« Finou Davis de Stargate SG1
A Warner agócha-se no tempo »


2


2008

Caviezel e McKellen no Prisioneiro

Categoría: TV |

          0 votos

The PrisonerA produtora AMC ven de anunciar que Jim Caviezel (A Paixón de Cristo) e Sir Ian McKellen (O Señor dos Anéis) serán os protagonistas da vindeira série de televisión The Prisoner, que tentará ser o relanzamento da mítica série dos anos 60. A AMC coproducirá esta minisérie de seis capítulos xunto á ITV Productions e mais a Granada International, cunha data de lanzamento prevista para 2009.

The Prisoner será a segunda série orixinal da AMC e contén elementos de espionaxe, thriller e ciéncia-ficción.

Caviezel interpretará a Número Seis, un papel que orixinalmente fixera Patrick McGoohan, quen á súa vez foi o creador, produtor, guionista e director da saga dos anos 60.

O nominado ao Oscar Sir Ian McKellen interpretará a Número Dous.

Bill Gallagher será o guionista e produtor executivo, xunto a Michele Buck, Damien Timmer, Rebecca Keane e mais os membros da AMC Charlie Collier, Christina Wayne e Vlad Wolynetz. A série será producida por Trevor Hopkins e dirixida por Jon Jones.

A reinterpretación da série, que orixinalmente estaba ambientada na Guerra Fría, levaráa até o século XXI, coas súas actuais preocupacións e desacougos: a liberdade, a seguranza e mais a vixianza.



Chúzame! chúzame - menéame menéame - Digg It! digg it!

 

 

Relacionadas:

Novas relacionadas

  • Non hai novas relacionadas

Comentários

O teu nome (obrigatório)

E-mail (obrigatório)

Páxina web

Di-nos o que pensas

Breves

  • O filme sueco Déixa-me entrar (Let the Right On In), de Tomas Alfredson, foi premiado onte co Méliès de Ouro á millor produción fantástica europea do ano. Tamén é un dos títulos favoritos na Sección Oficial a concurso do Festival de Sitges. Hoxe venres estará na Sección Oficial a española Prime Time, do debutante Luis Calvo Ramos, unha rebiricada visión dos reality show tipo Grande Irmán. Mañá sábado coñecerá-se o palmarés desta 41 edición do Festival: na gala de clausura proxectará-se City of Ember, filme familiar de aventuras e ciéncia-ficción que conta con Saoirse Ronan, Tim Robbins e Bill Murray no reparto.

  • Gerard Butler, estrela de 300, está a ser investigado por unha presunta agresión a un fotógrafo, dixo unha voceira da policía de Los Angeles. O fotógrafo seguira a Butler no seu automóbil despois de que o actor saira dun bar e presentou un informe policial acusando a Butler, de 38 anos, de bater nel repetidas veces na face durante unha rifa o martes á mañán. O fotógrafo engadiu que Butler deixou logo o vehículo e lle propinou tres ou catro golpes, que lle fixeron ir a un hospital para recebir puntos nos beizos.

  • M. Night Shyamalan revelou que está a considerar a posibilidade de traballar nunha secuela do seu éxito Unbreakable (O Protexido). O director dixo que ainda ten que escribir un guión, pero que ten que face-lo "polos motivos correctos", e que "en canto abandoe o proxecto, chegarán-me as ideias".

  • O actor David Duchovny, o axente Mulder de Expediente X, ven de abandoar a clínica de rehabilitación onde ingresara o pasado mes de agosto por mor da súa adición ao sexo. Segundo afirmou o seu representante, "David cumpriu o seu tratamento e está rehabilitado. Ademáis vai empezar rodar unha nova película".

  • O xurado do undécimo Prémio Manuel de Pedrolo ven de declarar o prémio deste ano deserto. Segundo o voceiro, Miquel Barceló, "ningún dos orixinais tiña calidade abondo para ser proclamado gañador, polo cal e despois de intensas deliberacións, o xurado preferiu deixa-lo deserto". Este é o primeiro ano que este prémio, o principal en língua catalana adicado á narrativa de ciéncia-ficción, fica desierto.

  • Os fans de Superman recadaron 100.000 dólares para salvar a casa en ruinas de Cleveland onde hai máis de 70 anos foi creado o Home de Aceiro polo guionista Jerry Siegel e mais o debuxante Joe Shuster. Os cartos foron recadados ao longo dun mes grazas a unha inciativa do novelista Brad Meltzer e a un programa na canle de televisión NBC. Ainda que o obxectivo eran 50.000 dólares, finalmente recadou-se máis do dobre, o que se aproevitará para reformar a casa por dentro e por fóra.

  • O festival "Obuxo, Festival de Cine Extraño y Agroterror", que se desenvolveu en Huesca (España) do 29 ao 31 de agosto, outorgou o segundo premio a Da man da Raíña Vermella de Omar Rabuñal, unha curtametraxe galega experimental que aborda a multidimensionalidade do tempo dentro dunha estrutura de thriller fantástico.

  • Onte 25 de setembro ás cinco da tarde (coma non podía ser menos, tratándo-se de España) arrincou en Almería a 26ª edición da convención nacional do xénero fantástico español, a Hispacon. A inauguración oficial tivo lugar ás 7 e média do serán baixo a presidéncia do Reitor da Universidade de Almería Pedro Molina e mais o escritor José Carlos Somoza.

      •  

  • Publicidade