ainda queren sacar a segunda parte de Harry Potter and the Deathly Hallows en 3D, ademais de en 2D en en formato IMAX.

Afshan, de 22 anos, interpreta a unha compañeira de curso de Harry, Ron e Hermione nos filmes de Harry Potter. O seu pai, Abdul Azad, de 54 anos, e mais o seu irmán Ashraf, de 28, foron detidos e compareceron perante o xuíz o martes por tentar asasina-la. Ashraf ademáis está acusado de atacar e de causar feridas á súa irmá. O xuízo aprazou-se até o vindeiro 12 de xullo.

Segundo todas as fontes consultadas, o ataque foi causado porque a família de Azad é musulmana e non aproban a relación que ela mantén cun home hindú, polo que a súa relixión obríga-lles a asasina-la para así gardar intacta a honra da família.

Afshan tentou retirar a denúncia en tres ocasións, pero dado que o delito é moi grave, a xustiza inglesa continuou adiante co caso. O avogado dos denunciados, John Wolfson, insiste en que Afshan tentou retractar-se das súas declaracións iniciais, e laiou-se de que continúe adiante a investigación.

Os ataques aconteceron o pasado 21 de maio. Antes de intervir na saga de Harry Potter, Afshan non tivera ningunha experiéncia prévia no mundo do cinema.

O xornal sensacionalista inglés The Sun recibiu o documento de 118 páxinas, cuxa foto publicou na súa portada, por parte dun lector que o atopou nun local da vila de Kings Langley, ás aforas de Londres, que seica adoita frecuentar tamén o xoven actor que encarna ao famoso meigo, Daniel Radcliffe.

O guión corresponde á primeira parte de Harry Potter e as relíquias da morte, o filme baseado na novela homónima da autora J.K. Rowling, e que está previsto que se estree o vindeiro novembro.

A derradeira entrega da exitosa saga contará cunha segunda parte que se espera que chegue aos cinemas a mediados de 2011.

Após constatar que o guión, marcado coma «Privado e Confidencial«, revela cámbios sinificativos na história creada por Rowling, o tabloide sensacionalista mais popular do Reino Unido decidiu devolver o documento á Warner Bros, quen o «agradeceu«.

Segundo o xornal, a produtora porá en marcha unha investigación interna para ver quen se deixou o guión, despois de que diversas fontes declararan ao xornal que a equipa de rodaxe collera unha boa borracheira.

A segunda unidade de filmación, menteres rodaba a escena culminante da «Batalla de Hogwarts», que require moitos lumes de artifício, foi-se fóra de control e un castelo en miniatura feito de madeira, aceiro e plástico prendeu e fo ia causa de que houbera que chamar aos bombeiros.  Olume ficou extinguido corenta minutos despois.

Ningún dos membros do reparto principal estaban no plató durante o incidente e ningún dos mais de cen membros da equipa de rodaxe sofriu dano algún. Nombergantes, seica a miniatura do castelo que representa o experior de Hogwarts ficou case totalmente destruido e os danos estíman-se ao redor das 100.000 libras (110.000 euros).

Un representante da produtora revelou á prensa que os estudos de Leavesden non foron danados polo lume, que foi oi limitado e contido axiña. Ademais engadiu que o plató deberá ser reconstruido de todas maneiras. O decorado vai-se precisar para a segunda parte da palícula.

Harry Potter e a Pedra Filosofal

O pasado mes de xuño os herdeiros do escritor Adrian Jacobs interpuxeron unha demanda no Tribunal Supremo de Londres contra a editorial Bloomsbury, asegurando que J.K. Rowling copiara partes considerábeis de As aventuras de Willy o Mago, escrito por Jacobs en 1987.

A demanda aseguraba que o argumento de Harry Potter e o cáliz de fogo copiou argumentos da trama de Willy o Mago, incluido un concurso de meigos, e que a saga Potter tomou prestada a ideia de que os meigos viaxaran en trens.

