Así, os rumores (ainda sen confirmar en absoluto) apuntan a que está a negociar un cameo para o papel de Lex Luthor no vindeiro relanzamento de Superman no filme Man of Steel.

O vilán principal deste filme é o xeneral Zod, ao que dá vida Michael Shannon, pero seica algúns boxcetos do guión orixinal incluían a Luthor coma o antagonista. Agora que iso xa non vai acontecer, o único que cabe agardar é a que haxa un cameo de Luthor, se cadra coa ideia de incluí-lo nos futuros filmes (ou para que sexa un persoaxe secundário que apareza en todas as entregas).

Con todo, non hai ren confirmado e todo o anterior son só rumores.

Ormond aparecería acompañando a Russell Crowe, a quen lle ofreceron asemade recentemente a posibildiade de facer o papel de Jor-El, o pai kryptonián de Superman nesta longametraxe que será dirixida por Zack Snyder.

Pola súa banda, seica Snyder non-o ten tan claro e está ainda a considerar a várias actrices, o que explicaría que a semana pasada saí-se a relucir o nome de Connie Nielsen (Gladiator) para o mesmo papel de Lara.

O produtor Christopher Nolan está a procurar un nome importante para este papel dende hai xa tempo. Outros nomes que estiveron ao redor do persoaxe nos últimos tempos foron os de Sean Penn e Clive Owen. Marlon Brando interpretara este papel no filme de 1978 dirixido por Richard Donner, polo que os produtores queren contar cun nome que estea á altura. En todo caso, os detalles sobre o argumento continúan a ser secretos, así que polo de agora non se coñece a importáncia do devandito papel no filme.

As novas chegan nun día especialmente intenso no que se refire a esta película, para a que ainda quedan un par de papeis importantes que encher. Así, a co-protagonista de Gladiator xunto ao mesmo Crowe, Connie Nielsen, podería ser a candidata perfecta para facero papel de Lara, a esposa de Jor-El e nai de Superman.

Henry Cavill, Amy Adams, Kevin Costner, Diane Lane e Michael Shannon son polo de agora os únicos nomes confirmados para o proxecto, que comeza a se rodar en agosto.

A DC Comics lanzará unha renumeración histórica das 52 liñas de cómics do Universo DC por completo, incluindo a aparición da nova Liga da Xustiza a cargo do escritor Geoff Johns e do debuxante Jim Lee. A publicación do número 1 da Liga da Xustiza será simultánea en papel e na Internet, co que a DC convérte-se na primeira editorial das dúas importantes (a outra é a Marvel) que lanza os seus cómics de superheroes dixitalmente e en papel o mesmo día.

A xogada da DC xa ergueu moitísimas críticas, entre as que se inclúen a do novo uniforme que utilizarán moitos superheroes, Superman incluído. Segundo fontes internas da editorial, a nova política será «nada de calzóns por fóra», co que os calzóns vermellos do Home de Aceiro deixarán de ser unha das súas principais características (se cadra algo ten que ver co feito de que a partir do ano que ven a DC podería ver-se obrigada a deixar de usar o uniforme clásico de Superman?).

O grande risco agora é que os fans que estaban a seguir as coleccións normais deixen de mercar o cómic, porque xa coñecen as orixes dos seus persoaxes favoritos. De todos os xeitos na DC consideran que paga a pena tenta-lo e que as novas orixes de todos os persoaxes serán unha oportunidade perfecta para gañar novos leitores.

Man of Steel, dirixida por Zack Snyder e producida por Christopher Nolan, está prevista para se estrear en decembro de 2012. Pero menos dun ano despois desa data, certos dereitos sobre o persoaxe pasarán a ser novamente propiedade da família dos seus creadores orixinais, Jerry Siegel e Joe Shuster.

E o que sinifica «certos dereitos»? Pois que non todo pertencerá aos herdeiros de Siegel e Shuster. Iso é porque segundo a senténcia xudicial, todo o que inventou a parella para Superman antes de que ambos escomezasen a traballar para a DC Comics volverá a ser propiedade das súas famílias. E todo o que inventaron despois de escomezar a traballar para a editorial pertencerá á editorial (que actualmente é propiedade da Warner Bros. Pictures).

