Surveillance céntra-se no interrogatório que realizan dous recén chegados axentes do FBI, Bill Pullman e Julia Ormond, ás testemuñas dunha comisaría dunha pequena localidade de Nebraska. O obxectivo é tentar clarexar o caso dunha parella de asasinos en série que está a actuar na zona.

Cunha atmosfera enfermiza, uns persoaxes que agochan unha cara perversa e un xiro de 180 graos na parte final do filme, esta é a segunda fita de Jennifer Lynch, quen debutou fai quince anos coa pésimamente recibida por crítica e público A miña obsesión por Helena.

Entre o resto de triunfadoras desta edición estivo o filme de animación The Sky Crawlers, do xaponés Mamoru Oshii (Ghost in the Shell), co prémio á milljor música, o do xurado Novo (ex-aequo con Vinyan, de Fabrice du Welz), e mais o da crítica.

E ademáis, The Good, The Bad, The Weird, do coreano Kim Jee-won, levou-se dúas Marías, ao millor director e aos efectos visuais.

Brian Cox foi recoñecido coma millor actor polo filme americano Red e a danesa Senra Turan millor actriz por Fighter.

A desacougante Martyrs, do francés Pascal Laugier, que provocou vários mareos e algún vómito durante a sua proxección, colleitou o prémio á millor maquillaxe e mais o Méliès de Prata á millor produción europea fantástica do festival.

A cegas (Blindness), de Fernando Meirelles, outro dos títulos máis agardados desta edición, tivo que se conformar coa María ao millor deseño de produción, ainda que os espectadores lle deron, por votación, o Prémio do Público.

Novas relacionadas

• 1 de Outubro de 2008 -- Santiago de sangue en Sitges (0)
• 12 de Setembro de 2008 -- Finalistas do prémio Pablo Rido (0)
• 12 de Agosto de 2008 -- Gañadores dos prémios Sidewise (0)
• 12 de Agosto de 2008 -- Gañadores dos prémios Hugo 2008 (0)
• 9 de Agosto de 2008 -- Finalistas da Fantasía (0)

Bayona, que fará o seu debut directorial en inglés con este filme, reunirá-se unha vez máis con Guillermo del Toro, que será o produtor xunto a Mark Johnson.

Del Toro xa producira O Orfanato, que foi rodada en España cun orzamento modesto pero que recadou máis de 76 millóns de dólares en todo o mundo.

Hater chegou á Universal Pictures após de que Del Toro lle dera o visto bó nada máis ver o guión. Mazzara, que tamén escribiu o libreto de The Shield, foi contratado de seguido. Del Toro fora o primeiro elixido por Johnson para dirixir este filme, pero a súa axenda está demasiado cargada actualmente, coas dúas entregas de O Hobbit pendentes, así que os produtores escolleron a Bayona.

“Gósta-me a ideia dun filme que fala do estado de medo no que vivimos arestora“, dixo Bayona nunha entrevista.

O filme está ambientado nos Estados Unidos, e ainda que os exteriores se rodarán naquel país, o máis seguro é que as escenas de interior se roden en España ao longo do ano que ven.

Gary Ungar será o produtor executivo.

Novas relacionadas

• 20 de Decembro de 2007 -- Prepára-se o remake do Orfanato (0)
• 26 de Setembro de 2008 -- Del Toro escribe novelas de vampiros (0)
• 4 de Setembro de 2008 -- Guillermo Del Toro ocupado até 2017 (0)
• 21 de Agosto de 2008 -- O Hobbit xa ten guionista e finanzador (0)
• 1 de Agosto de 2008 -- Non teñas medo da escuridade (0)

Jonah Hex é un cómic sobre un anti-heroe do salvaxe Oeste creado polo guionista John Albano e mais o debuxante Tony DeZuniga e publicado por DC Comics, que serán os que produzan a longametraxe xunto á Mad Chance.

O filme será probábelmente unha mistura de ciéncia-ficción no Oeste americano con gráficos xerados por computador. No cómic orixinal no había ren de ciéncia-ficción, pero seica van introduci-la para lle dar algo de frescura ao argumento, dado que Hex é un cazarrecompensas e pistoleiro (nacido en 1838 e morto en 1904 segundo a cronoloxía oficial da DC) que ten a face terríbelmente desfigurada, con toda unha meixela desaparecida, a través da cal se poden ver os seus dentes. No filme os rumores apuntan a que a súa misión será a de perseguir a un practicante de vodú.

