A lei do mercado foi o motivo que esgrimiu a Xunta a se decantar por recorrer a outros suportes menos caros. Asi, as actuacións agora destinadas a potenciar o galego nas salas de cinema mudarán-se por outras destinadas á Internet e á telefonia móbil. Blogues e páxinas Web persoais serán algúns dos obxectivos de Política Lingüística.

Cuestións coma o alto prezo esixido para a dobraxe de filmes ou a dificuldade de predicir se un filme será ou non comercial converteron ao cinema nun “eido non seguro” que se ve ameazado polas novas tecnoloxias do audiovisual.

As produtoras tampouco se arriscan. A falla de compromiso do sector cinematográfico é outra das causas expostas pola Xunta para explicar que non se continue coa dobraxe en galego ainda que seguirán “recadando apoios” cara novos estreas.

Ao cinema tamén se soma o formato DVD, o cal tampouco estará subvencionado polo Governo autonómico en matéria de promoción do galego, xa que abraiantemente considera que está “destinado á extinción“.

Estes motivos foron expostos pola Secretaría Xeral de Política Lingüística após de que un deputado rexionalista preguntase polas razóns que impiden que o filme Indiana Jones e o reino da caveira de cristal se proxecte en galego. O deputado lembrou que o Plan Xeral de Normalización Lingüística obriga a dobrar alomenos dez filmes ao ano que teñan posibilidades de seren comerciais.

O ano pasado xa non se chegou á decena, e ningún dos filmes dobrados tivo interese algún para o espectador.

Novas relacionadas

• 7 de Agosto de 2008 -- Astérix volve en galego (0)
• 7 de Agosto de 2008 -- Indy V xa en preparación (0)
• 23 de Xullo de 2008 -- Estrea de 12007 (0)
• 9 de Xullo de 2008 -- As voces do Espirito do bosque (0)
• 26 de Maio de 2008 -- Indiana Jones 4 xa arrasa (0)

A senténcia é potencialmente unha grande vitória para a Fox, que quere facer-se cos dereitos sobre o filme (agora que xa está en produción o único que podería acadar é unha participación nos benefícios), e iso custaría á Warners moitos millóns de dólares considerando as probabilidades de éxito nos despachos de billetes. O proxecto, que leva en desenvolvemento case vinte anos, comezou a se facer realidade finalmente o pasado setembro, con Zack Snyder na dirección. A Warners ten prevista a estrea do filme, que conta con Patrick Wilson e Jackie Earle Haley coma protagonistas, o vindeiro 6 de marzo, o mesmo mes no que se estreara o ano pasado con grande éxito o filme 300, do mesmo director.

O xuiz conclúe decindo que a Fox posúe dende 1991 os dereitos de distribución sobre esta versión da clásica novela gráfica escrita por Alan Moore e ilustrada por Dave Gibbons, e engade que ainda que baixo o acordo asinado en 1994 co produtor Larry Gordon, este adquiriu unha opción para se facer cos dereitos de Watchmen, ditos dereitos nunca foron exercidos, deixando á Fox coma única posuidora dos mesmos segundo o devandito acordo de 1994.

Novas relacionadas

• 3 de Setembro de 2008 -- O xuizo por Watchmen quénce-se (0)
• 16 de Febreiro de 2008 -- A Warner demandada por “Watchmen” (0)
• 20 de Agosto de 2008 -- Expediente X 3 ao DVD? (0)
• 18 de Abril de 2008 -- Snyder aos debuxos animados (0)
• 2 de Marzo de 2008 -- Rowling demanda a un fan de Potter (0)

A empresa de George Lucas demandara a Andrew Ainsworth, o creador orixinal dos devanditos cascos para o filme orixinal de 1977, acusándo-o de vende-los pola Internet mália que o copyright pertence á Lucasfilm.

Anthony Mann, un xuiz do Tribunal Supremo de Inglaterra, dictou que Ainsworth violou os dereitos de autor da Lucasfilm nos Estados Unidos por vender os cascos naquel país. Pero ao mesmo tempo, rexeitou que a orde de prohibir a Ainsworth vender os cascos se puidera aplicar no Reino Unido (en 2006 un xulgado de Califórnia prohibira a Ainsworth vende-los). O xuiz dixo que as vendas de Ainsworth nos Estados Unidos, que equivalen a uns 30.000 euros, non eran abondo importantes como para obrigar-lle a cumprir unha orde dun tribunal estranxeiro.

O xuiz tamén rexeitou unha petición da Lucasfilm na que esixía a Ainsworth que recoñecera que o copyright dos cascos pertence á Lucasfilm. O xuiz decretou que baixo as leis inglesas, o copyright sobre os cascos xa expirou. O avogado de Ainsworth, Seamus Andrew, dixo que agora o seu cliente é libre de seguir vendendo os cascos en todo o mundo agás nos Estados Unidos.

O xuiz Mann rexeitou asemade a demanda de Ainsworth na que pedía que se lle recoñecese que el é o dono do copyright sobre os cascos.

