NOVA FANTASIA » Miles Millar

Existence 2.0 toma forma

Editor — Sat, 20 Mar 2010 12:19:59 +0000

Miles Millar e Alfred Gough, os creadores de Smallville, a serie de televisión que retrata as aventuras de Superman cando era mozo, están vencellados ao proxecto que adaptará a série do cómic de Nick Spencer Existence 2.0 ao cinema na Paramount Pictures e mais na Platinum Dunes.

A história vai sobre un físico amoral e egoísta que esperta e atopa que a súa mente está agora residindo no corpo dun asasino que ven de mata-lo a el.

Após de se introducir no estilo de vida do criminal durante un tempo, as cousas comezan a se poñer difíciles cando a súa filla é secuestrada polos homes que ordearon a súa morte.

Michael Bay, Andrew Form, David Alpert e Brad Fuller son os produtores.

Guionistas do Número 4

Editor — Thu, 27 Aug 2009 18:10:23 +0000

A parella de guionistas responsábel de filmes e séries de televisión coma Smallville ou A Múmia 3: A Tumba do Emperador Dragón, Al Gough e Miles Millar son os encargados de escribir o libreto para I Am Number Four, a nova película da Dreamworks Pictures.

O filme está baseado na novela homónima de James Frey e Jobie Hughes sobre un grupo de nove áliens que fuxen á Terra disfrazados coma adolescentes, cando o seu planeta é destruido. Os refuxiados deberán asimilar-se nun instituto na Terra cando descubren que o seu inmigo está a tentar dar-lles caza tamén no seu lugar de refúxio.

Michael Bay será o produtor e posíbelmente dirixirá o filme, que contará con Chris Bender e JC Spink como produtores executivos.

Robotech xa ten quen o escriba

Editor — Wed, 19 Nov 2008 19:50:06 +0000

Robotech

Os guionistas Alfred Gough e Miles Millar serán os encargados de escribir o libreto de Robotech, a adaptación que a Warner Bros. realizará do clásico dos debuxos animados xaponeses.

Akiva Goldsman e Chuck Roven serán os produtores xunto a Tobey Maguire e Drew Crevello.

Robotech era unha série de debuxos animados dos anos 80 producida pola Harmony Gold USA e mais a Tatsunoko Prods. Fo ireeditada e redialogada para crear tres séries de anime que deron aos produtores episódios abondo como para poder emitir unha série diária.

O mundo de Robotech é unha épica de ciéncia-ficción e ten lugar nun tempo no que a Terra creou robots xigantes a partir da tecnoloxía atopada nunha nave espacial que se estrelou no Pacífico Sul. A humanidade é forzada a usar a tecnoloxía para combatir unha invasión alieníxena, mentres o futuro da raza humana fica nas mans de dous xóvenes pilotos.

Lawrence Kasdan escribira un guión anterior, que á Warners non lle pareceu abondo bó. Agora os estudos queren dar-lle luz verde a este proxecto e coidan que Gough e Millar lle darán acción e crédito ao filme. O dúo xa traballara anteriormente en A Múmia 3 e Spiderman 2, e asinaron moitos episódios de Smallville durante anos.