A Muller de Negro
O director James Watkins (Eden Lake) será o encarregado de realizar un remake do telefilme de 1989 The Woman in Black, que daquela dirixiu Herbert Wise.
A Exclusive Media Group e mais a Hammer Films obtiveron os dereitos da obra orixinal, un libro gótico de 1983 de Susan Hill con todo o sabor da clásica história de pantasmas vitoriá, e farán unha nova versión que será a primeira película da nova Hammer en 3D. O guión escribirá-o Jane Goldman, que conta entre as súas anteriores obras Stardust e Kick-Ass.
A história de pantasmas céntra-se nun avogado que é enviado pola súa empresa para vender a casa dunha viúva recentemente falecida. O avogado atopa que os residentes non queren falar moito da casa ou achegar-se a ela, e ninguén lle recoñecerá que saben quen é unha misteriosa muller de negro que atopa dentro dela.
Matusalem vivirá abondo
A Warner Brothers ven de se facer cos dereitos de Methuselah, unha aventura de acción cuxo título provén de Matusalem, o mítico persoaxe da Bíblia que viviu mais de 1.000 anos, e todo elo baixo a dirección de James Watkins, que tamén se encargará do guión.
David Heyman (un habitual dos filmes de Harry Potter) será o produtor a través da súa empresa filial da Warner, a Heyday.
O protagonista do filme será unha persoa que envellece a un ritmo moi lento e aproveita todo o seu tempo para desenvolver unha chea de incríbeis habilidades de supervivéncia.
Watkins fixo o seu debut como director no cinema fantástico con Eden Lake, filme do que tamén foi o guionista.
