Prémios Campbell e Sturgeon

Veñen de se dar a coñecer os gañadores dos prémios John W. Campbell e Theodore Sturgeon ás millores novelas e relatos respectivamente do pasado ano. O prémio Memorial John W Campbell recaiu na novela In War Times de Kathleen Ann Goonan, mentres que o prémio Sturgeon foi concedido ex-aquo aos relatos Tideline de Elizabeth Bear e Finisterra de David Moles.

¡Maldito bastardo! prémio en Fearmament

O xove cineasta compostelán Javi Camino, de pouco mais de 20 anos, trunfou na sección oficial de longametraxes do festival italiano Fearmament acadando o premio á mellor película con ¡Maldito Bastardo!

¡Maldito Bastardo! era a única película española seleccionada para o concurso, competindo con películas procedentes de Dinamarca, Itália, Inglaterra ou Franza. O festival, que celebraba a súa primeira edición, tivo lugar a semana pasada en Turín, dentro do entorno dun vello mosteiro abandoado. Durante unha semana, o público italiano puido disfrutar das últimas novidades do cinema de terror. Segundo Marco Mantoan, organizador do festival, a xente volveu-se tola con ¡Maldito Bastardo!

A película, producida por Álvaro Novo, estreou-se recentemente no Festival de Cans, e planea seguir un longo periplo por festivais internacionais. ¡Maldito Bastardo! é toda unha rara avis dentro do audiovisual galego. Producida ao longo de tres anos, de forma totalmente independente da indústria, cun orzamento mínimo e unha equipa humana moi nova coa participación como actor do novo “chico Almodovar” Tamar Novas, a icona gore Juanillo Esteban e novas promesas como Pilar Miguelez.

Elfquest vai ao cinema

A Warner Brothers e mais Rawson Thurber están a desenvolver Elfquest, un filme fantástico baseado no clásico cómic de culto de Wendy e Richard Pini.

Thurber (Dodgeball: A True Underdog Story) escribirá o guión, dirixirá e producirá a longametraxe, cuxo formato ainda está por determinar.

O cómic orixinal, que os Pini escomezaron a publicar eles mesmos en 1978, vai sobre unha tribo de elfos coñecidos coma os Wolfriders (a tribo do Lobo, na tradución española) que intentan sobrevivir e entrar en contacto con outros elfos espallados nun planeta semellante á terra pero que conta con dúas lúas, todo mentres se enfrontan a outras tribos de humanos e trolls, que ás veces son aliados e outras inimigos.

A série, que en certos intres da súa história foi publicada tanto pola Marvel coma pola DC Comics, atraiu a unha audiéncia madura a medida que ía publicándo-se, xa que contaba con escenas de batallas e sexo que para a época eran moi fortes.

O novo da MGM

A MGM, baixo a dirección da súa nova presidenta Mary Parent, ven de dar a luz verde a un esbozo de guión presentado polos gurús da ciéncia-ficción Joss Whedon e Drew Goddard titulado The Cabin in the Woods.

Goddard (Cloverfield) fará o seu debut na dirección con este filme; o seu mentor na série Buffy Cazavampiros Whedon será o produtor.

Parent está tamén a traballar no remake do filme apocalíptico de 1980 da MGM Red Dawn (Amencer Vermello), e os estudos xa contrataron ao guionista Carl Ellsworth para que recree a história. Dan Bradley, até agora director de segunda unidade e coordinador de dobres en filmes coma O Ultimato Bourne, Spiderman 3 e a vindeira Quantum of Solace, dará un paso até a cadeira do director.

O filme Amencer Vermello orixinal era un clásico da guerra fría entre rusos e americanos, que imaxinaba uns Estados Unidos recén invadidos polos soviéticos e mais os cubanos xusto após de rematar a Terceira Guerra Mundial.

Parent, antiga vicepresidenta da Universal Pictures, xa traballara anteriormente con Whedon en Serenity, o filme de ciéncia-ficción baseado na súa fallida série de televisión Firefly. Parent é tamén a produtora de Goners, un guión secreto de Whedon que a Universal mercou en 2005.