Nesta ocasión, o ourizo azul deixará a un lado A mil e unha noites para se mergullar nas lendas artúricas co obxectivo de ser armado cabaleiro da Mesa Redonda.

Creado polo Sonic Team en Xapón, este novo título armará a Sonic cunha espada e introducirá-o no mundo medieval, que deberá salvar da ameaza dun mal ancestral. Sonic e o Cabaleiro Negro combinará as posibilidades de control da Wii con escenários inspirados pola lenda do Rei Artur.

“Após do éxito de Sonic e os Anéis Secretos, estamos encantados de anunciar este segundo título inspirado en obras literárias“, comentou Javier Rodríguez, Director de Marketing de Sega España. “Seguir a Sonic na súa xesta para ser armado cabaleiro vai resultar emocionante para todos os seus fans“.

Sonic e o Cabaleiro Negro porá-se á venda exclusivamente para a plataforma Wii en primavera de 2009.

Novas relacionadas

• 9 de Xuño de 2008 -- A Dreamworks sénta-se na Mesa Redonda (0)

O videoxogo orixinal, Lost Planet: Extreme Condition Colonies Edition é unha versión ampliada de Extreme Condition para a consola XBox 360 e o PC e é un videoxogo de disparos en terceira persoa lanzado ainda en febreiro deste ano, producido por Keiji Inafune.

O argumento xira ao redor dun grupo de piratas da neve que loitan contra un monstro chamado Akrid, para obter un tesouro coñecido coma enerxía termal. Un piloto con amnésia, Wayne Holden, que só pode relembrar pequenos anacos do seu pasado, coma a morte de seu pai a mans do Akrid, tentará procurar a verdade sobre o ataque e descubre unha conspiración que podería non só destruir ao Akrid senón aos piratas da neve.

Novas relacionadas

• 15 de Xullo de 2008 -- Final Fantasy XIII en Xbox e PS3 (0)

O anúncio foi posterior a unha presentación sobre os vindeiros títulos da Enix: “Teño un anúncio máis que compartir“, dixo Wada. “Boten unha ollada a este filme“. E de seguido amosou un abraiante tráiler novo de Final Fantasy XIII.

Wada tamén ofreceu información sobre o lanzamento doutros títulos da Square Enix: Infinite Discovery, o 2 de setembro de 2009; Star Ocean: The Last Hope, en primavera de 2009; e The Last Remnant, o 20 de novembro de 2009.

Novas relacionadas

• 15 de Xullo de 2008 -- Lost Planet, a adaptación (0)

Nombergantes, tamén anunciaron que esta nova non significará o abandono da séptima arte por parte de Hybride, xa que Ubi Soft pretende, mediante esta adquisición, meter un pé no mundo do cinema. Os primeiros rumores xiran cara a adaptación á grande pantalla de títulos baseados na franquía de Tom Clancy, xa que non fai moito tempo, Ubi Soft mercou todos os direitos da devandita marca.

Neste sítio Web os de Ubi ofrecen un espectacular adianto do que podería ser a xuntanza destes dous xigantes da animación.

Novas relacionadas

• Non hai novas relacionadas

No decurso das cerimónias inaugurais da súa xira mundial en París o pasado día 30 de xuño, a Blizzard Entertainment desvelou xa oficialmente que lanzarán Diablo III para PC e Mac.

Había moita expectación polo anúncio oficial dende que o sítio Web oficial da Blizzard publicou esta semana un críptico anúncio co logo da saga de Diablo e mais unha mensaxe: “E os Ceos tremerán“.

A anterior entrega da franquía, Diablo II, lanzou-se hai xa oito anos, ainda que en 2001 apareceu un pack de expansión titulado Lord of Destruction.

Os anteriores títulos do xogo foron desenvoltos pola desaparecida Blizzard North, moitos de cuxos membros deixaron a empresa en 2003 para formar outras compañías, coma a Flagship Studios.

A Blizzard anunciou que Diablo III conterá unha versión customizábel dos persoaxes protagonistas que permitirá interaccionar de xeito dinámico cos obxectos e simular a roupa, así coma un entorno con elementos destruíbeis.

O compoñente para multixogador operará vía Battle.net, o servizo on-line da Blizzard que lanzou o xogo orixinal Diablo en 1997 e que foi utilizado en todos os títulos da Blizzard dende aquela, coa excepción de World of Warcraft. Este feito suxire que poderemos xogar a Diablo III con outros xogadores en todo o mundo de xeito gratuito, o mesmo cós seus predecesores, e que non será un xogo baseado en suscripcións coma se especulara.

