Justin Haythe

A história, que en España titulou-se El llanero solitário e que xamais foi emitida cun título de seu en galego, vai sobre un ranger de Texas enmascarado no Vello Oeste que loita contra a inxustiza coa axuda do seu cabalo Silver e mais o seu amigo índio Tonto. Johnny Depp xa está contratado para facer o papel de Tonto, pero o papel do Ranger ainda non ten dono e tampouco hai ningún director vencellado a este proxecto (o ano pasado xurdira o rumor de que George Clooney podería protagoniza-lo e que Mike Newell sería o director).

Jerry Bruckheimer é o produtor. Os guionistas Ted Elliott e Terry Rossio (Piratas do Caribe) foron os anteriores encargados do libreto. Entre os traballos anteriores de Haythe está o da recente 20.000 légoas de viaxe submariña que se ía rodar na Disney pero que se veu abaixo cando mudou o seu director executivo recentemente.

Tamén falamos de...

• 25 de Setembro de 2008 -- Johnny Depp en Piratas do Caribe 4
• 13 de Febreiro de 2010 -- Cruz e o fantástico
• 23 de Setembro de 2009 -- Os Piratas en perigo
• 13 de Setembro de 2009 -- En mareas extrañas
• 3 de Decembro de 2008 -- Depp nas mans de Dante

Tal e coma se anunciara previamente, Depp repetirá o seu papel de capitán Jack Sparrow, que parte na procura da Fonte da Xoventude. O persoaxe de Cruz sería o de compañeira e case igual de Sparrow, segundo as fontes consultadas por NOVA FANTASIA.

O director de Cruz en Nine, Rob Marshall, será quen dirixa esta cuarta entrega dos Piratas, que comezará a se filmar en Hawaii este verán coa vista posta nunha estrea que se producirá ao longo do an oque ven.

Por outra banda, a actriz latina podería ser a protagonista do vindeiro proxecto do director de filmes coma Antichrist e Dogville, o cineasta dinamarqués Lars von Trier, un thriller psicolóxico titulado Melancholia.

O proxecto, de 5 millóns de dólares, utilizará algúns elementos de ciéncia-ficción e moitos efectos especiais, pero segundo se comenta, será sobre todo unha exploración escura do punto de vista psicolóxico dun desastre.

A rodaxe dará comezo en Suécia e Alemaña a finais deste ano, coa vista posta nunha estrea que podería ser no Festival de Cinema de Cannes de 2011. Peter Aalbaek Jensen será o produtor.

Tamén falamos de...

• 23 de Setembro de 2009 -- Os Piratas en perigo
• 13 de Setembro de 2009 -- En mareas extrañas
• 28 de Setembro de 2008 -- Keira Knigthley rexeita Piratas do Caribe
• 25 de Setembro de 2008 -- Johnny Depp en Piratas do Caribe 4
• 8 de Maio de 2010 -- A crise dos Piratas

Cook foi o principal impulsor da saga de Piratas do Caribe, e de feito, o papel de Jack Sparrow foi a parar ás mans de Johnny Depp, grazas a el. Por iso, non estrañou que despois de se facer público o despido, o actor estea a duvidar da sua participación na cuarta entrega.

Piratas do Caribe 4: On Stranger Tides, apresentou-se durante a D23 Expo, un acto convocado pola Disney para apresentar os seus proxectos. Mesmo Johnny Depp acudiu á cita, ataviado co vestiário do seu personaxe na saga. Nombergantes, daquela nada se sabia verbo do inesperado despido. O próprio Johnny dixo que “ninguén o viu vir“.

Polo momento, o actor, que non agochou o seu descontento, quere reconsiderá-lo todo, xa que o ocorrido “crebou a confianza” que depositara no proxecto. O actor di que o entusiasmo que tiña por este filme apagou-se.

En declaracións á prensa, Depp dicia que toda a cidade (Los Angeles) ficou “en estado de shock” após da notícia. Johnny tamén contou que Cook chamou-no persoalmente para lle contar o ocorrido; “Dixo-me que preferia dicir-mo el antes de que me enteirase doutra forma — ‘É o meu último dia’, dixo, pero non me deu ningunha razón“.