Novas relacionadas

• 11 de Abril de 2008 -- Lucas utiliza aos seus soldados (0)
• 3 de Setembro de 2008 -- O xuizo por Watchmen quénce-se (0)
• 6 de Maio de 2008 -- Como ser o discípulo de Darth Vader (0)
• 18 de Abril de 2008 -- O xuizo de Rowling (0)
• 26 de Outubro de 2007 -- Lucas quere máis guionistas (0)

Novas relacionadas

• Non hai novas relacionadas

A sorpresa, o incertidume e o sobresalto guiarán aos maiores de 18 anos (ou maiores de 14 acompañados dun adulto) polo interior e mais os exteriores do actual museu durante 90 minutos. Persoaxes coma a Santa Compaña, María Soliño ou o Marqués de Castrelos contarán unha história chea de adiviñas, deturpacións e sospeitas.

As visitas serán o 13 de xuño, o 11 de xullo, o 12 de setembro e mais o 3 de outubro. As entradas poderán comprar-se a partir do 10 de xuño no mesmo museu e costarán teres euros.

Novas relacionadas

• 17 de Xullo de 2008 -- MotelX, cinema de terror em Lisboa (0)
• 14 de Xullo de 2008 -- Nominados nos IHG (0)
• 4 de Abril de 2008 -- Os prémios ao Terror (0)
• 13 de Marzo de 2008 -- De viaxe con Alícia e Gulliver (0)
• 17 de Xaneiro de 2008 -- Máis terror español (0)

Luces, efectos multivisuais, música, baile, mimo, trucos de máxia e actores que voan permitirá que tanto nenos coma maiores se acheguen aos clásicos Alícia no País das Marabillas e As viaxes de Gulliver, mália que “non é un espectáculo só para nenos, senon que os maiores tamén poden mergullar-se nesta representación tan coidada“, afirma a rusa Carmen Vlada, coordinadora técnica do espectáculo.

Após de participar en 12 festivais internacionais e realizar xiras por 24 países de Europa, o Teatro Negro Nacional de Praga chega a Vigo, unha cidade na que o público “é moi receptivo e emocional” e no que os nenos “son os más agradecidos“, recoñece Vlada.

Mediante o arte da máxia e o ilusionismo do teatro negro, os obxectos aparecen e desaparecen pero “ninguén sabe o truco”, bromea a coordinadora técnica do espectáculo.

O espectáculo está dirixido por Pavel Marek e Emma Srncová, os propulsores do teatro nacido na Revolución do Veludo.

Novas relacionadas

• 25 de Xullo de 2008 -- Tim Burton xa ten á súa Alícia (0)
• 4 de Xuño de 2008 -- Terror en Castrelos (0)
• 10 de Decembro de 2007 -- Alícia toleou (0)
• 18 de Novembro de 2007 -- Burton fará Alícia en 3D (0)

Os títulos están dispoñíbeis as 24 horas do día, sen curtes nin interrupcións e coa posibilidade de facer unha pausa no momento que o espectador desexe. Tráta-se dun proxecto pioneiro en España que xa está a trunfar nos Estados Unidos e que se basea nun modelo finanzado con publicidade.

O acordo subscrito entre Filmax e ADNStream permitirá aos internautas gozar en aberto de títulos de xénero coma Darkness, Os sen nome ou A lenda do Cid, e así até oitenta títulos da distribuidora.

ADNStream é unha empresa española adicada a xerar tecnoloxía para a difusión de contidos audiovisuais pola Internet. Actualmente conta con dúas plataformas de difusión de contidos: ADNStream.TV e ZappInternet.com (que conta xa con máis de 900.000 usuários únicos mensuais).

Novas relacionadas

• Non hai novas relacionadas

O voceiro da Policía, Paul Browne, dixo á Prensa que Ledger tiña unha cita para unha masaxe nun apartamento de Manhattan. O porteiro do edifício foi quen atopu morto ao actor ás 3:26 horas do serán.

O actor australiano gañara unha nominación ao Oscar polo seu papel de vaqueiro gai en Brokeback Mountain e tiña moitas outras grandes actuacións ás súas costas.

Ledger viña de rematar o papel do malvado Joker na vindeira secuela de Batman, que dirixe Christopher Nolan, e que está prevista para se estrear en xullo. Últimamente estaba a rodar The Imaginarium of Doctor Parnassus en Inglaterra baixo as ordes do director Terry Gilliam.

O futuro deste filme adquire asemade un tinte moi escuro. A película, que contaba cun orzamento de 20 millóns de euros, viña de se trasladar dende Londres até Vancouver (Canadá) para continuar a rodaxe esta semana e até o mes de marzo.

Os produtores polo de agora non fixeron ningunha declaración sobre como afectará a morte de Ledger aos seus plans ou se pensan continuar a rodaxe sen o actor australiano.

Ledger era o nome máis importante nun reparto que incluía ademáis a Christopher Plummer, Lily Cole e Tom Waits. É a história dun antigo espectáculo ambulante que chega ao Londres actual cun espello máxico que pode transportar á súa audiéncia a reinos fantásticos da imaxinación.

Plummer fai o papel do empresario, o Doutor Parnassus, e Ledger facía o papel dun misterioso estraño que se une á troupe nunha procura en mundos paralelos para salvar á filla do doutor (Cole) das poutas do demo (Waits).

Novas relacionadas

• 26 de Agosto de 2008 -- Podería Cher interpretar a Catwoman? (0)
• 22 de Xullo de 2008 -- Gyllenhaal apoia o Oscar para Ledger (0)
• 9 de Xullo de 2008 -- Finou Thomas M. Disch (0)
• 19 de Xuño de 2008 -- Finou Stan Winston (0)
• 29 de Maio de 2008 -- Finou o autor da música de Star Trek (0)