Rowling foi engadida á causa como acusada, o que provocou a sua resposta personal: «Sínto-me entristecida porque se presentara outra demanda decindo que roubei material doutra fonte para escribir Harry«, dixo nun comunicado. «O feito é que nunca oíra falar do autor do libro antes da primeira acusación daqueles relacionados coa herdanza do autor en 2004; certamente nunca lin o seu libro«.

Rowling engadiu que «as denúncias que se presentaron non son só infundadas senon absurdas, e estou decepcionada porque se nos poña na situación de ter que nos defender a min a e miña editorial no Reino Unido, a Bloomsbury. Recurriremos ao tribunal decontado para que dictamine que a denúncia non ten validez e que polo tanto debería ser desestimada sen demora«.

Os sete libros do rapaz meigo, dos que Harry Potter e o cáliz de fogo é o cuarto, bateron récords de publicación, vendendo mais de 400 millóns de cópias en todo o mundo e dando orixe a unha saga cinematográfica que recadou miles de millóns de euros.

A Bloomsbury negou rotundamente as denúncias de pláxio cando o caso chegou por primeira vez aos tribunais.

Harry Potter

A compañía Warner Brothers ven de decidir a total prohibición da celebración dunha cea privada nunha casa do oeste de Londres porque, segundo o seu critério, «vulnera os dereitos de autor» de Harry Potter.

A anfitriona, unha muller coñecida como «Señora Marmite Lover», adoita organizar con abondo frecuencia encontros temáticos na sua casa, até o punto de que recentemente puxo en marcha unha nova experiéncia culinaria chamada «O Restaurante Subterráneo».

O evento, sen ánimo de lucro e rebatizado coma «A noite do meigo», ía ofrecer aos seus ilustres convidados un máxico menú composto por viño de dente de león, soupa de cabaza e o favorito de Dumbledore, farsas de menta. Os convidados serían conducidos polo Calellón Alley, xunto á casa, e recibidos por un retrato da «Muller Gorda», que lles esixiría un contrasinal para poder entrar e disfroitar da cea. Pero o evento tivo que ser cancelado cando a Warner Brothers descobriu que estes maléficos plans da Señora Marmite Lover.

A anfitriona da cea recebiu na súa caixa de correo unha carta emitida polo departamento legal da Warner Brothers na que se lle comunicaba que segundo a súa opinión, a devandita festa privada vulnera os dereitos de autor dos que é propietária a multinacional da comunicación. A carta dicía: «Estimada Señora Marmite Lover. Ainda que estamos encantados con que sexa unha fanática seguidora da saga de Harry Potter, desgrazadamente a sua proposta utiliza os derechos de Harry Potter… sen o noso consentemento estaría vostede infrinxindo os dereitos de autor da Warner«.

Como resposta á misiva, a Señora Marmite contestou: «Comprendo que necesitan protexer os seus dereitos, pero se trata únicamente dunha cea, da que eu non obteño ningún benefício, inspirada nos libros e no seu contido culinário. A miña filla é unha grande fan, chegando mesmo á obsesión«.

Até agora, a traxectória da señora Marmite como anfitriona deste tipo de eventos temáticos é longa e o resto da empresas que se viron implicadas nas súas ceas temáticas sempre estiveron encantadas e mesmo algunhas delas chegaron ofrecer os seus produtos gratuitamente fornecendo con cátering de seu aos convidados.

Rupert Grint

Grint tomou-se vários días libres mentres rodaba Harry Potter and the Deathly Hallows, pero finalmente se puido reunir cos seus compañeiros de reparto na alfombra vermella que onte martes se puxo diante do cinema no que se estreou o filme Harry Potter and the Half-Blood Prince.

«Ven de se confirmar que Rupert Grint tomou-se uns días libres lonxe da rodaxe por mor dun brote non grave de febre porcina«, dixo o seu publicista nun comunicado oficial. «Arestora xa se atopa recuperado e está desexando reunir-se cos seus compañeiros para a estrea e mais a promoción do filme esta mesma semana e logo poder regresar á rodaxe de seguido«.

