Gyllenhaal marcha a Pérsia

Jake Gyllenhaal e Gemma Arterton serán os protagonistas de Prince of Persia: The Sands of Time, a adaptación ao cinema da Disney e da Jerry Bruckheimer Films do popular videoxogo da Ubisoft. Polo de agora só se sabía que Mike Newell ía ser o director.

Nesta aventura fantástica, Gyllenhaal interpretará a Dastan, un xove príncipe na Pérsia do século VI, que deberá unir as súas forzas coa bela Tamina (Arterton), unha loitadora e exótica princesa, para evitar que un malvado nobre se apodere das Areas do Tempo, un regalo dos deuses que pode reverter o tempo e permitir ao seu posuidor governar o mundo.

Jordan Mechner e Boaz Yakin escribiron o guión, baseándose nos videoxogos creados polo mesmo Jordan Mechner. A produción debería escomezar no mes de xullo e a rodaxe será en Marrocos e en Inglaterra.

A Arterton poderemos ve-la axiña no novo filme de James Bond, Quantum of Solace.

Os Inmortais reviven

A Summit Entertainment está pensando facer un filme de rexurdimento da clásica franquía de ciéncia-ficción dos anos 80 Os Inmortais, cos co-guionistas de Iron Man Art Marcum e Matt Holloway a bordo para escribir o libreto.

O filme orixinal Os Inmortais (Highlander) estivo protagonizado por Christopher Lambert, Sean Connery e Clancy Brown nos papeis de persoas inmortais que debían loitar a través do tempo entre os seres humanos, cazándo-se mutuamente e asemade recolleitando máis e máis poder con cada vitória. O filme fixo nacer várias secuelas, séries de televisión, videoxogos, libros e moito merchandising.

Summit adquiriu os dereitos para facer un remake á Davis/Panzer Productions. Peter Davis, ún dos produtores orixinais do filme de 1986, podería producir tamén esta nova película.

O rexurdimento de Flash Gordon?

A Columbia podería desenvolver unha longametraxe coa actualización e posta ao día de Flash Gordon e xa entrou en conversas para adquirir os dereitos cinematográficos, con Breck Eisner vencellado para dirixir e Neal Moritz na produción. Eisner tamén sería o produtor executivo.

Flash Gordon naceu coma unha tira diária de cómic nos xornais americanos dos anos 30, co debuxo de Alex Raymond, foi adaptado a seriais radiofónicos e en 1980 se fixo unha película que protagonizou Sam Jones. A adaptacióin máis recente foi unha minisérie para a televisión que emitiu a canle SCI FI Channel e que protagonizou Eric Johnson.

Christian Bale Tri-Terminator

Christian Bale interpretará ao líder rebelde de Terminator en tres novas secuelas. O actor galés, ao que axiña poderemos ver na vindeira de Batman, The Dark Knight, xa comezou a rodar a primeira dos devanditos filmes.