A história vai sobre a primeira misión espacial humana a Venus con dous astronautas a bordo, e que é abortada cando estaba a médio camiño e debe regresar á Terra. Pero cando as equipas de rescate atopan a cápsula espacial, descubren que o capitán desapareceu e que o único astronauta supervivinte non ten ideia do que aconteceu.

Michael Grodner escribiu o guión e será o director. Aaron Ockman será o produtor e a rodaxe escomezará este outono.

Seica ambas partes están a manter xa contactos preliminares e teñen ganas de traballaren xuntos neste proxecto, pero Reynolds ainda está a sopesar outras ofertas.

A série orixinal, que en España titulou-se Os Inmortais, vai sobre un guerreiro inmortal que debe enfrontar-se a outros iguais ca el a través dos séculos até que só fique ún vivo.

Matt Holloway e Art Marcum escribiron o guión para este proxecto, que contará coa produción de Neal Moritz e Peter Davis.

Johnny Depp ainda está vencellado ao papel protagonista e Edgar Wright coma director deste proxecto baseado na série de culto dos anos 70 Kolchak: The Night Stalker que emitiu a canle ABC.

A série ía sobre Carl Kolchak (Darren McGavin), un xornalista que investigaba extraños crimes cometidos por axentes sobrenaturais. Stuart Townsend protagonizou un remake para a televisión hai uns anos, que non tivo moito éxito.

Depp será o produtor xunto a Christi Dembrowski.

A Alcon Entertainment e mais Scott polo de agora non queren comentar ren sobre os detalles do filme, pero confirmaron que estará ambientado algúns anos despois dos feitos relatados na primeira película.

Fancher e David Peoples escribiron o guión daquel clásico, baseándo-se para elo nun conto orixinal de Phillip K. Dick titulado Soñan os Androides con Ovellas Eléctricas?. Para esta segunda parte a produción corre a cargo de Scott, Broderick Johnson, Andrew Kosove, Bud Yorkin e mais Cynthia Sikes Yorkin.

Agora o dúo vai traballar xunto unha vez máis nunha adaptación da clásica obra A pantasma de Canterville de Oscar Wilde e na que emprestarán as súas voces aos personaxes protagonistas. O mesmo Fry deu a coñecer a nova a través do seu Twitter dicindo que «M’coll Hugh e mais eu traballaremos xuntos para poñer as voces dunha nova serie de debuxos animados baseada en A Pantasma de Canterville de Oscar Wilde«.

A Melmoth Films está á procura de financiamento para este proxecto que conta coa adaptación dos guionistas Keiron Self e Giles New (That Mitchell And Webb Look).

Así, nunha recente entrevista revelou que a serie do Incríbel Hulk producida por Guillermo del Toro aínda segue adiante: “Hulk está en desenvolvemento. Non ía estar lista para esta tempada, pero agardamos que o estea para a vindeira“.

Un proxecto que non correrá a mesma sorte é o do Punisher (coñecido coma o Castigador nos cómics en España). A idea de leva-lo á televisión fora do produtor de Criminal Minds Ed Bernero e semellaba que a Fox estaba interesada, pero o episodio piloto no que aparece un policía de New York converténdo-se no vixilante enmascarado ao final da súa xornada de traballo foi rexeitado pola canle e asemade o proxecto está esencialmente morto.

Mills Goodloe e Sal Paskowitz escribiron o guión deste filme, que vai sobre unha muller nova que morre e logo é resucitada nun estraño accidente que a deixa fisioloxicamente encerrada ao final dos seus vinte anos. Após de vivir décadas nunha existencia solitaria, finalmente coñece a un home que se cadra podería ser quen lle fixera perder a súa inmortalidade pero en troques poderán viviren e envelleceren xuntos.

O proxecto foi creado inicialmente para a actriz Katherine Heigl e máis o director Andy Tennant. Gabrielle Muccino tamén estivo vencellada á produción, pero ningún deles está xa a bordo.

Steve Golin, Alix Madigan, Sidney Kimmel, Tom Rosenberg e Gary Lucchesi serán os produtores.

O produtor Jordan Kerner fica a bordo, pero non se sabe se o director Raja Gosnell ou o resto dos membros do elenco de actores estará vencellado para unha terceira parte.

As historias teñen coma fío condutor á figura dun rapaz adoptado por unha familia de gules bós. Cada conto vai revelando aos estraños personaxes que compoñen á devandita familia.