A rodaxe non tivo que se interrumpir pola auséncia do xoven actor, de 20 anos de idade.

Harry Potter and the Half-Blood Prince estreará-se o vindeiro 15 de xullo na meirande parte de Europa, mentres que nos Estados Unidos e no Xapón será dous días despois.

Polo de agora, hai contabilizados catro casos de falecemento en Inglaterra por mor da febre porcina, tamén chamada gripe A ou virus H1N1, ainda que o país conta co número mais grande de Europa en canto a casos desta enfermidade, somando xa ao redor do 7.500 infectados.

O governo advertiu que esta cifra podería incrementar-se até os 100.000 a finais do vindeiro mes de agosto.

O bispo auxiliar da cidade de Linz, Gerhard Maria Wagner, viu-se obrigado a pedir á Santa Sede que cancele o seu nomeamento despois da enorme polémica desatada en Austria polas suas opinións.

A petición de renúncia de Wagner fixo-se oficial mediante un breve comunicado, no que di que «ante as intensas críticas e despois de o consultar co bispo diocesano, cheguei á conclusión de pedir ao Santo Pai en Roma a retirada do meu nomeamento como bispo auxiliar de Linz«.

Wagner ergueu unha profunda polémica na igrexa católica e na sociedade austriaca polas suas declaracións. Nunha ocasión, o prelado afirmara que o personaxe da literatura infantil Harry Potter era «satánico«. Mais recentemente, o bispo dixo que a homosexualidade é unha enfermidade que pode ser curada.

Wagner, de 54 anos, xa estivo no centro da polémica no 2005, despois da devastación da cidade americana de New Orleans polo furacán Katrina. Nesa ocasión, o polémico crego escribeu na sua folla paroquial, na localidade de Windischgarsten, que toda a destrución causada pola traxédia natural debia-se mais á «contaminación espiritual» que á ambiental.

«Non é unha casualidade que en New Orleans fosen destruídas as cinco clínicas abortistas que existían e todos os clubes nocturnos«, indicou o daquela pároco.

Con ese historial de posturas ultraconservadoras, o anuncio do seu nomeamento como bispo auxiliar da terceira maior cidade de Áustria provocou unha chúvia de críticas desde instáncias políticas e relixiosas dese país.

Pese ao explicito apoio do cardenal de Viena, Christoph Schönborn, moi cercano ao papa Bieito XVI, os fieis de base e mesmo parte da hierarquía eclesiástica austríaca criticaron duramente o nomeamento.

Esas críticas ameazaban, no caso dos crentes de a pé, con se transformaren nunha vaga de baixas dos rexistos da igrexa austriaca, cuxa credibilidade ficou moi afectada nos últimos anos por mor de vários escándalos sexuais e de pedofilia protagonizados por cregos.

Só en 2008, unhas 40.600 persoas se deron de baixa do rexisto de fieis existentes nese país, tradiciónalmente católico. Un 66 por cento da povoación – uns 5,6 millóns – define-se ofícialmente como católica.

O nomeamento foi anunciado antonte pola igrexa católica austríaca, precisando que a sua consagración será o próximo 22 de marzo en Linz.

Wagner, de 54 anos, é coñecido en Áustria polas súas posicións ultramontanas, difundidas por primeira vez en 2001, cando denunciou que as novelas da escritora J.K. Rowling sobre o meigo adolescente Harry Potter «levan a marca do satanismo«.

Non contento con iso, ademáis asegurou que as palabras en latín macarrónico que se usan na obra son semellantes a esconxuros diabólicos, porque segundo dixo, «fan uso dunha língua que ninguén entende, porque se queren mobilizar ás forzas máxicas«.

Os contos de Beedle o Bardo (The Tales of Beedle The Bard) é un libro dentro dun libro. A primeira referéncia apareceu en Harry Potter e as Relíquias da Morte, onde se fala del coma un libro de contos lido polos nenos no mundo máxico de Harry Potter. É unha colección de cinco histórias totalmente independentes que Rowling finalmente escribiu e publicou.