Coma adoita ser habitual nos anúncios da Blizzard announceme, non se deu unha data de lanzamento. O xogo aparecerá probábelmente após de StarCraft II, que ainda non ten tampouco unha data oficial de aparición.

Novas relacionadas

• 24 de Xaneiro de 2008 -- World of Warcraft supera os 10 millóns de usuários (0)
• 5 de Decembro de 2007 -- WoW sairá na tele (0)
• 4 de Decembro de 2007 -- Activision e Blizzard fusionan-se (0)

A obra en cuestión será a novela Coraline, que chegará ás consolas de sobremesa e ás portátiles inspirándo-se sobre todo na longametraxe homónima que está prevista para 2009.

A historia narra como unha nena descubre unha porta máxica a outro mundo que é o dobre do seu, cun dobre da sua casa e mesmo dos seus pais, pero todo cun toque máis sinistro do normal. Entre os moitos detalles arrepiantes do mundo paralelo, todas as persoas teñen botóns cosidos sobre os ollos.

Ao se tratar dunha licencia cinematográfica, é moi probábel que o xogo vexa a luz en 2009, con pouca diferenza de tempo respeito á estrea da película.

Novas relacionadas

• 19 de Xuño de 2008 -- The Last Call, outra adaptación ao cinema (0)
• 9 de Maio de 2008 -- Máis da Marvel Cómics (0)
• 6 de Maio de 2008 -- O vindeiro da Marvel (0)
• 13 de Novembro de 2007 -- O futuro da publicación de cómics (0)

Bushnell e Ted Dabney fundaron Atari en 1972 e foron os pioneiros en ofrecer xogos arcade, consolas de videoxogos e computadoras persoais ás casas do grande público. Entre as maiores contribucións á indústria do entretemento desta empresa están o videoxogo Pong e mais o computador Atari 2600.

Ainda que os dereitos para adaptar a vida de Bushnell ao cinema levaban moito tempo sendo disputados por várias empresas interesadas, Hecker e Craig Sherman persuadiron ao pioneiro dos videoxogos para que lles deixaran escribir a súa história dun xeito que lle faga xustiza.

Novas relacionadas

• Non hai novas relacionadas

Michael Bay, Andrew Form e Brad Fuller producirán a longametraxe xunto coa Hasbro.

Ainda que o argumento para esta história ainda fica no segredo, o filme será unha aventura sobrenatural co famoso taboleiro da Ouija xogando un papel central nos acontecementos.

Ainda que os taboleiros de adiviñación ou de contacto cos mortos levan séculos dando voltas polo mundo, non foi até finais da década de 1800 cando comezaron a se vender coma xoguetes para nenos. A Ouija, un taboleiro cun abecedário impreso, foi patentada en 1890. No xogo, deben colocar-se os dedos dos participantes sobre unha pequena plancha que é supostamente movida polas forzas espectrais que enviarían asemade mensaxes dende o reino dos mortos.

A compañía Hasbro fíxo-se cos dereitos sobre o xogo e comezou a vende-lo en 1966 baixo o seu selo de xoguetes Parker, convertíndo-se axiña nun xoguete moi popular en todo o mundo e vendendo millóns de caixas.

O parceiro da Platinum Dunes David Berenbaum escribiu Elf e traballou nas Crónicas de Spiderwick, Zoom e The Haunted Mansion.

Novas relacionadas

• Non hai novas relacionadas

Nesta aventura fantástica, Gyllenhaal interpretará a Dastan, un xove príncipe na Pérsia do século VI, que deberá unir as súas forzas coa bela Tamina (Arterton), unha loitadora e exótica princesa, para evitar que un malvado nobre se apodere das Areas do Tempo, un regalo dos deuses que pode reverter o tempo e permitir ao seu posuidor governar o mundo.

Jordan Mechner e Boaz Yakin escribiron o guión, baseándose nos videoxogos creados polo mesmo Jordan Mechner. A produción debería escomezar no mes de xullo e a rodaxe será en Marrocos e en Inglaterra.

A Arterton poderemos ve-la axiña no novo filme de James Bond, Quantum of Solace.

