A multimillonária produtora de cinema Megan Ellison e mais o veterán actor Arnold Schwarzenegger tiñan a intención de escomezar coa produción da primeira das dúas novas entregas de Terminator para o cuarto trimestre de 2012.

Nombergantes, o realizador taiwanés tivo que abandoar a ideia porque este calendário entraba en conflito co seu compromiso xa adquirido para dirixir Fast Six, ainda que deixa a porta aberta a un posíbel regreso ao proxecto se Ellison e Schwarzenegger queren agardar por el. Lin levaba traballando con Schwarzenegger e mais Ellison neste filme dende había xa vários meses.

A produtora de Ellison, a Annapurna Films, fíxo-se cos dereitos sobre a saga de Terminator no decurso do pasado festival de Cannes.

Agora que a carreira de Arnold Schwarzenegger vai sufrir un novo parón por mor dos seus problemas familiares (está en proceso de divórcio da súa muller), agardába-se que o proxecto de Terminator que ía dirixir Justin Lin ficase igualmente paralizado.

Nombergantes, seica non vai ser o caso porque agora fála-se de que a franquía podería pasar por un relanzamento, que recairía nun novo protagonista masculino mais novo. Nesta nova versión, o foco poría-se en Kyle coma protagonista principal, mentres que os resto dos papéis serían interpretados por outros actores novos.

Se ao cabo Schwarzenegger fica vencellado ao proxecto, agárda-se que o seu tempo na pantalla resulte moi recurtado, o que sería para el un bó motivo para atrae-lo ao proxecto unha vez mais.

Por unha banda temos a unha das grandes, a Lionsgate, que estaba a punto de se facer cos dereitos sobre a franquía, cousa que levaba anos tentando. E na outra banda está a Annapurna Pictures, a compañía produtora creada pola herdeira do império Oracle, Megan Ellison, adicada últimamente a financiar proxectos independentes pero con directores salientábeis.

Ellison remitiu unha oferta mais grande cá da Lionsgate, e ainda que non ten unha distribuidora, non lle debería ser difícil dar con algunha. Mália que a franquía xa ten os seus anos e que as dúas últimas secuelas non espertaron demasiado interese entre os afeccionados, o regreso de Arnold Schwarzenegger baixo a dirección do realizador de Fast Five, Justin Lin, ven de lle dar novos azos ao proxecto, que seica está mais vivo ca nunca.

En calquera caso, gañe quen gañe a poxa, os dereitos sobre esta propiedade revertirán ao seu creador, James Cameron, en 2018.

Cando lle preguntaron sobre os devanditos rumores segundo os cales vai devolver ás pantallas ao persoaxe orixinal do filme de 1984 de James Cameron, Lin dixo que «non sei de onde veñen os rumores. Todo foi unha conversa entre Arnold e eu, sabes? Teño algunhas ideias, pero nonca foi coma ‘hei, traiamos todo de volta!’. Eu simplesmentes non proceso dese xeito«.

Alomenos, recoñeceu ter unha ideia en mente: «Falei con Arnold e sinto que hai unha visión sobre a que estou emocionado, un filme de Terminator que eu sempre quixen ver e que nunca vin«. E engadiu que dentro dun mes mais ou menos terá unha ideia mais clara de se este é o seu seguinte proxecto ou non.

Así pois, a pregunta é o que vai acontecer sobre a franquía e a súa mitoloxía, e Lin dixo que «sempre coidei que o que é xenial na franquía do Terminator é que hai viaxes no tempo e diferentes liñas temporais coas que xogar«, e engadiu que «tamén hai unha chea de ócos que nos gustaría encher nas películas de Terminator, así que hai unha chea de cousas coas que xogar… Terminator ten esta capacidade, a de atopar xeitos frescos de ir atrás sen destruír outros filmes, porque podes contar as túas própias historias«.

O director de Fast Five Justin Lin sería o realizador deste proxecto, que producirá Robert Cort, se ben ainda non hai nin guión nin guionista e non se falou de que posíbel liña argumental poderá seguir a história.

A Pacificor, unha compañía adicada a se facer con diversos fondos financeiros para renegociar a súa venda con benefícios, fíxo-se cos dereitos da popular franquía o ano pasado por 29 millóns de dólares, polo que probábelmente quererán entrar neste negócio, esixindo un considerábel anaco do pastel. En todo caso deberán dar-se présa, porque en 2018 os dereitos revertirán automáticamente ao creador da franquía, o director James Cameron.

