NOVA FANTASIA » Rian Johnson

Daniels entra no Looper

Editor — Tue, 25 Jan 2011 10:18:22 +0000

Jeff Daniels, Piper Perabo e Noah Segan son os novos actores que veñen deunir os seus nomes ao reparto que protagonizará Looper, o vindeiro filme de acción e ciéncia-ficción dirixido por Rian Johnson para a DMG Entertainment e mais a Endgame Entertainment.

A história vai sobre un grupod e asasinos que envía os corpos das súas vítimas atrás no tempo, o que llesasegura a impunidade total. Joseph Gordon-Levitt, Bruce Willis, Emily Blunt, Paul Dano e Xu Qing son os outros membros xa confirmados do reparto.

Parte do filme estaba ambientado en Franza, pero a rodaxe mudou-se para China, e o guión tivo que seadaptar a esta nova ciercunstáncia, polo que agora os eventos terán lugar nunha China a 60 anos no futuro, cando o país asiático se convertera na principal superpoténcia e se inventara an as viaxes no tempo.

Johnson (The Brothers Bloom) dirixe un guión escrito por el mesmo. A rodaxe debe escomezar a semana que ven en New Orleans.

Outro looper á palestra

Editor — Fri, 03 Dec 2010 12:56:52 +0000

O director e guionista de Brick e The Brothers Bloom Rian Johnson continúa a preparar a súa terceira longametraxe, que levará por título Looper, e que ten previsto o comezo da rodaxe para primeiros de ano. Polo de agora xa conta cun novo actor no reparto, que será Paul Dano (There Will Be Blood).

A história vai sobre un grupo de asasinos (os Loopers) que traballan para un sindicato do crime que elimina e se desfai dos seus inimigos. A cuestión é que o devandito sindicato non existe agora, senón trinta anos no futuro. Así, os Loopers poden desafacer-se dos cadáveres dos seus inimigos sen que exista ningún problema lega, xa que o morto ainda non existe no noso tempo. O argumento complicará-se cando un home (Bruce Willis) sexa enviado ao pasado para matar a unha versión mais nova de si mesmo (Joseph Gordon-Levitt).

Dano interpretará a Seth, un looper que ten un papel secundário pero moi importante para o desenvolvemento do guión.

Emily Blunt é a outra actriz xa contratada. A rodaxe escomezará dentro duns días en Louisiana.

Asasinos no tempo

Editor — Sat, 08 May 2010 11:08:04 +0000

O director de Brick e The Brothers Bloom, Rian Johnson, ven de lle revelar á prensa os detalles do argumento do seu seguinte proxecto, o thriller de ciéncia-ficción Looper protagonizado por Joseph Gordon-Levitt.

Looper será un filme de viaxes polo tempo, ambientado nun futuro próximo onde as viaxes temporais ainda non existen pero exisitirán dentro de poucas décadas. Será moi escuro no seu tón, moi diferente de Bloom, e estará protagonizado por un grupo de asasinos (os Loopers) que traballan para un sindicato do crime no futuro.

Os seus xefes envían aos seus obxectivos atados e cos ollos vendados atrás no tempo onde están os Loopers e o seu traballo consiste simplemente en disparar-lles e desfacer-se cos corpos. Así a persoa asasinada simplemente desaparece do futuro e os Loopers desfan-se dun cadáver dunha persoa que técnicamente non existe, todo moi limpo.

Looper, viaxe no tempo

Editor — Fri, 19 Sep 2008 14:28:40 +0000

O guionista e director do filme The Brothers Bloom, Rian Johnson, xa ten un novo proxecto: un thriller de viaxes polo tempo titulado Looper que de novo servirá para que o cineasta tente reinventar un xénero familiar.

O proxecto unirá a Johnson co produtor Ram Bergman, quen xa produciu os dous filmes anteriores de Johnson, coa vista posta nun posíbel lanzamento para 2009. Johnson de novo dirixirá un guión de seu.

Looper é unha história ambientada no presente, onde un grupo de pistoleiros son enviados polas súas vítimas dende o futuro.