En resumidas contas, os herdeiros de Siegel e Shuster terán os dereitos sobre o uniforme azul e vermello de Superman, así coma de certos superpoderes, concretamente os de «chimpar mais alto cós edifícios», «ser mais rápido ca unha locomotora» e ser «capaz de deter as balas». Todo o demais, que foi engadido despois de 1938, cando xa traballaban na DC, será propiedade da devandita compañía: o resto dos seus superpoderes, coma o de voar, ou a súa galería de superinimigos, incluíndo a Lex Luthor.

Así pois, en teoría, a partir de 2013 as famílias de Siegel e Shuster e mais a Warner poderían facer dous filmes diferentes, cadaún cun Superman con poderes diferentes, un uniforme distinto, e superfalcatruáns de seu. Un dos filmes non podería amosar a Superman voando, e o outro non podería amosar o uniforme azul e vermello.

Polo de agora Marc Toberoff, o avogado das famílias dos creadores de Superman, está a tentar desesperadamente sacar adiante unha apelación perante o tribunal, mentres que a Warner decidiu demandar directamente ao avogado, acusándo-o de rachar as boas relacións que tiñan coas famílias antes de que fosen a xuízo por mor dos dereitos sobre o home de aceiro, precisamente instigados por este avogado.

Mentres se resolve o caso, Man of Steel podería ser a derradeira vez que vexamos ao «auténtico» Superman no cinema. As secuelas poderán amosar a un Kal-El sen o seu uniforme, mentres que vemos a outro persoaxe co mesmo nome pero incapaz de voar, tal e coma foi deseñado orixinalmente por Siegel e Shuster. Será o final definitivo para Superman?

[OLLO: SPOILERS MAIS ADIANTE!]

Ainda que literalmente é un inmigrante álien, Superman é dende sempre un símbolo patriótico da «verdade, a xustiza e o modo de vida americano». O que quere dicir esta última parte da famosa frase é algo complicado de saber, pero tanto nos cómics coma na vida real Superman foi sempre consdierado coma pouco menos ca un embaixador da cultura americana, e por extensión da política dos Estados Unidos.

A escena decisiva terá lugar no relato The Incident, dentro do número 900 de Action Comics, que conta cun guión de David S. Goyer e debuxos de Miguel Sepulveda. Nel, Superman consulta coa conselleira de seguridade do Presidente, que está alporizada porque Superman ven de aparecer no médio dunha protesta pacífica en Teherán contra o governo iraniano (unha analoxía cos recentes sucesos no Médio Leste), pero dado que o Home de Aceiro é considerado por todos coma un símbolo americano, o réxime de Irán culpa aos Estados Unidos de enviar ao seu embaixador para desestabilizar o país e condeira os feitos coma un acto de guerra.

Superman replica que as súas accións foron a nivel persoal, pero dado que non pode separar a súa cidadanía da súa persoa, ten que renunciar á nacionalidade americana perante as Nacións Unidas, polo que pasará a ser un heroe do mundo, e non só americano.

Esta non é a primeira vez que un heroe americano renúncia á súa cidadanía (o caso do Capitán América reconvertido en Nomad tivo moita sona), este podería ser un punto de non retorno para Superman e para os argumentos que dende agora nos agardan nos cómics: «Verdade, Xustiza e Modo de Vida americano xa non abonda«, di Superman á conselleira de seguridade.

O que por suposto non sinifica que o noso heroe abandoe eses valores, senón que os implementará a unha escala maior, fóra das complexidades do nacionalismo. O mundo para el é xa demasiado pequeno e demasiado interconectado como para ser só parte dunha parte del.

Nos cómics, Faora era unha asasina en série en Krypton, enfocada en matar só a homes e condeada á Zona Pantasma a pasar 300 anos, cando o planeta foi destruído. Ademais é unha experta en artes marciais, o que a converte nunha temíbel inimiga para Superman no combate corpo a corpo.

O persoaxe é moi coñecido para os fans dos cómics, pero nos filmes non apareceu até agora. En Superman II o papel de Ursa, a man dereita do xeneral Zod, foi interpretado por Sarah Douglas, e ainda que estaba directamente inspirado en Faora, non era o mesmo. Na série de televisión Smallville, aparece coma a muller de Zod.

Ainda non se sabe que encarnación do persoaxe veremos na pantalla, pero dada a recente contratación de Michael Shannon para facer o papel de xeneral Zod, é moi posíbel que vexamos a unha Faora mais semellante á Ursa de Superman II que á malvada asasina en série dos cómics.

