Ambientada nunha era na que os humáns abandoaron a Terra por ser imposíbel vivir nela, Will interpreta a un heroe e Jaden é o seu fillo, considerado tamén un fracaso coma guerreiro. Cando os dous se estrellen na Terra, o fillo deberá salvar a vida do pai. Kravitz interpretaría á filla de Will Smith, mentres que Okonedo sería a súa muller.

Gary Whitta, Shyamalan e Stephen Gaghan escribiron o guión. A rodaxe escomezará a primeiros do ano que ven.

Os actores Will e Jaden Smith serán os protagonistas, nos papeis de pai e fillo que aterrizan na Terra mil anos despois de que o planeta fose abandoado polos seres humáns. Após da aterraxe forzosa, Will fica gravemente ferido, e a misión de seu fillo será atopar axuda nun lugar que agora é estraño e perigoso.

dirixe este proxecto, baseado nun guión que mercou a Whitta coa ideia de adapta-lo el mesmo. Gaghan foi encargado de lle dar ao guión un xeito mais cinematográfico e hai un par de semanas que lle entregou o libreto aos estudos. Agora deberá traballar xunto a Shyamalan para afinar o actual boceto de tal maneira que a rodaxe poda escomezar no mes de febreiro.

Will Smith

A história está ambientada nun futuro onde un rapaz ten que navegar nun planeta abandoado nunha nave espacial que se estrelou. A bordo tamén vai o seu pai.

Shymalan escribiu o guión xunto a Gary Whitta, mentres que o mesmo Shyamalan, Smith, James Lassiter, Ken Stovitz e Jada Pinkett Smith serán os produtores. O proxecto levaba anteriormente o título de One Thousand AE.

Will Smith

Os guionistas de The Fighter Paul Tamasy e Eric Johnson venderon o proxecto á Sony Pictures e á empresa produtora de Smith, a Overbrook Entertainment. Nunha recente entrevista publicada esta fin de semana, a parella de guionistas dixo que están a reescribir o libreto coa ideia de producir axiña unha nova versión.

Segundo Tamasy, o argumento deste filme sería sobre «un home que está a vivir o soño americano. ten unha bonita casa, un valado branco, uns rapaces estupendos, muller, coches… Mentres, Deus e o Demo, unha parella de seres sobrenaturais e superpoderosos que adoitan reunir-se cada par de miles de anos, deciden apostar sobre a vida deste home, co destino do mundo coma prémio. Todos os males que nos acontecen ao longo dunha vida lle acontecerán a este home en tan só unha semana, e o tema é se pode erguer-se e sobrevivir«.

Os produtores queren contar co director de The Fighter, David O. Russell, para este proxecto, pero Russell ten agora mesmo moitos outros compromisos abertos.

O guión seica está baseado nunha ideia orixinal de Zappa, que mais ou menos pode vencellar-se á novela para nenos do mesmo Zappa The Monstrous Memoirs of a Mighty McFearless, e da que a mesma Disney adquiriu os dereitos hai moitos anos.

Aquel libro ía sobre dous rapaces, irmán e irmá, que descrubren que descenden dunha longa liñaxe de cazadores de monstros, e deberán aprender rápido todo sobre o negócio familiar cando o seu pai sexa secuestrado e deban enfrontar-se á mais diabólicacriatura do universo.

A produtora Overbrook Entertainment, da que é propietário o actor e empresário Will Smith, será a encargada de realizar o proxecto, que podería converter-se nun potencial primeiro chimpo ao cinema coma actor protagonista de Jaden Smith, o fillo de Will, que xa tivo a súa oportunidade en The Karate Kid.

Will Smith

Smith interpretará ao granxeiro Cain, pero ainda non se sabe quen será o seu irmán, o pastor Abel. O que si que se sabe é que o argumento inclúe vampiros de por médio.

Caleeb Pinkett e Dan Knauf escribiron o guión, que foi revisado por Andrea Berloff. Jada Pinkett Smith, James Lassiter e Ken Stovitz son os outros produtores.

Will Smith

MIB3 é unha franquía que non precisa de presentación, após do seu grande éxito en 1997 e a súa continuación en 2002, que conxuntamente recadaron mais de 1.000 millóns de dólares en todo o mundo. Etan Cohen (Idiocracy, Tropic Thunder) está a escribir o guión da terceira entrega, para o cal os estudos queren anunciar canto antes que están en disposición de estrea-la no verán de 2011.