No caso de saír adiante esta ideia, o filme non terá ningunha preferéncia sobre os outros proxectos cos que o ex-governador de Califórnia xa se comprometeu, o filme de acción The Last Stand e o drama sobre prisións The Tomb.

Agora que Arnold Schwarzenegger xa non é governador de Califórnia e está a escoitar propostas para regresar ao cinema, xa non é unha sorpresa que os dous nomes volvan unir-se. A Universal quere contar co director de Fast and Furious e Fast Five, Justin Lin, para que se faga cargo da nova entrega, mentres que Chris Morgan sería quen escribise o guión.

A Pacificor, LLC fíxo-se cos dereitos da franquía no mes de xaneiro do ano pasado e quere ofrecer un acordo de licenciamento a algún estudo que lle faga chegar os seus proxectos. A Hannover House tentou desenvolver unha versión en debuxos animados en 3D sen o permiso da Pacificor o pasado mes de agosto, pero o proxecto tivo que se paralisar.

A Halcyon Holding Corp puxo os dereitos sobre a popular franquía en venda á poxa o pasado martes, coa Sony Pictures e mais a Lionsgate coma os outros dous posíbeis compradores nesta carreira. Pero ningún dos dous xigantes de Hollywood puido chegar á oferta realziada pola Pacificor, o acreedor que obrigou no seu día á Halcyon a entrar en creba legal e a vender as súas propriedades para poder pagar as súas débedas. Con este movemento, a Halcyon fica definitivamente libre de débedas, ainda que legalmente iso dependerá dunha decisión final do xulgado que se producirá a finais da semana.

A Halcyon acadou facer-se con todos os benefícios xerados pola terceira e cuarta entrergas da saga, ademais dun pago único de 5 millóns de dólares por cada filme de Terminator que se realice no futuro.

A Halcyon Group, actual propietária dos dereitos á venda, dixo que a Lionsgate é o cabalo gañador nesta poxa-venda debida a unha creba da compañía, que está a se enfrontar á súa desaparición nos xulgados. E isto sinifica que calquera outra empresa que desexe facer-se coa franquía deberá poñer sobre a mesa alomenos 750.000 dólares mais antes do vindeiro 5 de febreiro.

Tanto a Sony Pictures coma a Warner Bros. estaban interesada en adquirir os dereitos sobre o persoaxe que fixo famoso Arnold Schwarzenegger e ambas empresas teñen cartos abondo como para facer-se con el se realmente o desexaran.

Ainda non se tomou unha decisión sobre onde se rodará a seguinte entrega de Terminator, ainda que o Médio Este semella un forte candidato. Non en van o anúncio da quinta parte realizou-se no decurso do Festival de Cinema de Dubai. 

Terminator Salvation, a cuarta parte da popular saga de ciéncia-ficción, presentou-se coma o comezo dunha nova triloxía de filmes, para os que Christian Bale xa asinou para protagoniza-los no papel de John Connor. A quinta parte ten previsto estrear-se en 2011. 

A Warner Brothers ocupará-se da distribución do filme nos Estados Unidos, mentres que a Sony mercou os dereitos para o resto do mundo, coa excepción do Médio Este, onde se encargará a Gulf Film, unha empresa de Dubai.

O ex-actor explicou como lle amosaron parte do material, «pero non tiña a sensación de que fora unha película. Non vin abondo. Non estaba seguro de quen era o Terminator. Non sei se era a estrela da película ou o era o heroe. E esas son o tipo de cousas que determinan o éxito e a forza dunha película«.

A fita, cuxa rodaxe continúa en New Mexico, conta con McG como director e Christian Bale como protagonista, ainda que el non interpreta ao Terminator senon a John Connor, o líder da resisténcia humana.

Terminator Salvation é a cuarta entrega da série, pero a primeira na que Schwarzenegger non actuará. Na primera, dirixida por James Cameron, era o malo da fita, mentras nas dúas seguintes – a segunda tamén obra de Cameron, a terceira dirixida por Jonathan Mostow – axudaba aos humanos na súa guerra contra as máquinas.

A estrea de Terminator Salvation nos Estados Unidos está prevista para o 22 de maio de 2009.

Kickinger ten experiéncia como actor após de encarnar ao própio Schwarzenegger en See Arnold Run, o filme biográfico sobre a traxectória do culturista que chegou de Insbruck e rematou trunfando no cinema e governando Califórnia.