Michael Shannon

O director Zack Snyder dixo que «Zod non só é ún dos inimigos mais formidábeis de Superman, senón ún dos mais sinificativos, porque comprende a Superman dun xeito que outros non chegan a alcanzar. Michael é un actor poderoso que pode proxectar tanto a intelixéncia coma a maldade do persoaxe, o que o fai perfecto para o papel«.

Shannon úne-se asemade a un reparto no que xa están confirmados os nomes de Henry Cavill coma o novo Clark Kent/Superman, Amy Adams de Lois Lane e Diane Lane e Kevin Costner nos papeis de Martha e Jonathan Kent. Charles Roven, Emma Thomas, Christopher Nolan e Deborah Snyder serán os produtores.

Adams, de 36 anos de idade, recibiu a nova do mesmo director Zack Snyder, quen a telefonou dende París. Snyder dixo que «houbo unha busca grande, enorme, por Lois. Para nós foi unha cousa grande e obviamente un papel realmente importante. Fixemos unha chea de audicións pero tivemos esta xuntanza con Amy Adams e após dela sentín que era perfecta para o papel«.

Snyder declinou falar sobre a importáncia do papel de Lois Lane no guión, á parte de salientar que será «un eixo» no proxecto, que incluirá a súa visión dunha Lois cun «atractivo e un espírito contemporáneos«.

«Vólve-se ao que dixen sobre Superman e sobre face-lo comprensíbel para hoxe en día. O qué importante para nós é face-lo relevante e real e face-lo empático coas audiéncias de hoxe para que podamos comprender as decisións que toma. Iso tamén aplíca-se a Lois. Ela ten que estar no mesmo universo ca el en tón e substáncia«, dixo Snyder.

O mesmo Snyder salientou que “Jonathan Kent é a única figura paterna que Clark tivo nunca, o home que estivo alí para axudar a Clark a comprender o que se supuña que tiña que facer no mundo coma Superman. Kevin poderá comunicar a forza tranquila deste home rural americano que criou ao meirande superheroe de todos os tempos”.

Costner protagonizará este filme xunto aos outros membros do reparto xa confirmados, Diane Lane no papel da súa esposa Martha, e Henry Cavill coma Clark.

Os estudos fixeron público o anúncio onte mesmo, engadindo que Lane será «a única nai que Clark Kent coñeceu«. Pola súa banda, o director Snyder dixo que «Esta era unha peza moi importante do reparto para min porque Martha Kent é a muller cuxos valores axudaron a formar ao home que coñecemos coma Superman. Estamos emocionados de contar con Diane para o papel porque pode transmitir a sabeduría e mais a marabilla dunha muller cuxo fillo ten uns poderes alén da súa imaxinación«.

Lane é polo de agora a segunda persoa confirmada oficialmente para o reparto do filme, após de que Henry Cavill fose anunciado coma o novo Clark Kent/Superman. Nos últimos informes, Kevin Costner e Viggo Mortensen estaban a se disputar o papel de Jonathan Kent e o xeneral Zod respectivamente, pero polo de agora son só rumores e non houbo movementos oficiais ao redor destes persoaxes.

Pero Mortensen está a negociar a súa participación en Snow White and the Huntsman coa Universal, e só se as negociacións non chegan a bó porto ou se o calendário llo permitira podería aceptar facer un óco na súa axenda para recoller a luva deixada por Terence Stamp, o último actor que deu vida na pantalla grande ao malvado kryptonián en Superman II.

A Warners ainda non comentou ren sobre este rumor, pero tampouco o fixo sobre ningún dos outros nomes que están a se mencionar ao redor deste proxecto, á parte do anúncio oficial de confirmación de Henry Cavill coma o Home de Aceiro. En todo caso, a produción debe escomezar xa dentro duns días e a data de estrea segue fixada para decembro de 2012.

Todos os protagonistas da série levaban meses pedíndo-lle que regresara, pero só esta semana se soubo que as conversas chegaron a bó porto e o acordo está xa asinado. Á série ainda lle quedan por rodar tres episódios e seis semanas de traballo nesta décima e derradeira tempada de emisión nas pantallas.

Rosenbaum dixo nun comunicado que «estou a facer isto simplemente por todos os fans que convertiron a Smallville no grande éxito que é», e engadiu que «aprezo toda a súa paixón, a súa crueldade e mesmo as súas ameazas, ha, ha, ha…«.