Novas relacionadas

• 25 de Agosto de 2008 -- Novos plans para Superman (0)
• 1 de Agosto de 2008 -- As grandes ideias de David Goyer (0)

Os xefes da Red Wagon Doug Wick e Lucy Fisher serán os produtores, mentres que Chris Chase será o produtor executivo.

O filme, que conta cun guión de Robert Rodat (Salvar ao Soldado Ryan), céntra-se nun arrogante cabaleiro que é reducido a un tamaño de 15 centímetros mentres cumpre unha misión de protexer a unha princesa, pero ainda así descubre que tamén pode ser un auténtico heroe.

A Warner tentará desenvolver este filme coma unha produción de importáncia para todo o mundo. O persoaxe de Tom Thumb orixinou-se no folclore inglés no século XVI, pero hai moitos outros persoaxes semellantes ou cuspidiños en todo o mundo.

Novas relacionadas

• Non hai novas relacionadas

Ambientado en 2100, Fortuna presénta-nos unha Terra onde unha economía afundida e mais a crise do clima eliminaron as clases médias, deixando a só uns poucos ricos e as grandes masas na profunda pobreza.

Para dar esperanza e evitar as revoltas, a elite crea “Fortuna”, un misterioso xogo onde ún entre mil pode gañar un magnífico soldo e unir-se ás clases dirixentes. Pero o seu obxectivo final de “reducir a pobreza” ao 30 por cento en 50 anos leva aparellado un alto e letal prezo.

Monaghan, Rodriguez e mais o guionista e director de Fortuna, Barthelemy Grossmann, interpretarán a homes desesperados que entran no xogo nunha torre preta, mália que seica ninguén saiu nunca vivo dela.

A rodaxe completará-se en seis semanas, escomezando o vindeiro 10 de novembro en Sofia, Bulgária. Seica os decorados están a se construir cunha fasquía que relembra á do thriller apocalíptico de 1973 Soylent Green.

Novas relacionadas

• Non hai novas relacionadas

“É realmente interesante“, dixo Braga nunha rolda de prensa mentres promocionaba o seu último filme, Blindness (A Cegueira). “É unha história tola nalgún senso, supoñer que hai unha indústria de órganos artificiais. Así que é un filme tolo“. Braga é brasileira e non sabe falar moito inglés.

Repossession Mambo ambiénta-se nun futuro non moi afastado, cando axente merca órganos artificiais a creto. E aqueles que non poden facer fronte aos pagos do creto, deberán devolver os órganos que lles foran implantados.

Law interpreta a Remy, un repoñedor cuxo corpo está cheo de órganos artificiais… e que debe fuxir cando non pode seguir pagando as facturas.

“Interpreto a un persoaxe que é unha rapaza cunha vida e con soños por diante, e de súpeto todo iso muda“, dixo Braga. “E daquela todo o seu corpo cámbia. É realmente difícil falar dela, porque se digo algo, revelaría demasiado sobre o que lle vai acontecer“.

Novas relacionadas

• Non hai novas relacionadas

“Coido que é un papel simbólico dentro do filme“, dixo Glover nunha rolda de prensa en New York o pasado venres mentres promocionaba Blindness (A Cegueira). “2012 é… como é que chaman a Roland Emmerich? O rei da destrución? Ben, xa sabedes que a cosmoloxía máia di que o mundo rematará en 2012. E este presidente será elixido en 2008“.

Glover engadiu: “Hai un reparto realmente fantástico [que inclúe a Woody Harrelson, Chiwetel Ejiofor, Amanda Peet, John Cusack e Thandie Newton]. Woody Harrelson e Chiwetel Ejiofor son realmente marabillosos. Pero é realmente interesante. Nunca estivera nun filme coma este antes. Ben, coido que a última cousa que na que estivera con toda esta destrución fora en Depredador 2 ou algo coma iso, hai anos. É case noutra vida, hai unha vida“.

O filme trata sobre o comportamento de todos os persoaxes cando se decatan da realidade de que o mundo vai desaparecer, en 2012. A estrea está prevista un pouco antes, para o 10 de xullo de 2009.

Novas relacionadas

• Non hai novas relacionadas

Helena Bonham Carter, unha das actrices musa de Burton (con quen xa traballou en filmes coma O cadáver da noiva, Charlie e a Fábrica de Chocolate e O Planeta dos Símios), tamén uniu-se ao reparto.