Novas relacionadas

• 10 de Xuño de 2008 -- Kingsley será o vilán de Pérsia (0)

Os cronocrímes, o xogo está deseñado en Flash. Para comezar, os usuários deben introducir o seu nome e un contrasinal, ficando rexistados na base de dados. Unha vez feito isto, a Web toma a fasquía do blog dun personaxe creado para este xogo: Marta, unha rapaza que case sen se decatar se verá envolta nunha investigación que a adianta.

O xogo ten memória, co que unha vez o usuário introduza o seu nome e sinal, todos os seus progresos ficarán rexistados. Asi poderá identificar-se tamén aos primeiros xogadores que superen as probas semanais e obteñan os prémios correspondentes.

Desde o ponto de vista do usuário, o xogo ten duas zonas principais: a própria web de Os cronocrimes, e a de Crystalia, a empresa fictícia na que traballou Marta. Ésta última, aparentemente, será unha Web corporativa normal, e nela, o xogador poderá sentir-se coma un hacker que debe averiguar contrasinais ou adentrar-se en seccións secretas para obter información confidencial. Información que lle será de soma utilidade á hora de conseguir regalos e aproximar-se ao prémio final: unha viaxe no tempo.

Esta iniciativo é orixinal en España pero lembra vivamente a outras emprendidas polas producións televisivas americanas de maior renome, coma Perdidos. Os seus guionistas crearan unha experiéncia virtual alternativa chamada The Lost Experience que tiña un prantexamento semellante ao de Os Cronocrimes.

Novas relacionadas

• 18 de Abril de 2008 -- Remake para Os Cronocrimes (0)
• 18 de Novembro de 2007 -- Os Cronocrimes gaña o Festival de Trieste (0)
• 14 de Maio de 2008 -- A crise carnívora (0)
• 1 de Novembro de 2007 -- Dobkin á fronte de Flash (0)

Bioshock mete ao xogador na pel dun supervivinte dun accidente de avión que chega a Rupture, unha misteriosa cidade submariña fundada coma unha sociedade ideal para un selecto grupo de científicos, artistas e industriais, pero que agora está poboada de cadáveres, poderosos e salvajes gardiáns e rapazas espeluznantes.

Verbinski realizará unha película séria cun ton adulto e que, segundo coida o mesmo director, recibirá unha clasificación para maiores de 17 anos, o que adoita reducir considerábelmente os ingresos no despacho de billetes.

“Coido que esta história dunha utopía frustrada, que foi levada de xeito tan intelixente aos xogadores, ten un tremendo potencial cinematográfico“, asegurou Verbinski. “De todos os xogos que xoguei, este é no que sinto unha maior forza narrativa“, engadiu.

O cineasta dixo que se esforzará en manter a máxima fidelidade posíbel respecto ao xogo para non decepcionar aos seguidores.

Novas relacionadas

• 12 de Decembro de 2007 -- BioShock, o millor videoxogo (0)

Deste modo o xogo, titulado provisionalmente Prince of Persia Prodigy, afastará-se da estética realista para amosar un xeito mais fantástico có da triloxia das areas do tempo. Ese estilo funcionou ben en xogos coma Zelda: The Wind Waker, Okami ou Dragon Quest: O periplo do rei maldito.

Ademais do cel shading, o videoxogo utilizará a poténcia de Anvil, o mesmo motor gráfico empregado en Assassin’s Creede. Grazas ás capacidades desta ferramenta, a acción non se limitará a palácios e cidades senón que amosará amplísimos escenários exteriores.

Outro grande troco, mais ben un retorno ás orixes da franquía, afectará aos combates, que xa non serán contra vários inimigos á vez se non tipo do ún contra ún.

Todo aponta a que o lanzamento do xogo, que terá versións para consolas de sobremesa, portátiles e PC, será preto da estrea do filme Prince of Persia: As Areas do Tempo (en verán de 2009) para aproveitar o tirón mediático.

O filme, producido pola Disney e máis Jerry Bruckheimer (Transformers, Piratas do Caribe, A Rocha…), estará dirixido por Mike Newell (Harry Potter e O Cáliz de Fogo) e contará coa presenza da actriz americana Jessica Alba.

Novas relacionadas

• 10 de Xuño de 2008 -- Kingsley será o vilán de Pérsia (0)

Nesta ocasión, a história non conta os acontecementos narrados nas duas triloxias cinematográficas, se non o acontecido entre o Episódio III: A vinganza dos Sith e o Episódio IV: Unha nova esperanza.