Kickinger xa fixo declaracións a algúns médios desvelando segredos da película. Así, por exemplo, explicou que nela «hai unha escena moi forte, cando John Connor atopa por primeira vez ao Terminator e non sabe se é bó ou malo«.

Preguntado polas diferéncias entre o seu papel e o de Arnold, Kickinger afirmou que «é o mesmo có de Arnold no primeiro filme. Ese é, básicamente, o meu papel, pero vinte anos antes, explicando de onde ven exactamente o Terminator«.

A estrea de Terminator Salvation: The Future Begins está prevista, nos Estados Unidos, para o 22 de maio de 2009.

Os actores que darán vida aos papeis protagonistas no novo filme seguen sendo un segredo moi ben gardado, pero fontes internas da produción confirmaron a NOVA FANTASIA que o papel de Bonham Carter é pequeno pero moi importante.

A fotografía principal para este fime que produce a Halcyon e que narra as orixes da batalla entre os humanos e a rede Skynet, comezou o mes pasado en New Mexico (Estados unidos), coa ideia de que a meirande parte dos exteriores se rode antes de que comece a temida folga de actores. A Warners ten prevista a estrea deste filme de acción en maio de 2009.

Carter é coñécida para os fans da ciéncia-ficción polos seus papeis nos filmes de Harry Potter, o Frankenstein de Kenneth Branagh e o máis recente remake do Planeta dos Símios.

O artista, gañador do prémio Oscar aos millores efectos especiais finou na súa casa rodeado da súa família após de pasar os últimos sete anos loitando contra un terríbel mieloma múltiple, segundo un voceiro da Stan Winston Studio.

Foi un líder no traballo dos efectos prácticos, dando oportunidades a todos os millores mestres dos efectos especiais de hoxe en día. Winston estaba moi agradecido á xente que veu antes ca el no seu eido, coma Ray Harryhausen.

Winston gañou os Oscars ao millores efectos especiais cos filmes Aliens (1986), Terminator 2 (1992) e Parque Xurásico (1993).

Winston deixa muller, Karen; un fillo, unha filla, un irmán e catro netos.

Bryce Dallas Howard interpretará polo tanto a Kate Connor, personaxe que apareceu por primeira vez en Terminator 3 e que fora interpretado por Claire Dans.

Bryce Dallas Howard, filla do director Ron Howard, destacou en dous filmes de M. Night Shyamalan: O bosque e A xove da auga, ademais de polo seu papel secundário como Gwen Stacy en Spiderman 3.

O director de Terminator Salvation, McG, xa comezou a desvelar dados do filme, cuxa rodaxe comezou en New Mexico. A estrea da fita está prevista para o 22 de maio de 2009.

Christian Bale e Sam Worthington xa están embarcados neste proxecto, que será distribuido pola Sony no noso país.

A história estará centrada en John Connor (Bale), agora con uns 30 anos, e liderando ao que ficpu da raza humana nunha guerra contra as máquinas. Common fará o papel dun loitador humano e membro do círculo de amigos de Connor.

McG dirixirá este proxecto a partir dun guión de John D. Brancato, Michael Ferris e Paul Haggis. A estrea está prevista para o 22 de maio de 2009.

Bloodgood protagonizaría o filme xunto a Christian Bale, Sam Worthington e Anton Yelchin na secuela, que está a ser producida por Halcyon Co. e será distribuida pola Warner Brothers no verán de 2009.

Bloodgood interpretará a unha feroz loitadora da resisténcia humana contra as máquinas. A fotografía principal da rodaxe ten previsto o seu escomezo o vindeiro 5 de maio.

Bloodgood foi a protagonista dunha série ainda non vista en Galiza, Journeyman, que emitiu a canle americana NBC e ademáis está a rodar Street Fighter: The Legend of Chun-Li.

Middleton tamén botou abaixo algúns rumores sobre o papel de John Connor, decindo que o persoaxe terá un papel moi relevante no filme, titulado Terminator Salvation: The Future Begins. Middleton dixo que este filme presentará a un novo persoaxe principal.

«É post-apocalíptico» dixo Middleton nunha entrevista concedida no descanso dunha convención de fans dos cómics en Los Angeles, onde estaba a promocionar a vindeira série da canle Fox Terminator: The Sarah Connor Chronicles (na que el é produtor consultivo).

«Está ambientada após dos acontecementos de Terminator 3, onde vemos o intercámbio nuclear ao remate do filme, e amosamos como é o mundo após deste acontecemento, e como a xente tenta sobrevivir nun mundo post-apocalíptico«, engadiu Middleton. «E presentaremos un novo persoaxe, que será moi importante para a resisténcia e para John Connor, un novo heroe. Todo vai realmente sobre o nacemento dun novo heroe«.

