Xa daquela, e após de obter unha recadación de mais de 584 millóns de dólares en todo o mundo, as produtoras escomezaron a falar sobre a posibilidade de facer unha precuela, pero o interese decaiu e non se volveu comentar o tema.

Agora seica as cousas cambiaron unha vez mais porque Arash Amel está a escribir o guión e Will Smith ten a súa axenda libre para repetir o seu papel protagonista coma o científico Robert Neville, o derradeiro home vivo na Terra en loita contra as hordas de mutantes, após de que un virus mortal aniquilara a toda a humanidade.

Mália os rumores que se difundiron anteriormente e que dicían que esta película sería unha precuela, seica non vai ser así finalmente. O único certo é que Smith non asinará o seu compromiso até non lér o guión, e por suposto está o pequeno inconvinte de que hai pouco que facer co seu persoaxe após de que o seu destino ficase selado no remate do primeiro filme.

Neste filme de ciéncia-ficción, Robert Neville (Will Smith) é un brillante científico, pero nin sequera el pode evitar que un terríbel virus, creado nun laboratório, remate con toda a humanidade… agás con el. Inmune por algún motivo descoñecido, convírte-se no derradeiro ser humano do planeta, abandoado á súa sorte na cidade de New York. Pero se atopará cun pequeno problema, e é que o virus transformou ao resto da povoación en vampiros. E el é o seu principal obxectivo e inimigo.