As primeiras catro séries xa debutarán en 2010 na Animax, unha canle adicada ao anime e que emite 24 horas. Para atraer millor aos fans xaponeses, os superheroes da Marvel, incluindo a Iron Man e Lobeto, serán redeseñados con fasquía manga e con novos trasfondos que os acheguen á cultura e á história xaponesas.

Creada en 1972, a Madhouse xa traballou con moitos dos autores de anime xaponeses de máis sona, coma Satoshi Kon, Katsuhiro Otomo, Yoshiaki Kawajiri ou Rintaro (Hayashi Shigeyuki).

A compañía matriz da Madhouse é a Index, un conglomerado multimédia cunha forte presenza no negócio dos teléfones móbiles. Os seus sócios tamén planean explotar as novas séries de debuxos animados para crear servizos de telefonía móbil, así como a fabricación de artigos cos persoaxes e merchandising de todo tipo.

Novas relacionadas

• 18 de Abril de 2008 -- Spielberg en Ghost in the Shell (0)
• 18 de Marzo de 2008 -- O novo Embaixador do Xapón (0)
• 29 de Febreiro de 2008 -- Gañadores dos prémios do Anime (0)
• 21 de Febreiro de 2008 -- Akira ao cinema (0)
• 20 de Agosto de 2008 -- Voltron se dirixe ao cinema (0)

“Podería facer unha aparición a finais desta tempada“, dixo Thompson no plató da série, en Santa Clarita, Califórnia. “Vai-se entrevistar coa NBC a semana que ven, e estamos a traballar para coordinar axendas de todo o mundo… non quero mete-lo na série por mete-lo; quero que haxa unha boa razón para que estea aquí e que sexa parte da história. Falei con David sobre o xeito de facermos isto, e polo de agora gósta-lle. É unha ideia guai“.

Thompson dixo que sería un escenário de ensoño: axuntar a Michael Knight (Hasselhoff) con Mike Tracer (Justin Bruening), con cadanseu K.I.T.T.: o Pontiac Trans Am orixinal, coa voz orixinal de William Daniels, e mais ao Ford Mustang GT500KR, coa voz de Val Kilmer. “Non sei se acontecerá“, dixo Thompson. “Todo depende das axendas“.

A princípios de verán, Hasselhoff dixera que non coidaba que o recente relanzamento da série por parte da NBC poidera funcionar sen el. Hasselhoff xa contou cun cameo no telefilme piloto de dúas horas que foi emitido este ano en TVE1, repetindo o seu papel orixinal.

“Esas declaracións xa van vellas” dixo Thompson. “El xa non pensa así… Falei con David o outro día nun almorzo en Beverly Hills e expliquei-lle con detalle o que planeáramos para a série, e dixo que lle gustaba e deu a súa aprobación“.

O coche fantástico é a história dunha equipa de loitadores contra o crime que utilizan médios de alta tecnoloxía, entre eles un coche intelixente chamado K.I.T.T. (Knight Industries Three Thousand).

Justin Bruening interpreta o papel do fillo de Michael Knight, Mike Tracer. Thompson, que non tivo intervención no episódio piloto, dixo que planeaba que a série tivese mesmo máis acción cá série orixinal.

O reparto inclúe a Deanna Russo, Bruce Davison, Yancey Arias, Paul Campbell, Sydney Tamiia Poitier e Smith Cho. Actualmente está a se rodar o sétimo episódio dun total de 13 cos que contará a primeira tempada e que xa están escritos.

Hasselhoff “ainda é un grande fan da série, obviamente“, dixo Thompson. “Coñece a Bruce [Davison] dende hai moito, e cando falamos básicamente deu-me a súa benzón e eu díxen-lle todo o o que quería facer. E el me dixo que era estupendo. Non quero decepcionar a esperanzas dos fans nin nada, pero estou falando coa NBC, el está falando coa NBC e é todo unha cuestión de tempo“.