Tamén falamos de...

• 13 de Febreiro de 2010 -- Cruz e o fantástico
• 13 de Setembro de 2009 -- En mareas extrañas
• 28 de Setembro de 2008 -- Keira Knigthley rexeita Piratas do Caribe
• 25 de Setembro de 2008 -- Johnny Depp en Piratas do Caribe 4
• 8 de Maio de 2010 -- A crise dos Piratas

Non lle levou moito tempo á prensa relembrar unha novela do escritor fantástico Tim Powers titulada precisamente On Stranger Tides e que casualmente vai sobre un pirata chamado Jack Shandy que se ve inmerso nunha carreira contra o lendário pirata Barba Negra e mais a súa tripulación de vivos e mortos para chegaren os primeiros á Fonte da Xoventude.

A Fonte da Xoventude é precisamente a pista final da derradeira escena de Piratas do Caribe 3: Na Fin do Mundo, o que fai que a conexión entre este libro e mais a cuarta parte da saga cinematográfica sexa bastante óbvia.

A novela de Powers inclúe elementos coma loitas con espadas, batallas mariñas, e mais un amor en prisión e mesmo convertido en monicreque.

A fita está definitivamente aprobada e conta con Johnny Depp novamente como protagonista no papel do capitán Jack Sparrow. Para rebaixar un pouco o orzamento, nin Orlando Bloom nin Kiera Knightley regresarán á história, de non ser que conten con algún cameo. Tamén é de agardar que regrese Geoffrey Rush coma o capitán Barbossa, se ben isto ainda non está confirmado.

Tamén falamos de...

• 13 de Febreiro de 2010 -- Cruz e o fantástico
• 16 de Outubro de 2009 -- As mareas de Powers
• 23 de Setembro de 2009 -- Os Piratas en perigo
• 8 de Outubro de 2008 -- Anne Hathaway será a Raíña Branca
• 28 de Setembro de 2008 -- Keira Knigthley rexeita Piratas do Caribe

O libro trata sobre a obra mestra do escritor italiano do século XIV Dante Alighieri A Divina Comédia, e narra liñas argumentais paralelas ao redor da figura do autor na Itália do Rexurdimento mentres trata de completar a súa obra e unha história no presente ao redor de Tosches, a quen lle piden que autentifique un manuscrito que podería ser o orixinal de Date. Depp interpretaría a Tosches.

En calquera caso, Depp será o produtor a través da súa empresa Infinitum Nihil e xunto co seu parceiro Christi Dembrowski. A produtora, que ten un contrato de preferéncia coa Warner Bros. e coa GK Films de Graham King, se fixo cos dereitos do libro, editado en 2002, con cartos de seu.

Tamén falamos de...

• 3 de Novembro de 2008 -- O Inferno, á Universal
• 14 de Febreiro de 2010 -- Haythe adaptará ao Lone Ranger
• 13 de Febreiro de 2010 -- Cruz e o fantástico
• 23 de Setembro de 2009 -- Os Piratas en perigo
• 13 de Setembro de 2009 -- En mareas extrañas

Helena Bonham Carter, unha das actrices musa de Burton (con quen xa traballou en filmes coma O cadáver da noiva, Charlie e a Fábrica de Chocolate e O Planeta dos Símios), tamén uniu-se ao reparto.

O filme, que protagonizan Mia Wasikowska como Alícia e Johnny Depp coma o Sombrereiro Tolo, utilizará unha combinación de acción real e tecnoloxía de captura de imaxes para narrar o famoso libro de Lewis Carroll.

Hathaway interpretará á Raíña Branca, unha monarca benévola que é deposta e desterrada pola súa irmá, a Raíña Vermella (Carter), quen ten afección por andar berrando “Que lle curten a cabeza!“. A Raíña Branca precisará de Alícia para poder matar a unha creatura coñecida coma Bandersnatch (en español adóita-se traducir coma Zamarraco ou cousas semellantes).

