Verbinski no remake de Host
The Host
A Universal Pictures e mais Gore Verbinski realizarán o remake do filme de 2006 The Host, que dirixiu o coreano Bong Joon-ho. Fredrik Bond, quen polo de agora só dirixira anúncios na tele, fará o seu debut na realización deste filme de monstros, mentres que Mark Poirier (Smart People) escribirá o guión.
A história vai sobre unha vila aterrorizada por unha criatura semellante a unha lura mutante xigantesca, creada polos resíduos tóxicos que se verten nun río preto dunha base militar. Cando a criatura secuestra a unha nena, a súa família deberá esquecer as súas diferéncias para axuntar-se e rescata-la.
Verbinski traballará como produtor xunto a Roy Lee e Doug Davison, da Vertigo, e con Paul Brooks.
O filme orixinal, cuxo título era Gwoemul, rachou récords de billeteira no seu país de orixe, Corea do Sul.
A censura chinesa, de novo
A compañía produtora coreana Chungeorahm e mais a produtora estatal chinesa Stone Man Films coproducirán unha secuela chinesa do filme de monstros coreano Gwoemul (O Monstro), que contará cun guión de coa dirección do chinés Ning Hao (Crazy Stone).
O filme orixinal, que foi contemplado por máis de 12 millóns de persoas no seu país de orixe e recadou 38,7 millóns de euros, era un filme de terror con monstros e cunha crítica política de fondo.
O novo filme deberá facer un forte recurte do seu guión orixinal a fin de evitar completamente calquera crítica ao governo comunista chinés. A história orixinal ía sobre unha calamidade ocasionada cando a xente, cobizosa polos cartos, ignora a presenza dun maléfico monstro.
