Ainda que a Universal Pictures abandonou o proxecto en agosto, esta adaptación á pantalla grande do xogo de taboleiro está ainda activo e pretende ser un filme co estilo de Jumanji e dirixido a toda a família. Noxon, que comenzou traballando coma guionista na série de televisión Buffy Cazavampiros, dará-lle un repasiño ao guión que xa hai enriba da mesa e que foi escrito por .

Os guionistas de Tron: Legacy Adam Horowitz e Edward Kitsis escribiran o argumento orixinal, pero nestes intres están ocupados traballando na série Once Upon a Time na ABC e non poden encargar-se de adaptar o guión ás novas esixéncias.

O filme será unha aventura familiar co mesmo tón de A Múmia e contará coa produción de Brian Goldner, Bennett Schneir, Michael Bay, Andrew Form e Bradley Fuller. A súa estrea está prevista para o 9 de novembro de 2012.

A adaptación que planean os estudos do clásico xogo de mesa da Hasbro para esconxurar os espíritos dos mortos levaba moito tempo á busca dun director axeitado e as últimas novas que chegaron foran que xa antes do nadal McG presentou aos executivos da Universal a súa visión para o proxecto, que conta cun guión dos autores de Tron: Legacy Edward Kitsis e Adam Horowitz e que será producido pola Platinum Dunes de Michael Bay.

McG tivo que competir contra o director de The Crazies, Breck Eisner, quen puido facer a súa presentación tan só unha semana antes que o realizador de Terminator Salvation.

Os detalles do argumento ainda non se deron a coñecer, se ben o filme foi descrito coma unha aventura sobrenatural polos catro costados e centrada ao redor dunha família, que contará con influéncias de A Múmia e Indiana Jones.

Os guionistas de Tron: Legacy Edward Kitsis e Adam Horowitz están a lle dar os últimos toques ao argumento para este filme, unha aventura sobrenatural por todos os costados, que seguirá un pouco as fasquías de A Múmia e Indiana Jones.

Breck Eisner (The Crazies, Sahara) é polo de agora o director que conta con mais papeletas para se facer co cobizado posto, que asegurará unha boa de fama a quen se faga con el. Os estudos queren ter todo preparado para unha estrea que será en novembro de 2012.

Polo que din, Morel está moi preto de se converter no director de Ouija, a adaptación ao cinema do popular xogo de mesa da empresa de xoguetes Hasbro, que irá sobre un grupo de xente que utiliza o xogo para falar con espíritos dos mortos. O filme ten prevista a súa estrea para novembro de 2012.

Morel gañaría asemade este posto a outros competidores coma John Moore (Max Payne), Scott Stewart (Legion) e Sylvain White (The Losers) ainda que o seu nome tamén se está a barallar para realizar o filme producido por Sam Raimi sobre invasións extra-terrestres EDF na Warner Bros. Pictures. Polo de agora non está nada claro cal dos dous proxectos será o primeiro en sair adiante.

E mentres tanto, respeito a Dune, a produción continúa sen avanzar e de non mediar unha sorpresa importante, non poderá escomezar até primavera, cando a Paramount tome a decisión de rodar ou non a longametraxe.

Pierre Morel

Os detalles do argumento polo de agora non foron desvelados, pero xa se sabe que será un filme sobrenatural con acción e aventuras, e que incorporará coma elementos centrais algunhas das regras do famoso xogo, coma nunca utiliza-lo só ou preto dunha tumba. O xogo en si consiste nun taboleiro con letras e mais un marcador e a ideia é comunicar-se cos espíritos dos mortos, que irán revelando as súas mensaxes a través das letras do taboleiro.

A Universal planea poñer o filme en produción o verán que ven coa ideia de que estea listo para se estrear en Acción de Grazas (novembro) de 2012, converténdo-o asemade no segundo filme que aparece baseado nun xogo de taboleiro após de que a xogueteira Hasbro acadase ver adaptado por Peter Berg o seu Battleship para maio de 2012 nunha longametraxe de alto orzamento.

Edward Kitsis e Adam Horowitz (Tron: Legacy) están a escribir o guión, que poderá contar cun orzamento saboroso, de entre 80 e 100 millóns de dólares. O nome do director non se decidirá até dentro dun par de semanas. Mentres tanto, Brian Goldner, Bennett Schneir, Michael Bay, Brad Fuller e Andrew Form están na produción.

Edward Kitsis

Os detalles da história que haberá atrás deste filme, que sen dúbida terá moito de sobrenatural e afirman que tamén de acción e aventura, aínda fican no segredo lóxico tratándo-se das palabras dos mortos, pero sen dúbida que se incorporarán algunhas das principais regras do xogo, coma o de que nunca debe usar-se só, nin preto dunha tumba, etc. O xogo, creado e patentado pola empresa Hasbro en 1966, leva vendidas moitos millóns de unidades en todo o mundo, e xa é tan famoso que mesmo non falla quen afirma que non é un xoguete senón que verdadeiramente é unha porta dimensional a outros mundos.

Michael Bay, Brad Fuller e Andrew Form serán os produtores.

Michael Bay, Andrew Form e Brad Fuller producirán a longametraxe xunto coa Hasbro.

Ainda que o argumento para esta história ainda fica no segredo, o filme será unha aventura sobrenatural co famoso taboleiro da Ouija xogando un papel central nos acontecementos.

Ainda que os taboleiros de adiviñación ou de contacto cos mortos levan séculos dando voltas polo mundo, non foi até finais da década de 1800 cando comezaron a se vender coma xoguetes para nenos. A Ouija, un taboleiro cun abecedário impreso, foi patentada en 1890. No xogo, deben colocar-se os dedos dos participantes sobre unha pequena plancha que é supostamente movida polas forzas espectrais que enviarían asemade mensaxes dende o reino dos mortos.

A compañía Hasbro fíxo-se cos dereitos sobre o xogo e comezou a vende-lo en 1966 baixo o seu selo de xoguetes Parker, convertíndo-se axiña nun xoguete moi popular en todo o mundo e vendendo millóns de caixas.

O parceiro da Platinum Dunes David Berenbaum escribiu Elf e traballou nas Crónicas de Spiderwick, Zoom e The Haunted Mansion.