« Spielberg adquire 39 Pistas
Carter entra na Salvación »


2

Xull
2008

Oldman e Carrey no Conto de Nadal

Categoría: Cinema |

          0 votos

Gary OldmanO actor inglés Gary Oldman confirmou á prensa que interpretará alomenos tres persoaxes na vindeira película de Robert Zemeckis que misturará debuxos animados con acción real, Un conto de nadal, incluindo a Tiny Tim entre eses persoaxes.

“Eu farei de Marley“, dixo Oldman perante un numeroso grupo de reporteiros o pasado día 29 de xuño en Beverly Hills, Califórnia, onde estaba a promocionar a última de Batman, The Dark Knight. “Eu fago de Tiny Tim e de Bob Cratchit, así que interpreto a tres persoaxes“.

No filme de animación, que Zemeckis está a dirixir coa mesma tecnoloxía que xa utilizou o ano pasado en Beowulf, Oldman será o protagonista xunto a Jim Carrey (que fará do señor Scrooge) nesta nova versión no clásico relato de pantasmas de Charles Dickens.

Oldman rebatiu os informes que apuntan a que actuar nun filme con este tipo de técnica é coma actuar no teatro. “A xente que nunca fixo teatro di que é así“, e engadiu: “Non ten nada que ver co teatro“. Nesta técnica, o actor ten que interpretar nunha habitación baleira rodeado de 200 cámaras, non leva un traxe e ten centos de puntos de captura de imaxes na face. De aí o director despois terá que obter as imaxes para o seu filme.

Antes desta nova volta de rosca ao Conto de Nadal, poderemos ver a Oldman interpretando ao detective James Gordon en The Dark Knight, que se estrea o vindeiro 18 de xullo.



Chúzame! chúzame - menéame menéame - Digg It! digg it!

 

 

Relacionadas:

Novas relacionadas


Comentários

O teu nome (obrigatório)

E-mail (obrigatório)

Páxina web

Di-nos o que pensas

Breves

  • O Cabaleiro Escuro converteu-se no segundo filma na história de Hollywood en chegar aos 500 millóns de dólares de recadación só nos Estados Unidos. A secuela de Batman acadou o récord na metade de tempo que Titanic, que tivo que agardar tres meses para chegar a esa cifra.

  • Ted Raimi (Spiderman 3), o actor que é ademáis irmán do director e produtor executivo da série de TV Legend of the Seeker Sam Raimi, será a estrela convidada nun vindeiro episódio da série de fantasía. Ted Raimi aparecerá no cuarto episódio da série no papel de Sebastian, un cartógrafo experto ademáis na cartogramáncia, o antigo arte de predicir o futuro baseándo-se nos mapas enmeigados.

  • Ven de se lanzar á venda en toda España da man de Edicións Altaya a colección El Sorprendente Mundo de Terry Pratchett, que pón a dispor do lector un total de 29 títulos, a meirande parte pertencentes aos seu aclamado mundo de fantasía humorística: Mundodisco. O primeiro libro da colección, O color da máxia, publíca-se ao prezo de 2,99 euros, e cadaún dos restantes volumes a 7,99 euros cada entrega, cunha periodicidade semanal.

  • Segundo apuntan os últimos rumores, o director ucraíno Vadim Perelman está en conversas para se encargar do remake do filme Poltergeist, que foi anunciado oficialmente este mes. No pasado xa estivo vencellado a outros proxectos coma Atlas Shrugged ou The Talisman, pero o seu nome foi sempre eliminado das listas de candidatos.

  • O protagonista de Expediente X David Duchovny ven de ingresar voluntáriamente nunha clínica de rehabilitación por mor da súa adicción ao sexo. O curioso do tema é que o actor está a interpretar na súa actual série Californication a un persoaxe con ese tipo de adicción.

  • Steven Moffat, gañador do prémio BAFTA polos guións da série Doutor Who, ven de revelar que podería estar en preparación o chimpo do persoaxe á pantalla grande. Esta saga televisiva é moi popular en Inglaterra, onde debutou en 1963, e foi emitida hai máis dunha dúcia de anos pola TVG, cando a canle autonómica ainda tiña unha programación decente.

  • A Rogue Pictures ven de lle dar a luz verde á produción dunha secuela do seu recente éxito The Strangers, para o que contará novamente co director e guionista Bryan Bertino. Tamén agardan poder contar coa actriz Liv Tyler de nuevo. A primeira parte deste filme debutará en España o 19 de setembro.

  • Woody Harrelson será o protagonista da nova comédia de terror Zombieland, un filme que contará cun guión escrito pola equipa composta por Rhett Reese e Paul Wernick (The Joe Schmo Show), e que vai sobre un par de supervivintes nun mundo dominado polos zombis. Harrelson interpretará a un loitador contra os zombis chamado Albuquerque. Ruben Fleischer dirixirá este filme para a Columbia Pictures.

      •  

  • Publicidade