Novas relacionadas

• 20 de Decembro de 2007 -- Michael Knight, ferido (0)
• 21 de Febreiro de 2008 -- Éxito para o Coche Fantástico (0)
• 2 de Novembro de 2007 -- Novo piloto para o coche fantástico (0)
• 21 de Novembro de 2007 -- Hasselhoff regresa ao coche fantástico (0)

Brad Wright e Robert Cooper, os co-creadores de Stargate SG-1 e Stargate Atlantis, serán os produtores executivos e os guionistas da nova série (Atlantis rematará a súa quinta e derradeira tempada o ano que ven pero continuará cun telefilme de dúas horas).

“O SCI FI Channel obtivo un tremendo éxito con Stargate SG-1 e con Stargate Atlantis, e estamos orgullosos de ser o fogar da nova série Stargate Universe“, dixo Mark Stern, vicepresidente executivo da canle nunha declaración oficial. “Stargate Universe continuará o legado dos vibrantes argumentos e convincentes aventuras de Stargate, pero reinventará o formato dun xeito totalmente novo“.

Após de descubrir o mistério do noveno símbolo en forma de V da Stargate, unha equipa de exploradores viaxa a unha nave espacial sen tripulación chamada Destiny, lanzada polos Antigos no cúmio da súa civilización como grande experimento en marcha pero nunca completado.

O que escomeza coma unha simple misión de recoñecemento convírte-se nunha misión sen fin cando a tripulación descubre que a nave non pode regresar á Terra e que deberán defender-se pola súa conta a bordo da Destiny.

A tripulación viaxará até os derradeiros recunchos do Universo, conectando coas Stargates anteriormente lanzadas, completando deste xeito a misión orixinal da Destiny.

Stargate Universe debutará cun telefilme de dúas horas de duración na canle SCI FI Channel, e após diso continuará cunha série normal no verán de 2009.

Novas relacionadas

• 2 de Xullo de 2008 -- Finou Davis de Stargate SG1 (0)

Dirixido por Edward James Olmos, o filme, que ainda non ten título, estará ambientado xusto antes dos acontecementos da minisérie orixinal de Galáctica, centrándo-se no Cylon Número Un, coñecido coma Cavil (Dean Stockwell), o líder da resisténcia Sam T. Anders (Michael Trucco) e no xefe Galen Tyrol (Aaron Douglas).

No comezo, os Cylóns tiñan un plan, pero non tiveron en conta unha cousa: aos supervivintes. Durante os caóticos efectos posteriores á destrución nuclear, dous poderosos axentes Cylóns loitaron contra complots e prioridades en naves humanas que fuxían e entre os loitadores da resisténcia que foron deixados atrás.

O filme contará cun guión de Jane Espenson e será rodado en Vancouver, Canadá, ao remate do verán. Será emitido pola tele e ademáis distribuido en DVD pola Universal Studios Home Entertainment.

Os dez episódios finais da cuarta e derradeira tempada de Battlestar Galactica poderán ver-se en 2009.

Novas relacionadas

• 9 de Xullo de 2008 -- Olmos dirixirá o novo filme de Galactica (0)
• 18 de Xullo de 2008 -- CF nos Emmys (0)

O episódio piloto orixinal, que algúns espectadores atoparon algo confuso, convertirá-se polo tanto no segundo episódio da serie.

“O feito é que estou moi orgulloso do episódio que rodamos, e que a série está a me volver tolo coa emoción“, escribiu Whedon. “Pero eu tendo a ver as cousas dende todos os ángulos, e hai uns pequenos problemas de claridade para algúns espectadores. Tamén houbo algúns problemiñas co tón - Eu estaba nun lugar escuro e mouro (onde, como algúns de vós sabedes, teño a miña casa) e non acadei o tón visceral que a Fox agardaba a partir do guión“.

Whedon apurou a aclarar que a rodaxe dun novo primeiro capítulo foi unha ideia de seu, non da Fox, para asemade evitar comparacións con outros proxectos que fixo para a mesma canle, coma a fracasada Firefly, na que aconteceu exactamente a mesma circunstáncia.

Whedon dixo que xa non poderá amosar os vídeos de Dollhouse, coma quería facer orixinalmente, na Comic-Con International que escomezará hoxe.

