Men In Black 3

Fontes internas comentaron á prensa que a produción ten prevista unha pausa de dous meses no médio da rodaxe, xusto para filmar as escenas que teñen lugar en 1969, cando Josh Brolin interprete á versión mais nova do axente K, ao que dá vida Tommy Lee Jones. Así, seica as escenas ambientadas na actualidade rodarán-se neste primeiro bloque, ao redor da semana do nadal. Despois haberá o parón e a mediados de febreiro farán-se as escenas de mediados dos anos 60.

Debido a que esas escenas debn acontecer no verán segundo o guión, o atraso permitirá que o tempo sexa mais favorábel nas escenas de exteriores. A pregunta é óbvia: por que non rodar todo xunto en primavera e verán e deixar-se de tantos paróns? Pois seica a resposta é que deste xeito a productora poderá acoller-se ás asubvencións que o Estado de New York dá ás rodaxes durante este ano.

O guionista Jeff Nathanson (Atrápa-me se podes, Rush Hour 2) foi tamén contratado para reescribir o guión e traballar específicamente na escena da viaxe no tempo. O guionista de Tropic Thunder Etan Cohen fora o autor do primeiro libreto.

Etan Cohen

Polo de agora é o único contratado en firme, xa que non se sabe se o director das dúas anteriores partes, Barry Sonnenfeld, ou os seus aclamados protagonistas, Will Smith e Tommy Lee Jones, regresarán para a nova entrega.

Os estudos, nombergantes, teñen toda a intención de lle meter présa ao proxecto, xa que queren que se comece a rodaxe en 2010.