Cuse aproveitou o seu espazo de microblogging, no que conta con máis de 40.000 seguidores, para anunciar que a equipa de produción realizará unha gala benéfica na Universidade de Califórnia Los Angeles (UCLA) na que se exhibirá en exclusiva o antederradeiro capítulo de Lost, que será un dos episódios claves da série.

A gala, que segundo conta Cuse celebrará-se o 13 de maio no Royce Hall da UCLA baixo o nome de Lost Live: The Final Celebration, estará amenizada con música en vivo, dirixida por un dos compositores da banda sonora orixinal, o gañador dun Oscar Michael Giacchino.

As entradas ainda no están á venda, pero quen teñan a sorte de adquiri-las deberán aceptar as esixéncias de confidencialidade da equipo que prohibe a filtración dos detalles do episódio clave en páxinas da Internet.

O grande remate dunha das sagas mais aclamadas de todos os tempos está programado para o 23 de maio nos Estados Unidos, e podería emitir-se en Galiza simultáneamente grazas á canle española Cuatro.

Lost (Perdidos) é unha série de culto entre os rapaces que até agora sementou mais éxito na Internet que na televisión. En TVE, após dunha relativa boa arrincada pola primeira cadea, pronto foi desterrada á segunda, onde pasou sen mágoa nen glória.

Non é a primeira vez que Catro emite unha série de culto oferecida anteriormente noutra cadea para tentar quitar-lle proveito, ainda que polo de agora sempre fracasou. Nos seus comezos, a canle xa ofrecera após Telecinco Alias, e o ano pasado repetiu xogada con Os 4.400, até entón nas mans de Antena 3. A série, que debutou nun domingo, tamén acabou desterrada á madrugada polas suas pésimas audiencias.

O anúncio das candidaturas para a 60ª gala dos Emmys realizou-se o pasado día 17 en Los Angeles.

A nominación á millor minisérie completou-se con máis ciéncia-ficción, xa que The Andromeda Strain (A Ameaza de Andrómeda). Á parte, a série Perdidos tamén levou unha nominación ao millor drama e ún dos seus protagonistas, Michael Emerson, é candidato a millor actor.

Os outros programas fantásticos e de ciéncia-ficción tiveron que se conformar con ficar fóra das grandes nominacións. Tan só Lee Pace, da série Pushing Daisies, levou unha nominación a millor actor de comédia e a súa coprotagonista Kristin Chenoweth, a millor actriz secundária de comédia.

Ademáis das xa mencionadas, Tin Man recebiu outras oito candidaturas, pero xa en categorías técnicas, mentres que Battlestar Galactica levou outras cinco no mesmo tipo de categorías. Pola súa banda, Stargate Atlantis, que comezou a súa quinta tempada a semana pasada, levou unha nominación aos millores efectos especiais.

Os gañadores dos prémios serán dados a coñecer nunha cerimónia que terá lugar no decurso dunha gala a celebrar o vindeiro 21 de setembro.

Entre os filmes nominados, Enchanted levou-se tres prémios, incluindo o de millor película fantástica e millor actriz (Amy Adams). Sweeney Todd, Ratatouille e 300 recebiron dous prémios cadanseu.

A Académia de Cinema de Ciéncia-Ficción, Fantasía e Terror organizou a 34ª gala anual dos prémios Saturno nunha cerimónia que tivo lugar en Universal City, Califórnia, e que foi presentada por Jeffrey Ross.

Guillermo del Toro, o director da vindeira Hellboy II: The Golden Army, aceptou o prémio Memorial George Pal, mentres que os produtores Robert Halmi Sr. e Robert Halmi Jr. recebiron o prémio á carreira de toda unha vida. O director Matt Reeves foi honrado co prémio Filmmakers Showcase polo seu filme Cloverfield.

A listaxe completa dos gañadores vai de seguido.

• Millor Filme de Ciéncia-Ficción: Cloverfield
• Millor Filme Fantástico: Enchanted
• Millor Filme de Terror: Sweeny Todd: The Demon Barber of Fleet Street
• Millor Filme de Acción/Aventura/Thriller: 300
• Millor Actor: Will Smith (I Am Legend)
• Millor Actriz: Amy Adams (Enchanted)
• Millor Actor secundário: Javier Bardem (No Country for Old Men)
• Millor Actriz secundária: Marcia Gay Harden (The Mist)
• Millor Actuación dun actor novo: Freddie Highmore (August Rush)
• Millor Dirección: Zack Snyder (300)
• Millor Guión: Brad Bird (Ratatouille)
• Millor Vestiário: Collen Atwood (Sweeney Todd: The Demon Barber of Fleet Street)
• Millor Maquillaxe: Ve Neill e Martin Samuel (Piratas do Caribe 3)
• Millores efectos especiais: Scott Ferrar, Scott Benza, Russell Earl e John Frazier (Transformers)
• Millor Filme de debuxos animados: Ratatouille
• Millor Filme non americano: Eastern Promises
• Millor Série de televisión: Perdidos
• Millor série de televisión por cabo: Dexter
• Millor episódio nunha série de televisión: Pai de Família: Blue Harvest
• Millor Actor de Televisión: Matthew Fox
• Millor Actriz de Televisión: Jennifer Love Hewitt (Ghost Whisperer)
• Millor Actor secundário de Televisión: Michael Emerson (Perdidos)
• Millor Actriz secundária de Televisión: Summer Glau (Terminator: Sarah Connor Chronicles) e Elizabeth Mitchell (Perdidos)
• Millor Lanzamento en DVD: O Gabinete do Dr. Caligari
• Millor Edición especial en DVD: Blade Runner ultimate edition
• Millor Filme clásico en DVD: The Monster Squad
• Millor colección de DVD: Mario Bava Box Sets 1 & 2
• Millor série de televisión en DVD: Heroes
• Millor lanzamento dunha série antiga de televisión en DVD: Twin Peaks