Dollhouse, protagonizado por Eliza Dushku, está previsto para se estrear o vindeiro xaneiro de 2009.

Novas relacionadas

• 10 de Xullo de 2008 -- O novo da MGM (0)

O anúncio das candidaturas para a 60ª gala dos Emmys realizou-se o pasado día 17 en Los Angeles.

A nominación á millor minisérie completou-se con máis ciéncia-ficción, xa que The Andromeda Strain (A Ameaza de Andrómeda). Á parte, a série Perdidos tamén levou unha nominación ao millor drama e ún dos seus protagonistas, Michael Emerson, é candidato a millor actor.

Os outros programas fantásticos e de ciéncia-ficción tiveron que se conformar con ficar fóra das grandes nominacións. Tan só Lee Pace, da série Pushing Daisies, levou unha nominación a millor actor de comédia e a súa coprotagonista Kristin Chenoweth, a millor actriz secundária de comédia.

Ademáis das xa mencionadas, Tin Man recebiu outras oito candidaturas, pero xa en categorías técnicas, mentres que Battlestar Galactica levou outras cinco no mesmo tipo de categorías. Pola súa banda, Stargate Atlantis, que comezou a súa quinta tempada a semana pasada, levou unha nominación aos millores efectos especiais.

Os gañadores dos prémios serán dados a coñecer nunha cerimónia que terá lugar no decurso dunha gala a celebrar o vindeiro 21 de setembro.

Novas relacionadas

• 14 de Xullo de 2008 -- Nominados nos IHG (0)
• 28 de Xuño de 2008 -- Perdidos nos Saturnos (0)
• 24 de Marzo de 2008 -- Os nominados para os Hugos (0)
• 12 de Agosto de 2008 -- Gañadores dos prémios Sidewise (0)
• 12 de Agosto de 2008 -- Gañadores dos prémios Hugo 2008 (0)

The Prisoner será a segunda série orixinal da AMC e contén elementos de espionaxe, thriller e ciéncia-ficción.

Caviezel interpretará a Número Seis, un papel que orixinalmente fixera Patrick McGoohan, quen á súa vez foi o creador, produtor, guionista e director da saga dos anos 60.

O nominado ao Oscar Sir Ian McKellen interpretará a Número Dous.

Bill Gallagher será o guionista e produtor executivo, xunto a Michele Buck, Damien Timmer, Rebecca Keane e mais os membros da AMC Charlie Collier, Christina Wayne e Vlad Wolynetz. A série será producida por Trevor Hopkins e dirixida por Jon Jones.

A reinterpretación da série, que orixinalmente estaba ambientada na Guerra Fría, levaráa até o século XXI, coas súas actuais preocupacións e desacougos: a liberdade, a seguranza e mais a vixianza.

Novas relacionadas

• Non hai novas relacionadas

A esposa de Davis, Ruby Fleming-Davis, informou de que o funeral terá lugar dentro dunhas semanas, pero antes as cinzas de Davis serán arroxadas ao océano; asimesmo pediu aos fans que fixeran doazóns á American Heart Association (Asociación Americana do Corazón).

Davis deixou o reparto habitual da série en 2003 por mor da súa condición médica, que lle impedía estar ao cento por cento, pero fixo moitas aparicións esporádicas coma convidado tanto nesta série coma na súa secuela Stargate Atlantis.

Nativo do estado americano de Missouri, Davis contaba cunha carreira de 26 anos no decurso da cal fixo moitas aparicións en séries de televisión, sendo especialmente relembrado polo seu papel de comandante Garland Briggs en Twin Peaks. Coñeceu ao protagonista de Stargate SG-1, Richard Dean Anderson, no plató de rodaxe de MacGyver, onde era un dobre de Dana Elcar.

A derradeira aparición de Davis en Stargate será en Stargate: Continuum, un filme que será lanzado directametne ao mercado de DVD. Ademáis, ten intervencións nos filmes Vipers, Woodshop e Far Cry.