As cinco histórias incluidas en Beedle o Bardo son: The Wizard and the Hopping Pot, sobre o fillo dun meigo que hereda un caldeiro cun pe; The Fountain of Fair Fortune, sobre unha fonte onde a xente que se baña nela ve resoltos os seus problemas; The Warlock’s Hairy Heart, sobre un bruxo que utiliza máxia negra para evitar caer namorado; Babbitty Rabbitty and her Cackling Stump, sobre un rei que desexa ficar con toda a máxia para el, pero é vencido por un tocón que rí, e The Tale of the Three Brothers, sobre tres irmáns viaxeiros a quen a morte lles concedeu os seus desexos.

Ningunha desas histórias semella ter conexións entre elas, o que fai especialmente difícil para a Warners encaixa-las nunha soa película… así que poderían ser cinco? Iso semellaría pouco intelixente, xa que son contos curtos e non hai material abondo para facer cinco longametraxes.

A Warners ainda non ten decidido como facer este traballo, pero que ten un forte interese en converter Os contos de Beedle o Bardo en cinema semella moi claro.

Os fans de todo el mundo levan pedindo poder lér os contos infantís do mundo dos magos — creados, escritos a man e ilustrados por J.K. Rowling — dende o pasado ems de cembro, cando Amazon ofreceu 1,95 millóns de libras (2,5 millóns de euros) por un exemplar destinado a fins benéficos — ún dos únicos sete que existen — nunha poxa de Sotheby’s en Londres.

A CHLG xa anunciara que publicaría tres edicións en inglés do libro, que imprimirán e distribuirán Bloomsbury, Scholastic e Amazon, e que sairán á venda o xoves 4 de decembro de 2008. A organización benéfica compráce-se agora en anunciar que Edicións Salamandra recebiu os dereitos exclusivos para traducir, imprimir e distribuir o libro en español, que sairá á venda o 4 de decembro. Todos os cartos recadados coa venda dos exemplares serán doados á CHLG.

Nos contos de Beedle o Bardo están recopilados os cinco contos infantís do mundo máxico que Albus Dumbledore lle legou a Hermione Granger na sétima e derradeira entrega da série, Harry Potter e as Relíquias da Morte, onde só se narra ún: «A fábula dos tres irmáns». Nos contos de Beedle o Bardo aparecen por primeira vez as outras catro histórias.

Ou poñer-se o brazalete do hospital que levaba Jessica Alba en The Eye, as camisas rachadas e ensanguentadas dos protagonistas de Cloverfield ou mesmo a chaqueta de Terminator 3 que levaba posta Arnold Schwarzenegger!

Estes e outros obxectos procedentes de filmes de terror serán postos á poxa o vindeiro día 11 de outubro en benefício da Entertainment Industry Foundation, unha fundación adicada ao coidado, saúde, educación e outros asuntos sociais dentro da comunidade de Hollywood.

A empresa Premiere Props está a recoller estes obxectos, nunca até agora vistos nascasas de poxa. Xa teñen disfraces raros e obxectos procedentes de filmes coma Sleepy Hollow, Aeon Flux, Grindhouse, Rob Zombie’s Halloween, Terminator 3, Hell Ride, Ancient Resident Evil: Extinction, Underworld Evolution e moitos outros. A revista Fangoria é a copatrocinadora deste evento.

Os interesados poden ver os obxectos nun almacén en El Segundo, Califórnia, antes da poxa, pero para o resto dos mortais todos están dispoñíbeis en eBay. A poxa escomeza o 11 de outubro ás 9 da mañán, hora local de Califórnia.

O xuiz Robert Patterson do Tribunal de Distrito de Manhattan sentenciou que a editorial independente RDR Books «non puido establecer unha defensa afirmativa de utilización lexítima» e polo tanto estableceu que debe deter-se a publicación do libro The Harry Potter Lexicon.

Os primeiros cinco filmes foron un grande éxito nos despachos de billetes, grazas en boa medida a que apareceron moi seguidos á publicación de cada ún dos libros de Rowling.