A outra longametraxe é un filme que conta co interese persoal de Smith, xa que a súa empresa produtora, a Overbrook Films, foi a que desenvolveu este guión orixinal, escrito por Andrew Niccol (Gattaca).

O filme vai sobre unha rapaza que vive en Inglaterra e está separada de seu pai, un meigo que traballa nas rúas de New York. Cando ela atopa unhas velas máxicas nun faro e pide como desexo o de se axuntar con seu pai, a illa de Manhattan escomeza a navegar polo océano Atlántico cara a Inglaterra.

En todo caso, a história de Algernon céntra-se nun home mentalmente discapacitado que se converte no primeiro en pasar por unha operación que lle dará intelixéncia. E ainda que a operación é todo un éxito, dándolle un cociente intelectual de 185 cando antes era de 68, os efectos colaterais serán os da súa exclusión social e o ostracismo.

Ainda non hai guionista nin director vencellados a este proxecto, se ben Gabriele Muccino (The Pursuit of Happyness, Seven Pounds) é un dos nomes que soan. Cliff Robertson levou un Oscar ao millor actor na anterior adaptación ao cinema desta novela, que se fixo en 1968 e titulou-se Charly.

Etan Cohen

Polo de agora é o único contratado en firme, xa que non se sabe se o director das dúas anteriores partes, Barry Sonnenfeld, ou os seus aclamados protagonistas, Will Smith e Tommy Lee Jones, regresarán para a nova entrega.

Os estudos, nombergantes, teñen toda a intención de lle meter présa ao proxecto, xa que queren que se comece a rodaxe en 2010.

E Emmerich contestou que xa ten planeada unha história, «unha história realmente boa e grande, unha moi guai«. Daquela, a que está a esperar? Pois seica o cheque que recibirá Will Smith é o seu principal motivo de desacougo.

Emmerich dixo que el e mais o produtor Dean Devlin están ainda desexando poder facer a agardada secuela, e que o seu máximo protagonista, o actor Will Smith, tamén quere intervir dalgún xeito que sexa compatíbel coa economía da 20th Century Fox.

A paga de Smith (a quen lle corresponde unha porcentaxe sobre os benefícios que dea o filme) é a causa de que a Fox estea a planear algunha maneira de facer o filme sen contar co carísimo actor, pero Emmerich mantén que a súa participación é esencial para todos, para este filme e tamén para os espectadores.

O resultado inevitábel é que a secuela está aínda no limbo e que os estudos continúan a negociar unha participación á baixa de Smith: «Xa veremos o que acontece«, dixo Emmerich, «Encantaría-me poder face-lo«.

Will Smith

Os rumores escomezaron hai unhas semanas indicando que a continuación da comédia de superheroes rexeitada pola crítica pero cun grande éxito nos despachos de billetes (recadou 628 millóns de dólares, que son uns 430 millóns de euros) estaba xa en movemento. Berg está confirmado para a dirección, mentres que os guionistas Adam Fierro (24, Dexter) e Glen Mazzara (The Shield) están a rematar un libreto que se lle entregará a Smith para que o aprobe.

Ao respeito do argumento, Berg tamén revelou que no filme aparecerá un terceiro inmortal na história, para o que xa ten a alguén en mente, se ben non quixo dicir de quen se trataba.

Mália todo o anterior, ainda non hai ren asinado, polo que os compromisos non son firmes e ainda non existen datas oficiais de escomezo da rodaxe nin data de estrea.

Os guionistas Adam Fierro e Glen Mazzara son os elixidos para escribir a secuela do filme de superheroes Hancock que protagonizou Will Smith para a Sony Pictures o ano pasado.

Os detalles do argumento ainda están por descubrir, ainda que os guionistas traballarán xunto a Smith e mais o director Peter Berg para construir o mundo que se deixou entrever ao remate da primeira película.

No filme orixinal Smith era un superheroe alcohólico e irresponsábel que decide poñer-se nas mans dun relacións públicas para millorar a súa imaxe. Mais tarde descúbre-se que o heroe é tan só parte dunha liñaxe de seres inmortais que levan no mundo dende hai 3.000 anos e que perden os seus superpoderes cando están na presenza doutros inmortais coma eles.

A parella de escritores xa traballara xunta no telefilme The Shield, que foi un éxito na televisión por cable. Fierro tamén é un habitual das séries 24 e Dexter, mentres que o traballo de Mazzara puido-se ver en episódios de Life e Crash.

Agárda-se que moitos dos produtores do filme orixinal regresen para a secuela.