Novas relacionadas

• 25 de Agosto de 2008 -- Chega o Universo Stargate (0)

Virtuality, unha série orixinal do produtor executivo de Battlestar Galactica Ronald D. Moore, está ambientada a bordo da primeira nave interestelar da Terra, que está equipada con módulos de realidade  virtual. Coster-Waldau será o comandante da misión Frank Pike, un líder nato.

Moore e máis Michael Taylor escribiron o guión do episódio piloto, que será dirixido por Peter Berg (o realziador do filme satírico de super-heroes recén estreado Hancock).

Coster-Waldau xa interpretou ao persoaxe principal na série New Amsterdam, onde era o detective de homicídios de New York John Amsterdam.

Novas relacionadas

• 18 de Abril de 2008 -- Luz verde para Virtuality (0)

A fanfárria da série orixinal de Star Trek para a nave espacial U.S.S. Enterprise, composta en 1965 para o primeiro dos dous episódios piloto escoitou-se ao longo das tres primeiras tempadas da série, pero repetiu-se posteriormente nas séries dos anos 80 e 90 Star Trek: A nova xeración e nos filmes para a pantalla grande, supoñendo un dos máis salientábeis sinais de identidade de toda a saga.

Courage gañou un prémio Emmy en 1988 polos seus arranxos do especial da ABC Julie Andrews: The Sound of Christmas e recebiu nominacións ao Oscar (compartidas con Lionel Newman) pola súa adaptación da banda sonora de Na procura do amor en 1963 e Doctor Dolittle en 1967.

Nado en Philadelphia e criado en New Jersey, Courage licenciou-se pola Eastman School of Music en Rochester (New York) en 1941, e logo mudou-se a Califórnia.

Courage compuxo dúcias de temas para filmes e séries de televisión, incluindo entre as fantásticas Viaxe ao Fondo do Mar, Perdidos no Espazo e Terra de Xigantes. Pero foi a música de Star Trek a que lel deu sona e glória. Ademáis da fanfárria inicial, o tema da série e as bandas sonoras dos dous episódios piloto, Courage compuxo a música doutros catro episódios.

Novas relacionadas

• 7 de Agosto de 2008 -- A odiseia das cinzas de Scotty (0)
• 9 de Xullo de 2008 -- Finou Thomas M. Disch (0)
• 19 de Xuño de 2008 -- Finou Stan Winston (0)
• 6 de Xuño de 2008 -- Adéus a outro veterán de Star Trek (0)
• 25 de Maio de 2008 -- Un actor de Harry Potter morre acoitelado (0)

Fonda interpretará ao avó e patriarca da família Hart, dominadores de “Nova América”, un planeta a 50 anos luz da Terra. No episódio piloto tamén aparecerán Billy Campbell, David Smith, Steve Sandvoss, Brooklyn Sudano e Rowena King.

Revolution é un proxecto de série que foi creada e escrita por Ed Redlich (Shark, Without a Trace) e John Bellucci (Jack and Bobby, Without a Trace), que ademáis serán os produtores executivos xunto a Simon West (Lara Croft, Tomb Raider).

Novas relacionadas

• Non hai novas relacionadas

Producida pola compañía muniquesa Tandem Communications, Jaffe/Braunstein Films e Muse Entertainment Enterprises, a minisérie contará cun orzamento de 14 millóns de dólares (8,90 millóns de auros) e comezou xa a se rodar a semana pasada na Colúmbia Británica (Canadá).

O filme está producido en asociación con várias canles de televisión europeas, entre elas a española Cuatro, e ademáis a ProSieben Television (Alemaña), TF1 (Franza) e a Sony Pictures Home Entertainment. Tandem, que manexará a distribución internacional, xa vendeu os dereitos de emisión para máis de 90 países e rexións, incluindo Áustria, Rúsia, Poloña, Latinoamérica e o Médio Este.

Dirixida por Mike Rohl (Smallville) a partir dun guión de Michael Vickerman, Impact conta coa produción executiva de Jonas Bauer, Rola Bauer, Tim Halkin, Michael Jaffe, Howard Braunstein e Michael Prupas, e coa coprodución executiva de Irene Litinsky e Ted Bauman.