Rosenbaum apareceu na série por última vez hai xa case tres anos durante o episódio final da sétima tempada, cando semellaba ter morto baixo os xeos do océano Ártico, pero foi visto na seguinte tempada dentro do corpo dun cadáver queimado e desmembrado, interpretado por outro actor.

Mália ese terríbel final, durante esta tempada houbo algunhas pistas que semellaban indicar que Luthor regresaría e que se descobriu un clon do seu persoaxe, un neno chamado Alexander que está a envellecer moi rápido e que cada vez é mais e mais sinistro.

O nome do actor inglés, coñecido sobre todo pola súa participación no reparto da série Os Tudor, estivera xa na boca de todos cando o director anteriormente vencellado ao proxecto, McG, estaba á fronte do mesmo, pero ao final non se puido facer co papel, que foi parar a Brandon Routh cando o director Bryan Singer tomou as rendas da anterior longametraxe. O actor e modelo, de 27 anos, tamén foi candidato a se converter en James Bond xunto a Daniel Craig e Sam Worthington cando estaban á procura dun nome que o interpretase en Casino Royale.

A nota de prensa oficial da Warner Bros. Pictures e mais a Legendary Pictures non engade moitos mais datos, limitándo-se a relembrar os nomes dos que xa están a bordo do proxecto.

O filme será dirixido por Zack Snyder, quen salientou que «No panteón de superheroes, Superman é o persoaxe mais coñecido e reverenciado de todos os tempos, e eu estou honrado de ser parte do seu regreso á pantalla grande. Tamén quero unir-me á Warner Bros., á Legendary e aos produtores para decir que estamos moi emocionados polo casting de Henry. El é a elección perfecta para se poñer a capa e o escudo do S«.

Charles Roven, Emma Thomas, Christopher Nolan e Deborah Snyder son os produtores do filme, que conta cun guiónde David S. Goyer baseado nunha história do mesmo Goyer e de Nolan. Thomas Tull e Lloyd Phillips serán os produtores executivos.

Cavill vend e rematar a súa participación na rodaxe de The Cold Light of Day e será o vindeiro protagonista de Immortals, un filme que se estreará en outono.

A nova entrega de Superman ten prevista a súa estrea para decembro de 2012, e xa conta con acordos de distribución coa Warner Bros. Pictures.

Preguntado sobre se lle gustaría rodar o filme en 3D Snyder dixo que «ainda é moi cedo para dici-lo«, e engadiu que ainda que a súa encarnación favorita de Superman é a dos filmes de Richard Donner protagonizados por Christopher Reeve, non quere ficar un escravo dese material: «É difícil non gustar, son estupendos, pero non coido que isto teña ren que ver con ningún deles«.

Asi mesmo, confirmou os rumores sobre o posíbel filme cando revelou que «tal e coma xa expliquei, o filme enfocará-se nos primeiros días de Superman, así que non haberá ligazóns con outros filmes. Isto non vai ser un remake«.

E tampouco debemos agardar que as mellores histórias do cómic inflúan no argumento no cinema: «ainda que non podo dicir ren do guión, podo asegurar que este novo Superman non estará baseado en ningún cómic en particular«.

As negociacións en si mesmas duraron moi pocuo e en apenas un día Snyder encargou-se de rematar coas esperanzas de Ben Affleck, Darren Aronofsky, Matt Reeves, Tony Scott e Robert Zemeckis, os outros candidatos para se facer coas rendas da nova encarnación do Home de Aceiro na pantalla grande.

Para este filme xa se escomeza a rumorear que o supervilán será o xeneral Zod. Todo dependerá da decisión que tomen o director de O Cabaleiro Escuro, Christopher Nolan, quen será o produtor, e de David Goyer (Batman Begins), encargado de escribir o guión.

Emma Thomas, Charles Roven e Deborah Snyder estarán tamén na produción. O proxecto, unha vez que conta cun director, comezará a se desenvolver mais á presa. Os estudos queren que a rodaxe escomece xa o ano que ven, porque corren o risco de perder os dereitos sobre o persoaxe, que dentro de moi pouco revertirán aos herdeiros do seu creador orixinal.

Unha das posibilidades quese comentaban, que era a do regreso de Brandon Routh ao papel de Superman, ficou desbotada definitivamente, cando Snyder comentou á prensa que a volta do protagonista de Superman Returns é moi improbábel e que nestes intres están a «mirar noutra dirección«.

Zack Snyder

Christopher Nolan e Emma Thomas serán os produtores e encargarán-se de supervisar a nova encarnación do home de aceiro baseada nunha ideia orixinal do mesmo Nolan que David Goyer converteu nun guión.

