Bang! número 3

A revista online de ficção científica e fantástico Bang!, publicada pela editora Saída de Emergência, fez saír o seu número 3. Trata-se de uma edição grande, com cerca de 80 páginas, e nesta edição vêm publicados contos de João Barreiros, Lord Dunsany, Arthur Machen, Richard Matheson, Vasco Luís Curado, Maria de Menezes, Neil Gaiman, Stepan Chapman e Luís Filipe Silva.

A Liga en suspenso

A Warner Brothers ven de confirmar as piores espectativas ao respeito da Liga da Xustiza, filme cuxa produción ficará adiada “sine die” por mor da folga de guionistas.

A Warner deixou que caducaran as opcións que tiña sobre o xove reparto de protagonistas que elixira o director George Miller para interpretar aos heroes da DC Comics. Os estudos, que tiñan coma prazo máximo o pasado 15 de xaneiro para dar a luz verde de saída ao proxecto, confirmaron que este ficará suspendido sen data de reanudación. Como moi cedo, o proxecto non será retomado até finais de verán ou comezos de outono.

Aos membros do reparto informaron-lles da decisión o pasado martes, decíndo-lles que a opción sobre os seus dereitos non ía ser exercida, pero que os estudos están decididos a rodar o filme contando con eles. Iso si, antes de que iso aconteza, haberá que resolver unha série de problemas.
Lér mais

O Xefe Mestre, secundário

Master Chief, o Xefe Mestre, protagonista das tres entregas de Halo, a exitosa saga de videoxogos para Xbox, non será o protagonista do filme inspirado nas súas aventuras. Segundo explicou Joseph Staten, directivo da Bungie (os estudos que desenvolven o xogo), o seu papel será máis ben o dun secundário.

Nunha recente entrevista, Staten revelou que o Xefe Mestre sempre leva o rosto cuberto, e ainda que pode comunicar certas emocións coa sua linguaxe corporal, non sería doado levar o peso de toda unha película sen amosar o rosto.

“Na película, os outros persoaxes farán comentários sobre o anonimato do Xefe Mestre e este convírte-se nunha boa fonte de mistério“, comentou, pero non será o protagonista.

Na versión final do guión do filme, segundo desvelou Staten, o Xefe Mestre ten un papel fundamental, pero haberá outros persoaxes con rosto humano visíbel que leven o peso da história.
Lér mais

Finou Vampira

Maila Nurmi, que interpretou á presentadora de TV dos anos 50 Vampira, foi atopada morta na súa casa de Hollywood o pasado día 10; a morte da actriz, de 85 anos, que aparecer no filme de Ed Wood Plan 9 From Outer Space, está a ser investigada pola Policía.

O Vaticano critica a Harry Potter

O Vaticano ven de publicar un artigo no xornal L’Osservatore Romano, onde afirman que Harry Potter é un modelo erróneo de heroe: “Harry Potter propón unha enganada e maliciosa imaxe do heroe, unha irrelixiosa, que é mesmo pior ca unha explícita proposición anti-relixiosa (…) Mália os diversos valores positivos que se poden atopar na história, na base desta história está a proposta da bruxería coma positiva, a violenta manipulación das cousas e as persoas grazas ao coñecemento do oculto, unha aventaxe duns poucos elixidos: o fin xustifica os médios, porque os coñecementos, os elixidos, os intelectuais saben como controlar os poderes escuros e convírtenos en bós“.

Estas críticas caen sobre mollado, porque xa en 2005 o Papa Bieto XVI afirmara que os libros de Harry Potter seducen aos xoves lectores de maneira subliminal e “distorsionan a cristiandade no alma” antes de que esta poida desenvolverse. No artigo do pasado día 14 o Vaticano non deixa de comparar á saga de Harry Potter (mala segundo eles) coa do Señor dos Aneis (boa segundo din), e salientan a catolicidade de J.R.R. Tolkien contra o perverso protestantismo de J.K. Rowling.

Adiada a secuela de Superman

A Warner Brothers ven de adiar o lanzamento da súa secuela do filme de Bryan Singer Superman Returns até 2010 dende a súa data orixinal en 2009 por mor da actual folga de guionistas de Hollywood.

Non hai ningún guionista contratado pol ode agora. Os guionistas de Superman Returns, Michael Dougherty e Dan Harris, abandoaron o proxecto de escribir a secuela, que ía levar por título Superman: Man of Steel, e a folga chegou xusto cando estaban a procurar outros guionistas para escribir un primeiro esbozo.

Contrariamente ao informado até de agora, os executivos da Warner Alan Horn e Jeff Robinov xa acordaron con Singer que sexa este director o que se encargue de facer o filme, orzamentado en 170 millóns de dólares, e todo con máis acción, un malvado superpoderoso e menos melodrama romántico. Seica Singer xa pechou o trato para producir e dirixir esta secuela, ainda que outras fontes insisten en que Singer non será o director.

Páxina seguinte »