Francis Lawrence

O director está a desenvolver o proxecto arestora baixo a produción do selo de Smith, a Overbrook, e todo semella indicar que el será quen se encargue de se poñer atrás das cámaras.

Cun guión de Andrew Niccol, a história vai sobre un meigo da rúa en New York cuxa filla, por mor de circunstáncias familiares, vive en Inglaterra. Mentres explora un faro un día, a nena atopa unha habitación chea de velas máxicas e pide un desexo, o de se reunir con seu pai. O efecto é que a illa de Manhattan comezará a nevegar polo océano Atlántico para cruza-lo cara a Inglaterra.

Os estudos mercaran o guión en 2006.

Ainda non hai contratos asinados nin por parte de Lawrence nin de Smith. Lawrence está a desenvolver ao mesmo tempo Water for Elephants na Fox 2000 e The World Without Us, tamén na Fox. Non se sabe que proxecto irá o primeiro. Smith tamén ten que escoller o seu seguinte proxecto para cando remate de rodar o drama Seven Pounds.

Will Smith

O protagonista de Monster Hunter posúe a terrorífica característica de ver aos monstros que se agochan baixo das camas ou no interior dos armarios para aterrorizar aos nenos. Unha cualidade que, como psicólogo, utiliza para librar aos pequenos daqueles medos que lles amedoñan… até o momento no que se cruzará cun ser verdadeiramente perigoso e diabólico.

Ainda non se anunciaron outros integrantes do reparto, nen a data de rodaxe ou estrea.

Nun princípio, o actor elixido fora Kevin James, pero seica os produtores prefiriron subir ao filme un chanzo mais nas suas posibilidades coa contratación de Smith, o que o convirte automáticamente en favorito para as audiéncias.

O guión será escrito por Robert L. Baird e Daniel Gerson (que colaboraron, por exemplo, en Monstros S.A., que oferece vários pontos en comun con Monster Hunter), e a dirección correrá a cargo de David Dobkin (o posíbel director da adaptación do superhéroe da DC Comics The Flash).

«O persoaxe de Nemo neste filme vai mais sobre unha obsesión, está obsesionado e a xente tende a esquecer que cando estás tan obsesionado rematas por ser o malvado. Estou tentando que Will Smith o faga, tentando que acepte asinar. Xa levo moito tempo tentando traballar con el. Ese tío é xenial«, dixo McG.

O filme é unha história orixinal, baseada no clásico de Jules Verne, e cos mesmos escenários, pero narrará a suposta orixe do seu submariño, o Nautilus.

Segundo Smith, había moitos persoaxes na película que merecían ser «explorados«, o que xustifica sobradamente que se rode unha segunda parte. Ademáis desas vías polas que paga a pena seguir co persoaxe, a recadación da longametraxe aconsella tamén rodar a secuela: máis de 623 millóns de dólares en todo o mundo, o que a convirte nunha das que máis recadaron no despacho de billetes neste 2008.

A aposta é bastante segura: Smith é unha das estrelas máis rendíbeis no complicado panorama do cinema actual. As últimas nove películas protagonizadas polo que fora «príncipe de Bel Air» superaron a barreira psicolóxica dos 100 millóns de dólares, o que constitúe un récord nunca acadado até hoxe en Hollywood.

Oldboy

Steven Spielberg e Will Smith están en conversas prelimiares para colaborar nun remake do filme de acción coreano do ano 2003 Oldboy, que dirixiu Chan Wook-park cun grande éxito de billeteira.

No filme orixinal, un home é secuestrado e mantido nunha escura cela durante 15 anos sen ningunha explicación. De súpeto, é ceibado e lle dan cartos, un teléfone móbil e roupa e decide comezar a investigar quen destruiu a súa vida e vingar-se del.

Smith, que podería interpretar ao home secuestrado se todas as pezas encaixan no seu sítio finalmente, e mais Spielberg están á procura dun guionista que comece o proceso de desenvolvemento. O filme non comezaría a se producir até que Spielberg remate o seu proxecto na primeira película das dúas que se teñen previsto rodar de Tintín.

A DreamWorks está a tentar asegurar-se os dereitos sobre este remake, mentres que a Universal pretende ser a distribuidora.

O plan da Warner é que Smith to repita o seu papel do científico Robert Neville, con Francis Lawrence tamén regresando coma director. Akiva Goldsman e mais o seu selo Weed Road producirán xunto a James Lassiter, o parceiro de Smith na Overbrook Entertainment.