Nolan leva tempo reuníndo-se con distintos candidatos e remitirá a súa decisión final aos estudos nas vindeiras semanas.

Tom Mankiewicz nacera o 1 de xuño de 1942 en Los Angeles e proviña dunha família de orixe polaca que chegou a ser unha das grandes institucións do Hollywood das estrelas. O seu tío Herman escribira o guión de Cidadán Kane e seu pai, Joseph L. Mankiewicz, dirixiu títulos clásicos coma Todo sobre Eva ou Cleopatra. Seguindo a tradición familiar, Tom Mankiewicz adicou-se ao mundo do espectáculo e chamou a atención dos grandes estudos pola súa adaptación para Broadway da história de Georgy Girl. Debutou como guionista de televisión co show de Bob Hope en 1966 e pasou-se á pantalla grande con The Sweet Ride.

En 1971, grazas a Os diamantes son para sempre puido demostrar pouco despois a sua habilidade para traducir á linguaxe cinematográfica a acción escrita por Ian Fleming para o seu axente James Bond, algo que volveu facer en Vive e deixa morrer e O home da pistola de ouro, así coma de xeito non oficial en A espía que me amou e Moonraker.

Richard Donner contou con el para as dúas primeiras entregas de Superman protagonizadas por Christopher Reeve e mais o clásico Lady Falcón, con Michelle Pfeiffer. E coma director chegou facer algúns filmes fantásticos, coma Delirious (con John Candy) ou un episódio de Contos da Cripta (1991).

Ao respeito dunha terceira entrega de Batman, o irmán de Chris, Jonathan Nolan, está xa a traballar no guión: «o meu irmán está a escribir un guión para min e xa veremos o que sae… está a loitar por uni-lo á história épica que vós queredes que sexa«.

Ainda que non confirmou que el vaia ser o director, o seu principal interese é dar-lle á súa creazón un remate, facendo que a triloxía remate dunha maneira axeitada: Batman Begins reintroduciu aos persoaxes, O Cabaleiro Escuro levou ao protagonista e mais a Gothan City ao límite, e o terceiro deberá resolve-lo todo.

«Sen ser moi específico, o tema clave que fai do terceiro filme unha grande posibilidade para nós é que queremos rematar a nosa história e ao ve-la coma o remate dun relato mais ca coma extendéndo-se ilimitadamente«, dixo Nolan, que non quixo nin sequera revelar quen será o vilán, agás que non será Mr. Freeze.

Pero o mais interesante arestora é sen dúbida o que tiña que contar sobre Superman: «é moi emocionante, temos unha história fantástica e sentimos que podemos face-lo ben. Coñecemos o contorno, se queres, coñecemos o xénero e como facer que saia ben«, dixo Nolan.

Ao contrário do Superman Returns de Bryan Singer que lle debe moito á visión do persoaxe de Richard Donner de filmes anteriores, os plans de Nolan pasan por facer unha aproximación mais do seu própio gusto.

E esa aproximación pasa pola visión do guionista David Goyer, encargado do libreto. Goyer contou a súa opinión a Nolan e este dixo que «aceptei-na de contado, encantou-me e pensei: ei, esa é uha aproximación á história que nunca vira antes e que a fai incríbelmente emocionante«.

Ademais, Nolan aproveitou para botar abaixo os rumores sobre a súa participación nun filme da Liga da Xustiza, xa que el coida que o seu Superman vive nun mundo diferente ao do seu Batman: «cadaún serve á lóxica interna da história. Non teñen ren que ver o un co outro«.

Ademais tamén desbotou os rumores que apuntaban ao seu irmán para dirixir o filme, e dixo que non tiña nin ideia de quen dirixiría o proxecto, pero que a súa participación sería coma a de Peter Jackson en Distrito 9, un filme que dirixiu Neill Blomkamp, ou O Hobbit, que dirixe Guillermo del Toro.

Segundo indican as nosas fontes, Goyer ten a ideia de facer que o filme sexa unha encarnación á pantalla grande da encarnación que fixera John Byrne nos cómics. Moderno, críbel e divertido. Esta encarnación non tería ningún vencello con Superman Returns, así que Brandon Routh non será o protagonista nin Bryan Singer o director.