Denise Di Novi e Alison Greenspan están na produción deste proxecto, o que supón o seu segundo intento de levar a Bradbury ao cinema, xa que anteriormente o tentaran con The Illustrated Man na Warner Bros. Pictures.

O máis impresionante de todo é que considerando que xa leva tres semanas de exhibición en todo o mundo, Avengers leva recadados máis de 1.000 millóns de dólares, batendo outra marca, neste caso o de The Dark Knight. A estas alturas xa é a 11ª película con máis recadación de todos os tempos.

A grande pregunta é se será capaz de continuar co mesmo ritmo e até onde poderán chegar os seus números, Sobrepasar os 1.330 millóns que fixo o derradeiro episodio de Harry Potter é xa unha certeza, así que a cousa está en saber se poderá chegar a sobrepasar aos imbatíbeis 2.780 millóns que acadou Avatar ou os 2.180 millóns de Titanic.

A película continuará a acción dende o punto no que ficou no filme do ano pasado, que resultou un éxito tanto a nivel de crítica coma de público. Coa sociedade humana derrubánndo-se após de que un virus se espalle polo mundo, os símios ceibos escomezan a dominar o planeta e convérten-se nos novos amos da sociedade.

Tanto o actor Andy Serkis, que interpretou ao líder símio Caesar, coma o director Rupert Wyatt regresarán para esta secuela. Burns terá agora que decidir se adapta, continúa o traballo ou escomeza dende cero, xa que até agora existía un guión prémio de Amanda Silver e Rick Jaffa.

A história vai sobre unha rapaza que viaxa a Europa para asistir a unha escola de sona mundial, pero alí decáta-se de que o coléxio é en realidade un aquelarre de meigas. Janet McTeer, Michael Nyqvist e Antje Traue son as outras protagonistas.

Green será o director a partir dun guión que el mesmo escriiu xunto a Chris Gebert. Adam Ripp, Rob Paris, Francesco Melzi d’Eril e Luca Guadagnino son os produtores deste filme, cuxa rodaxe escomezará en setembro.

A história ten a un mortal, un deus e mais unha deusa unidos para loitar contra unha forza maléfica que quere destruír o antigo Exipto.

Matt Sazama e Burk Sharpless, a parella responsábel de desenvolver Dracula: Year Zero co mesmo Proyas, son os autores do guión.

O libro e mais a película son esencialmente unha precuela do clásico conto de J.M. Barrie e serve coma orixe de Peter Pan, explorando a história do persoaxe  o tempo que aconteceu antes de que levase a Wendy ao País de Nunca Xamáis. Dave Barry e Ridley Pierson escribiron o libro.

A recente adaptación a un musical de Broadway deste mesmo libro acadou nada menos ca nove nominacións aos prémios Tony, os Oscar do teatro. O libro é ademais o primeiro dunha série, o que servirá coma potencial franquía por se os estudos queren facer mais películas.

O filme está actualmente en desenvolvemento pola DownEast Village Productions cun orzamento de entre 12 e 14 millóns de dólares. O título (O brazo, en galego) fai referéncia ao brazo de mar de 1,5 millas que hai entre Goat Island e mais a costa de Maine.

A história, escrita en 1981, apareceu na colección de 1985 Skeleton Crew xunto con outras tan populares coma The Mist e The Raft, e vai sobre unha muller de 95 anos que se embarca nunha difícil viaxe até a costa dende a illa na que vive, despois de que o brazo de mar que as separa se conxele por primeira vez nos últimos 50 anos. En España o libro nunca foi publicado de xeito independente, senón que se vendeu en catro tomos que apareceron ao longo de dez anos.

Grayson Ross e Jodi Hansell serán os produtores. O filme está nestes intres á procura dun director e de atopar reparto.

Matthew Robbins escribiu o guión que ten coma protagonista ao lendário monicreque creado por Carlo Collodi embarcado nunha série de aventuras nas que tentará demostrar-se a si mesmo que é tan indestructíbel coma o amor polo seu pai, o carpinteiro Gepetto. A história estará ambientada na Itália de entreguerras, unha época na que «todo o mundo se comportaba coma un monicreque, agás os monicreques«, segundo as verbas de Del Toro.

O director de O Labirinto de Pan ía ser nun princípio só o produtor, pero finalmente aceptou tamén o posto de codirector debido a que o proxecto era demasiado grande e complexo para Gustafson só. Agárda-se que a rodaxe dure un ano enteiro, a contar dende o vindeiro verán.