O filme, que protagonizan Mia Wasikowska como Alícia e Johnny Depp coma o Sombrereiro Tolo, utilizará unha combinación de acción real e tecnoloxía de captura de imaxes para narrar o famoso libro de Lewis Carroll.

Hathaway interpretará á Raíña Branca, unha monarca benévola que é deposta e desterrada pola súa irmá, a Raíña Vermella (Carter), quen ten afección por andar berrando “Que lle curten a cabeza!“. A Raíña Branca precisará de Alícia para poder matar a unha creatura coñecida coma Bandersnatch (en español adóita-se traducir coma Zamarraco ou cousas semellantes).

Richard Zanuck, Joe Roth e Jennifer e Suzanne Todd serán os produtores.

Novas relacionadas

• 25 de Setembro de 2008 -- Johnny Depp en Piratas do Caribe 4 (0)
• 25 de Julio de 2008 -- Tim Burton xa ten á súa Alícia (0)
• 4 de Xuño de 2008 -- Tim Burton quere a Johnny Depp (0)
• 10 de Decembro de 2007 -- Alícia toleou (0)
• 18 de Novembro de 2007 -- Burton fará Alícia en 3D (0)

Como parte do acordo de aluguer dos estudos, a Marvel mudará as súas oficinas de execución e produción (actualmente situadas en Beverly Hills) ao edifício da Raleigh en Manhattan Beach.

O trato é unha grande axuda para a acosada indústria do cinema en Los Angeles e Califórnia, que leva competindo duramente durante toda esta década contra outros Estados e mesmo outros países, onde é máis rendíbel filmar por mor dos grandes incentivos fiscais.

Os proxectos da Marvel son filmes de grande importáncia, e o acordo suporá unha inxección económica de entre 500 e 600 millóns de dólares para o Estado governado por Arnold Schwarzenegger.

Novas relacionadas

• 9 de Maio de 2008 -- Máis da Marvel Cómics (0)
• 6 de Maio de 2008 -- O vindeiro da Marvel (0)
• 1 de Outubro de 2008 -- Branagh podería dirixir Thor (0)
• 27 de Agosto de 2008 -- Os heroes da Marvel en anime (0)
• 17 de Julio de 2008 -- Theroux escribirá Iron Man 2 (0)

O filme máis recente de Romero fora Diary of the Dead, o polo de agora último capítulo da súa franquía de zombis.

Respeito ao seu novo filme, Romero é o autor do guión e comezou a rodaxe esta semana en Ontario (Canadá). O argumento vai sobre os habitantes dunha illa afastada da costa de Norte América que descubren que os seus devanceiros érguen-se das súas tumbas para devoraren aos seus descendentes. Os líderes da illa non saben se matar de novo aos seus antergos reanimados ou se mante-los prisioneiros mentres procuran unha cura ao seu mal.

O reparto inclúe a Alan Van Sprang, Kenneth Welsh, Kathleen Munroe, Devon Bostick, Richard Fitzpatrick, Stefano Colacitti e Athena Karkanis.

Novas relacionadas

• 6 de Xuño de 2008 -- Zombis en Las Vegas (0)

“É unha loucura, pero é xenial“, dixo Ford, de 66 anos. “George atópa-se no modo pensativo agora mesmo“.

A cuarta película da franquía, Indiana Jones e o reino da caveira de cristal, estreada o 22 de maio nos Estados Unidos, recadou uns 770 millóns de dólares nos cinemas de todo o mundo.

“É algo automático, de verdade, fixémo-lo ben coa última e ao ser unha experiéncia positiva non é abraiante que algunhas persoas queiran volver face-lo“, explicou o actor.

O intérprete, nombergantes, non quixo especificar a quen se lle ocurriu a ideia de volver rodar un filme máis da saga, se a el mesmo, a Lucas ou ao director Steven Spielberg, que foi o realizador das catro fitas rodadas até de agora sobre ese persoaxe.

“(A ideia) ven da mesma natureza das cousas (…), por suposto o éxito ofrece oportunidades…“, comentou Ford.

Nombergantes, o actor non quere saber ren dun posíbel Indiana Jones en debuxos animados, camiño que recentemente tomou a saga da Guerra das Galáxias, tamén creada por Lucas.

“Non estou filosóficamente en contra de facer papeis animados, pero non con Indiana Jones“, asegurou. “Odiaría ve-lo reducido dese xeito a partir das películas que fixemos e a maneira na que as fixemos“.

