Baseado no clásico xogo dos barquiños convertido en xogo de mesa pola empresa Hasbro, a história vai sobre una xigantesca aventura naval polos océanos da Terra, onde barcos, avións e soldados loitan para defenderen o noso planeta dunha invasión extra-terrestre.

Taylor Kitsch (Wolverine) será Alex, o comandante naval das forzas humanas, un espírito libre que é mais un mariño ca un político. Skarsgard será o irmán de Alex, un duro oficial da Mariña ao que o seu irman ten coma un ídolo.

Jon e Erich Hoeber escribiron o guión desta película, mentres que Peter Berg (Hancock, The Kingdom) será o director. A rodaxe escomezará o vindeiro 30 de agosto en Hawaii.

Tamén falamos de...

• 9 de Abril de 2010 -- Os barquiños ao cinema
• 29 de Xullo de 2010 -- Rihanna e os barquiños
• 1 de Novembro de 2009 -- Berg, fóra de Dune
• 13 de Setembro de 2009 -- Regreso a Hancock
• 19 de Marzo de 2008 -- Outra adaptación de Dune

Taylor Kitsch

O xogo orixinal é un calco do popular xogo dos barquiños de toda a vida, así que o filme deberá ter algo mais que contar, polo que de feito o seu argumento vai sobre unha batalla naval xigantesca, que tamén ten acción no aire e en terra e que enfrontará ás forzas armadas do noso planeta contra unha armada alieníxena.

Kitsch interpreta a un comandante naval de “espíritu libre” chamado Alex Hopper que é moito mais un mariño ca un político. Jeremy Renner estivo anteriormente vencellado ao papel.

Jon e Erich Hoeber escribiron o guión. Peter Berg, que é produtor executivo na série Friday Night Lights na que aparece tamén Kitsch, é o director.

Tamén falamos de...

• 26 de Xuño de 2010 -- Skarsgard e os barquiños
• 29 de Xullo de 2010 -- Rihanna e os barquiños
• 1 de Novembro de 2009 -- Berg, fóra de Dune
• 13 de Setembro de 2009 -- Regreso a Hancock
• 19 de Xuño de 2009 -- John Carter comeza a ter actores

Peter Berg

O filme, baseado na novela e que leva en desenvolvemento xa vários anos, está adaptado a partir dun guión épico de 175 páxinas escrito por Josh Zetumer e Berg levaba tempo vencellado ao proxecto como director, concretamente dende este verán, e mesmo ofreceu algunhas entrevistas e deu detalles sobre a produción o mes pasado.

Nombergantes, todo semella indicar que el e mais a súa empresa, a produtora Film 44, que estivo a presentar moitos proxectos nos últimos meses, xa non forman parte desta produción, que pretende adaptar a millor novela de ciéncia-ficción de todos os tempos unha vez mais á pantalla grande. Quen si que continúa polo de agora a bordo é Kevin Misher (Public Enemies) como produtor.

Tanto Neill Blompkamp (District 9) coma Neil Marshall (The Descent, Doomsday) apareceron mencionados várias veces como posíbeis sustitutos de Berg, se ben os estudos non queren achegar-se a eles para lles facer ofertas dun xeito demasiado aberto, para que non se dispare o orzamento, que segundo as últimas previsións andaba ao redor dos 175 millóns de dólares (118 millóns de euros).

As adaptacións anteriores da novela foron a clásica de David Lynch de 1984, que tivo un grande orzamento pero non moi bós resultados no despacho de billetes, e a minisérie de 2000 da canle Sci-Fi Channel, aclamada polo público e a crítica.

Tamén falamos de...

• 19 de Marzo de 2008 -- Outra adaptación de Dune
• 10 de Xuño de 2008 -- Zetumer, guionista para Dune
• 24 de Decembro de 2007 -- Peter Berg confirmado para Dune
• 26 de Xuño de 2010 -- Skarsgard e os barquiños
• 9 de Abril de 2010 -- Os barquiños ao cinema

Will Smith

Os rumores escomezaron hai unhas semanas indicando que a continuación da comédia de superheroes rexeitada pola crítica pero cun grande éxito nos despachos de billetes (recadou 628 millóns de dólares, que son uns 430 millóns de euros) estaba xa en movemento. Berg está confirmado para a dirección, mentres que os guionistas Adam Fierro (24, Dexter) e Glen Mazzara (The Shield) están a rematar un libreto que se lle entregará a Smith para que o aprobe.

Ao respeito do argumento, Berg tamén revelou que no filme aparecerá un terceiro inmortal na história, para o que xa ten a alguén en mente, se ben non quixo dicir de quen se trataba.

Mália todo o anterior, ainda non hai ren asinado, polo que os compromisos non son firmes e ainda non existen datas oficiais de escomezo da rodaxe nin data de estrea.

Tamén falamos de...

• 27 de Agosto de 2009 -- Guionistas para Hancock 2
• 5 de Decembro de 2008 -- Hancock regresará
• 28 de Agosto de 2010 -- Protección de testemuñas
• 23 de Xullo de 2010 -- Caín, o vampiro
• 26 de Xuño de 2010 -- Skarsgard e os barquiños

Kevin Misher, que leva un ano de negociacións para se facer cos dereitos sobre o libro, será o produtor.

A novela de Herbert de 1965 é un conto futurista sobre un remoto planeta desértico chamado Arrakis, que é o centro produtor dunha poderosa droga chamada melange, que causa a inmortalidade e facilita as viaxes interestelares. O libro, un clásico inesquecíbel para calquera fan da ciéncia-ficción, é o primeiro dunha saga e xa foi convertido en filme por David Lynch en 1984, así coma nunha minisérie para a canle de televisión SCI FI Channel en 2000 e tamén convertido en videoxogo en várias ocasións.

O Dune de Peter Berg está á procura de guionista, xa que os produtores desexan que esta sexa unha adaptación fiel ao libro, que no seu día gañou os prémios Hugo e Nebula.

Richard Rubenstein, da produtora New Amsterdam, que xa se encargou da série de TV e dunha secuela, Children of Dune, será quen fináncie este proxecto xunto con Sarah Aubrey de Film 44, o selo persoal de Berg. John Harrison e Mike Messina serán os produtores executivos.

Tamén falamos de...

• 1 de Novembro de 2009 -- Berg, fóra de Dune
• 10 de Xuño de 2008 -- Zetumer, guionista para Dune
• 24 de Decembro de 2007 -- Peter Berg confirmado para Dune
• 26 de Xuño de 2010 -- Skarsgard e os barquiños
• 9 de Abril de 2010 -- Os barquiños ao cinema

Berg dixo que ainda que non teñen guión, xa fixeron unha listaxe de escritores dispostos a se poñer en marcha en canto remate a folga. O realizador dixo que é “un grande fan do libro” de Frank Herbert e cando foi cuestionado verbo da escala do proxecto, simplemente replicou que sería “grande, grande, grande“.

Mentres, Berg tamén confirmou que antes de facer Dune, dirixirá a Tom Cruise no seu seguinte filme, que irá sobre un axente da CIA fugado por mor dunha acusación de ser un espía. Berg dixo que o filme, titulado Edwin A. Salt e que será un thriller, é “un papel perfecto para Tom“.

Tamén falamos de...

• 1 de Novembro de 2009 -- Berg, fóra de Dune
• 19 de Marzo de 2008 -- Outra adaptación de Dune
• 26 de Xuño de 2010 -- Skarsgard e os barquiños
• 9 de Abril de 2010 -- Os barquiños ao cinema
• 4 de Febreiro de 2010 -- Morel fala de Dune