Os estudos veñen de contratar a D.B. Weiss para que escriba un guión que estea baseado nun esbozo con moitos detalles que veñen perfilando nos últimos meses Smith, Goldsman, Lassiter e Lawrence.

A precuela narrará os derradeiros días da humanidade en New York antes de que un virus creado polo ser humano ocasione unha plaga que convirte ao persoaxe de Smith no único supervivinte humanos entre unha chusma de seres mutados que povoan a cidade.

Facer unha precuela era o único xeito de extender unha franquía que recadou 584 millóns de dólares en todo o mundo para a Warner Bros. e ao mesmo tempo manter a Smith no papel de protagonista, xa que o seu persoaxe é asasinado no primeiro filme, após de extraer unha cura para o virus dos supervivintes espallados.

Arestora Weiss está a escribir a adaptación do libro de Neil Strauss The Game para a Spyglass Entertainment e asemade está a traballar nun proxecto para a Relativity, titulado Kashmir.

Asi o confirmou o seu director Francis Lawrence (Constantine) á prensa, ante os rumores xurdidos a tan só poucos dias despois da estrea de Eu son lenda, o pasado decembro, sobre a posibilidade dunha segunda parte e vistos os excelentes resultados no despacho de billetes que estaba a obter.

Lawrence tamén avanzou que o guionista será o mesmo có do filme orixinal, Akiva Goldsman (O código Da Vinci).

Baseando-se no relato de Richard Matheson, Eu son lenda narraba a história de Robert Neville (Will Smith), o único supervivinte na cidade de New York, e talvez no mundo, despois que un vírus aniquilara a povoación e transformase aos poucos supervivintes afectados polo andazo nunha espécie de raivosos vampiros.

A idea de dar continuidade ás aventuras de Neville conta coa benzón de Richard Matheson, o mesmo autor da novela orixinal, considerado un clásico da ciéncia-ficción.

Eu son lenda recadou 370,6 millóns de euros na sua exibición a nível mundial en cinemas, o que a situa no posto número 42 dos filmes mais recadadores da história. Ademáis, Smith seguirá consolidándo-se coma un valor seguro nos despachos de billetes, xa que polo de agora o seu último filme, Hancock, leva recadados 245 millóns de euros no mercado cinematográfico.

O argumento ainda mantén-se en segredo, pero o parceiro de Jackman na Seed Productions, John Palermo, dixo que será algo semellante ao persoaxe que fixo Will Smith en Eu son Lenda. O concepto é un mundo futuro onde a humanidade trocou a privacidade pola seguridade.

Guggenheim é un guionista recoñecido polos fans por ter escrito tamén algunhas entregas de Amazing Spider-Man e Lobeto para a Marvel Comics. Jackman atópase arestora en Austrália, protagonizando o filme da 20th Century Fox X-Men Origins: Wolverine, a secuela da saga dos Homes X que verá a luz nos cinemas en maio de 2009.

Nowhere Man será publicado pola liña editorial da Virgin Voices, unha editora que xa fixo Voodoo Child, a série cuxos dereitos mercou Nicolas Cage xunto con seu fillo Weston.

Eu son Lenda, baseada na clásica novela de Richard Matheson do mesmo título, está protagonizada por Will Smith no papel do aparente derradeiro supervivinte dun holocausto vírico que deixou a New York baleira e abandoada. Lawrence mudou o remate do filme xusto antes da súa estrea, que se producirá en Galiza o día 19 deste mesmo mes.

«Rodamos de novo algún material… pero non puidemos facelo até que non tivemos os efectos especiais rematados«, dixo Lawrence. «Dado que tes que agardar dalgún xeito a ter os efectos especiais, daquela podes amosarllo á xente, ver se tes algo raro, volver e facer pequenas modificacións«.

Lawrence dixo que tamén rodou de novo outros anacos do filme. «Rodamos outra vez pequenos anacos aquí e acolá«, desvelou. «Un anaquiño ao comezo, un anaco pequeno no médio, parte do final. Cousas distintas«.

Neste filme de ciéncia-ficción, Robert Neville (Will Smith) é un brillante científico, pero nin sequera el pode evitar que un terríbel virus, creado nun laboratório, remate con toda a humanidade… agás con el. Inmune por algún motivo descoñecido, convírte-se no derradeiro ser humano do planeta, abandoado á súa sorte na cidade de New York. Pero se atopará cun pequeno problema, e é que o virus transformou ao resto da povoación en vampiros. E el é o seu principal obxectivo e inimigo.