Os rumores van mais aló e apuntan mesmo a quen serán os inimigos do Home de Aceiro neste filme: a história de Goyer vai sobre Luthor e Brainiac. Non é unha orixe destes persoaxes nin de ningún outro, así que asume que xa todoo mundo os coñece, así coma a Lois, Clark, Jimmy e Perry. O Daily Planet está en problemas por mor da Internet e haberá de trasfondo toda unha mitoloxía kriptonián.

A nosa fonte indicou asemade que os anteriores rumores sobre que o guionista de cómics Mark Millar (Wanted, Kick Ass) podería ter algún papel ou ocuper-se do libreto do novo filme son totalmente falsos. O mesmo Millar hai uns días dixo que nunca estivo no proxecto e que debía rexeitar por completo eses rumores. Millar ademais dixo que Goyer é o home ideial para se ocupar de Superman nestes intres.

A contratación de Goyer non debería ser unha grande sorpresa após das novas que hai uns poucos días vencellaban ao director de Batman Begins e O Cabaleiro Escuro, Chris Nolan, co novo Superman para se converter no produtor e supervisor da franquía. Goyer e Nolan co-escribiron o guión de Batman Begins e Goyer tivo participación nos créditos de O Cabaleiro Escuro que Chris e mais o seu irmán Jonah Nolan co-escribiron.

Cando Goyer anunciou hai unhas semanas que ía deixar o seu traballo como guionista da série de televisión FlashForward para se adicar a outras cousas, moitos tiveron o ideia de que había en marcha un novo proxecto de Batman dirixido por Nolan. Pero seica a verdade estaba uns pasos ao lado, e non será o orelludo da capa senón o Grande S o persoaxe do que se vaia ocupar a parella que mais fixo polo cinema de superheroes ao lado da DC Comics nos últimos anos.

A encarnación do Superman de John Byrne mencionada mais enriba refíre-se ao relanzamento do persoaxe que fixo John Byrne en 1986 nos cómics nunha minisérie de 6 episódios titulada precisamente O Home de Aceiro. Byrne devolveu ao persoaxe ás súas orixes, reducindo sinificativamente os superpoderes de Superman. Na nova reencarnación, os seus pais ainda están vivos, Clark Kent é moito menos tímido, a Fortaleza da Soidade non existe e a xente non sabe que Superman ten unha identidade secreta (polo que Kent non é sospeitoso de ser Superman).

Segundo os rumores, os estudos planean relanzar a franquía do Home de Aceiro e para elo contan coa axuda de Nolan, que actuará coma mentor do desenvolvemento e produción do filme. Nolan mesmo non dirixirá con total probabilidade, senón que tomará un papel mais produtor principal, mentres que un talento ainda pordescubrir porá-se na cadeira de director.

Ainda que será unha coprodución da Warner Bros. Pictures coa Legendary Pictures coma o Superman Returns de 2006, o filme non será unha continuación daquela longametraxe que pasou sen pena nen glória polas salas de cinema e que á penas salientou nos despachos de billetes. O proxecto ainda está nas súas primeirísimas fases de desenvolvemento, así que o tón e mais o contido ainda son descoñecidos.

Superman

Diane Nelson, responsábel da nova división da Warners DC Entertainment, deu unha resposta directa a unha pregunta realizada no decurso dunha entrevista na tele onte, ao respeito de se haberá ou non novos filmes da saga de Superman ou se hai algo previsto no futuro próximo.

«En realidade non temos ningún plan actualmente para Superman. Obviamente xa fixemos unha manchea de grandes cousas para a propiedade na nosa história, e [Superman] é unha parte esencial da nosa família, pero non temos actualmente plan para Superman«, dixo Nelson.

Esta declaración chega pouco despois de que unha sentencia xudicial disparara os rumores de que os estudos estarían desexando facer unha nova entrega de Superman antes de que os dereitos cinematográficos sobre os persoaxe regresasen aos herdeiros do seu creador en 2013. Agora con todos os dereitos no aire e no médio de liortas xudiciais para os vindeiros anos, semella que o Home de Aceiro non regresará á pantalla grande até dentro de moito tempo.

Mentres tanto, a única encarnación do persoaxe nas pantallas, a série de televisión Smallville, arrincará a súa derradeira tempada o vindeiro venres nos Estados Unidos.

Ademais, entre as demandas que seixa interpuxo Peters contra Quintana estaba a petición de encubrimento da violación da filla de Peters.