Richard Zanuck, Joe Roth e Jennifer e Suzanne Todd serán os produtores.

Tamén falamos de...

• 25 de Setembro de 2008 -- Johnny Depp en Piratas do Caribe 4
• 25 de Xullo de 2008 -- Tim Burton xa ten á súa Alícia
• 28 de Maio de 2010 -- Alícia, xa entre os grandes
• 13 de Setembro de 2009 -- En mareas extrañas
• 4 de Xuño de 2008 -- Tim Burton quere a Johnny Depp

Do trío de actores que estiveron nas tres entregas anteriores só Johnny Depp confirmou a súa participación na cuarta, na que dará vida unha vez máis ao capitán Jack Sparrow, persoaxe para o cal o actor se inspirou no guitarrista dos Rolling Stones, Keith Richards.

En plea promoción da sua nova película, a fita de época A Duquesa, Knightley explicou que a súa participación na saga chegou ao seu remate e que non voltará interpretar á aristócrata metida a pirata Elizabeth Swann. “Fixen unha viaxe incríbel facendo estas tres películas, pero coido que agora as cousas son totalmente diferentes. Non sei ren desa nova entrega e non voltarei“, dixo nunhas declaracións á MTV.

Após da definición dos dous actores xa só fixa por confirmar a participación do terceiro protagonista da película inspirada nunha atracción da Disney World. Orlando Bloom, que interpreta ao garrido Hill, non se definiu ainda sobre a súa participación nunha franquía que recadou máis de 1.800 millóns de euros nos cinemas de todo o mundo.

Tamén falamos de...

• 25 de Setembro de 2008 -- Johnny Depp en Piratas do Caribe 4
• 13 de Febreiro de 2010 -- Cruz e o fantástico
• 23 de Setembro de 2009 -- Os Piratas en perigo
• 13 de Setembro de 2009 -- En mareas extrañas
• 8 de Maio de 2010 -- A crise dos Piratas

A triloxía, que se iniciou en 2003 con A maldición da pérola negra, recadou só nos cinemas mais de 1.800 millóns de euros, situando-se como unha das sagas mais rendíbeis da história do cinema.

Ainda se descoñecen mais detalles, pero o seguinte moi probabelmente será negociar co director dos tres filmes, Gore Verbinski, e con Orlando Bloom e Keira Knightley para que volten retomar os seus roles xunto ao capitán Sparrow.

Ademais, a Disney tamén informou que Depp estará noutros dous proxectos da compañía: confirma-se que será o Sombrereiro Tolo no filme de animación Alice in Wonderland, unha revisitación do clásico de Lewis Carroll que prepara Tim Burton. Realizará-se en 3D e mediante unha técnica moi semellante á de Beowulf. A sua estrea prevé-se en 2010.

Tamén participará noutra longametraxe que planea Jerry Bruckheimer, o produtor da série Piratas do Caribe. Trata-se dunha adaptación de The Lone Ranger: o personaxe criado por George W. Trendle foi un serial radiofónico moi popular nos Estados Unidos desde o seu primeiro capítulo de emisón, en 1933, e despois triunfaría como espectáculo televisivo durante a década dos 50.

O Lone Ranger inspirou numerosos cómics e tamén algun filme, de escasa repercusión, coma The Legend of Lone Ranger (1981).

Concretamente, Johnny Depp encarnaría ao personaxe de Tonto (chamado Toro en España), o índio que é o amigo mais fiel do heroe protagonista, un xusticeiro enmascarado após do que se agocha o Ranger de Texas John Ride. Ainda non hai actor elixido para este papel.

Tamén falamos de...

• 8 de Outubro de 2008 -- Anne Hathaway será a Raíña Branca
• 28 de Setembro de 2008 -- Keira Knigthley rexeita Piratas do Caribe
• 28 de Maio de 2010 -- Alícia, xa entre os grandes
• 8 de Maio de 2010 -- A crise dos Piratas
• 14 de Febreiro de 2010 -- Haythe adaptará ao Lone Ranger

Nunha recente entrevista concedida antes do escomezo do Festival de Cinema de Toronto, o actor Michael Caine seica confirmou algúns dos rumores que corren pola Rede ao respecto de dous persoaxes que terán cabida no guión: o Riddler e mais o Pingüín. “Xa os teñen en mente“, dixo Caine, cando lle preguntaron a quen lle gustaría ver loitar contra o cruzado con capa. “É Johnny Depp coma o Riddler. E o Pengüín é Philip Seymour Hoffman. Linno nos xornais“.

