« Ubi Soft merca á Hybride Technologies
O retrato de Dorian Gray »


9

Xul
2008

Bale non quere ver a Robin

Categoría: Cinema |

          0 votos

RobinChristian Bale, o Batman cinematográfico actual, revelou nunha recente entrevista que “se Robin aparece de novo” nas vindeiras entregas cinematográficas do home morcego, “non volvo a vestir-me de Batman“.

Ainda que sen confirmación oficial, disque Christopher Nolan, director dos dous últimos filmes do superheroe, poderia recuperar ao Rapaz Marabilla para o terceiro episódio da sua triloxia sobre o personaxe creado por Bob Kane. Nolan, que con Batman Begins e O Cabaleiro Escuro logrou que Batman remonte o voo, explicaria asi o interior da complexa relación entre Robin e mais o Home Morcego.

Para a maior parte dos fans, Robin non cadra dentro do lúgubre ton do Batman de Nolan. E a desmentir esta opinión non axuda o recordo do último Robin cinematográfico, encarnado por Chris O’Donnell en Batman Forever e Batman e Robin. Dirixidas por Joel Schumacher e protagonizadas por Val Kilmer e George Clooney, ambas foron  consideradas o pior nunca feito no cinema sobre Batman.

Robin nunca foi un personaxe con sorte: no cómic foron tres os distintos personaxes que ocuparon o seu papel. O primeiro, Dick Grayson, acabou independizándo-se para se converter en Nightwing. Para lle substituir, Batman recorreu a Jason Todd, cuxa sorte foi pior: morrer a mans do Joker. O terceiro e último Robin no papel, Tim Drake, é para moitos o mais capaz dos axudantes de Batman, e especula-se con que poderia herdar a sua capa negra en que Bruce Wayne se xubile.



Chúzame! chúzame - menéame menéame - Digg It! digg it!

 

Relacionadas:

Comentários

O teu nome (obrigatório)

E-mail (obrigatório)

Páxina web

Di-nos o que pensas

Breves

  • A recentemente estreada Quantum of Solace levou-se esta pasada fin de semana a meridande parte dos espectadores que acodiron ás salas de cinema e recadou 70,4 millóns de dólares, case 30 millóns máis cá súa predecesora, o filme de 2006 Casino Royale.

  • A Faculdade de Ciéncias e Tecnoloxía da UPV deu a coñecer o nome do gañador do prémio Alberto Magno 2008. Santiago García Albás foi o gañador con La parte del Ángel mentres que o cubano José Miquel Sánchez foi o segundo con Espuelas de Microván.

  • Guillermo del Toro confirmou que está atrás do remake de O Orfanato e que está ademáis a engadir un novo proxecto á súa longuísima lista: Pinocho, que seica será un filme con monicreques de tamaño real.

  • Os irmáns Marlan e Shawn Wayans están a rematar o terceiro esbozo de guión para a súa versión da clásica sitcom dos anos 50 Os Munsters. Os guionistas, produtores e actores non participarán no reparto deste filme, descrito coma o reinício dos persoaxes clásicos.

  • As candidaturas aos Prémios do Cinema Europeo de 2008 foron presentadas este sábado en Sevilla e o filme español de terror O Orfanato acadou catro nominacións. O vindeiro 6 de decembro coñecerán-se os gañadores en Copenhagen (Dinamarca).

  • O Quantum of Solace de James Bond regresou esta fin de semana cun abraiante récord nos despachos de billetes de 38,6 millóns de dólares obtidos en Inglaterra, Franza e Suécia. O novo de 007 arrasou o anterior récord no Reino Unido que tiña Harry Potter e o Cáliz de Fogo con 25,3 millóns e obtivo nada menos ca o 70% do mercado de espectadores que acodiron ao cinema.

  • O remake que Rob Zombie fixo en 2007 do filme Halloween terá unha secuela. O produtor Malek confirmou os seus plans para unha segunda parte, coa preprodución agardada para o mes de xaneiro. A rodaxe escomezará en marzo.

  • Stephen Graham completará o reparto de actores para o filme de terror da Relativity Season of the Witch. Nicolas Cage e Ron Perlman serán os protagonistas deste filme cuxa rodaxe escomezará este mes en Áustria e Hungría.

      •