Novas relacionadas

• Non hai novas relacionadas

Plutón verbenero está planteada como unha sitcom de 35 minutos de duración que conta as andanzas no ano 2530 dunha nave interestelar, tripulada por españois, que, por encargo do presidente dos Estados Unidos do Mundo, cumpre a misión de procurar planetas habitábeis pola galáxia, ante o deterioro que sofre a Terra.

A sátira refréxa-se no nome dos persoaxes. O presidente chamará-se Macaulay Culkin III, o actor infantil que protagonizou as películas de Só na casa. Ao comezo de cada episódio, unha voz en off lembrará que o primeiro que fixo Macaulay Culkin III ao chegar ao poder foi “mudar de sexo outra vez e atopar un planeta habitábel na galáxia“. O encargo recae nos astronautas españois, que comanda o “cadete especial Valladares“.

A comédia é un proxecto persoal de Álex de la Iglesia, que se implicou totalmente: forma parte da equipa de guionistas, xunto a Jorge Guerricaechevarría (o seu colaborador habitual), e dous dos creadores de Camera Café, Pepón Montero e Juan Maidagan. De la Iglesia tamén está deseñando as armas, o vestiário e as naves da série.

Esta será a segunda vez que De la Iglesia traballa na televisión, médio no que debutou con A habitación do neno, un episódio da série Películas para no dormir, unha producción de Chicho Ibáñez Serrador que Tele 5 non rematou de emitir en xaneiro de 2007. Ao fronte do proxecto está o director, guionista e produtor Pedro Costa.

Novas relacionadas

• 27 de Abril de 2008 -- Alex de la Iglesia en A Marca Amarela (0)

Shiban, que xa traballa na canle CW na série Supernatural, axudará a converter a saga de libros de Terry Goodkind nunha série semanal para a televisión. O proxecto está ambientado nun mundo fantástico e enchido de máxia e meigos e céntra-se no Seeker (o Procurador), un home destiñado a salvar o mundo, pero non antes de ter que combater cunha chea de malvados. A série escomezará a se rodar o mes que ven e ten previsto debutar en outono.

Novas relacionadas

• 21 de Agosto de 2008 -- Cruise e Raimi en Sleeper (0)
• 31 de Xullo de 2008 -- Haberá película de Venom (0)
• 13 de Marzo de 2008 -- Raimi no zoo dos monstros (0)
• 5 de Marzo de 2008 -- Lohman tamén irá ao Inferno (0)
• 16 de Febreiro de 2008 -- Sam Raimi irá ao inferno (0)

O proxecto, da Universal Media Studios e dos produtores Gail Berman e Lloyd Braun, está ambientado na nave espacial Phaeton nunha viaxe de dez anos para explorar un sistema solar afastado. Para axudar aos 12 membros da tripulación a aturar a longa viaxe e manter as súas mentes ocupadas, a NASA equipou á nave con módulos de realidade virtual, permitíndo-lles asumir identidades aventureiras e iren a calquera lugar que desexen (algo así coma a holocuberta da Enterprise). O plan funciona ben até que se atopa un bug no sistema.

Virtuality é unha ideia orixinal de Braun, quen compartiu a mesma con Berman, e xuntos fundaron a empresa BermanBraun. Os dous tentaron a vários escritores, incluindo a Moore, quen foi finalmente o encargado de desenvolver o concepto e escribir o guión para Virtuality. Moore trouxo para a súa equipa ao guionista e produtor de Galactica Michael Taylor. Os dous xuntos se puxeron mans á obra e agora participarán coma produtores executivos neste proxecto xunto a Berman e Braun.

Agárda-se agora a que algunha canle de televisión acepte emitir o episódio piloto e se comprometa a continuar coa série, xa que logo a NBC rexeitouna nun princípio, a Fox foi a que lle concedeu algunha credibilidade. A produción dará comezo en xuño.

Novas relacionadas

• 28 de Xuño de 2008 -- Coster-Waldau protagonizará Virtuality (0)