Novas relacionadas

• 11 de Outubro de 2008 -- Indiana Jones, violado (0)
• 7 de Agosto de 2008 -- Indy V xa en preparación (0)
• 25 de Abril de 2008 -- Spielberg, Lucas e Ford apostan por Indy (0)
• 26 de Outubro de 2007 -- Indy está que arde (0)
• 26 de Maio de 2008 -- Indiana Jones 4 xa arrasa (0)

A história vai sobre os encontros dun pelotón de marines nunha feroz batalla contra unha invasión extraterrestre polas rúas de Los Angeles.

Liebesman derrotou a moitos outros futuríbeis para este traballo grazas a unha fantástica presentación que amosou a súa visión específica e a súa paixón polo proxecto, que describiu coma unha mistura entre Black Hawk Derrubado e Independence Day.

En agosto, Liebesman saira á procura de localizacións por Santa Monica, Califórnia, e polo centro de Los Angeles, rodando secuéncias e ilustracións e engadindo áliens creados por computador. Ademáis tamén creou unha secuéncia de invasión alieníxena para previsualizar.

O realizador sudafricano xa dirixira anteriormente The Texas Chainsaw Massacre: The Beginning and Darkness Falls.

Novas relacionadas

• Non hai novas relacionadas

Ash Brannon (Surf’s Up) dirixirá este filme, mistura de acción real con debuxos animados pero que será esencialmente realizado con actores de carne e óso. Tan só o oso Yogi e mais o seu compañeiro Bubú serán realizados con debuxos animados por computador.

O mesmo cá popular série dos anos 60, as peripécias de Yogi terán lugar no parque de Jellystone, onde el e mais Bubú terán que procurar evitar ao seu rival, o Ranger Smith mentres viven aventuras de humor lixeiro apto para todos os públicos.

Os produtores executivos da série That ’70s Show Joshua Sternin e Jeffrey Ventimilia serán os encargados de escribir o guión para a De Line Pictures.

Novas relacionadas

• Non hai novas relacionadas

O cineasta brasileiro Fernando Meirelles quixo reflectir con fidelidade a trama ideada polo escritor portugués: un mundo dominado de súpeto polos instintos mais primários dos seus povoadores despois de que todos agás un, o personaxe interpretado por Julianne Moore, ficasen cegos por mor nun andazo.

“Plantexa cuestións sobre a evolución humana, representa-nos de forma crítica, pero non sinala nunha dirección concreta cara onde ir“, asegurou Meirelles. “É unha história que debe xerar preguntas, non respostas“, aclarou o director do filme, nominado este ano á Palma de Ouro do Festival de Cannes.

Pero a Federación Nacional de Cegos de Maryland (NFB) rexeita o dilema ético plantexado e anunciou que planea protestar nos cinemas americanos onde se estree Blindness con cartaces con lemas coma “Eu non son un actor pero interpreto a un cego na vida real“.

Blindness foi un proxecto que estivo enriba da mesa de numerosos produtores dende que José Saramago publicase Ensaio sobre a cegueira, ainda que o autor portugués rexeitou moitas propostas antes de converter en filme a súa novela.

“Sempre resistin, porque é un libro violento sobre degradación social e non queria que caise en mans enganadas“, dixo Saramago nunha entrevista en 2007, ainda que finalmente accedeu á oferta dos estudos independentes Rhombus Media, con sede en Toronto. Segundo o guionista e actor, Don McKellar, o escritor queria evitar que a sua trama se convertese nun filme de zombis.

Novas relacionadas

• Non hai novas relacionadas

Os produtores veñen de se facer cos dereitos para o cinema que posuía unha empresa privada inglesa.

De Luca, Rosenzweig e Gaeta tamén se fixeron cos dereitos do libro no que está baseado o filme, a novela Falling Angel que escribiu William Hjortsberg.

O filme orixinal, que na súa época ocasionara un pequeno escándalo por mor das súas escenas de sexo, contara co guión e a dirección de Alan Parker, e ademáis estaba protagonizado pola daquela “inocente” rapaza Lisa Bonet, que tan só aparecera na série televisiva de Bill Cosby.

A novela vai sobre a investigación de Harry Angel, un detective privado de New York que é contratado por un misterioso cliente para que atope a un tal Johnny Favorite que lle debe cartos e que fora hai tempo un cantante popular. Pero mentres segue as pegadas de Favorite, Harry deberá enfrontar-se a escuras forzas sobrenaturais.

Sobre a película se fixera uns anos despois un videoxogo para o ZX Spectrum, que podedes atopar doadamente neste ligazón.

Novas relacionadas

• Non hai novas relacionadas