O protagonista é un aprendiz secreto de Darth Vader, adestrado para destruir aos Jedis que fican diseminados polo universo e para axudar ao seu mestre a acabar co Emperador. Ainda que o xove será o principal protagonista, tamén haberá oportunidade de manexar ao próprio Vader.

O desenvolvemento seguirá as liñas típicas dos xogos de acción en terceira persoa: escenários mais ou menos lineais, ameazas por doquier e unha grande variedade de ataques especiais. O protagonista blandirá o sabre de luz coma un mestre e utilizará a Forza para crear estoupidos de enerxia, lanzar lóstregos polas mans ou facer levitar obxectos e inimigos e lanzá-los polos aires.

Os programadores fixeron un grande esforzo para que o espectáculo visual sexa único. Para iso utilizaron ferramentas de última xeración, simulando a física dos obxectos de forma moi realista, incorporando as propriedades físicas de calquera elemento do entorno para que se comporte como o faria na realidade. e cun revolucionário motor de simulación de comportamentos que permite que os inimigos actúen e pensen de forma lóxica e realista.

O xogo verá a luz en setembro para PlayStation 2, PlayStation 3, Xbox 360, PSP, Wii e Nintendo DS. Nas consolas de Nintendo, o xogo aproveitará as características específicas de ditas plataformas: a pantalla táctil da DS e o mando da Wii para realizar os ataques.

Novas relacionadas

• 11 de Abril de 2008 -- Lucas utiliza aos seus soldados (0)
• 26 de Outubro de 2007 -- Lucas quere máis guionistas (0)
• 1 de Agosto de 2008 -- Os cascos da Guerra das Galáxias (0)
• 23 de Xullo de 2008 -- A Guerra das Galáxias en 3D (0)

A compaña publicou na sua páxina Web unha solicitude de emprego para “axudar no desenvolvemento dun novo videoxogo baseado no universo Halo” en tarefas de programación. O novo título está a ser coordinado por Jackson e creado por Microsoft Game Studios, no canto de Bungie, o seu estudo orixinal. Neste sentido, un voceiro da compaña de Bill Gates asegurou nun blog da MTV que “Bungie continuará implicada en múltiples xeitos do universo Halo con Microsoft Game Studios“.

Asimesmo, a compañía de Redmond quixo remarcar que desde que foi anunciado o xogo hai mais dun ano, “Microsoft Game Studios traballou duro, colaborando con Peter Jackson e Bungie no desenvolvemento deste proxecto, que poderia chamar-se Halo: Chronicles“. Ainda que á penas existen dados sobre o videoxogo, o que semella claro é que está mais vivo ca nunca e sobre el pesa a grande incógnita: terá a mesma arte Jackson cos videoxogos que co cinema?

Mentres, cada vez mais videoxogos sérven-se de licenzas coñecidas para chegar a un público mais amplo. Tamén é un recurso habitual que actores ou famosos interpreten un papel pensado para eles. Neste terreno, ás recentes intervencións de Kirsten Bell (Assassin’s creed) e Karl Lagerfeld (Grand Theft Auto IV), unirá-se Vin Diesel no papel protagonista dun videoxogo de coches e acción para Xbox 360, Playstation 3 e PC.

Novas relacionadas

• 26 de Outubro de 2007 -- O cinema perde espectadores por mor de Halo 3 (0)
• 26 de Outubro de 2007 -- Os creadores de Halo abandoan Microsoft (0)
• 21 de Agosto de 2008 -- O Hobbit xa ten guionista e finanzador (0)
• 9 de Xullo de 2008 -- Del Toro abre as portas da Terra Média (0)
• 19 de Xuño de 2008 -- Wiseman dirixirá Gears of War (0)

O proxecto é pasar ao cinema este xogo contando para elo coa produción de Richard Leibowitz, Wyck Godfrey da Temple Hill Entertainment e Marty Bowen e mais Ellen Goldsmith-Vein da Gotham Group.

O trato supón a primeira vez que un videoxogo da Union pasa a se converter en película, pero non é a primeira vez que unha película é transformada en videoxogo pola Union, xa que en 2007 apareceu The Darkness e ainda está por chegar ao mercado Sin City, baseadas ambas as dúas en novelas gráficas de Frank Miller.

Novas relacionadas

• Non hai novas relacionadas