O Zombo Pantasma
A Death Ray Films, unha empresa produtora creada recentemente por Kevin Munroe, Chris Patton e Robert Sanchez, vai-se asociar coa Maya Entertainment para levar ao cinema o cómic da Dark Horse El Zombo Fantasma.
Munroe escribirá e dirixirá esta longametraxe, con Patton e Sanchez na produción. Mike Richardson, da Dark Horse, será o produtor executivo.
O cómic, publicado en 2005, narra a história dun actor mexicano de loita libre asasinado que regresa á vida para se converter no anxo da garda dun adolescente problemático de Los Angeles. Zombo decatará-se de que o rapaz non é o que semella ser e que os seus destinos están vencellados. O persoaxe foi creado por David Wilkins e Munroe mentres traballaban nunha empresa de videoxogos. Os dous serán os co-produtores.
A Death Ray e mais a Maya agardan poder lanzar unha franquía co novo heroe e planean mesmo facer unha continuación do filme cunha série de debuxos animados. Zombo foi descrito coma unha espécie de Hellboy latino, ainda que as compañías coidan que engadíndo-lle elementos coma a acción, o romance e a redención poderán chegar a un público non hispano.
Jose Martinez da Maya e Kellvin Chavez, dono do sítio Web Latino Review, tamén serán os produtores de Zombo. O copresidente da Maya Moctesuma Esparza será o produtor executivo. Maya é unha produtora de cinema e televisión cun público predominantemente hispano e Zombo será o seu primeiro proxecto dentro do xénero fantástico.
Munroe (As tartarugas ninjas mutantes), que está a dirixir Dead of Night, é asemade o produtor do filme de terror independente War Monkeys xunto a Sanchez.
Dylan Dog ao cinema
O protagonista de Superman Returns, Brandon Routh, protagonizará Dead of Night, un filme baseado no cómic de terror italiano Dylan Dog, para a Hyde Park e a Platinum Studios.
Kevin Munroe dirixirá a partir dun libreto dos guionistas de Sahara, Joshua Oppenheimer e Thomas Dean Donnelly.
Dylan Dog é un cómic italiano de culto creado por Tiziano Sclavi para a casa Sergio Bonelli Editorial. Aparecido por primera vez en Itália en 1986, xa foi traducido a 17 línguas.
Routh interpretará a un detective privado que é arrastrado ao mundo dos non-mortos. O nome do seu persoaxe foi tomado do poeta Dylan Thomas. A caracterización gráfica (realizada por Claudio Villa) está inspirada no actor Rupert Everett. Ademáis de abstémio, o persoaxe de Dylan é tamén vexetariano, costume probábelmente debida ao seu grande amor polos animais. Tamén por isto, a sua imaxe foi utilizada en várias ocasións para campañas contra o abandono dos animais.