Segundo publicou esta semana o xornal americano The New York Post, Peters foi condeado a se manter afastado 100 iardas (91 metros) de Quintana, e todo porque Peters lle espetou literalmente a Quintana «vou cruzar esta mesa e che vou partir a puta cara, vou-te patear o cú«, todo no decurso dunha declaración que tivo lugar diante do mesmísimo xuiz o pasado 12 de agosto en Los Angeles mentres se discutía o caso de suposto acoso sexual polo que Quintana acusa a Peters.

Quintana presentou unha denúncia ante a Policía o 14 de agosto na que se di que «O señor Peters ameazou con me partir as pernas. Teño medo, estou nervoso e desacougado e temo que Jon Peters vaia facer-me dano ou matar-me«. O 19 de agosto, o xuiz condeceu a Quintana unha orde afastamento para evitar que Peters poidera «ameaza-lo, asalta-lo ou acosa-lo«.

O avogado de Peters, Joe Yanny, afirma que a orde de afastamento non ten xustificación e que a perda dos nervos de Peters foi debida a que Quintana lle tirou biquiños a Peters mentres que esta estaba declarando perante o xuiz.

Este 9 de setembro houbo unha nova vista na que se deberá decidir por canto tempo mais a orde de afastamento ficará en vigor.

Superman

Seguirá sendo Superman o derradeiro supervivinte do planeta Krypton? A longa guerra legal polos dereitos do Home de Aceiro conta xa cun novo episódio que pode afectar sériamente á lenda que envolve á mais famosa ícona do cómic americano. Os herdeiros de Jerry Siegel – cocreador xunto a Joe Shuster do personaxe – apontan-se a vitória nunha batalla que pode ter resultados pouco agradábeis para o xigantesco conglomerado de Time Warner, a actual proprietária da DC Comics, a editorial que publica o personaxe desde 1938.

Segundo a última sentenza, o xuiz considera que os dados provistos polo especialista Denis Kitchen nun blogue da páxina Web Newsarama son decisivos para demostrar que moitas das ideias publicadas nalgúns dos cómics do personaxe foran deseñadas polo guionista moito antes de que a editorial encarregase aos xoves autores a creación do personaxe. Segundo as leis americanas de copyright, se a creación se realizou por encargo, legalmente os dereitos pertencen á editorial, polo que é necesário demostrar que existen evidéncias dunha creación anterior á relazón laboral.

Kitchen aportou probas atopadas pola família Siegel dun antigo proxecto do guionista co debuxante Russell Keaton que non chegou a ver a luz nos xornais. Nel apresentaba-se a história dun bebé de extraordinários poderes que chegaba do futuro nunha máquina do tempo, enviado polo derradeiro home sobre a Terra ao ano 1935 para ser descuberto polos Kent. A parella adoptaria-o despois co nome de Clark Kent.

As semellanzas son evidentes e a decisión xudicial é clara: os herdeiros dos Siegel deben recuperar os dereitos de autor do cuarto número da revista Action Comics, algunhas páxinas do primeiro número da colección Superman e as duas primeiras semanas das tiras diárias que se publicaron nos xornais dos Estados Unidos. Precisamente aquelas poucas tiras diárias onde Siegel e Shuster desenvolveron a orixe do Home de Aceiro, creando a sua orixe no planeta Krypton: perante a iminente destrución do planeta, o científico Jor-El introduce a un recén nado Kal-El nunha nave espacial que lle levará á Terra, onde será atopado polos Kent. Unha história que xa forma parte da cultura popular e que agora só poderá ser utilizada co consentemento dos herdeiros do autor. Xa sexa en filmes, séries de televisión ou, por suposto, en cómics, as novas aventuras de Superman non poderán facer referéncias ás suas orixes kryptonianas sen acordo prévio.

Un espantoso novo capítulo na longa guerra que se iniciou entre os autores e a editorial hai décadas, pero non inesperado: ainda que o xigantesco empório mediático da Time Warner loita con uñas e dentes polos pingües benefícios que lle proporciona Superman, pouco a pouco vai perdendo ao seu famoso persoaxe. Pese a que a morte de Joe Shuster sen descendéncia lle proporcionase o 50% dos direitos do Home de Aceiro, as leis americanas en dereitos de autor fixan o ano 2013 como limite para ese control. A partir dese momento, o personaxe reverterá totalmente aos herdeiros dos seus creadores (neste caso, de Jerry Siegel) até o ano 2033, no que Superman pasará definitivamente ao domínio público.