Sam Worthington en Dan Dare

A Warner Bros. Pictures ven de pechar o trato co actor australián Sam Worthington (Avatar, Clash of the Titans) para que protagonice a adaptación ao cineme do clásico cómic inglés Dan Dare.

A série de cómic, que moitos describen coma o Buck Rogers inglés, comezou a se editar nos anos 50 e sempre salientou-se polos seus complexos argumentos, os diálogos intelixentes e mais o deseño artístico. Ao longo dos anos pasou por moitas fases, de alzas e caídas na súa popularidade, ainda que con cambios no seu tón, coma o que lle deu na década dos 90 o artista Grant Morrison, que introduciu duras e escuras críticas ao thatcherismo.

Mália a súa longa história de grande éxito no seu país natal, a franquía nunca tivo grande sona fóra do Reino Unido, un mercado que por outra banda está totalmente controlado polos títulos americanos (Batman, Superman, X-Men) e mais algúns poucos éxitos europeos (Tintín, Astérix).

A mais recente encarnación de Dan Dare foi a minisérie escrita por Garth Ennis en 2008 e que servirá de base para o desenvolvemento deste proxecto no cinema. Basil Iwanyk (Clash of the Titans) será o produtor.

Titáns 2 en xaneiro

No que é un movemento sorprendente, a Warner Bros. e mais a Legendary Pictures non só están a proxectar unha segunda parte para o seu recente filme Clash of the Titans, senón que pensan converte-lo nunha prioridade de alto nivel.

De feito, a prensa xa informa de que ambas compañías teñena intención de comezar a rodaxe dunha segunda parte deste remake no vindeiro mes de xaneiro, con Jonathan Liebesman (Battle: Los Angeles, Darkness Falls) como máximo candidato para se sentar na cadeira de director, sustituindo ao mais caro Louis Leterrier.

Mália contar con moi malas críticas, Clash of the Titans é xa un dos filmes que mais cartos fixeron no que levamos de 2010, con 486,8 millóns de dólares en todo o mundo, e iso que partía cun orzamento non demasiado elevado, de 125 millóns.

O plan para a secuela é rodar en 3D, e seica parte dos motivos para ter tanta presa é poder contar con Sam Worthington no papel protagonista. O actor australián ten previsto escomezar a rodaxe da segunda parte de Avatar na segunda metade de 2011, polo que ainda lle quedaría algode tempo dispoñíbel para este proxecto.

Worthington, o novo Quatermain

O actor mais de moda grazas á súa interpretación do protagonista de Avatar, Sam Worthington, será o produtor e posíbelmente tamén a estrela de Quatermain, unha nova volta de rosca sobre o clásico persoaxe da literatura e mais o cinema, esta vez dende un punto de vista da ciéncia-ficción e coa produción da DreamWorks Pictures.

H. Rider Haggard escribiu en 1885 a novela As Minas do Rei Salomón protagonizada polo aventureiro británico Allan Quartermain, quen pasou a meirande parte da súa vida en África e liderou unha expedición a unha rexión sen explorar para atopar ao irmán perdido dun amigo e de paso os fabulosos tesouros das minas do rei xudeu. O mesmo persoaxe apareceu tamén en moitas outras novelas.

A versión que agora proxecta a Dreamworks estará ambientada no futuro, cando a humanidade xa abandonou a Terra e Quatermain regresa para unha aventura a escala planetária. Mark Verheiden é o autor do primeiro boceto do guión.

Os creadores de Smallville Alfred Gough e Miles Millar tamén producirán este filme, para o que aínda non hai ningún director vencellado. Entre os actores que deron vida anteriormente ao aventureiro e explorador que mais fixo polos pantalóns curtos cór caqui no mundo do cinema están Richard Chamberlain, Patrick Swayze, Stewart Granger, Cedric Hardwicke e Sean Connery.

O regreso de Dan Dare

Seica o actor australián de moda, Sam Worthington, (Avatar, Clash of the Titans) ven de asinar a súa participación na adaptación ao cinema do clásico cómic inglés Dan Dare: Piloto do Futuro na Warner Bros. Pictures.

O cómic, todo un clásico de longo percorrido no mundo do cómic de ciéncia-ficción, foi moitas veces definido coma unha espécie de Buck Rogers á inglesa, e comezou nos anos 50 creado polo ilustrador Frank Hampson cunhas tramas argumentais moi complexas, un diálogo intelixente e un excepcional deseño artístico. A tira cómica desapareceu, pero regresa mais ou menos unha vez por década nun “revival” que o fai depender dos tempos. Nos anos 90 o artista Grant Morrison deu-lle un toque escuro e moi agudo cheo de críticas ao thatcherismo.

Mália a súa longa história e ao seu grande éxito no seu país natal, a propriedade nunha tivo grande aceptación fóra do Reino Unido, e así o mundo das adaptacións dos heroes do cómic á pantalla grande sempre estivo dominado polos superheroes americanos (Batman, Superman, X-Men) e os ocasionais éxitos europeos (Tintín, Astérix).

Ainda que nos anos 80 lanzou-se unha adaptación ao mundo dos videoxogos, a reencarnación mais actual de Dan Dare é a minisérie que debuxou Garth Ennis e grazas á cal este proxecto comezou a se desenvolver. Ainda non hai nin guionista nin director vencellados á longametraxe.

Sam Worthington en Drácula

O actor australián de moda, Sam Worthington (Avatar, Clash of the Titans) será posíbelmente o protagonista da vindeira película épica de Alex Proyas, Dracula Year Zero, para a Universal Pictures.

Matt Sazama e Burk Sharpless escribiron esta estraña fusión de feitos históricos e ficción literária que vai sobre a vida do xoven príncipe transilván Vlad, mais coñecido coma Vlad o Empalador, e que foi a inspiración para que Bram Stoker escribira a súa novela de vampiros.

Este xiro no argumento levará ao príncipe a defender a Europa contra o Império Otomán, que pretende conquistar Roménia como primeiro paso para se facer co resto do continente.

Nun intre de desesperación, Vlad ascende a unha montaña onde reside un poder máxico maligno, coa esperanza de manter aos turcos afastados da súa terra. Ese poder axudará-o a vencer, pero ao prezo de lle converter nunha criatura da noite.

Michael De Luca será o produtor.

Temos xa a un capitán Nemo?

Mentres facía a promoción da súa vindeira série de televisión, Human Target, o director McG revelou á prensa que xa ten un favorito para interpretar ao capitán Nemo na súa vindeira versión de 20.000 légoas de viaxe submariña: o seu protagonista sería o actor que xa fixo o papel principal en Terminator Salvation, Sam Worthington.

Respeito a este cada vez mais desexado actor australiano, que tamén será o protagonista do filme de James Cameron Avatar, McG salientou que teremos ocasión de ver o bó que é en Clash of the Titans, un filme do que dixo que vai ser realmente bó. Nestes intres está a rodar The Tourist con Charlize Theron.

Por unha banda a elección é algo particular, xa que na novela de Jules Verne o capitán Nemo era un índio, se ben na primeira adaptación ao cinema, o filme da Disney de 1954, era James Mason quen deu vida ao enigmático mariño. E esta nova versión tamén será obra da Disney Pictures.

Ainda non hai datas pechadas para o escomezo da rodaxe deste filme, pero segundo as últimas novas, estaba previsto que fose a finais deste mesmo ano en Austrália.