NOVA FANTASIA » Men in Black

A decisión de Smith

Editor — Thu, 25 Mar 2010 19:13:32 +0000

Will Smith deberá elixir nos vindeiros días entre facer o filme da Sony Men in Black 3 ou o da Fox The City That Sailed coma o seu vindeiro proxecto.

MIB3 é unha franquía que non precisa de presentación, após do seu grande éxito en 1997 e a súa continuación en 2002, que conxuntamente recadaron mais de 1.000 millóns de dólares en todo o mundo. Etan Cohen (Idiocracy, Tropic Thunder) está a escribir o guión da terceira entrega, para o cal os estudos queren anunciar canto antes que están en disposición de estrea-la no verán de 2011.

A outra longametraxe é un filme que conta co interese persoal de Smith, xa que a súa empresa produtora, a Overbrook Films, foi a que desenvolveu este guión orixinal, escrito por Andrew Niccol (Gattaca).

O filme vai sobre unha rapaza que vive en Inglaterra e está separada de seu pai, un meigo que traballa nas rúas de New York. Cando ela atopa unhas velas máxicas nun faro e pide como desexo o de se axuntar con seu pai, a illa de Manhattan escomeza a navegar polo océano Atlántico cara a Inglaterra.

Tamén falamos de...

1 de Novembro de 2009 -- Cohen nos Homes de Negro
28 de Agosto de 2010 -- Protección de testemuñas
13 de Agosto de 2010 -- Cillian Murphy, outro I’m.mortal
29 de Xullo de 2010 -- Timberlake é “I’m.mortal”
23 de Xullo de 2010 -- Caín, o vampiro

Cohen nos Homes de Negro

Editor — Sun, 01 Nov 2009 19:04:51 +0000

Etan Cohen (Tropic Thunder) é a última fichaxe da Sony Pictures para que se encargue de escribir o guión da terceira entrega da franquía de Os Homes de Negro.

Polo de agora é o único contratado en firme, xa que non se sabe se o director das dúas anteriores partes, Barry Sonnenfeld, ou os seus aclamados protagonistas, Will Smith e Tommy Lee Jones, regresarán para a nova entrega.

Os estudos, nombergantes, teñen toda a intención de lle meter présa ao proxecto, xa que queren que se comece a rodaxe en 2010.

Tamén falamos de...

25 de Marzo de 2010 -- A decisión de Smith
28 de Agosto de 2010 -- Protección de testemuñas
23 de Xullo de 2010 -- Caín, o vampiro
17 de Decembro de 2009 -- Vampiros contra zombis
12 de Novembro de 2009 -- Flores para Will Smith

As secuelas dos Homes de Negro

Editor — Sat, 04 Apr 2009 13:24:36 +0000

Rory Bruer, presidente da Sony Worldwide Distribution, anunciou durante a presentación da súa compañía no decurso da ShoWest 2009 que xa está en desenvolvemento unha terceira entrega da saga dos Homes de Negro. A ShoWest é unha feira e convención de carácter anual destinada aos exhibidores e distribuidores de cinema.

Bruer tamén confirmou que a Sony está a traballar arreo na secuela dos Cazapantasmas e en Spiderman 4. Os tres proxectos teñen previsto estrear-se en 2011.

Tamén falamos de...

25 de Marzo de 2010 -- A decisión de Smith
1 de Novembro de 2009 -- Cohen nos Homes de Negro