Baixo chave e cerrollo
Os guionistas de Transformers e Star Trek, a parella de moda composta por Roberto Orci e Alex Kurtzman, poderían ser os escritores e produtores da vindeira adaptación ao cinema do cómic de Joe Hill Locke and Key para a DreamWorks Pictures.
Ambientada nunha pequena vila de Massachusetts, a história vai sobre unha nai e mais os seus tres fillos que se mudan a un novo fogar após de que o pai morrera asasinado.
A enorme propriedade onde vivirán ten moitas áreas só accesíbeis por médio de chaves especiais, mentres que unha forza maléfica no interior da casa fai que o asasino do pai visite á família na súa nova vivenda para que poida rematar o traballo co resto dos familiares.
O proxecto estivera anteriormente nas mans da Dimension Films. O escritor Joe Hill é o fillo do famoso mestre do terror Stephen King.
Spielberg e mais Matt Helm
Seica Steven Spielberg será finalmente o produtor dun filme sobre o axente secreto fictício Matt Helm no seu vindeiro proxecto.
Helm é un axente de contraespionaxe do governo americano cuxo traballo principal é asasinar aos axentes inimigos. O persoaxe apareceu en 27 libros ao longo dun periodo de 33 anos que escomezou en 1960 e que convertiu a Helm nun dos axentes mais duros, pragmáticos e competentes da ficción. A séries contaba cun senso de continuidade entre libros, algo raro para a época, e finalmente, nos derradeiros tomos, o axente deixou de estar ambientado como heroe da Segunda Guerra Mundial e pasou a ser un axente sen idade. O novelista Donald Hamilton foi o creador deste persoaxe.
Spielberg, Alex Kurtzman e Roberto Orci serán os produtores. Paul Attanasio entregou un novo guión a semana pasada que seica foi o que convenceu a Spielberg de entrar no proxecto. Nombergantes, é moi dubidoso que el sexa o director, xa que a Paramount Pictures ten ainda os dereitos.
O persoaxe xa foi levado ao cinema anteriormente, da man de Dean Martin en catro comédias, e á televisión, onde foi interpretado por Tony Franciosa nos anos 70.
As secuelas de Star Trek
Ainda que o filme non se estreará até dentro doutras seis semanas, a Paramount Pictures xa está a preparar a primeira secuela para a que se presume exitosa resurrección da franquía de Star Trek.
Roberto Orci, Alex Kurtzman e Damon Lindelof xa foron contratados para escribir o guión e producir a secuela. Nestes intres xa están a facer ócos nas súas axendas para poder teren o guión rematado nos vindeiros meses e poder entrega-lo aos estudos para final deste ano, o que deixaría á secuela disposta para se estrear no verán de 2011.
O produtor e director J.J. Abrams regresará sen dúbida como produtor, pero non está ainda claro se el mesmo será outra vez o director ou se deixará o posto a outro candidato. De feito, orixinalmente Abrams só ía producir o primeiro filme, pero finalmente asinou tamén para dirixi-lo após de lér o guión de Kurtzman e Orci.
Do que pouco se sabe é do argumento desta secuela: “Obviamente discutimos algunhas ideias, pero agardamos ver como responderá a audiéncia o mes que ven. Co renacemento da franquía, a primeira película tiña que ir sobre as orixes. Pero coa segunda, tes a incríbel oportunidade de explorar cousas emocionantes. Imos ser cobizosos co que imos facer“, dixo Kurtzman.
O movemento da Paramount é ambicioso pero tamen arriscado, xa que as dez anteriores entregas de Star Trek nunca foron demasiado favorecidas nos despachos de billetes, especialmente fóra dos Estados unidos, e é por ese motivo polo que os filmes non adoitan ter un orzamento demasiado elevado.
Nombergantes, este relanzamento xa custou moitísimo mais que calquera das anteriores entregas da saga, polo que precisará recadar moito mais para que unha secuela sexa viábel, especialmente fóra dos Estados Unidos.
Ainda que o filme xa puido ser contemplado por algúns afortunados en visionados especiais para os membros dos estudos, a estrea mundial terá lugar o vindeiro martes na Opera House de Sydney. As críticas especializadas, iso si, terán que agardar até finais de abril.
Wiseman dirixirá Atlantis
O realizador de Underworld, Len Wiseman, será o director da vindeira adaptación á pantalla grande do cómic apocalíptico de ciéncia-ficción Atlantis Rising para a DreamWorks.
Alex Kurtzman e Roberto Orci (Transformers, Fringe), que mercaron o proxecto á DreamWorks cando esta empersa foi absorbida pola Paramount, serán os produtores.
Creado por Scott Mitchell Rosenberg, Atlantis Rising é unha minisérie de cinco números editada pola Platinum Studios. A história arrinca cando unha série de maremotos obriga ás autoridades militares do mundo a investigar a meirande parte do océano, onde unha civilización subterránea está a xurdir e se dispón a loitar nunha guerra contra o noso planeta.
O cómic Trek
A IDW publicará Star Trek: Countdown, unha série de cómic de catro números que servirá como precuela ao novo filme de J.J. Abrams Star Trek, e que aparecerá en xaneiro nos andeis das librarías.
A história está presentada polo mesmo Abrams e conta cun argumento dos guionistas do filme, Roberto Orci e Alex Kurtzman. Está escrito por Mike Johnson (Superman/Batman) e Tim Jones e debuxado por David Messina (Star Trek: Mirror Images). Messina tamén é o autor dos debuxos das capas da série.