Isto seica é coma se Caine se limitara a reproducir os rumores que aparecen na prensa, pero segundo o actor, o que el fixo é confirmar as novas que lle chegaron dos mesmos estudos.

Caine, que interpreta ao leal mordomo de Bruce Wayne, Alfred Pennyworth, dixo: “[eu lle preguntei a Nolan] De que vai a história? E el dixo que sobre o Joker. Eu dixen ou, merda! Como vas facer para superar a Jack [Nicholson]? E el contestou: contratei a Heath Ledger. E eu dixen: Ha! Eu non podería superar a Jack, pero se alguén puidera, se cadra sería Heath“.

“Logo estiven cun executivo [da Warner Bros.] e dixen: imos facer outra? Eles dixeron que si. Eu dixen: E como diaños imos superar a Heath? E el contestou Direi-te coo imos superar a Heath — con Johnny Depp coma o Riddler e Philip Seymour Hoffman coma o Pengüín“.

Esta é a primeira vez que os rumores sobre Depp e Hoffman chegan dende unha fonte no interior dos estudos, ainda que Caine non citou ningún nome concreto.

Tamén falamos de...

• 26 de Agosto de 2008 -- Podería Cher interpretar a Catwoman?
• 11 de Xaneiro de 2009 -- O Cabaleiro dos Prémios
• 8 de Setembro de 2008 -- Sylvester Stallone o Batman perfecto?
• 14 de Maio de 2010 -- Superheroes do porno
• 8 de Maio de 2010 -- Inception ten argumento

Cher, gañadora dun Oscar, uniría-se asemade a un reparto no que xa figuran Johnny Depp no papel do Riddler. O persoaxe de Catwoman, unha ladrona que ten un látigo como arma, xa foi interpretado anteriormente por Michelle Pfeiffer e Halle Berry en diversas etapas e filmes.

Un executivo dos estudos Warner Bros. dixo: “Cher é a primeira elección de Nolan para interpretar a Catwoman. El quere retrata-la coma unha vampiresa nos seus anos crepusculares. Pero a nova Catwoman será o contrário completo das creacións ronroneantes de Michelle Pfeiffer e Halle Berry“.

O comezo da rodaxe da nova entrega de Batman, que polo de agora leva o título de traballo de The Caped Crusader [O cruzado con capa], está previsto para primeiros do ano que ven en Vancouver (Canadá).

O Cabaleiro Escuro, o grande éxito nos despachos de billetes deste verán, xa é oficialmente o filme de máis éxito na saga de Batman. A Warner Bros ten a intención de chegar aos 530 millóns de dólares de recadación (uns 360 millóns de euros).

O Cabaleiro Escuro está protagonizado polo defunto Heath Ledger, que apareceu morto no seu apartamento de Manhattan por mor dunha sobredose de drogas. A súa interpretación do malvado Joker podería mesmo gañar a título póstumo unha nominación aos Oscar.

A aparición máis recente de Cher nas pantallas grandes foi Tea with Mussolini en 1999 e Stuck on You, en 2003, na que se interpretaba a si mesma. A súa única incursión polo de agora no cinema fantástico foi en As bruxas de Eastwick en 1987.

Tamén falamos de...

• 16 de Xaneiro de 2009 -- Globos de Ouro fantásticos
• 24 de Novembro de 2008 -- Piden o Oscar para Heath Ledger
• 11 de Setembro de 2008 -- Michael Caine revela datos sobre Batman
• 8 de Setembro de 2008 -- Sylvester Stallone o Batman perfecto?
• 22 de Xullo de 2008 -- Gyllenhaal apoia o Oscar para Ledger