Paul King (Bunny And The Bull) será o encargado de dirixir este filme, que narrará as aventuras do curioso pero educado ursiño que viaxa dende o seu Perú natal á estación de Paddington en Londres, onde é adoptado por unha família inglesa. Aínda que o primeiro libro desta saga infantil foi publicado en 1958, o filme estará ambientado na actualidade.

O proxecto pasara anteriormente polas mans da Warners en 2007, pero dado que os estudos non puideron saca-lo adiante, seráagora a Studiocanal quen fináncie, distribúa e venda o filme.

O thriller orixinal vai sobre un traficante de inmigrantes ilegais que é obrigado a introducir á súa própia família nos Estados Unidos despois de que o seu irmán pequeno teña un problema cun gángster local.

Co cártel dos delincuentes mexicanos e mais a patrulla de vixiláncia fronteiriza dos Estados Unidos pisándo-lle os talóns, a família fica atrapada nun lugar que é terra de ninguén coñecido co nome de Autoestrada do Demo, e alí descubren que están a ser axexados por criaturas sobrenaturais.

Alfonso Gomez-Rejon, un antigo axudante persoal de Martin Scorsese, será o encargado de dirixir este proxecto, que conta cun guión de Carlos Coto.

Clifford the Big Red Dog narrará as aventuras de Clifford, un can vermello de 8 metros de alto e mais o seu dono, unha nena chamada Emily Elizabeth que é a responsábel de que sexa tan grande, porque o seu amor por el é o que lle fai medrar. Por mor do seu tamaño, a súa família debe mudarse fóra da cidade na que vivían a unha vila nunha illa de Nova Inglaterra.

Matt Lopez escribirá o guión, baseado no popular conto para nenos orixinal de Norman Bridwell. Chris Meledandri e Deborah Forte serán os produtores.

Agora os estudos queren convencer ao reparto orixinal para que regrese aos seus papéis: Aaron Johnson, Chloe Moretz e Christopher Mintz-Plasse non asinaron no seu día para facer ningunha secuela, polo que son libres de aceptar ou non.

O primeiro filme foi producido pola Lionsgate, pero os dereitos para adaptar o cómic regresaron a poder do director do primeiro filme, Matthew Vaughn, quen agora será o produtor (o seu compromiso para facer a secuela de X-Men: First Class impíde-lle dirixir outra vez).

Hall interpretaría a unha científica que xoga un papel moi salientábel na creación da nanotecnoloxía coñecida coma Extremis e que remata pro ser vendida a terroristas. A história está baseada na minisérie de seis números do mesmo título que apareceu nos cómics do persoaxe e que contaban cun guión de Warren Ellis. Xa o primeiro filme foi fortemente influenciado por este cómic, ao que aghora regresan os guionistas na procura de mais inspiración.

Jessica Chastain estivo até agora vencellada a este papel, pero o luns revelou nunha entrevista que tiña conflitos co seu calendário de traballo e que non podía facer-se cargo do persoaxe. Este mes deberá escomezar a filmación en Carolina do Norde, e despois transladará-se a China.

A série de televisión ía sobre unha parella de investigadores da Policía composta por Rebecca Madsen (Sarah Jones) e mais o doutor Diego Soto (Jorge Garcia) que traballan para aclarar como 340 reclusos e gardas da prisión de Alcatraz desapareceron en 1963 e por que están a reaparecer hoxe coma se o tempo nunca pasara pro eles. A série estaba tamén protagonizada por Jonny Coyne, Parminder Nagra, Jason Butler Harner e Sam Neill.

Os comezos de Alcatraz foron moi prometedores: lanzada en xaneiro con boas críticas e bós datos de audiéncia, apoiados por unha forte campaña publicitária, semellaba que este ía ser o seguinte éxito de Abrams na tele após de Lost, un programa co que compartía moitas cousas en común.

Nombergantes, xa na súa segunda semana os índices de audiéncia conmezaron a baixar, non demasiado pero si abondo coma para desacougar á canle. En total, cando se emitiu o episódio final (que non estaba pensado para ser final realmente) os índices situaban a Alcatraz no cuarto posto dos programas mais vistos na súa franxa horária e cun ratio do 1,6% de espectadores.

A Fox polo tanto decediu non conceder mais oportunidades ao programa, especialmente despois de que fixeran unha excepción á súa regra de cancelar todo o que non sexa líder de audiéncia con outra série de Abrams, neste caso Fringe.