Pero o sétimo e derradeiro libro apareceu nos andeis das librarías o ano pasado, e ainda fican por se facer tres filmes de Harry Potter.

A adaptación ao cinema de Harry Potter e o Príncipe Mestizo está preparada para aparecer nas pantallas para o ano que ven, mentres que o sétimo e derradeiro libro Harry Potter e as relíquias da morte será dividido en dúas películas.

O guionista Steve Kloves admitiu á prensa que «non vou mentir. Estou algo desacougado porque os libros remataron, e a anticipación non será a mesma. Sería un completo desastre se ninguén o dixese«.

Mentres tanto, os fans de Harry Potter deberán agardar até o vindeiro mes de xullo para ver a seguinte entrega das súas aventuras na pantalla grande. O xoves os estudos anunciaron que a estrea de Harry Potter e o Príncipe Mestizo non será, coma estaba previsto, o 21 de novembro deste ano, senón o 17 de xullo de 2009. A Warner Bros dixo que non houbo atrasos na produción, pero que a folga de guionistas atrasara xa outras producións moi salientábeis cuxas estreas estaban previstas para os meses de verán.

Nombargantes, Knightley non abandoará a mítica casa de moda francesa, senon que adoptará un novo rol publicitário.

Watson, de 18 anos, asinou dous anos de contrato coa Chanel por unha cantidade de tres millóns de libras (uns 3,8 millóns de euros), un acordo ao que deu o visto bó a Warner Bros, a produtora das películas de Harry Potter.

Nos últimos tempos puido-se ver á xove actriz vestindo traxes de Chanel en festas e estreas das suas longametraxes e espéra-se que a luxosa casa francesa faga oficial o acuerdo o mes que ven.

A fichaxe de Watson, que sucede tamén á modelo Kate Moss coma imaxe de Coco Mademoiselle, é un movemento máis da nova estratéxia publicitária de Chanel, que xa anunciou que a protagonista de O Código da Vinci, Audrey Tatou, sustituirá a Nicole Kidman coma a face do perfume Chanel Nº5.

O texto, que ten 800 palabras, constitúe unha precuela do seu famoso neno meigo, e o seu contido ficou en segredo  até agora.

Para a poxa os organizadores pediron a vários escritores ingleses, coma Sebastian Faulks, a Prémio Nobel de Literatura, Doris Lessing, ou Margaret Atwood que aportaran un manuscrito escrito por eles.

Dende o princípio confiába-se en que a obra doada por Rowling, que hai só un ano anunciou que non escribiría ningún outro libro de Harry Potter até que pasaran alomenos dez anos, vendería-se a un prezo moi alto.

Esta vez, nombergantes, non acadou os 2,7 millóns de euros que se pagaran noutra poxa por unha série de relatos de fadas escritos e ilustrados a man pola novelista.

O recadado será destinado a English PEN, unha organización que apoia a literatura para un millor entendemento entre culturas, e para Dyslexia Action, que axuda ás persoas con problemas de disléxia.

Mália que Steve Vander Ark, o autor da enciclopédia, afirmou que a creara polo amor que sente pola obra, Rowling xustificou a demanda alegando que sentía que as suas palabras foran roubadas. Para Scott Card isto foi a pinga que faltaba, porque «diaños, coido que o argumento de O Xogo de Ender foi roubado por J.K. Rowling«.

Scott Card apóñe-lle a Rowling non o feito de que a obra de Potter poida ter algunha inspiración na súa, se non que proteste polas influéncias doutros autores. Ademáis, lembra que ainda está por se resolver a demanda que ten aberta por parte de Nancy K. Stouffer, autora do libro A Lenda de Rah e os Muggles, protagonizada por un tal «Larry Potter».

Vander Ark sempre afirmou que Lexicon era unha obra de referéncia, non unha creación de seu, e que antes da publicación das novelas xurdiran escolmas semellantes que foran aceptadas de bo grao pola escritora inglesa, pois servian para publicitar os seus libros.