Middleton tamén confirmou a preséncia do protagonista de Batman Begins, Christian Bale, para este filme. Anteriormente xa se informara de que se levaría o papel de John Connor.

Con respeito a Schwarzenegger, Middleton dixo que o cyborg orixinal fora tanteado para facer un posíbel papel ou un cameo antes da súa elección como governador de Califórnia, pero que agora ten outras prioridades e non hai ningunha posibilidade de que Schwarzenegger apareza en Terminator Salvation nin nos seguintes filmes mentres sexa governador.

Noutra poxa, unha armadura vendeu-se por 75.000 euros e un modelo a escala 1:1 de Terminator por 50.000. Ambos artigos procedían do filme Terminator 3: o alzamento das máquinas.

Mentres, a cabeza a escala real dun tiranosáuro rex de Parque Xurásico foi o artigo que acadou o segundo prezo máis alto, vendéndo-se en 87.000 euros.

Agárda-se que o endoesquelete do robot T-800 alcance máis de 100.000 dólares na poxa, segundo anunciaron os seus organizadores.

Outros obxectos á venda serán a cadeira do capitán Jean-Luc Picard da nave espacial U.S.S. Enterprise, un modelo en miniatura dun álien de Alien 3 e mais a armadura do xénio dos efectos especiais Willis O’Brien do Rei Escorpión.

Unha capa que levou posta Christopher Reeve en Superman podería chegar aos 30.000 dólares, mentres que o abrigo negro de Keanu Reeves en Matrix podería alcanzar os 15.000.

Tamén estarán dispoñíbeis na poxa unha colección de pósters de películas de ciéncia-ficción e autógrados de todos os directores que acadaron un prémio da Académia.

Na sub-hasta tamén poñerán.se á poxa disfraces e obxectos procedentes da saga de Star Trek, incluindo tricorders dos Klingon e disruptores dos Romuláns.

Agárda-se que o filme faga rexurdir a franquía cunha história ambientada no futuro, durante as tantas veces mencionadas pero nunca vistas guerras entre os robots da Skynet e a humanidade. A Warner Brothers planea lanzar Terminator Salvation para o verán de 2009.

O guión, obra de John Brancato e Michael Ferris, xa está rematado. Ambos os dous foran tamén os autores do libreto de Terminator 3: Rise of the Machines.

«A Salma e aos da sua produtora Ventanazul gustou-lles moito a ideia desta película e dixo ‘fagamos o guión e comecemos a produci-la’«, dixo o chileno no pólo turístico mexicano de Cancún.

«Como que acaímonos ben e confiou no meu talento mália das estupideces que fago«, brincou o realizador coa prensa.

López desvelou que 178 Jack Johnson é unha história futurista na que unha rapaza debe matar a un persoaxe pero encontra que hai 178 persoas co mesmo nome, polo que decide asasinar a todos pero remata por se namorar do seu obxetivo.

«É coma Terminator pero en comédia romántica, con grandes doses de ciéncia-ficción, fantasía e tamén é moi absurda sobre o amor; ímola filmar en Chile con actores internacionais, a maior cantidade de latinos que falen ben inglés«, apuntou López convidado especial do I Cancún International Film Festival.

A Warner Brothers ven de adquirir os dereitos de distribución para América do Norde de Terminator Salvation: The Future Begins, dando comezo a unha produción para primeiros de 2008 dun filme que pretende reinventar a famosa saga dos cyborgs cun argumento que será narrado ao longo de tres películas.

O filme pretende relanzar a franquía cunha história ambientada no futuro, en plena guerra entre os robots da Skynet e a humanidade. A Warner planea lanzar Terminator Salvation no verán de 2009.

O guión xa foi completado polos mesmos escritores de Terminator 3 John Brancato e Michael Ferris, e agárda-se que axiña haxa un director para o proxecto. Non está claro se Arnold Schwarzenegger, o Terminator orixinal e actual governador de Califórnia, terá un papel no filme.

Os produtores dixeron que o novo filme terá o tamaño e mais o orzamento dos que dispuxera Terminator 3, o que suporá uns 200 millóns de dólares.

Asimesmo, a Warner está a producir unha adaptación da saga para a pequena pantalla, Terminator: The Sarah Connor Chronicles, que emite a canle Fox.