“Star Trek: Countdown incorpora o traballo que hai por baixo do que acontece no filme“, dixo Orci nunha declaración. “É o noso xeito de pasar o testemuño dende os persoaxes de A Nova Xeración e os seus filmes á nova película” .
O filme Star Trek ten prevista a súa estrea para o 8 de maio de 2009.
A Dreamworks descubre Atlantis
A DreamWorks ven de se facer cos dereitos do cómic da editorial Platinum Studios Atlantis Rising para converte-lo nunha longametraxe con acción real que será producida polos guionistas de Star Trek Alex Kurtzman e Roberto Orci. O presidente da Platinum e mais o CEO Scott Mitchell Rosenberg tamén serán os produtores.
Creada por Rosenberg, Atlantis é unha minisérie de cinco episódios publicada pola Platinum Studios Comics no pasado mes de novembro. A quinta e derradeira entega da série, escrita por Scott O. Brown e debuxada por Tim Irwin e Andy Elder, aparecerá nos andeis das librarías a finais deste mes.
O argumento vai sobre perturbacións sísmicas no mar que obrigan aos militares do mundo a investigar a parte máis profunda do océano, onde unha civilización agocha emerxerá para lle declarar a guerra ao planeta Terra.
Atlantis é a segunda compra que lle fai a DreamWorks á Platinum. DreamWorks, xunto coa Universal, fíxo-se cos dereitos de Cowboys and Aliens o ano pasado e está a desenvolver este western de aventuras de ciéncia-ficción con Kurtzman e Orci e mais a Imagine Entertainment.
Kurtzman e Orci están traballando en Transformers 2 e veñen de se xuntar co director de Star Trek, J.J. Abrams, para producir o telefilme da canle Fox Fringe, que será un episódio piloto de dúas horas para unha nova série de televisión.
Nimoy, trabe en Star Trek
Roberto Orci, o co-guionista do longamente agardado filme de Star Trek que dirixe J.J. Abrams, revelou algunhas saborosas partes dese guión que se mantén baixo sete chaves e así soubemos que o relanzamento da franquía dependerá grandemente da aparición estelar de Leonard Nimoy, o primeiro Señor Spock.
Orci (Transformers) engadiu que o filme explorará a história de Star Trek que ainda non foi contada: “Había moitos, moitos elementos da história dos que faláramos só teóricamente se algunha vez regresaba Star Trek. Se es un fan do Star Trek clásico, hai unha chea de história sen explorar. Coa série orixinal, hai moito que podería ter chegado antes, o que aconteceu antes diso“.
O trabe do guión é a aparición de Nimoy no seu papel de Spock. “Coido que moita xente especulaba que deberíamos ter várias ideias, pero a verdade é que tiñamos a Nimoy. Francamente, non entendo outra maneira de o facer. Non tiñamos un plan B“.
Lér máis
Bule-bules trekianos
Roberto Orci, quen xunto ao seu parceiro Alex Kurtzman é o autor do guión, confirmou que o filme está baseado nos persoaxes principais do capitán Kirk, Spock e mais o Dr. McCoy.
“Esa é unha grande parte do que estamos a facer“, revelou Orci. “Tedes razón en que a súa interacción e o xeito no que se enfrontan ao imposíbel é o tema principal de Star Trek, e iso non é diferente na nosa película“.
Nembergantes, Orci declinou comentar os rumores sobre o cásting. “Temos ideias, e algunha das que se rumoreou xa foi considerada [para Kirk]“, dixo. “Non estamos a agochar ren, coma estades a especular. Non é raro e tentamos acadar o millor reparto posíbel, mentres os teñamos para a rodaxe, iso é o que nos desacouga“.
Os penúltimos rumores especulan coa posibilidade de que o recén chegado Chris Pine estea en conversas para interpretar ao capitán James T. Kirk no vindeiro filme de Star Trek que dirixirá J.J. Abrams, uníndo-se asemade a Eric Bana, xa recrutado para interpretar ao principal malvado, Nerón.
Non está ainda aclarado se Bana interpretará a un persoaxe humano ou a un membro dalgunha raza álien, coma un Klingon.
O traballo máis salientábel de Pine até de agora fora o de protagonista masculino no filme de 2006 de Lindsay Lohan Just My Luck. Tamén interpretou a un asasino neo-nazi en Smokin’ Aces.
Entre os membros xa confirmados do reparto están Anton Yelchin coma Chekov, Zachary Quinto coma Spock e Zoe Saldana no papel de Uhura.
Orci deixou caer que outros persoaxes menores da série poderían aparecer tamén, coma o caso do axudante Rand ou a enfermeira Chapel. “Si“, engadiu, “non podo dicir cales. Preocúpannos todos, pero tede en conta que non podes meter a todos nun primeiro filme só por metelo. A nosa espranza é que este sexa o noso ‘primeiro filme’ de moitos, así que todo o mundo omitido estará decontado na lista para o segundo filme. É un factor de que pode tolerar un filme e como de ben pode funcionar un persoaxe, e se non pode funcionar axeitadamente, preferimos metelo despóis que tratalo mal agora“.
Orci dixo que Kurtzman e el completaron un novo boceto para o guión do filme. “É millor“, dixo. “É máis forte. O malvado é moito millor; nun primeiro esbozo tendes a te enfocar nos teus heroes. E teño que dicir que unha chea de cousas que limos nos portais de fans da Internet axudounos moito para este segundo esbozo“.
As nosas fontes indícannos que este Star Trek comezará a se rodar en novembro e rematará en marzo. O filme ten prevista a súa estrea para o día de nadal de 2008.