E por riba, a mesma Rowling afirmou en moitas ocasións que mentres escribia, acostumaba acceder a Webs de fans para resolver algunhas dúbidas sobre os próprios nomes que usou na saga e que mesmo o Lexicon estivo online durante vários anos antes de pasar a papel. Card remata dicindo: «A hipocresía de Rowling é tan espesa que me custa respirar«.

A escritora J.K. Rowling ven de redactar un esbozo de 800 palabras sobre o que aconteceu antes da saga de sete libros que a converteu en multimillonária, un texto que se poxará o 10 de xuño na libraría Waterstones.

O relato, que remata coa frase «Da história prévia na que non estou traballando — pero foi divertido!«, é unha das 13 pezas creadas por famosos autores, coma o novo escritor de James Bond, Sebastian Faulks, e a prémio Nobel Doris Lessing, que se poxarán no tradicional remate.

«Cal é a túa história? pon-se cada vez máis emocionante, todos estes brillantes traballos de incríbeis escritores e ilustradores, cadaún unha pequena obra de arte«, dixo Gerry Johnson, director da Waterstone. «Nunca soñamos con que J.K. Rowling podería doar algo tan prezado, e estamos incríbelmente agradecidos«, engadiu.

Os cartos recadados doarán-se a institucións benéficas coma English PEN e Dyslexia Action.

Outros autores que doaron os seus traballos son Lisa Appignanesi, Margaret Atwood, Lauren Child, Richard Ford, Neil Gaiman, Nick Hornby, Michael Rosen, Axel Scheffler, Tom Stoppard e Irvine Welsh.

Segundo informa a própria editorial, o novo libro incluirá novo material escrito pola autora J.K. Rowling ademáis dunha nova ilustración para a portada de Mary Grandpré.

«É marabilloso para min ter de novo a oportunidade de debuxar outra vez a Harry para os fans«, dixo Grandpré. «Agora amosará-se outro lado de Harry… o máis vulnerábel«, engadiu ao se referir ao seu traballo que representa ao cativo Harry ollando para o espello de Oxesed.

O libro sairá á venda o 23 de setembro a un prezo de 30 dólares (19 euros).

«Ese libro constitúe un roubo ao por maior de 17 anos de traballo duro«, dixo Rowling perante o tribunal do distrito sul de Manhattan, na xornada de apertura dun xuizo que se anticipa que durará vários días.

Rowling e mais os estudos de Hollywood Warner Bros, que adaptaron os seus libros á pantalla grande, escomezaron unha demanda por violación de propiedade intelectual á editorial RDR Books de Michigan. A saga do popular neno meigo vendeu máis de 350 millóns de ibros en todo o mundo e foi xa traducida a 65 idiomas.

Rowling acusou á editorial de alterar a integridade dos persoaxes e o seu universo de ficción, e dixo que iso motivou a demanda, e non os cartos.

Anthony Falzone, avogado da RDR Books, rebatiu os argumentos afirmando que «se se suprime a publicación deste libro, o público vai perder unha guía de referéncia útil» sobre a longa e complexa saga infantil.

«A enciclopédia non é un sustituto plausíbel de ningunha das novelas da saga de Harry Potter», engadiu Falzone. «É perante todo unha guía de referéncia«.

Segundo Falzone, «a cuestión aquí é saber se a señora Rowling ten o poder para facer desaparecer ao noso libro«.

Vestida cun traxe sastre escuro con finas raias brancas, a escritora admitiu na súa declaración perante o tribunal coa súa avogada que estaba «nervosa» ao comparecer por primeira vez na sua vida perante un tribunal.

Nun intre no que evocaba as dificultades do início da sua carrera literária, Rowling contivo con dificultade as bágoas. «Era todo o que tiña na vida, á parte dos meus fillos«, dixo ao se referir á importáncia das suas novelas.

A escritora de 42 anos dixo posteriormente que se dispón a publicar unha enciclopédia Harry Potter de seu, nun prazo de dous a tres anos, e que case abandoa a querela porque afecta á súa actividade creadora.

«Escribir unha novela é un traballo de amor«, dixo Rowling. «Escribir unha enciclopédia é algo diferente«. «Dous a tres anos sería un prazo razoábel, quero face-lo correctamente«, sinalou. Precisou que o fruto das vendas será directamente entregado a obras de caridade para nenos.

A enciclopedia que RDR Books quere poñer en venda por 24,95 dólares (15,75 euros) é obra de Steve Vander Ark, un admirador de Rowling que posúe un sítio na internet sobre Harry Potter e que segundo os seus avogados «liu as obras de Rowling unhas 50 veces«.

Rowling, quen anteriormente apoiara o sío Web de Vander Ark, dixo no xulgado que ao se enterar do seu proxecto de publicar o libro sentiu-se «sumamente indignada«. «Sentín certo grao de traizón«.

A autora criticou a guía non autorizada: «a enciclopedia non é unha obra de calidade«, dixo. «Hai partes nas que Vander Ark directamente non entendeu a obra«.

Os avogados de Warner pediron ao xuiz que impedira a publicación do libro, que segundo eles limíta-se a reordear alfabéticamente a complexa obra, sen engadir grande cousa. «Toma demasiado e non aporta case nada«, dixo unha das letradas de Rowling.

Segundo soubo NOVA FANTASIA por médio das súas fontes en Los Angeles, os estudos Warner Bros e os produtores da franquía, baseada nos persoaxes da escritora inglesa J.K. Rowling, anunciarán este xoves que pretenden converter esa obra en dúas películas que se estrearán por separado.

As fitas levarán por nome, simplemente, Harry Potter e as relíquias da morte: Parte I e Harry Potter e as relíquias da morte: Parte II, segundo desvelou o produtor David Heyman.

O director David Yates, que xa se fixo cargo das tarefas de realización en Harry Potter e a Orde do Fénix e Harry Potter e o mistério do Príncipe – en produción -, volverá a se poñer tras das cámaras para dirixir estes dous filmes, que se rodarán de forma continuada.

O escritor Steve Kloves será o encargado de redactar o guión, unha tarea que xa realizou en sete das oito fitas que compoñen a saga.

Para celebrar este lanzamento Editorial Galaxia organizou unha série de actividades na FNAC da Coruña e na Casa do Libro de Vigo co fin de lles ofrecer aos harrypotólogos a posibilidade de compartir a espera do lanzamento dun xeito entretido. Unha hora antes da posta á venda da sétima entrega de Harry Potter tivo lugar un concurso de disfraces de personaxes desta série de libros. Tamén houbo unha charla-presentación a cargo dun grupo de lectores e coñecedores cualificados das aventuras de Harry Potter.

Editorial Galaxia vén publicando, en colaboración con Ediciones Salamandra de Barcelona, a serie Harry Potter en lingua galega. A última entrega, Harry Potter e as reliquias da morte, foi traducida por Laura Sáez, quen tamén prepara a tradución de Harry Potter e a Orde do Fénix. Carlos Acevedo é o tradutor de Harry Potter e o misterio do príncipe.

Este último libro narra os acontecementos que seguen directamente ao libro anterior: Harry Potter e o misterio do príncipe, e conclúe co enfrentamento final, largamente esperado, entre Harry Potter e o mago Lord Voldemort. Éste é o único libro da serie que non inclúe algún comentario da crítica no interior de la portada, na que en cambio se pode ler: «We now present the seventh and final installment in the epic tale of Harry Potter«.

Con estas novas saídas editoriais no ano 2008 Editorial Galaxia presenta en lingua galega a série completa do popular personaxe. O compromiso entre os editores é ofrecer aos seus lectores as obras ao mesmo tempo nas tres lénguas, de xeito que os lectores galegos poidan acceder á novela de J. K. Rowling nas mesmas datas que calquera outro lector do estado español. Este á a filosofía na que Editorial Galaxia vén desenvolvendo a súa política de traducións nos últimos anos. As novelas de Paul Auster, Martin Amis, Andrea Camilleri, Daniel Kehlmann están a ser publicadas á par que as outras línguas europeas.